Home » تازہ ترین » عدالتی مفرور پرویز مشرف کی نااہلی کیخلاف درخواست خارج کی جائے، اٹارنی جنرل

عدالتی مفرور پرویز مشرف کی نااہلی کیخلاف درخواست خارج کی جائے، اٹارنی جنرل

اسلام آباد: سپریم کورٹ میں پرویزمشرف کی نااہلی کیخلاف درخواست پر اٹارنی جنرل نے جواب جمع کرادیا۔

اٹارنی جنرل نے عدالتی مفرور ہونے کی بنیاد پر پرویز مشرف کی درخواست خارج کرنے کی استدعا کی۔ اٹارنی جنرل اشتر اوصاف علی نے موقف اختیار کیا کہ قانون کی نظر میں عدالتی بھگوڑے کے کوئی حقوق نہیں ہوتے، سرنڈر کرنے تک عدالتی مفرور کے حقوق نہیں ہوتے اور وہ کسی عدالتی ریلیف کا اہل نہیں ہوتا۔

جواب میں کہا گیا کہ پرویز مشرف پر ججوں کو گھروں میں قید کرنے، میڈیا پر پابندی، عدالتی نظام کو تباہ کرنے کے الزامات ہیں، پشاور ہائیکورٹ کا مشرف کی تاحیات نااہلی کا فیصلہ سپریم کورٹ کے فیصلوں کے عین مطابق ہے، سپریم کورٹ کے حالیہ فیصلے کے مطابق آرٹیکل 62 کے تحت نااہلی تاحیات رہے گی، لہذا عدالتی ڈیکلیریشن کی موجودگی تک تاحیات نااہلی برقرار رہے گی۔

اٹارنی جنرل اشتر اوصاف علی نے کہا کہ پرویز مشرف کی تاحیات نااہلی کیخلاف درخواست ناقابل سماعت ہے، عدالتی مفرور پرویز مشرف کی درخواست کے میرٹ کو دیکھے بغیر خارج کیا جائے۔

About Admin

Google Analytics Alternative