تازہ ترین
Home » سا ئنس اینڈ ٹیکنالوجی » سام سنگ کا نیا فلیگ شپ فون گلیکسی نوٹ 9

سام سنگ کا نیا فلیگ شپ فون گلیکسی نوٹ 9

کچھ کمپنیاں اپنی مصنوعات کو آخری لمحے تک راز میں رکھتی ہیں مگر کچھ ایسی ہوتی ہیں جنھیں اس کی کوئی پروا نہیں ہوتی اور جہاں تک سام سنگ کے لیے نئے فلیگ شپ فون گلیکسی نوٹ 9 کی بات ہے تو ایسا لگتا ہے کہ اس کے بارے میں سب کچھ پہلے ہی سامنے آچکا ہے۔

یہ فون 9 اگست (جمعرات) کو متعارف کرایا جارہا ہے مگر اہم بات یہ ہے کہ اس ایونٹ میں نیا کیا ہوگا کیونکہ اس ڈیوائس کے بارے میں تو سب کچھ پہلے ہی سب کو معلوم ہوچکا ہے۔

یہاں تک کہ کمپنی نے خود بھی نوٹ 9 کی تصاویر اور ویڈیو ‘لیک’ کر دی تھیں جسے بعد میں ڈیلیٹ کردیا۔

ویسے یہ فون کیسا ہوگا یا ہوسکتا ہے وہ درج ذیل ہے:

ڈیزائن/ڈسپلے

فوٹو بشکریہ ایون بلاس ٹوئٹر اکاؤنٹ
فوٹو بشکریہ ایون بلاس ٹوئٹر اکاؤنٹ

جہاں تک اس کے ڈیزائن کی بات ہے تو یہ گزشتہ سال کے نوٹ 8 سے کچھ زیادہ مختلف نہیں، درحقیقت ڈیزائن یکساں ہونے کی وجہ سے ہی سام سنگ کے چیئرمین گزشتہ دنوں ایک ایونٹ کے دوران نوٹ 9 کو استعمال کرتے رہے اور کسی کو اندازہ بھی نہیں ہوسکا۔ پہلے کہا جارہا تھا کہ فنگر پرنٹ سنسر اسکرین کے اندر ہوسکتا ہے جو کہ منتقل تو ہوا ہے مگر اس بارے بیک کیمرے کے برابر ہونے کی بجائے نیچے چلا گیا ہے، تاکہ گزشتہ سال کی تنقید سے بچا جاسکے۔

یہ فون گزشتہ سال کے ماڈل کے مقابلے میں کچھ بڑا ہے یعنی 6.4 انچ اسکرن کے ساتھ، مگر دیکھنے میں چھوٹا لگتا ہے جس کی وجہ ٹاپ اور نچلے حصے میں بیزل بہت کم ہونا ہے۔

About Admin

Google Analytics Alternative