Home » تازہ ترین » سرکاری اورنجی شعبہ میں بہترہم آہنگی کا معیشت پر مثبت اثر پڑرہا ہے، آرمی چیف

سرکاری اورنجی شعبہ میں بہترہم آہنگی کا معیشت پر مثبت اثر پڑرہا ہے، آرمی چیف

راولپنڈی: آرمی چیف جنرل قمرجاوید باجوہ نے کہا کہ قومی سلامتی کا ملک کی معیشت سے گہرا تعلق ہے۔

آئی ایس پی آرکے مطابق آرمی آڈیٹوریم میں ’معیشت اورسلامتی کا باہمی مداخلت‘ کے موضوعات پرسیمینار کا انعقاد ہوا، سیمینار کی میزبانی آرمی چیف جنرل قمر جاوید باجوہ نے کی۔ چیف آف آرمی اسٹاف کے زیر اہتمام اسٹیک ہولڈرزکا اختتامی اجلاس بھی ہوا جس میں سرکاری معاشی ٹیم اور ملک کے تاجروں نے شرکت کی۔

آرمی چیف نے شرکاء کوملک کی داخلی سلامتی کی صورتحال کی بہتری سے آگاہ کرتے ہوئے کہا کہ سرکاری اورنجی شعبہ میں بہترہم آہنگی کا ملکی معیشت پر مثبت اثر پڑ رہا ہے، قومی سلامتی کا ملک کی معیشت سے گہرا تعلق ہے، سیمینار کا مقصد اسٹیک ہولڈرز کو ایک پلیٹ فارم پربیٹھا کر آگے بڑھنے کیلئے تجاویز لینا ہے۔

آرمی چیف نے کہا کہ ملک میں داخلی سلامتی کی صورتحال میں بہتری آئی ہے، صورتحال میں بہتری کے اقتصادی سرگرمیوں پر مثبت اثرات مرتب ہورہے ہیں۔

آئی ایس پی آرکے مطابق حکومت کی اقتصادی ٹیم نے تاجروں کو کاروبار میں آسانی کیلئے اقدامات سے آگاہ کیا۔ حکومتی ٹیم نے کہا کہ قومی معیشت میں استحکام کی کوششوں کے حوصلہ افزا نتائج آرہے ہیں۔

آئی ایس پی آرکے مطابق تاجروں نے کاروبار ی ماحول کو مزید بہتر بنانے کے لئے تجاویز شیئرکیں۔ تاجروں نے یقین دہانی کرائی کہ حکومت سے اصلاحات کے نفاذ میں تعاون کریں گے، ٹیکس ادا اور سرمایہ کاری کرکے اپنا کردار ادا کریں گے۔

About Admin

Google Analytics Alternative