Home » صحت » پاکستانی پان مصالے کی بڑھتی فروخت سے امریکامیں تشویش
l_161297_070525_updates

پاکستانی پان مصالے کی بڑھتی فروخت سے امریکامیں تشویش

میٹھی چھالیہ، سونف اور چھوارے سے تیار کیے گئے پان مصالے کا ٹیسٹ کرانے کا فیصلہ کرلیا گیا۔

امریکی ریاست اوہائیو کے پولیس چیف اس سے بھی ایک اور قدم آگے جانے پر تیار ہیں، ریاست کے ہائی اسکولوں میں پان مصالے پر پابندی لگانے پر غور ہونے لگاہے۔

ایشیائی نژاد لوگوں کے ساتھ امریکی نوجوانوں میں پان مصالے کے بڑھتے ہوئے استعمال پر حکام کے ساتھ امریکی میڈیا بھی حرکت میں آگیا۔

سی این این نے اپنی رپورٹ میں پان مصالے کو نوجوانوں کے لیے خطرناک ڈرگ قرار دے دیا۔

بعد ازاں پان مصالے کو خطرناک ڈرگ قرار دینے والے امریکی ٹی وی نے بھی اپنی رپورٹ میں یہ اعتراف کیا ہے کہ پان مصالہ منشیات میں شامل نہیں ہے اورقانونی طور درآمد کیا گیا ہے۔

امریکی اسٹورز میں باآسانی دستیاب پان مصالے کی قانونی حیثیت کا تعین کرنے کے لیے ایف ڈی اے اور محکمہ زراعت کو درخواست بھیج دی گئی ہے۔

Skip to toolbar
Google Analytics Alternative