Home » انٹر ٹینمنٹ » بیٹے یا بیٹی کی پیدائش کے سوال پر میرا راجپوت کا مداح کو خوبصورت جواب

بیٹے یا بیٹی کی پیدائش کے سوال پر میرا راجپوت کا مداح کو خوبصورت جواب

ممبئی: نامور بالی ووڈ اداکار شاہد کپور بہت جلد دوسرے بچے کے والد بننے والے ہیں ان کے گھر اس بار بیٹا ہوگا یابیٹی اس سوال پر ان کی اہلیہ میراراجپوت نے مداح کو خوبصورت جواب دیا ہے۔

اداکار شاہد کپور اورمیرا راجپوت کا شمار بالی ووڈ کی خوبصورت جوڑیوں میں ہوتا ہے، دونوں 2015 میں شادی کے بندھن میں بندھے تھے اور شادی کےایک سال بعد ایک خوبصورت سی بیٹی ان کی زندگی میں آگئی جس کا نام انہوں نے میشا رکھا اوراب شاہد کپور اورمیرا بہت جلد دوسرے بچے کے والدین بننے والے ہیں

 شاہد کپور کے مداح یہ جاننے کے لیے بے چین ہیں کہ اب ان کے پسندیدہ اداکار کے گھر بیٹا ہوگا یا بیٹی۔ یہی بات جاننے کے لیے مداح نے میرا سے انسٹاگرام پر پوچھا کہ اس بار آپ کے گھر بیٹا ہوگا یا بیٹی؟ جس پر میرا نے جواب دیتے ہوئے کہا مجھے معلوم نہیں کہ اس بار ہمارے گھر بیٹا ہوگا یا بیٹی اور اس بات سے ہمیں کوئی فرق نہیں پڑتا۔

واضح رہے کہ شاہد کپور اورمیراکی بیٹی میشا اگست میں دوسال کی ہوجائے گی۔ شاہد کپور اپنی بیٹی سے بہت محبت کرتے ہیں اورسوشل میڈیا پر اکثر اس کی تصاویر اور ویڈیوز شیئر کرتے رہتے ہیں۔

About Admin

Google Analytics Alternative