Home » سا ئنس اینڈ ٹیکنالوجی » انسٹاگرام میں آخرکار ویڈیوز کیلئے فاسٹ فارورڈ فیچر کی آزمائش

انسٹاگرام میں آخرکار ویڈیوز کیلئے فاسٹ فارورڈ فیچر کی آزمائش

انسٹاگرام نے آخرکار وہ فیچر متعارف کرانے کا فیصلہ کرہی لیا، جس کا مطالبہ اس فوٹو شیئرنگ ایپ کے صارفین عرصے سے کررہے تھے۔

درحقیقت یہ وہ فیچر ہے جو اس اپلیکشن کے استعمال کا تجربہ زیادہ بہتر بنادے گا۔

جی ہاں انسٹاگرام نے یوزر فیڈ میں پوسٹ ویڈیوز کے لیے سیک بار (Seek bar) کے فیچر کی آزمائش شروع کردی ہے۔

اس فیچر کی بدولت آپ انسٹاگرام ویڈیوز کو اپنی مرضی کے مطابق آگے پیچھے کرسکیں گے جو کہ فی الحال ممکن نہیں، بلکہ کسی خاص منظر کو دیکھنے کے لیے پوری ویڈیو کو ہی دوبارہ شروع سے آخر تک دیکھنا پڑتا ہے۔

ٹوئٹر صارف جین مینچون وونگ نے اس فیچر کی آزمائش کا انکشاف ایک ٹوئیٹ میں کیا۔

یہ فیچر آئی جی ٹی وی میں پوسٹ ہونے والی ویڈیوز میں تو کام کررہا ہے مگر یوزر فیڈز کے لیے تاحال دستیاب نہیں۔

مگر یہ فیچر کب تک باقاعدہ طور پر صارفین کے لیے دستیاب ہوگا، فی الحال کچھ کہنا مشکل ہے مگر امکان ہے کہ بہت جلد اسے متعارف کرادیا جائے گا۔

خیال رہے کہ انسٹاگرام صارفین کی تعداد ایک ارب سے تجاوز کرچکی ہے اور یہ نوجوانوں میں بہت زیادہ مقبول ایپ ہے۔

About Admin

Google Analytics Alternative