Home » کھیل » پی سی بی سے ناراض حفیظ ایوارڈ تقریب میں شریک نہیں ہوئے

پی سی بی سے ناراض حفیظ ایوارڈ تقریب میں شریک نہیں ہوئے

 لاہور:  سینٹرل کنٹریکٹ میں تنزلی پرپی سی بی حکام سے ناراض محمد حفیظ ایوارڈز کی تقریب میں شریک نہ ہوئے۔

کرکٹر کے قریبی ذرائع کے مطابق بورڈ نے ان کو ایونٹ میں شرکت کی دعوت دی تھی تاہم انھوں نے معذرت کرلی تھی۔ محمد حفیظ ان دنوں اپنی فیملی کے ہمراہ شمالی علاقوں کے تفریحی دورے پر ہیں۔

یاد رہے کہ پی سی بی نے سینٹرل کنٹریکٹ میں محمد حفیظ کی ’’اے‘‘ سے ’’بی‘‘ کیٹیگری میں تنزلی کردی تھی جس پر آل رائونڈر نے معاہدے پر دستخط نہ کرنے کا عندیہ دیا تھا۔

دوسری طرف شعیب ملک کیریبیئن پریمئیر لیگ میں مصروف ہونے کی وجہ سے تقریب میں شامل نہیں ہوسکے۔ایک انٹرویو میں آل رائونڈر نے کہا کہ ایوارڈز کا انعقاد ایک بہت اچھا قدم ہے اور کھلاڑیوں کی محنت کو سراہا جانا قابل ستائش ہے۔

About Admin

Google Analytics Alternative