Home » Author Archives: Admin (page 11)

Author Archives: Admin

حکومتی معاشی اصلاحات کے مثبت نتاءج آناشروع ہوگئے

عالمی معاشی درجہ بندی کے ادارے موڈیز انویسٹرز سروس نے پاکستان کی معیشت پر اپنی تازہ رپورٹ جاری کر دی ہے جس میں پاکستان کے معاشی منظرنامے کو منفی سے بی تھری مستحکم کر دیا ہے منظرنامے میں تبدیلی ادائیگیوں میں توازن، پالیسی ایڈجسٹمنٹ کی حمایت اور کرنسی کی لچک کے باعث سامنے آئی ہے ۔ عالمی مالیاتی کریڈٹ ریٹنگ ایجنسی موڈیز کی طرف سے جاری ہونے والی رپورٹ میں کہا گیا ہے کہ سرمایہ کاری کیلئے پاکستان ، بھارت سے بہتر ہے حکومت پاکستان نے بین الاقوامی ادائیگیوں کی صورتحال بہتر کی ہے مثبت اقدامات کی بدولت معاشی صورتحال میں بہتری کے آثار نمایاں ہیں ۔ پاکستان ایک بڑی معیشت ہے زرمبادلہ کے ذخائر اب بھی کم ہیں بڑھنے میں کچھ وقت لگے گا ،آئی ایم ایف پروگرام کے تحت مقرر کیا جانے والا ریونیو کا ہدف مکمل طور پر حاصل کرنا ایک چیلنج ہوگا بیرونی اقتصادی خطرات میں کمی آئے گی ۔ دوسری جانب وزیر اعظم عمران خان نے معاشی ٹیم کے اجلاس سے خطاب اور ایف آئی اے کے نئے ڈائریکٹر جنرل واجد ضیا ا ور ترقی پانےوالے وفاقی سیکریٹریز سے ملاقات میں گفتگو کرتے ہوئے اس عزم کا اعادہ کیاہے کہ تحریک انصاف کی حکومت کے ایجنڈے میں کرپشن سائبر کرائم اکنامک کرائم امیگریشن سے متعلق جرائم منی لانڈرنگ سمیت دیگر منظم جرائم کا خاتمہ اور بلا تفریق احتساب بنیادی نکتہ ہے معاشی استحکام اور نوجوانوں اور ہنر مندوں کیلئے نوکریوں کے مواقع پیدا کرنا اولین ترجیح ہے حکومت کی تمام تر توجہ عام آدمی کو ریلیف فراہم کرنے پر مرکوز ہے مشکل معاشی حالات کے باوجود حکومتی اقدامات کے نتیجے میں معاشی استحکام آیا ہے اور کاروباری طبقے کے اعتماد میں اضافہ ہوا ہے ۔ معاشی استحکام کے نتیجے میں کارباری برادری کے اعتماد اور مثبت جذبات کو مزید تقویت دینے کےلئے ضروری ہے کہ ایکسپورٹرز اور خصوصا چھوٹے اور درمیانے درجے کے تاجروں کو ہر ممکنہ سہولت فراہم کی جائے اور ان کیلئے آسانیاں پیدا کی جائیں تاکہ ان کی حوصلہ افزائی ہو اور ان کو مالی وسائل کی قلت پیش نہ آئے ،وفاقی سیکرٹریز بہتر طرز حکومت ، ملک و قوم کی خدمت اور عوامی فلاح و بہبودکےلئے اپنی توانائیاں اور تجربہ بروئے کار لائیں افسران اپنی ذمہ داریاں جہاد اور قومی فریضہ سمجھ کر اداکریں جبکہ مشیرخزانہ عبدالحفیظ شیخ نے کہا کہ موڈیز کی جانب سے پاکستان کا آءوٹ لک منفی سے مستحکم کرنا ملک کے معاشی استحکام میں حکومت کی کامیابی کی تائید ہے، معاون خصوصی اطلاعات فردوس عاشق اعوان کا کہنا ہے کہ معاشی بہتری کیلئے کئے گئے مشکل فیصلوں کے ثمرات آنا شروع ہو گئے ہیں ،ادھر پاکستان کی کریڈٹ ریٹنگ میں بہتری اور دیگر معاشی اشاریئے مثبت ہونے کے باعث اسٹاک مارکیٹ میں زبردست تیزی کا رجحان دیکھا گیا ، 100انڈیکس 10ماہ بعد 837 پوائنٹس کے اضافے سے 40ہزار کی نفسیاتی حد عبور کر گیا ۔ حکومت کے اقدامات کی وجہ سے بیرونی اقتصادی خطرات میں کمی آئے گی ۔ موڈیز نے دوسرے پاکستان انٹرنیشنل سکوک کمپنی لمیٹڈ اور تھرڈ پاکستان انٹرنیشنل سکوک کمپنی لمیٹڈ کے حوالے سے بی تھری فارن کرنسی ریٹنگ کی تصدیق کی ہے ۔ کرنٹ اکاءونٹ خسارے میں کمی، پالیسی فریم ورک اور دیگر اقدامات کی وجہ سے پاکستان میں معاشی صورتحال کےلئے بیرونی خطرات میں کمی رہے گی تاہم غیر ملکی زرمبادلہ کے ذخائر کو بڑھنے میں کچھ وقت لگے گا ۔ رواں اور آئندہ مالی سال کے دوران بھی کرنٹ اکاءونٹ خسارے میں جی ڈی پی کے تقریباً 2;46;2 فیصد تک کمی جاری رہنے کا امکان ہے جو کہ مالی سال 2017-18 میں 6 فیصد سے زائد اور مالی سال 2018-19 میں تقریباً 5 فیصد تھا ۔ پالیسی اقدامات اور دیگر وجوہات کی بناپر ادائیگیوں کے توازن میں بہتری کا سلسلہ جاری رہنے کا امکان ہے ۔ درآمدات میں کمی کرنٹ اکاءونٹ خسارے کو کم رکھنے میں اہم کردار ادا کریگی جبکہ بجلی کے جاری منصوبوں کی تکمیل سے بھی درآمدات میں کمی آئے گی اور بجلی کی پیداوار میں ڈیزل کی بجائے کوئلہ، قدرتی گیس کے استعمال اور پن بجلی کی پیداوار کی وجہ سے بتدریج تیل کی درآمدات بھی کم ہوں گی ۔ پچھلے 18 ماہ کے دوران ایکسچینج ریٹ میں ردوبدل کی وجہ سے برآمدات میں بتدریج اضافے کی وجہ سے بھی کرنٹ اکاءونٹ خسارے میں کمی کی وجہ ہے ۔ حکومت ملک کی تجارتی مسابقت بڑھانے کےلئے اقدامات کر رہی ہے اور حال ہی میں نیشنل ٹیرف پالیسی تیار کی گئی ہے جس کا مقصد برآمدات کےلئے سہولیات مہیاکرنا ہے ۔ اگر تجارت کے تناظر میں بہتری کےلئے اقدامات کئے جاتے ہیں تو اس سے برآمدات میں نمایاں اضافہ ہو سکتا ہے ۔ اسٹیٹ بینک کو مضبوط بنانے اور کرنسی میں لچک پیدا کرنے سمیت پالیسی اقدامات سے بیرونی معاشی خطرات میں کمی لانے میں مدد ملے گی ۔ پاکستان کے غیر ملکی زرمبادلہ کے ذخائر پچھلے کچھ ماہ کے دوران سات سے آٹھ ارب ڈالر کے لگ بھگ رہے ہیں جو کہ دو سے اڑھائی ماہ تک اشیاکی درآمد کےلئے کافی ہیں ۔ مالی سال 2019-20 میں مالیاتی خسارہ جی ڈی پی کے 8;46;6 فیصد کے لگ بھگ رہے گا جو کہ 2018-19 میں 8;46;9فیصد تھا اور اسے 2021-23 تک تقریبا 7 فیصد تک لایا جائے گا ۔ جی ڈی پی کے تناسب سے حکومت کا ریونیو بڑھنے کا امکان ہے ۔ حکام ٹیکس چوری روکنے اور سیلز ٹیکس کا دائرہ بڑھانے کےلئے آٹو میٹک انکم ٹیکس فائلنگ کا نظام بھی متعارف کرا رہے ہیں ۔ یقینا عوام کوریلیف دینے کے لئے کی گئی حکومتی اصلاحات کے مثبت نتاءج برآمد ہورہے ہیں ۔ اب سرمایہ کاری اوربرآمدات میں اضافہ ہورہاہے اورحسابات جاریہ کے خسارے میں کمی آئی ہے ۔ ٹیکس وصولی میں اضافے اورسٹاک مارکیٹ میں تیزی کے رجحان سے اقتصادی صورتحال میں بہتری آئی ہے ۔ کاروباری سہولیات کی فراہمی کے لحاظ سے بھی پاکستان کی درجہ بندی بہتر ہوئی ہے ۔

وزیر خارجہ کا کامیاب دورہ سری لنکا

وزیرخارجہ شاہ محمودقریشی نے سری لنکا کودوطرفہ تجارت اورسرمایہ کاری کے وسیع مواقع سے فائدہ اٹھانے کی پیشکش کی ہے ۔ کولمبو میں سری لنکا کے صدر گوتابایاراجہ پکسے اور وزیراعظم راجہ پکسے مہنداراجہ سے اپنی ملاقاتوں میں وزیرخارجہ نے کہاکہ وقت گزرنے کے ساتھ ساتھ دونوں ملکوں کے درمیان تمام شعبوں میں تعلقات مستحکم ہورہے ہیں ۔ سری لنکا کی قیادت نے پاکستان کی قیادت اور عوام کے ساتھ گرمجوشی کا اظہارکیا اور زوردیاکہ وہ دونوں ممالک کے درمیان پہلے سے موجودمضبوط اوربرادرانہ تعلقات کومزیدمستحکم دیکھنا چاہتے ہیں ۔ پاک اور سری لنکا کے درمیان تعاون سے پاکستانی معیشت کو فروغ دینے میں مدد ملے گی ۔ صدر گوتابایاراجہ پکسے پاکستان اور سری لنکا کے درمیان تعلقات میں تذویراتی وسعت کو بحال کریں گے ۔ سری لنکا پاکستان کے سیاحت کے شعبے میں بہتری لانے میں تعاون کرسکتاہے ۔

اگنی تھری کا ناکام تجربہ،

بھارتی غرور خاک میں مل گیا

بھارت کا اگنی ون اور ٹو کے بعد جوہری صلاحیت والے بیلسٹک میزائل اگنی تھری کا رات کی تاریکی میں کیا گیا پہلا تجربہ بھی ناکام ہو گیا ۔ بھارتی ریاست اوڈیشا کی تجربہ گاہ سے بیلسٹک میزائل اگنی 3 کا تجربہ کیا گیا لیکن میزائل اپنی پرواز کے طے شدہ راستے سے ہٹ گیا تھا جس کے بعد مشن ٹیم کو خود اسے ختم کرنا پڑا ۔ بھارتی میڈیا کے مطابق ;200;غاز سے لے کر پہلے مرحلے تک سب کچھ مشن منصوبے کے مطابق تھا لیکن اچانک اس نے غیر معمولی طور پر برتاو کرنا شروع کیا ۔ بھارتی حکام کا کہنا ہے کہ اگنی 3 میزائل پر ڈیڑھ ٹن وزنی جوہری ہتھیار کے ساتھ 3 ہزار سے 5 ہزار کلومیٹر تک مار کرنے کی صلاحیت رکھتا ہے ۔ یاد رہے کہ ماضی میں بھی اگنی 1 اور اگنی 2 اپنے ;200;زمائشی مرحلے میں ناکام ہوئے تھے اور اب اگنی 3کے تجربے میں بھی بھارتی سائنسدانوں کو ناکامی کا سامنا کرناپڑا ہے ۔ مسلسل تیسری ناکامی کے بعد بھارت کا جنگی جنون خاک میں ملتا جارہا ہے مگر وہ اپنی سازشیں کرنے سے باز نہیں آرہا ۔ اس کا ہر قدم خطے میں جنگ کی آگ بھڑکانے کی جانب ہوتا ہے ۔ اگنی 3 کے ناکام تجربے کے بعد بھارتی اسلحے کا پول کھل کر سامنے آچکا ہے ، اس سے قبل سیٹلاءٹ کے تجربے میں بھی اسے ناکامی کا سامنا رہا ۔

کرپشن کیسز؛ نیب کی شہبازشریف، رانا ثنااللہ اور نثارکھوڑو کیخلاف تحقیقات کی منظوری

اسلام آباد: نیب ایگزیکٹو بورڈ نے شہبازشریف، رانا ثناء اللہ اور نثار کھوڑو کے خلاف کرپشن کیسز کی تحقیقات کی منظوری دیدی۔

نیب کی جانب سے جاری اعلامیہ کے مطابق چیئرمین نیب جسٹس (ر) جاوید اقبال کی زیر صدارت ایگزیکٹو بورڈ کا اجلاس ہوا جس میں بدعنوانی کے 6 ریفرنسز اور کرپشن کیسز کے حوالے سے 15 تحقیقات کی منظوری دی گی۔ ایگزیکٹو بورڈ اجلاس میں چیئرمین نیب کا کہنا تھا کہ نیب نے 25 ماہ میں 73 ارب روپے برآمد کر کے قومی خزانے میں جمع کرائے۔

اعلامیہ کے مطابق اجلاس میں بریگیڈیئر (ر) سکندر جاوید و دیگر کے خلاف بدعنوانی ریفرنس کی منظوری دی گئی، ملزمان پر صاف پانی پروگرام کے ٹھیکے غیر قانونی طور پر دینے کا الزام ہے۔

اس کے علاوہ اجلاس میں فرزانہ راجہ سابق چیئرپرسن بے نظیر انکم سپورٹ پروگرام اور دیگر کے خلاف بدعنوانی کا ریفرنس دائر کرنیکی منظوری دیدی گئی، فرزانہ راجہ و دیگر ملزمان پر 4 ایڈ ورٹائزنگ کمپنیوں کو پیپرا رولز کی خلاف ورزی کرتے ہوئے اشتہاری مہم میں کنٹریکٹ دینے کا الزام ہے۔

اجلاس میں سابق وزیراعلیٰ پنجاب شہباز شریف، رانا ثنا اللہ، بلیغ الرحمن، سابق رکن قومی اسمبلی چوہدری عمر محمود ایڈوکیٹ، نثار کھوڑو، سابق وزیر خوراک سندھ، اسپیکر سندھ اسمبلی آغا سراج درانی اور سینیٹر انوار الحق  سمیت دیگر کے خلاف کرپشن کیسز کی تحقیقات کی منظوری دی گئی۔

شام میں اسکول اور بازار پر فضائی حملوں میں بچوں سمیت 20 افراد جاں بحق

ادلب: شام میں اتحادی افواج نے اسکول اور بازار پر فضائی حملے کیے جس کے نتیجے میں 20 افراد ہلاک اور متعدد زخمی ہوگئے۔

بین الاقوامی خبر رساں ادارے کے مطابق شام کے شہر ادلب کے علاقے میں فضائی حملے کیے گئے جس کی زد میں بازار اور اسکول بھی آگئے، حملے میں 20 افراد ہلاک ہوگئے جب کہ درجنوں زخمی ہیں۔ قبل ازیں حکومتی فورسز اور جنگجوؤں کے درمیان جھڑپ میں 50 سے زائد ہلاکتیں ہوئی تھیں۔

شام میں انسانی حقوق کے مبصر کا کہنا ہے کہ فضائی حملے دو مارکیٹوں اور اسکول کے نزدیک کیے گئے، مارکیٹوں پر حملے میں 11 جب کہ اسکول پر حملے میں 9 افراد ہلاک ہوئے جن میں بچے بھی شامل ہیں۔

ریسکیو اداروں نے امدادی کاموں کا آغاز کرتے ہوئے ہلاک اور زخمی ہونے والوں کو قریبی اسپتال منتقل کیا جہاں 4 زخمیوں کی حالت نازک بتائی جا رہی ہے جس کے باعث ہلاکتوں میں اضافے کا بھی خدشہ ظاہر کیا جارہا ہے۔

شام کے اکثر علاقوں سے جنگجوؤں کا قبضہ واگزار کروا لیا گیا ہے لیکن ادلب کے قبضے کے لیے کچھ علاقوں میں اب بھی گھمسان کی جنگ جاری ہے تاہم اس میں زیادہ تر معصوم شہریوں کا جانی و مالی نقصان ہو رہا ہے۔

آسٹریلوی کنڈیشنز ہمیشہ کی طرح مشکل تھیں ، مصباح الحق

لاہور: ہیڈ کوچ مصباح الحق کا کہنا ہے کہ آسٹریلوی کنڈیشنزہمیشہ کی طرح مشکل تھیں۔

ہیڈ کوچ مصباح الحق نے انٹرویوکے دوران کہا کہ آسٹریلوی کنڈیشنزہمیشہ کی طرح مشکل تھیں، وہاب ریاض اورمحمد عامرکے نہ ہونے کی وجہ سے نوجوان بولرز پر انحصارکرنا مجبوری تھی، ہمارے بولرز آسٹریلوی بیٹنگ لائن کو دباؤ میں نہیں لاسکے۔

مصباالحق نے کہا اظہرعلی، یاسر شاہ اور محمد عباس کی فارم تشویشناک ہے اورسری لنکا کے خلاف ہوم سیریز آسان نہیں ہوگی۔

واضح رہے کہ گزشتہ دوسرے ٹیسٹ میچ میں آسٹریلیا نے پاکستان کو اننگز اور 48 رنز سے شکست دیکر سیریز میں وائٹ واش کردیا تھا۔

با مقصد زندگی ۔۔۔بندگی

جن لوگوں نے اس فانی دنیا میں اپنی زندگی کو لافانی اور کمال و عروج تک پہنچا دیا ہے وہ نیک نیت لوگ دیانت داری ، ایمانداری اور فرض شناسی کی شاہراہ سے ہی ہو کر گزرے ہیں ۔ رسول پاک ﷺ نے فرمایا وہ شخص بے دین ہے جس میں دیانت داری نہیں ۔ آپ نے دنیا میں کوئی بھی کام سر انجام دینا ہے اس کے دو راستے ہی دانشوروں نے تجویز کئے ہیں ۔ ایک دیانت داری کا راستہ اور دوسرا بد دیانتی کا راستہ ۔ کسٹمز ہیلتھ کیئر سوساءٹی کے سربراہ کی قیادت میں پورا قافلہ دیانت داری کی راہ پر چلتے ہوئے آج کامیابیوں اور کامرانیوں کے وہ سنگ میل طے کر رہا ہے کہ پاکستان کے وزیر اعظم عمران خان کو بھی ڈاکٹر آصف محمود جاہ کے بارے میں کہنا پڑا کہ آصف میں آپ کو ربع صدی سے جانتا ہوں اور آپ کی ایمانداری اور دیانت داری پر کوئی دوسری رائے قائم نہیں کی جاسکتی ۔ یہی وجہ ہے کہ آج کسٹمز ہیلتھ کیئر سوساءٹی کا دنیا میں سب سے بڑا اشتہار ہی دیانت داری ہے ۔ لاہور کے علاقہ علامہ اقبال ٹاءون کے جہاں زیب بلاک میں کسٹمز ہیلتھ کیئر سوساءٹی کے سربراہ ڈاکٹر آصف محمود جاہ ستارہ َ امتیاز کی مسیحائی اور چارہ سازی صحت عامہ کے میدان میں اپنے حصے کی شمع فروزاں رکھے ہوئے ہے اور اس کام کی مہک دور دور تک لوگوں کے مشامِ جاں کو معطر کر رہی ہے ۔ پاکستان میں ہی نہیں ترکی، شام، روہنگیا اور کشمیر کے مظلوم و مجبور مسلمانوں کےلئے کسٹمز ہیلتھ کیئر سوساءٹی کی خدمات عالمی منظر نامے پر چراغ حق کی طرح نمایاں اور روشن ہیں ۔ گھر سے لے کر تھر تک آپ کے سماجی کاموں کا ایک سلسلہ بڑا سلیقے اور قرینے سے جاری و ساری ہے ۔ لوگوں کا اعتماد ، اعتبار اور یقین سے بھی آگے اس ادارے پر کیوں ہے;238; آپ حیران ہوں گے جب بھی زمینی اور آسمانی آفات و بلیات اور افتاد کے بادل سر زمین پاکستان پر منڈلاتے ہیں کسٹمز ہیلتھ کیئر سوساءٹی کو ہم نے میدان عمل میں پایا ۔ شمالی علاقہ جات ہوں یا جنوبی پنجاب کے سیلاب میں بہتی ہوئی بستیاں اُن سب میں آپ کو کسٹمز ہیلتھ کیئر سوساءٹی ہی کے رضا کار خدمت انسانیت میں پیش پیش دکھائی دیں گے ۔ وفاقی دارالخلافہ اسلام آباد میں بھی کسٹمز ہیلتھ کیئر سوساءٹی کو ہم نے میدان عمل میں پایا اور آج باقاعدہ ایک ہسپتال اسلام آباد کے مضافات میں مریضوں کےلئے سہولت کے اسباب پیدا کر رہا ہے ۔ وفاقی دارالخلافہ اسلام آباد میں بھی کسٹمز ہیلتھ کیئر سوساءٹی کے زیر اہتمام ہسپتال نے کام شرو ع کر دیا ہے جس کا افتتاح رواں ماہ میں ہی ہورہا ہے ۔ ڈاکٹر آصف محمود جاہ ستارہ امتیاز کا امتیاز یہ ہے کہ وہ مصیبت کی گھڑی میں گھری ہوئی مخلوق خدا کی مصیبت میں خود بھی گھر جاتے ہیں اور اس حالت میں مسیحائی فرماتے ہیں کہ درد کے مارے آپ کو مسیحا مان لیتے ہیں ۔ مصائب و آلام کے طلاطم خیز اندھے تھپیڑوں کی زد سے بچانا اور انہیں بھنور سے نکال کر ساحل پر لانا ڈاکٹر آصف محمود جاہ کی قیادت میں ناممکن نہیں ہے اور یہ سب کچھ عملاً دیکھا جاسکتا ہے ۔ اگر آپ با مقصد زندگی کرنا چاہتے ہو اور قلبی سکون کے ساتھ پائیدار طمانیت سے ہمکنار ہونا چاہتے ہو تو کسٹمز ہیلتھ کیئر سوساءٹی کے رضا کاروں ، اہل کاروں اور عملہ کی منجملہ ذمہ داریوں کو دیکھو تو آپ کو اس عادت میں عبادت کا ثواب ملے گا ۔ زندگی کا مقصد یہ دیکھنا نہیں ہے کہ سموگ،فوگ اور دھندلکوں میں کیا نظر آتا ہے بلکہ اس کی غایت یہ ہے کہ جو حالات سامنے موجود ہوں ان کا ہمت اور استقلال سے مقابلہ کیا جائے ۔ ڈاکٹر آصف محمود جاہ کی ذاتی امیدیں قلیل او رمقاصد جلیل ہیں ۔ یہی وجہ ہے کہ وہ اپنی سادگی میں آسودگی محسوس فرماتے ہیں اور دوسروں کےلئے ایثار و قربانی کے پیکر متحرک دکھائی دیتے ہیں ۔ آپ اپنی زندگی کا جائزہ بھی لیتے ہیں اپنے نفس کا احتساب بھی کرتے ہیں اور یہی وجہ ہے کہ آپ زندہ رہنے کا حق بھی ادا کر رہے ہیں ۔ زندگی کو اگر آپ بھی احسن انداز میں گزارنا چاہتے ہو تو پھر اس قیمتی متاع کو اعلیٰ نصب العین کے حصول کےلئے وقف کر دو جس طرح ہمارے سامنے کسٹم ہیلتھ کیئر سوساءٹی کے سربراہ ڈاکٹر آصف محمود جاہ کی زندگی کے شب و روز موجود ہیں ۔ آپ کا عزم بالجزم پہاڑوں کو ریزہ ریزہ کردیتا ہے اور اپنے پائیدار اور پختہ ارادوں کی بدولت کامیابی آپ کی جھولی میں آگرتی ہے ۔ جس کام کو ہم سوچتے ہیں وہ کر گزرتے ہیں ۔ یہی صفت آپ کو دوسروں سے ممتاز کرتی ہے ۔ زندگی ایک ایسا لباس ہے جسے ایک بار ہی پہنا جاسکتا ہے اگر انسان کے عزائم مُردہ نہ ہوچکے ہوں تو وہ زندگی میں بہت کچھ کر سکتا ہے ۔ زندگی میں انسان چمکدار ہیرا بھی بن سکتا ہے اور بے نور کانچ کا ٹکڑا بھی، بارش کا وہ قطرہ جو سیپ میں بند رہنے سے آبدار موتی بن کر نکلتا ہے دلدل میں گرجائے تو کیچڑ کا حصہ ہو کر رہ جاتا ہے ۔ ڈاکٹر آصف محمود جاہ نے زندگی سے زیادہ فائدہ اپنی ذات کے لئے حاصل نہیں کیا وہ کائنات کے لیے زیادہ سے زیادہ فائدہ اٹھا رہے ہیں ۔ اعمال حسنہ کی پونجی سے مالا مال زندگی ہی حقیقی زندگی ہے اور جہد مسلسل اور کاوش تسلسل میں ہی زندگی کا راز پنہاں ہے ۔ اگر آپ ہمیشہ زندہ رہنا چاہتے ہیں تو اپنی زندگی قوم کے لئے وقف کر دو ۔ ڈاکٹر آصف محمود جاہ نے اپنی زندگی ملک و ملت کے لئے وقف کردی ہے اور یہی وجہ ہے کہ ڈاکٹر آصف محمود جاہ نے زندگی کو بے مقصد چیز سمجھ کر ضائع نہیں کیا ہے آپ کی زندگی کا ایک ایک پل ہماری آنے والی نسلوں کے کل پر قربان ہے ۔ پروفیسر ڈاکٹر رفرف، مولانا عبدالرءوف ملک ، مولانا فضل الرحمن خطیب نسبت روڈ جامع مسجد، مولانا فضل رحیم، فاروق تسنیم، اشفاق احمد، اسد اللہ غالب، پروفیسر مزمل، فرحان یوسف فوٹو گرافر اور بہت سی گمنام سماجی شخصیات کے خیرخواہانہ جذبات و احساسات ڈاکٹر آصف محمود جاہ کو آکسیجن فراہم کرتے ہیں یہی تحسین آپ کی کامرانی کی کلید ہے ۔ کسی دانشور نے کہا تھا کہ زندگی دس گیئر والی گاڑی جیسی ہوتی ہے ہم میں سے بہت سے لوگ کچھ گیئر زندگی بھر استعمال نہیں کر پاتے مگر ڈاکٹر آصف محمود جاہ اپنی زندگی کی اس گاڑی کے دس گیئر استعمال کر رہے ہیں اور دکھی انسانیت کےلئے فیض کے اسباب تخلیق کر رہے ہیں ۔ آءو ہم سب زندگی کی گاڑی کو سارے گیئروں کے ساتھ استعمال کرکے چلائیں اور نتاءج اللہ پر چھوڑ دیں اسی کو توکل کہتے ہیں ۔ بقول مولانا ظفر علی خاں

توکل کا یہ مطلب ہے کہ خنجر تیز رکھ اپنا

پھر انجام اس کی تیزی کا مقدر کے حوالے کر

معاشی ٹیم ملکی معیشت کو درست سمت پر لے آئی، وزیراعظم

اسلام آباد: وزیراعظم عمران خان نے کہا ہے کہ قوم کو ملکی معیشت سے متعلق مزید اچھی خبریں ملیں گی۔

وزیراعظم عمران خان کی زیر صدارت وفاقی کابینہ کا اجلاس ہوا جس میں معاشی صورتحال، مختلف منصوبوں اور  موجودہ سیاسی صورتحال پر غور کیا گیا۔

ذرائع کا کہنا ہے کہ وفاقی کابینہ کو پاکستان کی معاشی صورتحال میں بہتری پر بریفنگ دی گئی جب کہ وزیر اعظم اور کابینہ نے عالمی معاشی درجہ میں بہتری پر معاشی ٹیم کی تعریف کی۔

اجلاس کے دوسرے سیشن میں آرمی ایکٹ میں ترمیم پر قانون سازی اور چیف الیکشن کمشنر وممبران کی تقرری پر مشاورت کی گئی۔

ذرائع کا کہنا ہے کہ کابینہ نے نیشنل انشورنس کمپنی کے سی ای او کی تقرری اور آزاد جموں کشمیر کے مالی سال 2019-20 کے پراپرٹی بجٹ کی منظوری دے دی۔ کابینہ نے اقتصادی رابطہ کمیٹی کے فیصلوں اور خصوصی کمیٹی برائے نجکاری کے فیصلوں کی بھی توثیق کردی۔

وزیراعظم عمران خان نے کہا کہ معاشی ٹیم ملکی معیشت کو درست سمت پر لے آئی ہے اب قوم کو ملکی معیشت سے متعلق مزید اچھی خبریں ملیں گی۔

وزیراعظم کا کہنا تھا کہ عالمی اداروں کی جانب سے پاکستانی معیشت سے متعلق مثبت رپورٹس آرہی ہیں۔

سعودی فرمانروا کے بھائی شہزادہ متعب بن عبدالعزیز انتقال کر گئے

ریاض: سعودی عرب کے فرمانروا شاہ سلمان بن عبدالعزیز کے بھائی 88 سالہ شہزادہ متعب بن عبدالعزیز آلِ سعود مختصر علالت کے بعد جہان فانی سے کوچ کر گئے۔

سعودی پریس ایجنسی کے مطابق شاہی محل سے آنے والی افسوسناک خبر میں شہزادہ متعب بن عبدالعزیز کے انتقال کرجانے کی اطلاع موصول ہوئی ہے، شہزادہ متعب شاہی خاندان کے محترم اور سینیئر رکن تھے۔ اُن کی نمازہ جنازہ مسجد الحرام میں بعد از نماز عشا ادا کی جائے گی۔

کیلی فورنیا یونیورسٹی سے تعلیم یافتہ شہزادے 1931 میں پیدا ہوئے اور محض 27 سال کی عمر میں انہیں صوبہ مکہ کی گورنری کا اہم عہدہ دیا گیا تھا جسے انہوں نے خوش اسلوبی سے نبھایا۔ بعد ازاں دیگر شعبوں میں ان کے تجربے سے استفادہ حاصل کیا جاتا رہا۔ 1980 سے 2009 تک دیہی امور کے وزیر کی حیثیت سے بھی خدمات انجام دیتے رہے۔

شہزادہ متعب سعودی فرماں روا ابن سعود کے 17 ویں بیٹے تھے اور ان کی والدہ امریکی خاتون تھیں، 2009 سے وزیر دیہی امور کی ذمہ داری ان کے صاحبزادے نبھا رہے تھے اور شہزادہ متعب کا زیادہ تر وقت امریکا میں ان کے گھر میں گزرتا تھا۔ وہ دنیا کے 98 ویں امیر ترین عرب شخصیت تھے جن کی جائیداد کی مالیت 110 ملین ڈالر بنتی ہے۔

وزیراعظم کا ترک سیریل “ارطغرل غازی” پی ٹی وی پرنشرکرنے کا حکم

 کراچی: وزیراعظم عمران خان نے مشہور ترک سیریل “ارطغرل غازی” پی ٹی وی پرنشرکرنے کی ہدایت کردی۔

وزیراعظم عمران خان نے مشہورترک سیریل “ارطغرل غازی” پی ٹی وی پرنشرکرنے کی ہدایت کردی۔ ڈرامہ سیریل تاریخ اسلام کے عظیم مجاہد ارطغرل غازی کی زندگی پربنایا گیا ہے۔

اس متعلق وزیراعظم کے معاون خصوصی افتخاردرانی نے کہا کہ وزیراعظم نے پی ٹی وی انتظامیہ کو سیریل نشر کرنے کی ہدایت کی ہے، سیریل کو پاکستان میں نشر کرنے کا مقصد قوم کو اسلامی تاریخ سے آگاہ کرنا ہے، ترک سیریل میں تاریخ اسلام، ثقافت اوراسلامی ہیروزکو اجاگرکیا گیا ہے۔

Google Analytics Alternative