Home » سا ئنس اینڈ ٹیکنالوجی » 24.9 ارب پکسل کیمرے کی تصویر نے دنیا کو دنگ کردیا

24.9 ارب پکسل کیمرے کی تصویر نے دنیا کو دنگ کردیا

کیا آپ کے خیال میں آپ کے فون کا 15، 20 یا 40 میگاپکسل کیمرہ بہترین ہے تو 24.9 ارب پکسل کی یہ تصویر ہوش اڑا دے گی۔

چین کے شہر شنگھائی کی یہ تصویر چند دن قبل ٹوئٹر پر وائرل ہوئی تھیں اور اس کو دیکھ کر آپ بھی حیرت زدہ رہ جائیں گے۔

اس 360 پینوراما تصویر کے کسی بھی حصے میں زوم ان کریں اور پھر زوم ان کریں اور پھر زوم ان کریں اور پھر زوم ان کریں۔

جی ہاں اگر آپ بادلوں سے تصویر کو دیکھنا شروع کریں گے تو زوم ان کرکے آپ نیچے سڑک پر چلتے لوگ، گھاس اور بہت کچھ دیکھ سکتے ہیں۔

اس تصویر بلکہ تصاویر کو آپ اس لنک پر جاکر دیکھ سکتے ہیں اور ایک بار اوپن کرنے کے بعد آپ خود کو مختلف طریقوں سے اسے آزمانے سے روک نہیں سکیں گے۔

درحقیقت کسی بھی تصویر کا کوئی بھی حصہ ایسا نہیں جس کی انتہائی باریک تفصیلات کو بھی آپ دیکھ نہ سکیں اور ایسا کرنے والے آپ اکیلے نہیں۔

اب تک لاکھوں افراد اس لنک پر جاکر ان تصاویر کو دیکھ سکتے ہیں اور بہت کچھ دریافت کرچکے ہیں۔

لوگوں نے 24.9 پکسل تصویر میں سے اپنی پسند کے حصے ٹوئٹر پر بھی شیئر کیے۔

یہ تصویر چینی سیٹلائیٹ نے کوانٹم ٹیکنالوجی کی مدد سے لی جس میں آپ لوگوں کے چہروں کو بھی واضح طور پر دیکھ سکتے ہیں۔

یہ بھی پڑھیں : چین نے ایک بار پھر دنیا کو حیران کردیا

ٹوئٹر پر وائرل تصویر شنگھائی حکومت کے لیے بگ پکسل نے لی جس نے چند دیگر چینی شہروں کی بھی ایسی تصاویر لیں، مگر شنگھائی کی تصویر پہلی تھی جسے پینوراما میں اربوں پکسلز میں لیا گیا۔

About Admin

Google Analytics Alternative