Home » بین الاقوامی » پیرس: یونیورسٹی ٹیچر کے قتل کے الزام میں پاکستانی گرفتار

پیرس: یونیورسٹی ٹیچر کے قتل کے الزام میں پاکستانی گرفتار

پیرس کی پولیس نے یونیورسٹی کے باہر ٹیچر کو قتل کرنے کے الزام میں مشتبہ پاکستانی نوجوان کو گرفتار کرلیا۔

خبررساں ادارے اے ایف پی کے مطابق پولیس نے بتایا کہ پیرس کے شمال مغرب کے مضافات میں قائم یونیورسٹی کے باہر 66 سالہ استاد پر چھرے سے حملہ کیا گیا۔

انہوں نے دعویٰ کیا کہ ’یونیورسٹی کے سابق پاکستانی طالبعلم نے لیونارڈو ڈاونچی یونیورسٹی کے باہر پےدر پے چھرے کے وار سے حملہ کیا۔

اس حوالے سے بتایا گیا کہ مشتبہ پاکستانی شخص 1981 میں پیدا ہوا تھا۔

پریسین نامی اخبار میں خبر شائع ہوئی کہ مقتول انگریزی کا استاد تھا اور اس کے گلے پر چھرے کے وار کیے گئے۔

واضح رہے کہ امریکا کی ریاست ٹیکساس کے ہائی اسکول میں مسلح شخص کی فائرنگ سے پاکستانی طالبہ سبیکا عزیز شیخ سمیت 10 طالبعلم جاں بحق ہوگئے تھے۔

واشنگٹن میں پاکستانی ایمبیسی نے تصدیق کی تھی کہ ہلاک شدگان میں کراچی سے تعلق رکھنے والی سبیکا عزیز شیخ بھی شامل ہیں جو کینیڈی لوگر یوتھ ایکسچینج پروگرام کے تحت امریکا میں پڑھائی کرنے گئی تھیں۔

سفارتکار عزیز احمد چوہدری نے ٹوئٹ کیا تھا کہ ‘ہماری دعا سبیکاعزیز شیخ کے اہلخانہ اور دوستوں کے ساتھ ہیں’۔

About Admin

Google Analytics Alternative