Home » 2017 » April » 21

Daily Archives: April 21, 2017

راحیل شریف سعودی عرب روانہ، اتحادی افواج کی قیادت کریں گے

وزیر دفاع خواجہ آصف نے جیونیوز سے گفتگو کرتے ہوئے بتایا کہ راحیل شریف نےہم سے سعودی عرب میں کام کرنے کیلئے پوچھا تھا، حکومت نےراحیل شریف کو این اوسی دےدیاہے، انہیں این او سی جی ایچ کیو سے منظوری کے بعد جاری کیا گیا ہے۔

خواجہ آصف کا کہنا تھا کہ راحیل شریف کو قانون کےمطابق این اوسی دیاگیا ہے۔

ذرائع کے مطابق سابق آرمی چیف راحیل شریف سعودی عرب سے بھیجے گئے خصوصی طیارے کے ذریعے لاہور ایئرپورٹ سے سعودی عرب روانہ ہوگئے۔

پانامہ فیصلے پر چیف ایڈیٹرروزنامہ پاکستان S.K نیازی کئ Dailypakistan ویب ٹی وی پر خصوصی گفتگو

عثمان خٹکCPT (ر)کئ چیف ایڈیٹرروزنامہ پاکستان S.K نیازی کے ساتھ خصوصئ گفتگو

ایفی ڈرین کوٹا کیس: علی موسیٰ گیلانی پر فرد جرم عائد

ایفی ڈرین کوٹا کیس کی سماعت انسدادمنشیات عدالت کی جج ارم نیازی نے کی۔عدالت نے سابق وزیر اعظم یوسف رضا گیلانی کے بیٹے موسیٰ گیلانی سمیت 11 ملزمان پر فرد جرم عائدکردی جبکہ ملزمان نے صحت جرم سے انکار کردیا۔

کیس کی مزید سماعت 12 مئی تک ملتوی کردی گئی ہے، آئندہ سماعت پر ملزمان کی جانب سے دائر درخواستوں پر بحث ہوگی ۔

پانامہ لیکس پر جے آئی ٹی کی تشکیل ، سپریم کورٹ نے فیصلہ متعلقہ اداروں کوبھجوا دیا

اسلام آباد : پانامہ لیکس پر سپریم کورٹ نے گذشتہ روز فیصلہ سناتے ہوئے جے آئی ٹی تشکیل دینے کا حکم دیا تھا ۔ تاہم اب رجسٹرار آفس نے سپریم کورٹ کا یہ فیصلہ چھ متعلقہ اداروں کو بھجوا دیا ہے۔رجسٹرار آفس نے جےآئی ٹی کی تشکیل سے متعلق اسٹیٹ بنک ، ایس ای سی پی ، آئی ایس آئی ، ایم آئی ، نیب سے رابطےکیے اور ہدایت کی کہ جے آئی ٹی کے لیے اپنے نمائندے تجویز کریں۔رجسٹرار آفس نے سپریم کورٹ کے فیصلے کی کاپی چئیر مین ایس ای سی پی اور چئیر مین نیب سمیت گورنر اسٹیٹ بنک ، ڈی جی ایم آئی اور ڈی جی آئی ایس آئی کو ارسال کر دی ہے۔ دوسری جانب سپریم کورٹ نے وزیراعظم نوازشریف اور ان کے صاحبزادوں حسن اور حسین نواز کو نوٹسز جاری کر دئے ہیں۔ ذرائع نے بتایا کہ نوٹسز وزیر اعظم کے سیکرٹری اور ایڈووکیٹ آن ریکارڈ کے ذریعے بھجوائے گئے۔  نوٹسز میں وزیر اعظم نواز شریف ، حسن نواز اور حسین نواز کو مشترکہ تحقیقاتی ٹیم سے تعاون کرنے کو کہا گیا۔خیال رہے کہ سپریم کورٹ نے پانامہ لیکس پر جے آئی ٹی بنانے کا حکم دیا ہے جو وزیر اعظم نواز شریف اور ان کے صاحبزادوں سے تحقیقات کرے گی۔

سینیٹ اور قومی اسمبلی کا اجلاس، وزیر اعظم سے استعفیٰ کا مطالبہ

سینیٹ میں اظہار خیال کرتے ہوئے اعتزاز احسن کا کہنا تھا کہ 3 ججزنے لکھا ہے وزیراعظم ثبوت پیش نہیں کرسکے،قطری خطوں کےعلاوہ کوئی ثبوت پیش نہیں کیا، خطوط مسترد کیےجاچکےوزیراعظم خود کونااہل تسلیم نہیں کرتےتواپوزیشن استعفے کامطالبہ کرتی ہے۔

انہوں نے کہا کہ وزیر اعظم پر دھبہ لگ چکا ہے۔ وزیر اعظم کے استعفے پر تمام اپوزیشن جماعتیں متفق ہو گئیں، ہم چوکوں اور چوراہوں میں اکھٹے لڑیں گے۔ ملک میں ایسی صورتحال ہے جو ایوان کے قائد سے متعلق ہے۔

رہنما تحریک انصاف اعظم سواتی نے کہا کہ الیکشن کمیشن نوازشریف کو ڈی سیٹ کرے ، قوم کی لوٹی ہوئی دولت چھپانے پر آج مٹھائی تقسیم کی جارہی ہے ،نوازشریف اخلاق اور قانونی طور پر وزیراعظم رہنے کا جواز کھوچکے ،ایک ہی آواز آئے گی نوازشریف استعفا دو۔

اجلاس میں اپوزیشن کے شور شرابے اور ہنگامہ آرائی کے بعد اجلاس غیر معینہ مدت تک کیلئے ملتوی کر دیا گیا۔

قومی اسمبلی:اپوزیشن کا احتجاج، ایجنڈے کی کاپیاں پھاڑ دیں


قومی اسمبلی میں اپوزیشن کے شور شرابے اور ہنگامہ آرائی کے بعد اجلاس غیر معینہ مدت تک کیلئے ملتوی کردیا گیا ۔ اپوزیشن لیڈر اپوزیشن لیڈر خورشید شاہ نے وزیر اعظم سے استعفے کا مطالبہ کر دیا ۔

پاناما پیپرز پر سپریم کورٹ کے فیصلے کے بعد قومی اسمبلی کےپہلے اجلاس میں گرما گرمی دیکھنے میں آئی،اپوزیشن ارکان نے ایجنڈے کی کاپیاں پھاڑ دیں اوراسپیکر کے ڈائس کا گھیراؤ کرلیا۔دوسری جانب حکومتی بینچوں پر ارکان کی حاضری کم رہی۔

قائد حزب اختلاف خورشید شاہ نے قومی اسمبلی میں اظہار خیال کرتے ہوئے کہا کہ وزیراعظم نواز شریف استعفا دے کر پارلیمنٹ کو بچائیں۔

شیخ آفتاب نے کہا کہ یہ لوگ مایوس ہوگئے ہیں،اپوزیشن بھول جائے کہ وزیراعظم استعفا دینگے ۔

چیئرمین پی ٹی آئی عمران خان، شاہ محمود ، عوامی مسلم لیگ کے سربراہ شیخ رشید احمدبھی ایوان میں موجودتھے ۔

وزیراعظم کو استعفا دینا چاہئے،خورشید شاہ

khursheed new

اپوزیشن لیڈر خورشید شاہ نے میڈیا سے بات کرتے ہوئے کہا کہ ہم یہ نہیں کہتے کہ حکومت ختم کرو لیکن وزیر اعظم کو استعفا دینا چاہئے، وزیر اعظم فیصلہ کریں کہ اداروں کو بچانا چاہتے ہیں یا اپنے اقتدار کی جنگ لڑنا چاہتے ہیں۔

اسلام آباد میں میڈیا سے گفتگو کرتے ہوئےقائد حزب اختلاف نے کہا کہ پارلیمنٹ اور جمہوریت جب کمزور ہورہی تھی، اس وقت پیپلز پارٹی نوازشریف کے ساتھ کھڑی ہوئی ، اس وقت ہمارا موقف جمہوری تھا ، جس پر ہم آج بھی قائم ہیں، ہم نے ہمیشہ مثبت سیاست کی۔

ان کا کہنا تھا کہ ہمیں فرینڈلی اپوزیشن ہونے کا طعنہ دیا گیا لیکن ہم نے ہمیشہ جمہوریت کو سہارا دیا، اب ہمیں احتجاج کرنا پڑرہا ہے۔

خورشید شاہ نے کہا کہ کل سپریم کورٹ کے دو ججز نے واضح فیصلہ دیدیا ہے، ہم جے آئی ٹی کو نہیں مانتے، وزیراعظم سے ان کے ماتحت کیا پوچھیں گے۔

جے آئی ٹی میں گریڈ19 کے افسران کیا کریں گے؟ اعتزاز احسن

atizaz

پیپلز پارٹی کے رہنما سینیٹر اعتزاز احسن نے جے آئی ٹی کو مسترد کرتے ہوئے کہا ہے کہ جے آئی ٹی میں گریڈ19 کے افسران کیا کریں گے؟ آئی ایس آئی سےشریف برادران کا تعلق خاندانی ہے، اسٹیٹ بینک کا گورنر کیا تحقیقات کرے گا؟

اسلام آباد میں میڈیا سے گفتگو کرتے ہوئے اعتزاز احسن نے کہا کہ سپریم کورٹ نے ٹھیک کہا کہ یہ فیصلہ یاد رکھا جائے گا، سلام کرتے ہیں ان دو ججوں کو جنہوں نے نواز شریف کو نا اہل قرار دیا، تین اکثریتی ججوں نے بھی کہا کہ نواز شریف اپنی صفائی میں کوئی ثبوت فراہم نہ کرسکے۔

ان کا کہنا تھا کہ مریم نواز کو تو استثنا دے دیا گیا، جوڈیشل کمیشن ہوتا اور نواز شریف پیش ہوتے تو مزا آتا، پیپلز پارٹی لائحہ عمل بنائے گی۔

اخلاقیات کا تقاضا ہے نوازشریف کرسی چھوڑ دیں ،سراج الحق

siraj ul haq

امیر جماعت اسلامی سراج الحق نے کہا ہے کہ اخلاقیات کا تقاضا ہے نوازشریف کرسی چھوڑ دیں، آزادانہ تحقیق کے لئے ضروری ہے کہ وزیر اعظم استعفیٰ دیں۔

اسلام آباد میں میڈیا سے گفتگو کرتے ہوئے سراج الحق نے کہا کہ جے آئی ٹی بنانا بہت بڑی بات ہے، کل عدالت نے وزیر اعظم کو کلیئر نہیں کیا، پاناما اسکینڈل کا فیصلہ انصاف کے ساتھ ہونا چاہئے، رائٹ اور لیفٹ کے بجائے رائٹ اور رانگ کی سیاست کرنی چاہئے۔

ان کا کہنا تھا کہ کل کا دن تاریخی دن تھا، سپریم کورٹ نے حکومت وقت کے خلاف فیصلہ دیا کہ ان کے ثبوت قابل یقین نہیں ہیں، یہ فیصلہ کامیابی کی طرف پیش قدمی ہے، ملک کی ترقی کے لئے کرپشن کے خلاف جدوجہد جاری رکھنی چاہئے، جماعت اسلامی کرپشن کے خلاف مہم چلا رہی ہے۔

پیپلز پارٹی نے کبھی عدلیہ کا احترام کرنا نہیں سیکھا، عابد شیر علی


مسلم لیگ ن کے عابد شیر علی کا کہنا ہے کہ پیپلز پارٹی نے کبھی عدلیہ کا احترام کرنا نہیں سیکھا، کل کا فیصلہ قوم کے جذبات کی ترجمانی کرتا ہے۔

اسلام آباد میں میڈیا سے گفتگو کرتے ہوئے ان کا کہنا تھا کہ کل کا دن پاکستان کے لوگوں کے لئے خوشی کا باعث بنا، آج نئے نئے نکاح ہو رہے ہیں، ترقی کاسفر رکے گا نہیں۔

ن لیگ کے سینیٹر راجہ ظفرالحق نے کہا کہ ہم نے اپوزیشن کا ایوان میں جواب دینے کی کوشش کی، اپوزیشن ارکان نے چیئرمین سینیٹ کی بات نہیں سنی اور جےآئی ٹی کو مسترد کر دیا، سپریم کورٹ نے کہا کہ آئین میں بھی عدلیہ کو کسی کو عہدے سے ہٹانے کا اختیار نہیں۔

ضروری ہے پی پی اور پی ٹی آئی مل کر احتجاج کریں، سعید غنی


پیپلز پارٹی کے سینیٹر سعید غنی نے کہا ہے کہ حکومت پر دباؤ ڈالنے کے لئے ضروری ہے پیپلزپارٹی اور پی ٹی آئی مل کر احتجاج کریں، عمران خان اگر پہلے والا رویہ رکھتے ہیں تو پھر اتحاد نہیں ہوسکتا۔

سعید غنی نے کہا کہ سپریم کورٹ کا فیصلہ تسلیم کرتے ہیں، جے آئی ٹی میں شامل ایک ادارے کو چھوڑ کر دیگر وزیراعظم کے ماتحت ہیں، انصاف کا تقاضہ ہے کہ وزیراعظم مستعفی ہوں اور جے آئی ٹی میں پیش ہوں۔

ان کا کہنا تھا کہ جے آئی ٹی کے بعد اگر معاملہ صاف ہو تو پھر آکر وزیراعظم بن جائیں ، وزیراعظم کی وجہ سے پاکستان بدنام نہیں ہوناچاہیے۔

اپوزیشن کی پارلیمانی جماعتوں کااجلاس

سینٹ اور قومی اسمبلی کے اجلاس سے قبل پارلیمنٹ میں اپوزیشن کی پارلیمانی جماعتوں کااجلاس خورشید شاہ اور اعتزاز احسن کی سربراہی میں ہوا جس  میں اپوزیشن جماعتوں نے وزیراعظم سےمستعفی ہونےکا مطالبہ کردیا۔

ذرائع کا کہنا ہے کہ اپوزیشن نے سینیٹ اور قومی اسمبلی اجلاسوں میں بھرپور احتجاج کافیصلہ کیا ہے۔

قائد حزب اختلاف خورشید شاہ کا کہنا ہے کہ تمام جماعتوں کا موقف بہت واضح ہے، حکومت کو اپوزیشن کی طرف سے مشترکہ پیغام جانا چاہیے، ہمیں احتجاج کرنا چاہیے۔ نواز شریف استعفا دے کر پارلیمنٹ کو بچائیں۔

خورشید شاہ کا کہنا ہے کہ ہم سسٹم گرانا نہیں چاہتے لیکن وزیر اعظم کو گھر جانا پڑے گا، ہم جے آئی ٹی تسلیم کرنے کو تیار نہیں، مسترد کرتے ہیں، سپریم کورٹ نے ان اداروں کو تہس نہس کیاہے، حکومت کے ماتحت افسران کیا تحقیقات کریں گے؟

 

رحیم یار خان: ہیپاٹائیٹس کا مرض وبائی صورتحال اختیار کرگیا

کوئی جامع سروے نہیں ہر تیسرا شخص اس مرض میں مبتلا ہے، یومیہ تین افراد لقمہ اجل بن رہے ہیں ۔ہیپاٹائیٹس سی کا علاج سرکار کے پاس نہیں ہے۔

ضلع رحیم یار خان میں ہیپاٹائیٹس کے متعلق الارمنگ صورتحال سامنے آئی ہے اور حیرت انگیز طورپر لوگ ہیپاٹائیٹس جیسے موذی مرض کا شکار ہو رہے ہیں۔

ہیڈ آف ڈپارٹمنٹ اینڈ پروفیسر آف میڈیسن شیخ زاید میڈیکل کالج و اسپتال ڈاکٹر غلام فرید نے انکشاف کیا ہےکہ او پی ڈی میں آنے والے تیس سے چالیس فیصد لوگ اس مرض کا شکار ہیں اور ہر پانچواں شخص ہیپاٹائیٹس میں مبتلا ہے ۔

صرف شیخ زاید اسپتال میں تین سے چار لوگ ہیپاٹائیٹس سے جاں بحق ہو رہے ہیں جبکہ ایم ایس شیخ زاید اسپتال ڈاکٹر غلام ر بانی نے تصدیق کرتے ہوئے بتایا ہے کہ اسکریننگ کے دوران ضلع کی پچاس لاکھ کی آبادی میں دس فیصد لوگوں میں ہیپاٹائیٹس کا وائرس موجود ہے اور شیخ زایداسپتال میں یومیہ بیس لوگ مختلف بیماریوں میں جاں بحق ہو رہے ہیں جن میں تین سے چار ہیپاٹائیٹس کا شکار ہوتے ہیں۔

انہوں نے بتا یا کہ اسکی وجہ سرنجوں کا بے دریغ استعمال، خون کی منتقلی، حجامت کے دوران بلیڈ کا استعمال، غیر ضروری قربت و دیگر عوامل شامل ہیں جبکہ وہ ہیپاٹائیٹس بی کی ویکسین کر رہے ہیں جبکہ ہیپاٹائیٹس سی کی میڈیسن دستیاب نہیں ہے۔

ڈیرہ اسماعیل خان: دکانوں پر غیر قانونی پیٹرول وڈیزل کی فروخت

ڈیرہ اسماعیل خان اور ضلع ٹانک میں شاید ہی کوئی گلی کوچہ یا بازارایسا ہو جہاں غیر قانونی طور پرپیٹرول پمپ یونٹ،یا بوتلوں اور کنستروں میں پیٹرول فروخت نہ ہوتا ہو ۔یہاں تک کہ سبزی فروش سے لے کر دودھ فروش تک اپنی دکانو ں میں پیٹرول بھی بیچ رہے ہیں ۔

ذرائع کے مطابق غیر قانونی فروخت میں بلوچستان سے اسمگل ہونے والا ایرانی پیٹرول اور ڈیزل بھی شامل ہوتا ہے ۔

اس غیر قانونی کاروبار سے جہاں امن و امان کے مسائل پیدا ہو سکتے ہیں ،وہاں اسمگل شدہ اور غیر قانونی فروخت سے قومی خزانے کو بھی نقصان پہنچ رہا ہے ۔

Google Analytics Alternative