Home » تازہ ترین » سلیکٹڈ کی آوازیں جلسوں کو روکنے سے بند نہیں ہوں گی، مریم اورنگزیب

سلیکٹڈ کی آوازیں جلسوں کو روکنے سے بند نہیں ہوں گی، مریم اورنگزیب

لاہور: مریم اورنگزیب کا کہنا ہے کہ عمران صاحب جلسے کی اجازت اس لیے نہیں دیتے کیوں کہ انہیں نواز شریف کے نعروں کی گونج سے ڈرلگتا ہے۔

ترجمان مسلم لیگ (ن) مریم اورنگزیب کا کہنا ہے کہ پارلیمنٹ اور پی ٹی وی پر حملہ کرنے والے ایک جلسے کی اجازت نہیں دے رہے، عمران خان ملک کو 120 دن بند کر دینے والے کو مریم نواز کے ایک جلسے سے اتنا خوف کیوں ہے، عمران صاحب مریم نواز کا اتنا خوف کہ جلسہ گاہ میں پانی چھوڑ دیا، عمران صاحب آپ نے تو کہا تھا موت بھی برداشت کر سکتے ہیں۔

مریم اورنگزیب نے کہا کہ عمران صاحب جلسے کی اجازت اس لیے نہیں دیتے کیوں کہ انہیں نواز شریف کے نعروں کی گونج سے ڈرلگتا ہے لیکن سلیکٹڈ اور علیمہ باجی چور ہیں کی آوازیں جلسوں کوروکنے سے بند نہیں ہوں گی، عمران صاحب جلسہ تو ہوگا ان شاءاللہ ،یہ نوازشریف کے شیر ہیں، عمران صاحب ٹی وی چلا کر رکھنا اور شیروں کا سمندر دیکھنا، مریم نوازسہ پہر 3 بجے رائیونڈ سےمنڈی بہاءالدین  جلسے کے لیے نکلیں گی۔

About Admin

Google Analytics Alternative