Home » 2017 » February

Monthly Archives: February 2017

چیئرمین کے پی ٹی کی گورنر سندھ سے ملاقات

کراچی پورٹ ٹرسٹ (کے پی ٹی) کے چیئرمین وائس ایڈمرل (ر)شفقت جاویدنے گورنر سندھ محمد زبیر سے گورنر ہاؤس میں ملاقات کی۔ملاقات میں ملک کی مجموعی اقتصادی صورتحال کا جائزہ لیا گیا اورملکی معیشت میں کے پی ٹی کے کردار اور باہمی دلچسپی کے دیگر امور پر تبادلہ خیال کیا گیا۔

چیئرمین کے پی ٹی نے گورنر سندھ محمد زبیر کو پورٹ آپریشنز کے حوالے سے تفصیلی بریفنگ دیتے ہوئے کہا کہ ملکی معیشت کے فروغ میں کراچی پورٹ کا کردار نہایت اہم ہے اورملکی درآمدات اور برآمدات میں کے پی ٹی کی اہمیت سب پر عیاں ہے ۔

انہوں نے کہا کہ سی پیک کی تکمیل سے پاکستان میں ترقی و خوشحالی کے نئے دور کا آغاز ہوگا۔

بل پیش ہو گا تو سب کے تحفظات دور ہو جائیں گے : شیخ رشید احمد

اسلام آباد:عوامی مسلم لیگ کے سربراہ شیخ رشید احمد نے کہا ہے کہ فوجی عدالتوں میں 2سال کی توسیع دینے پر اتفاق ہو گیا ہے ۔

تفصیلات کے مطابق فوجی عدالتوں میں توسیع کے متفقہ فیصلے کے بعدپارلیمانی رہنماﺅں کے ہمراہ میڈیا سے گفتگو کرتے ہوئے ان کا کہنا تھا کہ فوجی عدالتوں میں دو سال کی توسیع دینے پر اتفاق ہو گیا ہے ، بل پیش ہو گا تو رفتہ رفتہ سب کے تحفظات دور ہو جائیں گے ۔ پارلیمانی رہنما میڈیا ٹاک میںفوجی عدالتوں میں توسیع کا باضابطہ اعلان کریں گے۔

پیپلز پارٹی کی اے پی سی میں شرکت نہیں کریں گے:عمران خان

اسلام آباد:پاکستان تحریک انصاف کے سربراہ عمران خان نے ٹوئٹر پر پیغام جاری کیا پیپلز پارٹی کی اے پی سی میں شرکت نہیں کریں گے۔تفصیلات کے مطابق سماجی رابطے کی ویب سائٹ پر پیغام میں سربراہ پی ٹی آئی کا کہنا تھا کہ سیاسی جماعتیں فوجی عدالتوں کے قیام پر متفق ہوگئیں ہیں اس لئے تحریک انصاف پیپلزپارٹی کی اے پی سی میں شرکت نہیں کرےگی۔

انہوں نے مزید کہا کہ آئینی ترمیم کی منظوری کیلئے بل 6مارچ کوقومی اسمبلی میں پیش کیاجائیگا۔واضح رہے کہ فوجی عدالتوں کی توسیع کے حوالے سے پیپلز پارٹی نے اے پی سی طلب کررکھی ہے جبکہ عدالتوںمیں 2 سال کی توسیع پر اتفاق

دہشت گردی سےنمٹنے کیلئے مل کرکوششیں کرنا ہوں گی،سرتاج

مشیر خارجہ سرتاج عزیز نے کہا ہے کہ خطے کو دہشت گردی اورانتہاپسندی سمیت مختلف چیلنجز کا سامنا ہے جن سےنمٹنے کے لیے مل کر کوششیں کرنا ہوں گی۔

مشیر خارجہ سرتاج عزیز کو اجلاس کے دوران وزارتی کونسل کاچیئرمین منتخب کیا گیا ہے۔ اسلام آباد میں اقتصادی تعاون تنظیم کے 22 ویں اجلاس میںانہوں نے ای سی او ممالک کے وزراء خارجہ کو خوش آمدید کہا ۔

انہوں نے خطاب کرتے ہوئے کہا کہ رکن ملکوں میں رابطوں کے فروغ سے خطے میں خوشحالی آئے گی اور باہمی تجارت میں حائل رکاوٹوں کو دورکرناہوگا۔

سرتاج عزیزنے کہا کہ مختلف شعبوں میں بنیادی ڈھانچے کی تعمیر تنظیم کی ترجیحات میں شامل ہے۔ہمیں انسانی وسائل کی ترقی پر خصوصی توجہ دینی ہوگی اور تجارتی معاہدوں پر عملدرآمد کی راہ میں حائل رکاوٹوں کو دور کرنا ہوگا۔

اجلاس سے خطاب میں ایرانی وزیر خارجہ جواد ظریف نے کانفرنس کے بہترین انتظامات پر پاکستان کوخراج تحسین پیش کیا ۔

انہوں نے کہا کہ وژن 2025کے لیے تمام رکن ممالک کو کوششیں کرنا ہوں گا۔ ایران اقتصادی تعاون تنظیم کے مقاصد کے حصول کے لیے پرعزم ہے۔تنظیم مستقبل میں رکن ممالک میں تعاون کے فروغ میں اہم کردار اداکرے گی۔

ای سی او کے سیکریٹری جنرل حلیل ابراہیم نے اجلاس سے خطاب میں کہا کہ رکن ملکوں کی مجموعی پیداوار ایک ٹریلین ڈالرز سے زیادہ ہے ، خطے میں غذائی تحفظ کے لیے کئی منصوبے زیر غور ہیں۔

رکن ممالک کے درمیان موثرمواصلاتی نظام کا منصوبہ تیارکیا گیاہے۔ای سی او نے اقوام متحدہ کے ساتھ 45معاہدوں پر دستخط کیے ہیں۔خطے میں سیاحت کے فروغ کے لئے اقوام متحدہ کے ساتھ ملکرکام کررہے ہیں۔

پنجاب میں کومبنگ آپریشن، 42ملزمان گرفتار

حا فظ آباد ، چنیوٹ اور رحیم یار خان سمیت پنجاب کے مختلف شہروں میں پولیس اور قانون نافذ کرنےوالے اداروںنے سرچ آپریشن کر کے 42مشتبہ افراد کو حراست میںلے لیا۔ گجرات میں مذہبی تنظیم سے تعلق رکھنے والے 18 افراد کو بھی گرفتار کیاگیا۔

حافظ آباد کے علاقوں سکھیکی،ونیکےتارڑ اوردیگرعلاقوں میں پولیس اورقانون نافذ کرنےوالےاداروں نے کومبنگ آپریشن کیا ۔ اس دوران 30ملزمان کو گرفتار کرلیاگیا جبکہ 68 افراد کی بائیو میٹرک تصدیق کےبعد رہا کردیا۔

رحیم یارخان کے علاقے ترنڈہ سوائےخان میں بھی پولیس،ایلیٹ فورس اورحساس اداروں نے سرچ آپریشن کیا۔اس دوران 7ملزمان کو گرفتار کرکے اسلحہ برآمد کرلیا گیا۔

چنیوٹ میں پولیس اور ایلیٹ فورس نے سٹی،بھوآنہ،چناب نگر میں سرچ آپریشن کیا ۔ بائیومیٹرک تصدیق نہ ہونے اور اسلحہ اور منشیات برآمد ہونےپر5ملزمان کو گرفتار کرلیاگیا ۔

رینجرز نےکراچی میں دہشت گردی کا منصوبہ ناکام بنا دیا

کراچی کے علاقے لیاقت آباد میں ایم کیو ایم لندن کے دفتر میں چھپایا گیا اسلحہ رینجرز نےبرآمد کرلیا۔رینجرز نے دعویٰ کیا ہے کہ پکڑا گیا اسلحہ شہر میں ٹارگٹ کلنگ میں استعمال ہونا تھا۔

ترجمان رینجرز کی جانب سے جاری اعلامیہ کے مطابق رینجرز کو لیاقت آباد نمبر چار میں واقع ایم کیو ایم یونٹ آفس 164 میں اسلحہ کی موجودگی کی اطلاع ملی، جس پر فوری کارروائی کی گئی۔

برآمد کیے گئے اسلحہ میں 3 ٹرپل ٹو رائفل ، 3 ایس ایم جیز ، 1 جی تھری ، 8 پستول اور ایس ایم جیز کے 1800 راؤنڈز شامل ہیں۔ رینجرز کا دعویٰ ہے کہ یہ اسلحہ شہر میں دہشت گردی اور ٹارگٹ کلنگ کے لئے استعمال ہونا تھا۔

چھپایا گیا اسلحہ ایم کیو ایم لندن سے تعلق رکھنے والے شرپسند عناصر کا ہے۔

لاہورمیں پی ایس ایل فائنل:عمران خان مخالف، آفریدی حامی

چیئرمین پی ٹی آئی عمران خان نے پی ایس ایل کا فائنل لاہور میں کرانے کی مخالفت کر دی۔انہوں نے کہا کہ لاہور میں فائنل کے خطرات بہت ہیں ، فائدہ کوئی نہیں جبکہ بوم بوم آفریدی نے کہا کہ سوچ سمجھ کر فیصلہ ہوگیا ہے تو اس کی حمایت کرنی چاہیے ۔

تحریک انصاف کے چیئرمین عمران خان نے سوشل میڈیا پر پی ایس ایل کے فائنل سے متعلق بیان دیا ہے کہ پاکستان میں انٹرنیشنل کرکٹ کی واپسی مجھ سےزیادہ کوئی نہیں چاہتا۔ لاہور میں پی ایس ایل فائنل کرانے میں بہت سےخطرات ہیں۔خدا نخواستہ کچھ ہوگیاتوہم اگلی دہائی کیلئےانٹرنیشنل کرکٹ کوخدا حافظ کہہ دیںگے۔

انہوں نے کہا کہ اسٹیڈیم کےگرد سیکورٹی حصارمیں کھیلےجانے والےمیچ سےملکی سیکورٹی پرحرف آئے گی۔

پشاور زلمی کے شاہد آفریدی کا جیو نیوز سے گفتگو میں کہنا ہے کہ پی ایس ایل کا فائنل لاہور میں کرانے کے فیصلے کی سب کو حمایت کرنا ہوگی،حکومت کے ساتھ ساتھ قوم پر بھی بڑی ذمہ داری ہے۔

عمران خان پاکستان کے بال ٹھاکرے نہ بنیں، مریم اورنگزیب

 اسلام آباد: وزیر مملکت برائے اطلاعات ونشریات مریم اورنگزیب نے کہا ہے کہ عمران خان سے کبھی دانشمندانہ بیان کی توقع نہیں وہ پاکستان کے بال ٹھاکرے نہ بنیں۔

عمران خان کی جانب سے پی ایس ایل کا فائنل لاہور میں کرانے کے فیصلے کو پاگل پن قرار دینے پر اپنے رد عمل کے اظہار میں مریم اورنگزیب نے کہا کہ پاکستان سپر لیگ کا فائنل لاہور میں ہونا ایک بڑی خوشخبری ہے، ایسے موقع پر عمران خان کا بیان دہشت گردوں کے سہولت کار ہونے کی عکاسی کرتا ہے، عمران خان سے کبھی دانشمندانہ بیان کی توقع نہیں وہ پاکستان کے بال ٹھاکرے نہ بنیں، عمران خان کو کئی مرتبہ سوچ کر بولنے کی تلقین کی گئی ہے۔

وزیر مملکت نے بلاول بھٹو پر بھی تنقید کرتے ہوئے کہا کہ سپریم کورٹ سے متعلق بلاول کا بیان نہ صرف غیرذمے دارانہ بلکہ غیرسنجیدہ بھی ہے، بلاول زرداری کو بلاول بھٹو بننے میں ابھی بہت وقت درکار ہے لہٰذا انہیں اپنی والدہ کی سیاسی بصیرت سے کچھ سیکھنا چاہیے۔ مریم اورنگزیب نے کہا کہ بلاول کا بیان اداروں کو دھمکانے کی ایک اور کوشش ہے جب کہ اپوزیشن پاناما کوسیاسی بیساکھی کے طور پر استعمال کرنا چاہتی ہے۔

Skip to toolbar
Google Analytics Alternative