Home » 2018 » June » 12

Daily Archives: June 12, 2018

جانئے آج آپ کا دن کیسا رہے گا

حمل:
21مارچ تا21اپریل

خوشیاں منایئے کہ خطرات ٹل گئے آسمان مسرت پر چھائے ہوئے سیاہ بادل خود بخود چھٹ گئے اور اب امیدوں بھرا سورج ہر طرف اجالا ہی اجالا بکھیر دے گا، تعلیم کے سلسلہ میں مایوسی کا دور ختم ہو سکتا ہے۔

ثور:
22اپریل تا20مئی

نئی ملازمت کے سلسلے میں ہونے والی کاوشیں کامیاب ہو سکتی ہیں مکان یا پلاٹ کا الجھا ہوا مسئلہ حسب مرضی حل ہو سکتا ہے، اپنے جذبات کو کنٹرول میں رکھنے کی کوشش کریں۔

جوزا:
21مئی تا21جون

ہمیں یقین ہے کہ آپ کی کوشش رائیگاں نہیں جائے گی اور آپ اپنے گھریلو نظام کو درست رکھنے میں کامیاب ہو جائیںگے، ملازمت کرنے والے حضرات محتاط رہ کر اپنے فرائض انجام دیں۔

سرطان:
22جون تا23جولائی

چند اہم گھریلو امور کے سلسلے میں مایوسی کا سامنا کرنا پڑ سکتا ہے اگر آپ کی اولاد جوان ہے تو ان پر سیاسی انداز سے قابو پانے کی کوشش کریں ،سخت گیری کا مظاہرہ انہیں آپ سے بدظن کر سکتا ہے۔

اسد:
24جولائی تا23اگست

ہم حالات کا تجزیہ کرنے کے بعد یہ رائے ضرور دیں گے کہ واقعات اگر کوئی غلط رخ بھی اختیار کر جائیں پھر بھی صبر و تحمل کا دامن ہاتھ سے نہ چھوڑیں حالات بفضل خدا بہتر ہو سکیں گے۔

سنبلہ:
24اگست تا23ستمبر

قریبی عزیزوں کے ساتھ بھی تعلقات بہتر رہیں گے، اخراجات کی زیادتی کے سبب مالی مشکلات کا سامنا کرنا پڑ سکتا ہے، شریک حیات کے ساتھ بھی تھوڑا سا اختلاف کسی بھی بنا پر ہو سکتا ہے۔

میزان:
24ستمبر تا23اکتوبر

مزاج کی بے مقصد اور ہر وقت بھڑکتی ہوئی آگ کو ٹھنڈا رکھنے کی کوشش کریں وگرنہ باقی رہ جانے والی خوشیاں بھی راکھ ہو سکتی ہیں، آپ کو اندازہ لگا لینا چاہئے کہ یہ آتش جی آپ کے لئے نقصان دہ ہے۔

عقرب:
24اکتوبر تا22نومبر

مکان کی تبدیلی خوشگوار نتائج کی حامل بن سکتی ہے، بہت زیادہ احتیاط کرنے کی کوشش کریں کوئی شخص آپ کو غلط راستے پر چلنے کی ترغیب دے سکتا ہے۔

قوس:
23نومبر تا22دسمبر

اپنی سکیم کا ایک بار پھر اچھی طرح سے جائزہ لے لیں تاکہ کوئی خامی نہ رہے اگر کاروبار میں آپ کا کوئی ساتھی بننا چاہے تو بے دھڑک بنا لیں، سفر نزدیکی شوق سے کریں۔

جدی:
23دسمبر تا20جنوری

صلاحیتوں پر حسب سابق زنگ چڑھا رہے گا ، آپ خواہ مخواہ دوسروں سے الجھنے کی کوششوں میں مصروف رہیں گے، بہتر یہی ہے کہ خود کو قابو میں رکھنے کی کوشش کریں۔

دلو:
21جنوری تا19فروری

گھریلو ماحول خاصا خوشگوار رہے گا غلط فہمیوں کا ازالہ کافی حد تک ہو سکے گا، محبت کے سلسلے میں کوئی اہم تبدیلی ہو سکتی ہے، کسی سے لڑائی جھگڑا ہرگز نہ کریں۔

حوت:
20 فروری تا 20 مارچ

ابھی اپنے دوستوں کو قابل اعتبار نہ سمجھیں ان معاملات کو راز ہی رہنے دیں جن کا راز رہنا ضروری ہے بسلسلہ اولاد خوشی حاصل ہو سکتی ہے، نزدیکی سفر وسیلہ ظفر ثابت ہو سکتا ہے۔

میرے بنیادی حقوق بری طرح سلب کیے جارہے ہیں، نوازشریف

لاہور: سابق وزیراعظم نوازشریف کا کہنا ہے کہ میرے بنیادی حقوق سلب کیے جارہے ہیں اور ایسا ماحول بنایا جارہا ہے کہ میں وکیل کی خدمات سے بھی محروم ہوگیا ہوں۔

ماڈل ٹاؤن لاہور میں پریس کانفرنس کرتے ہوئے مسلم لیگ (ن) کے قائد نوازشریف کا کہنا تھا کہ خواجہ حارث آج میرے ریفرنس سے دستبردارہوگئے کیوں کہ چیف جسٹس نے کہا تھا کہ ایک ماہ کے اندرہمارے کیس کا فیصلہ دیا جائے جو کسی بھی وکیل کے لیے ممکن نہیں جب کہ نئے وکیل کے لیے احتساب عدالت سے وقت مانگا ہے لیکن ایسی ہی اطلاعات دوسرے وکیل کی جانب سے بھی آ رہی ہیں کہ وہ اتنے کم وقت میں دلائل مکمل نہیں کرسکتے۔

نوازشریف کا کہنا تھا کہ کیا نیب کے دوسرے مقدمات کی روزانہ کی بنیاد پرسماعت ہوتی ہے، میں جس عدالت میں پیش ہورہا ہوں اس میں بھی 40 دیگرمقدمات ہیں، کیا کوئی ایک مقدمہ بھی ایسا ہے جس کی مانیٹرنگ سپریم کورٹ کا جج کررہا ہو، لیکن یہ اپنی نوعیت کا عجیب مقدمہ ہے جو چل تو احتساب کورٹ میں رہا ہے لیکن ڈوریں سپریم کورٹ سے ہلائی جا رہی ہیں۔

مسلم لیگ (ن) کے قائد کا کہنا تھا کہ مجھے حق دفاع سے محروم کیا گیا، اپنی اہلیہ سے ملنے کی اجازت بھی نہیں دی جارہی جب کہ میرے وکیل کو چھٹیوں اور مقررہ اوقات کے بعد بھی سماعت جاری رکھنے کا کہا گیا، آج تک کسی وکیل کومجبورنہیں کیا گیا کہ وہ سارا دن اورچھٹی والے دن بھی پیش ہو، یہ قانون و انصاف کا کھلا مذاق اڑانے کے مترادف ہے۔

نوازشریف نے کہا کہ ریفرنسزمیں تاخیر کی ذمہ داری استغاثہ پرعائد ہوتی ہے، ایک ہی الزام کے تحت کئی ریفرنس داخل کیے گئے، استغاثہ اپنے دعوؤں میں ناکام رہا، ریفرنسزمیں بات نہ بنی تومیرے خلاف ضمنی ریفرنس لائے گئے جب کہ ہماری درجنوں درخواستیں رد کی گئیں اور عدالت نے یہ طے کرلیا تھا کہ تینوں ریفرنسزکے فیصلے ایک ساتھ سنائے جائیں گے۔

مسلم لیگ (ن) قائد نے کہا کہ اب تک بہت سے راز کھل چکے ہیں، قانونی تقاضے اہم ہیں یا الیکشن سے پہلے فیصلہ، اور اگر 25 جولائی کے انتخابات سے قبل کوئی فیصلہ کرنا مجبوری ہے تو فیصلہ کردیجیے۔ انہوں نے کہا کہ اس ڈکٹیٹر کی کس طرح بلائیں لی جا رہی ہیں جس نے دو مرتبہ ملک کا آئین توڑا۔

چوہدری نثار کا آزاد حیثیت میں الیکشن میں حصہ لینے کا اعلان

 اسلام آباد: سابق وزیرداخلہ چوہدری نثار نے آزاد حیثیت میں انتخاب میں حصہ لینے کا اعلان کرتے ہوئے کہا کہ پارٹی نے ٹکٹ سیاسی یتیموں کو دیے ہیں۔ 

اڈیالہ روڈ پر کارنر میٹنگ سے خطاب کرتے ہوئے مسلم لیگ (ن) کے سینئر رہنما چودھری نثار نے 2018 کے عام انتخابات میں آزاد حیثیت میں انتخاب میں حصہ لینے کا اعلان کرتے ہوئے کہا کہ پارٹی نے ٹکٹ سیاسی یتیموں کو دے دیے ہیں لہذا انہوں نے مسلم لیگ (ن) کے ٹکٹ پر الیکشن نہ لڑنے کا فیصلہ کیا ہے اور اب زیادہ محنت کی ضرورت ہے۔

چودھری نثار کا کہنا تھا کہ پی ٹی آئی میں صرف 10 خامیاں ہیں لیکن مسلم لیگ (ن) میں 100 سے بھی زائد خامیاں ہیں جب کہ عورت راج کے مخالف نے آج اپنی بیٹی پارٹی پر مسلط کر دی۔ انہوں نے کہا کہ کارکن الیکشن پر توجہ دیں، بہتر فیصلہ کروں گا جب کہ 34 سال کی رفاقت کا خیال آجاتا ہے ورنہ اگر میں نے منہ کھولا تو یہ شریف کہیں منہ دکھانے کے قابل نہیں رہیں گے۔

سابق وزیر داخلہ  نے کہا کہ میڈیا پر مجھ سے منسوب اکثر بیانات حقیقت پر مبنی نہیں، پچھلے ایک ہفتے سے علیل ہوں اور کسی سیاسی عمل میں حصہ نہیں لیا لیکن آج اپنے آبائی دیہات اور علاقے کے لوگوں سے ایک مختصر ملاقات ضرور ہوئی مگر وہ ایک نجی ملاقات تھی جس میں میڈیا موجود نہیں تھا اور وہاں میں نے اکثر وہ باتیں نہیں کیں جو میڈیا پر آرہی ہیں۔

چوہدری نثار نے کہا کہ میڈیا سنی سنائی باتوں کو مجھ سے منسوب نہ کرے جب کہ میڈیا کے دوستوں کو یقین دلاتا ہوں کہ جیسے ہی صحت میں آفاقہ ہوا میڈیا کے سامنے آوٴں گا اور ساری صورتحال قوم کے سامنے رکھوں گا۔

حمزہ شہباز اور عائشہ احد نے ایک دوسرے کے خلاف مقدمات واپس لے لئے

لاہور: حمزہ شہباز اور ان کی مبینہ اہلیہ عائشہ احد نے ایک دوسرے کے خلاف تمام کیسز واپس لے لیے.

سپریم کورٹ لاہور رجسٹری میں چیف جسٹس میاں ثاقب نثار نے حمزہ شہباز اور عائشہ احد کیس کا فیصلہ سنادیا اور حمزہ شہباز اور عائشہ احد نے ایک دوسرے کے خلاف تمام کیسز واپس لے لیے ہیں۔ چیف جسٹس میاں ثاقب نثار نے کہا ہے کہ دونوں فریقین کے درمیان معاملات طے پاچکے ہیں اب دونوں ایک دوسرے کے خلاف بیان بازی نہیں کریں گے اور جن شرائط پر حمزہ شہباز اور عائشہ احد میں مفاہمت ہوئی وہ میڈیا پر موضع بحث نہیں بنے گی۔

اس سے قبل آج ہی سپریم کورٹ لاہور رجسٹری میں حمزہ شہباز اور ان کی اہلیہ ہونے کی دعوے دار عائشہ احد سے متعلق کیس کی سماعت ہوئی۔ عائشہ احد پر تشدد کے الزام میں حمزہ شہباز عدالت میں پیش ہوئے۔ سپریم کورٹ کے روبرو عائشہ احد نے مؤقف اختیار کیا کہ ان کی حمزہ شہباز سے 2010 میں شادی ہوئی۔ عدالت کے استفسار پر حمزہ شہباز نے عائشہ احد سے شادی سے صاف انکار کردیا۔ چیف جسٹس نے کہا کہ اگر آپ دونوں کہیں میں تو میں ثالث کا کردار ادا کرسکتا ہوں ، یا پھر معاملے کی تحقیقات کے لیے جے آئی ٹی تشکیل دے دیتا ہوں۔

کسی کوحق نہیں کہ بچوں کو پیدا ہونے سے پہلے مقروض کر دے، چیف جسٹس

لاہور: چیف جسٹس پاکستان جسٹس ثاقب نثارنے ریمارکس دیئے ہیں کہ کسی کو کوئی حق نہیں کہ وہ پیدا ہونے سے پہلے پاکستانی بچے کو مقروض کردے۔

سپریم کورٹ لاہوررجسٹری میں چیف جسٹس پاکستان جسٹس ثاقب نثار کی سربراہی میں 3 رکنی بنچ نے پاکستانیوں کے بیرون ملک اثاثے اور اکاؤنٹس کی تفصیلات سے متعلق کیس کی سماعت کی۔ عدالت نے گورنراسٹیٹ بینک اور سیکرٹری خزانہ کے پیش نہ ہونے پر اظہار برہمی کرتے ہوئے ریمارکس دیئے کہ بیرون ملک پاکستانیوں کے اکاؤنٹس اور اثاثوں کے حوالے سے سپریم کورٹ کے احکامات پرعمل درآمد نہیں ہو رہا، ہم مفاد عامہ کا اہم ترین مقدمہ سن رہے ہیں جب کہ گورنراسٹیٹ بینک اورسیکرٹری خزانہ کو پرواہ ہی نہیں۔

دوران سماعت چیف جسٹس نے ریمارکس دیے کہ کون کہتا ہے کہ ہم نے ایمنسٹی اسکیم کو رد کر دیا ہے، یہ معاملہ تو ہمارے سامنے آیا ہی نہیں، سوئٹزر لینڈ میں پڑے پاکستانیوں کے پڑے اربوں کھربوں کے بارے میں کیا کھوج لگایا ہے، پتہ ہونا چاہیے کہ ہر پاکستانی کے بیرون ملک کتنے اثاثے اور اکاؤنٹس ہیں۔

جسٹس ثاقب نثار نے ریمارکس دیئے کہ پچھلی دو حکومتوں نے کیا کیا، تعلیم، صحت اور پینے کے پانی کا حال دیکھ لیں، زرمبادلہ کو پاکستان سے باہر لے جانے کے لیے کوئی پابندی ہی نہیں لگائی گئی، اربوں کھربوں کا سرمایہ پاکستان سے باہر چلا گیا، برآمدات ختم اور درآمدات بڑھتی جاری ہیں، اسمگلنگ ختم نہیں کرسکے۔ پاکستان میں حکومتوں کی غلط پالیسیوں سے ہر نومولود مقروض ہوگیا، قرضے خود لیتے ہیں اور بوجھ ایسے بچوں پر ڈال دیتے ہیں جو پیدا بھی نہیں ہوئے، کسی کو کوئی حق نہیں کہ وہ پیدا ہونے سے پہلے پاکستانی بچے کو مقروض کر دے، بتایا جائے کہ پاکستان کا ہر بچہ کتنا مقروض ہے؟، بتایا جائے کہ دس سال میں کتنے وزرائے خزانہ نے قرضے لیے اور غیر ملکی دورے کیے۔

سابق وزیر اعظم شاہد خاقان عباسی کی گاڑی کا چالان

 اسلام آباد: موٹروے پولیس اہلکاروں نے  تیز رفتاری پر سابق وزیر اعظم شاہد خاقان عباسی کو 750 روپے جرمانہ کردیا۔

موٹروے پر سابق وزیراعظم شاہد خاقان عباسی کی گاڑی کا چالان ہوگیا۔ موٹر وے پولیس اہلکاروں نے سابق وزیراعظم کی گاڑی کو لاہور راوی ٹول پلازہ کے قریب روکا اور تیز رفتاری پر 750 روپے جرمانہ کردیا۔ گاڑی سابق وزیر اعظم کا ڈرائیور سید مقصود چلا رہا تھا۔

موٹروے پولیس اہلکاروں نے چالان کرنے کے بعد سابق وزیر اعظم کے ساتھ تصاویر بھی بنوائیں۔

افغانستان میں چیک پوسٹ پر طالبان کا حملہ، 15 سیکیورٹی اہلکار ہلاک

کابل: افغان صوبہ قندوز میں چیک پوسٹ پر طالبان کے حملے میں 15 سیکیورٹی اہلکار ہلاک ہوگئے۔

افغان میڈیا کے مطابق صوبہ قندوز میں چیک پوسٹ پر طالبان کے حملے کے نتیجے میں 15 سیکیورٹی اہلکار ہلاک ہوگئے جب کہ طالبان نے سیکیورٹی فورسز سے جھڑپوں کے دوران ملٹری ٹینکوں پر بھی قبضہ کرلیا۔ افغان میڈیا کے مطابق حملے میں ہلاک ہونے والوں میں 10 پولیس اہلکار اور 5 فوجی اہلکار شامل ہیں جب کہ حملے کے حوالے سے مقامی انتظامیہ اور افغان حکومت کی جانب سے ابھی تک کوئی بیان جاری نہیں کیا گیا۔

واضح رہے کہ چند روز قبل افغانستان کے صدر اشرف غنی کی جانب سے سیزفائر کے اعلان کے بعد طالبان نے بھی پہلی بار عید الفطر کے تین دنوں میں افغان فورس کے خلاف جنگ بندی کا اعلان کیا ہے۔

آسٹریا میں مساجد کی بندش اسلام مخالف اقدام ہے، ترک صدر

انقرہ: ترک صدر رجب طیب اردوان نے آسٹریا میں غیر ملکی امداد پر انحصار کرنے والی 7مساجد کو بند کیے جانے کے فیصلے کیخلاف اقدام کو اسلام مخالف قرار دیا ہے۔

رجب طیب اردوان نے آسٹریا میں غیر ملکی امداد پر انحصار کرنے والی 7مساجد کو بند کیے جانے اور ان مساجد سے منسلک درجنوں ترک نژاد اماموں کو ملک بدر کرنے کے فیصلے کیخلاف کارروائی کرنے پر زور دیتے ہوئے اس اقدام کو اسلام مخالف قرار دیا ہے۔

استنبول میں ریلی سے خطاب کرتے ہوئے ترک صدر کا کہنا تھا کہ ان کو خدشہ ہے کہ آسٹریا کے چانسلر کا یہ فیصلہ دنیا کو صلیب اور ہلال کے مابین جنگ کی طرف راغب کرے گا۔

Google Analytics Alternative