Home » کھیل » پرتھ ٹیسٹ:جنوبی افریقہ کی آسٹریلیا کیخلاف 177 رنز سے فتح

پرتھ ٹیسٹ:جنوبی افریقہ کی آسٹریلیا کیخلاف 177 رنز سے فتح

پرتھ :جنوبی افریقا نے آسٹریلیا کو 177 رنز سے ہرا کر سیریز کا پہلا ٹیسٹ جیت لیا ، دوسری اننگز میں میزبان ٹیم 361 رنز بنا کر آئوٹ ہو گئی ، پاکستان کی ٹیسٹ کرکٹ میں دوسری پوزیشن بچ گئی۔

پرتھ میں کھیلے گئے ٹیسٹ کے پانچویں دن آسٹریلیا نے 539 رنز کے ہدف کے تعاقب میں اپنی دوسری اننگز کا آغاز کیا تو اسے فتح کیلئے مزید 377 رنز چاہئے تھے اور اس کی 6 وکٹیں باقی تھیں۔

آخری دن سوائے عثمان خواجہ اور پیٹر نیول کے کوئی اور بیٹسمین جم کر بیٹنگ نہیں کر سکا ، بائیں ہاتھ کے بیٹسمین عثمان خواجہ صرف تین رنز کی کمی کے باعث اپنی پانچویں ٹیسٹ سنچری سے محروم رہے۔

وکٹ کیپر پیٹر نیول ساٹھ رنز بنا کر ناٹ آئوٹ رہے ، آسٹریلیا کی ٹیم 361 رنز بنا کر آئوٹ ہوئی ، جنوبی افریقا کی طرف سے نوجوان فاسٹ بائولر ربادا اننگز میں پانچ اور میچ میں سات وکٹیں لینے پر مین آف دی میچ کے حق دار قرار پائے۔

ہوم گرائونڈ پر آسٹریلیا کی 177 رنز کی شکست نے پاکستان کی ٹیسٹ کرکٹ میں دوسری پوزیشن بچا لی ، پاکستان ٹیسٹ رینکنگ میں 109 پوائنٹس کے ساتھ دوسرے اور آسٹریلیا 108 پوائنٹس کے ساتھ تیسرے نمبر پر موجود ہے۔

کینگروز کی پہلے ٹیسٹ میں فتح کی صورت میں قومی ٹیم کی دوسری پوزیشن خطرے میں پڑ سکتی تھی۔

About Admin

Google Analytics Alternative