Home » بین الاقوامی » نیویارک پولیس کے وفد کا دورہِ پاکستان
New-york-Police

نیویارک پولیس کے وفد کا دورہِ پاکستان

اسلام آباد: نیو یارک سٹی پولیس ڈیپارٹمنٹ کے دو افسر معلومات کا تبادلہ کرنے کیلئے آٹھ روزہ دورے پر منگل کو پاکستان پہنچ گئے۔
امریکی حکومت کے فنڈ شدہ اس پروگرام کا مقصد دونوں ملکوں کی پولیس فورس کے درمیان مثبت اور کارآمد تعلقات کو بڑھانا ہے۔
این وائی پی ڈی کے کمیونٹی افیئرز بیورو کے عدیل رانا اور ایلوس وکلج نے پاکستان نیشنل پولیس شہدا کی یادگار پر پھول چڑھائے اور اسلام آباد میں امریکی سفارت خانے کے سپانسر شدہ ’انٹرنیشنل کرمنل انوسٹیگیشن ٹریننگ اسسٹنٹ پروگرام‘ کے بارے میں گفتگو کی۔
رانا نے کہا کہ بطور پاکستانی نڑاد امریکی وہ پاکستان آ کر اور کمیونٹی پولیسنگ پر مقامی پولیس حکام سے گفتگو اور تجربات شیئر کرنے پر بہت خوش ہوئے۔
این وائی پی ڈی میں مسلمان افسروں کی سوسائٹی کے صدر رانا کے مطابق، انٹریکٹیو کمیونٹی کی وجہ سے انہیں جرائم سے نمٹنے میں تحریک ملتی ہے۔
توقع ہے کہ رانا وکلج دوسری قانون نافذ کرنے والی ایجنسیوں سے بھی ملیں گے۔
وکلج نے بتایا کہ انہیں مختلف برادریوں سے دیرپا تعلقات قائم کرنے اور رابطوں میں رکاوٹ ختم کرنے میں کھیل بہترین ذریعہ لگا۔
’میں رواں ہفتہ پاکستانی پولیس افسروں اور طالب علموں کے ساتھ کرکٹ کھیلنے کا منتظر ہوں‘۔
خیال رہے کہ ستمبر میں برطانوی حکومت نے کراچی پولیس کی صلاحیتوں میں اضافے کیلئے تربیت فراہم کرنے کی ہامی بھری تھی۔

About Admin

Google Analytics Alternative