Home » قومی » قومی اسمبلی اور سینیٹ کے اجلاس ہنگامہ خیز ہونے کا امکان
l_164441_093705_updates

قومی اسمبلی اور سینیٹ کے اجلاس ہنگامہ خیز ہونے کا امکان

پاناما کیس میں وزیر اعظم کو نا اہل قرار نہ دئیے جانے پر جہاں مسلم لیگ ن کے کارکن خوشی سے نہال ہیں، وہیں وزیر اعظم سے تحقیقات کے لیے جے آئی ٹی بنانے کے حکم پر تحریک انصاف خوش ہے، آج مسلم لیگ ن کی جانب سے یوم تشکر جبکہ تحریک انصاف کی جانب سے یوم نجات منایا جارہا ہے۔

پاناما کیس کا فیصلہ آگیا، نواز شریف اب بھی ملک کے وزیر اعظم ہیں، اس فیصلے پر مسلم لیگ ن آج یوم تشکر منارہی ہے، فیصلے کی خوشی میں گزشتہ روز بھی لاہور، ملتان، فیصل آباد، گوجرانولا، سیالکوٹ، نواب شاہ، حیدرآباد سمیت مختلف شہروں میں جشن منایا گیا، مٹھائیاں تقسیم کی گئیں اور بھنگڑے ڈالے گئے۔

دوسری جانب تحریک انصاف نے بھی جمعۃ المبارک کو ’’یوم نجات‘‘ اور’’یوم تشکر‘‘ کے طور پر منانے کا فیصلہ کیا ہے۔

نعیم الحق کے مطابق عمران خان نے ملک بھر میں کارکنان کو نماز جمعہ کے بعد نوافل کی ادائیگی کی ہدایت کی ہےجبکہ سپریم کورٹ کے فیصلے پر اظہار تشکر کیلئے صدقہ و خیرات کی جائے گی اور غرباء میں کھانا بھی تقسیم کیا جائے گا۔

About Admin

Google Analytics Alternative