Home » انٹر ٹینمنٹ » یورپی سیاح کا پاکستان کے یوم آزادی پر انوکھا ’کی کی‘ اسٹائل

یورپی سیاح کا پاکستان کے یوم آزادی پر انوکھا ’کی کی‘ اسٹائل

ملک کے درمیان سرحدوں کا تعین تو ہوتا ہے مگر جب کوئی دنیا کو دیکھنے نکلتا ہے تو اس کے لیے یہ لکیریں بے معنی ہوجاتی ہیں۔

اس کی مثال یورپی سیاح ایوا بیانکا زو بک ہیں جو اب تک 44 ممالک کی سیر کرچکی ہیں مگر ان کا پسندیدہ مقامات میں پاکستان بھی موجود ہے اور یہاں ان کی سیاحت کے دوران ایک ویڈیو وائرل بھی ہوئی۔

اب ان کی پاکستان کے یوم آزادی کے حوالے سے ایک ویڈیو سامنے آئی ہے اور وہ بھی تیزی سے وائرل ہورہی ہے۔

درحقیقت انہوں نے دنیا کا پہلا ‘ائیرپلین کی کی چیلنج’ پی آئی اے کی ائیرہوسٹس کے انداز سے کیا ہے۔

فیس بک اور انسٹاگرام پر شیئر اس ویڈیو کے کیپشن میں انہوں نے لکھا کہ پاکستان کے یوم آزادی کے جشن کو پاکستان انٹرنیشنل ائیرلائنز کے ساتھ کی کی اسٹائل میں گزارنے کا فیصلہ کیا۔

ان کا کہنا تھا کہ کی کی کار جمپ اب پرانی ہوچکی، تو یہ ہے کہ پہلا حقیقی ائیرپلیس ورژن۔

وہ گلگت بلتستان کی خوبصورتی سے بہت زیادہ متاثر ہوئیں

اس سے قبل ان کی کے ٹو بیک کیمپ ٹریکنگ کی ویڈیو بھی وائرل ہوئی تھی جبکہ شمالی علاقہ جات میں ان کی کئی ویڈیوز بھی انٹرنیٹ پر گردش کرتی رہیں۔

ایوا کی پیدائش پولینڈ کی ہے مگر ان کی زندگی کا بیشتر حصہ برطانیہ میں گزرا، مگر اب وہ دنیا کی سیاحت پر نکلی ہوئی ہیں اور اس حوالے سے ان کا اپنابلاگ بھی ہے۔

کراچی میں گھڑسواری کرتے ہوئے

کچھ عرصے پہلے ایک انٹرویو کے دوران انہوں نے بتایا تھا ‘ پاکستان آنے سے پہلے مجھے ہر ایک کہتا تھا کہ وہاں خیال رکھنا، وہ بہت خطرناک ملک ہے خصوصاً خواتین کے لیے، لہذا مجھے کسی اور جگہ چلے جانا چاہئے، مگر میں نے یہاں کی جو تصاویر دیکھیں وہ انتہائی زبردست تھین اور میرا خیال تھا کہ یہ اپنی طرز کا منفرد تجربہ ہوگا، یہ سچ ہے کہ اکیلے آتے ہوئے میں کچھ نروس تھی اور مجھے اندازہ نہیں تھا کہ یہاں کیسے حالات کا سامنا ہوگا’۔

سوات کی سیاحت کرتے ہوئے
۔

تاہم یہاں آمد کے بعد پاکستان کے بارے میں ان کے خیالات مکمل طور پر بدل کر رہ گئے ‘یہاں آنے کا فیصلہ بطور سیاح کیے جانے والے چند بہترین فیصلوں میں سے ایک ثابت ہوا، مجھے یہاں کے لوگوں اور میڈیا کے بارے میں جو کچھ بتایا گیا تھا وہ سب غلط نکلا، یہاں کی قدرتی خوبصورتی، تاریخ اور لوگوں نے مجھے متاثر کیا، مجھے خوشی ہے کہ میں انہیں دنیا کے سامنے پیش کرسکی اور پلیٹ فارمز جیسے انسٹاگرام اور یوٹیوب وغیرہ سے اس کے بارے میں تصور بدلنے میں مدد کرنے لگی’۔

لاہور کی سیر بھی کرچکی ہیں

About Admin

Google Analytics Alternative