Home » Author Archives: Admin (page 30)

Author Archives: Admin

گردشی قرضہ کم کر کے 10 ارب ماہانہ کر دیا، عمر ایوب

اسلام آباد: وفاقی وزیر توانائی عمر ایوب نے کہا ہے کہ زیر گردش قرضوں میں اضافہ کم کر کے 10ارب ماہانہ کر دیا۔

اسلام آباد میں نیوز کانفرنس کرتے ہوئے وفاقی وزیر توانائی عمر ایوب کہتے ہیں کہ پاور سیکٹر کے زیر گردش قرضوں میں اضافے کی وجہ سابقہ حکومتوں کی احمقانہ پالیسیاں تھیں، زیر گردش قرضوں میں اضافہ انتیس ارب ماہانہ سے کم کر کے 10ارب ماہانہ کر دیا۔

عمر ایوب کا کہنا تھا کہ روش پاور پلانٹ کو ڈیڑھ ارب کی ادائیگی اقتصادی رابطہ کمیٹی کے فیصلے کے مطابق شفاف طریقے سے کریں گے، بین الاقوامی عدالتوں میں دیگر کمپنیوں کے کیسز کے باعث پاکستان کو اربوں ڈالر ہرجانے کا سامنا ہے۔

وفاقی وزیر کا کہنا تھا کہ روش کمپنی دیگر کی طرح پاکستان کے خلاف بین الاقوامی عدالت میں نہیں گئی اسلئے معاملہ عدالت سے باہر سیٹل کر رہے ہیں۔

درمیانی عمر میں توند کیوں نکل آتی ہے؟ وجہ سامنے آگئی

پیٹ کا باہر نکلنا اکثر درمیانی عمر کی پہلی علامت ثابت ہوتا ہے مگر اب سائنسدانوں نے دعویٰ کیا ہے کہ وہ یہ جاننے میں کامیاب ہوگئے ہیں کہ عمر بڑھنے کے ساتھ وزن کیوں بڑھنے لگتا ہے، چاہے ورزش کرتے ہوں یا غذائی عادات میں کوئی تبدیلی نہ آئی ہو۔

یہ بات سوئیڈن اور فرانس میں ہونے والی ایک طبی تحقیق میں سامنے آئی۔

کیرولینسکا انسٹیٹوٹ، اپپسلا یونیورسٹی اور لیون یونیورسٹی کی مشترکہ تحقیق میں 54 بالغ افراد کا جائزہ 13 سال تک لیا گیا اور ان کے جسموں میں چربی کے ذخیرے کا تجزیہ کیا گیا۔

نتائج سے معلوم ہوا کہ عمر بڑھنے سے جسم میں چربی کے خلیات کی جانب سے چربی کو گھلانے اور اسے ذخیرہ کرنے کا عمل سست ہوجاتا ہے۔

محققین کو توقع ہے کہ تحقیق کے نتائج سے ایسی نئی ادویات یا طریقہ علاج تشکیل دینے میں مدد ملے گی جو درمیانی عمر میں لوگوں کے جسمانی وزن کو کنٹرول میں رکھنے میں مددگار ثابت ہوگا۔

اس سے پہلے تحقیقی رپورٹس میں عمر بڑھنے سے جسمانی وزن میں اضافے کی متعدد وجوہات کو دریافت کیا گیا تھا جیسے ہارمونز میں تبدیلی یا مسلز کا حجم گھٹ جانا۔

اب طبی جریدے نیچر میڈیسین میں شائع تحقیق میں پہلی بار جسم میں اندرونی پراسیس کو دریافت کیا گیا جو درمیانی عمر میں جسم کو پھیلا دیتا ہے۔

محققین کے مطابق اس سے موٹاپے کے علاج کے نئے ذرائع کا راستہ کھل جائے گا، اس وقت موٹاپا اور اس سے جڑے امراض دنیا بھر کا مسئلہ بن چکے ہیں۔

ان کا کہنا تھا کہ لپڈ نامی حصہ چربی کے حجم کو ریگولیٹ کرتا ہے اور عمر بڑھنے سے تحقیق میں شامل ہر رضاکار میں لپڈ کے پراسیس کی رفتار میں کمی دیکھنے میں آئی، چاہے ان کا وزن کم ہوا ہو یا بڑھ گیا ہو۔

اس تحقیق کے دورانیے کے دوران 15 افراد کا جسمانی وزن بڑھ گیا، 19 کا لگ بھگ پہلے جتنا رہا اور 20 کا وزن کم ہوا۔

تو جن افراد کا وزن کم ہوا یا جن کا ایک سطح پر رہا، ان میں بھی چربی گھلانے کی صلاحیت گھٹ گئی۔

اس سے قبل گزشتہ ہفتے سوئٹزر لینڈ میں ہونے والی ایک یونیورسٹی میں دریافت کیا گیا تھا کہ قدرتی طور پر دبلے پتلے رہنے والے افراد کا وزن اس لیے معمول پر رہتا ہے کیونکہ ان کی چربی کے خلیات جینیاتی طور پر زیادہ موثر طریقے سے کام کرتے ہیں۔

تحقیق کے دوران محققین نے ایسے افراد کے گروپ کا جائزہ لیا جن کا جو دل کرتا کھاتے مگر ان کا وزن نہیں بڑھتا۔

نتائج سے معلوم ہوا کہ ان کے معدے میں موجود چربی کے خلیات ایسے افراد کے مقابلے میں حجم میں 50 فیصد کم اور زیادہ متحرک ہوتے ہیں، جو اوسط جسمانی وزن کے حامل ہوتے ہیں۔

نتائج سے اس خیال کو مزید تقویت ملتی ہے کہ دبلے پتےل افراد کو جسمانی وزن کو معمول پر رکھنے کے حوالے سے دیگر لوگوں کے مقابلے میں کچھ جینیاتی فائدہ حاصل ہوتا ہے۔

طبی جریدے امریکن جرنل آف کلینیکل نیوٹریشن میں شائع تحقیق میں کہا گیا کہ پہلی بار یہ بات ثابت ہوئی ہے کہ اپنے جسمانی وزن کو ہمیشہ ایک سطح پر رکھنے والے افراد کو وائٹ ڈپازٹ ٹشو سے فائدہ ہوتا ہے۔

امریکی اتحاد افواج نے عراقی داعش کے ٹھکانوں پر36ہزار کلوگرام بم برسادیئے

صلاح دین: امریکی اتحادی فوج نے عراقی جزیرے پر واقع داعش کے ٹھکانے پر80 ہزار پاونڈ وزنی بارود اور بموں سے شدید حملہ کیا ہے

غیر ملکی خبر رساں ادارے کے مطابق امریکی اتحاد نے عراقی صوبے صلادین میں واقع جزیرے قانوس پر قائم داعش کے ٹھکانوں پر بمباری کی۔ امریکی اتحاد کے اس آپریشن میں 80 ہزار پاونڈ ( 36 ہزار کلو)  بارود استعمال کیا گیا۔

داعش کے خلاف کئے جانے والے اس آپریشن میں امریکی ایئر فورس کے ایف 15 اسٹرائیک ایگل اور ایف 35 لائٹننگ طیاروں نے حصہ لیا۔ آپریشن میں داعش کے کئی ٹھکانے تباہ ہونے کا دعویٰ کیا ہے۔

ذرائع ابلاغ کے مطابق قانوس جزیرہ بظاہر داعش شدت پسندوں کا مضبوط اور محفوظ گڑھ بن چکا تھا۔ جزیرے پر بڑی تعداد میں سبزہ اور درخت ہونے کی بنا پر جنگجو وہاں چھپے ہوئے تھے۔

اس موقع پر اسپیشل آپریشنز جوائنٹ ٹاسک فورس کے سربراہ میجر جرنل ایرک ٹی ہِل نے بتایا کہ گزشتہ ایک ماہ سے داعش کے خلاف نئی معلومات ملی تھیں جس کے بعد مختلف مقامات پر ان کے خلاف کارروائیاں جاری ہیں۔

تاہم تصاویر اور ویڈیو سے دیکھا جاسکتا ہے کہ اس غیرمعمولی بمباری سے جزیرے پر بڑے پیمانے پر تباہی ہوئی ہے۔

پاک بھارت کشیدہ تعلقات: ویمن کرکٹ سیریز کا انعقاد کھٹائی میں پڑ گیا

‏پاکستان اور بھارت کے درمیان تعلقات میں تناؤ کی وجہ سے دونوں ممالک کے درمیان ویمن کرکٹ سیریز کا انعقاد مشکلات کا شکار ہو گیا۔

پاکستان اور بھارت کے درمیان سیریز آئی سی سی چیمپئین شپ کا حصہ ہے جس کی میزبانی بھارت نے کرنی ہے، دونوں ممالک کے درمیان سیریز جولائی سے نومبر تک ہونی ہے۔

سیریز کی میزبانی کی اجازت بھارتی بورڈ نے اپنی حکومت سے طلب کی ہوئی ہے لیکن بھارتی حکومت نے اجازت دینے کے حوالے سے چپ سادھ لی ہے۔

پی سی بی کے ذرائع کا کہنا ہے کہ پاکستان بھارت سے سیریز کے حوالے سے رابطہ نہیں کرے گا کیونکہ سیریز کرانا بھارت کی ذمہ داری ہے، لیکن بھارت کی جانب سے سیریز کے لیے تاحال کوئی رابطہ نہیں کیا گیا ہے۔

ماضی میں بھی بھارتی ویمن کرکٹ ٹیم نے پاکستان کے ساتھ سیریز نہیں کھیلی تھی، تب پاکستان نے نیوٹرل مقام پر بھی کھیلنے کی پیشکش کی تھی، سیریز نہ کھیلنے کی وجہ سے بھارتی ٹیم کو پوائنٹس پاکستان کو دینے پڑے تھے۔

آئی سی سی ترجمان کا کہنا ہے کہ یہ دو ممالک کے درمیان سیریز ہے، سیریز کے انتظامات کرنا ممبر ممالک کی ذمہ داری ہے۔

ترجمان کا کہنا ہے کہ جب پوائنٹس ٹیبل کا معاملہ آئی سی سی کے پاس آئے گا تو اسے حل کیا جائے گا۔

وزیراعظم سے وزیراعلیٰ پنجاب کی ملاقات، پولیس اصلاحات پر گفتگو

اسلام آباد: وزیراعظم عمران خان سے وزیراعلیٰ پنجاب سردار عثمان بزدار نے ملاقات کی جس کے دوران پولیس اصلاحات پر تبادلہ خیال کیا۔

وزیراعظم عمران خان سے وزیراعلیٰ پنجاب عثمان بزدار نے ملاقات کی۔ دونوں رہنماؤں نے پنجاب حکومت سے متعلق امور پر تبادلہ خیال کیا۔ وزیراعلیٰ پنجاب عثمان بزدار نے وزیراعظم عمران خان کو پولیس اصلاحات سے متعلق بھی آگاہ کیا۔

حال ہی میں پنجاب میں پے درپے پولیس تشدد سے شہریوں کی ہلاکت کے متعدد واقعات پیش آئے ہیں۔ رحیم یار خان میں اے ٹی ایم کارڈ چوری کے الزام میں ایک شخص صلاح الدین کو گرفتار کیا گیا جو دوران حراست پولیس کے مبینہ تشدد سے جاں بحق ہوگیا۔

اسی طرح لاہور میں بھی عامر مسیح نامی نوجوان کو چوری کے الزام میں پولیس نے گرفتار کیا اور دوران حراست تشدد سے وہ بھی ہلاک ہوگیا۔ پنجاب پولیس کے ہاتھوں خواتین اور بزرگوں سمیت متعدد افراد کے ساتھ بدتمیزی اور تشدد کے مزید واقعات بھی پیش آئے ہیں۔

ان واقعات پر شہریوں نے شدید غم و غصے کا اظہار کرتے ہوئے حکومت پر زور دیا ہے کہ وہ پنجاب پولیس میں اصلاحات کے اپنے وعدے کو عملی جامہ پہنائے۔

تنقید کے بعد بھارتی گلوکار کا پاکستانی شہری کےشو میں آنے سے انکار

گزشتہ ماہ 5 اگست کو بھارت کی جانب سے مقبوضہ کشمیر کی خصوصی حیثیت ختم کرنے کے بعد بھارتی گلوکار میکا سنگھ کو پاکستان میں پرفارمنس کرتے دیکھا گیا تھا۔

میکا سنگھ کی پاکستان میں پرفارمنس کی ویڈیوز سوشل میڈیا پر وائرل ہونے کے بعد بھارتی فلم تنظیم فیڈریشن آف ویسٹرن انڈیا سنی ایمپلائز (ایف ڈبلیو آئی سی ای) نے گزشتہ ماہ 15 اگست کو ان پر پابندی عائد کردی تھی۔

ایف ڈبلیو آئی سی ای کے مطابق کشیدہ حالات کے وقت میکا سنگھ کو پاکستان جاکر پرفارمنس نہیں کرنا چاہیے تھی اور بعد ازاں گلوکار نے تنظیم سے پاکستان میں پرفارمنس کرنے پر معافی بھی مانگی تھی۔

میکا سنگھ کی جانب سے معافی مانگے جانے کے بعد تنظیم نے ان پر عائد پابندی کو ختم کردیا تھا اور اعلان کیا تھا کہ میکا سنگھ اب ایسی غلطی نہیں کریں گے۔

میکا سنگھ کے بعد ایک اور بھارتی گلوکار دلجیت دسانج نے بھی پاکستانی نژاد امریکی شہری کی جانب سے امریکا میں منعقد کیے جانے والے میوزک کنسرٹ میں پرفارمنس کرنے کی حامی بھری تھی اور انہیں بھی تنقید کا نشانہ بنایا گیا۔

دلجیت دسانج کی جانب سے پاکستانی نژاد امریکی شہری ریحان صدیقی کی جانب سے امریکا میں کیے جانے والے ایک شو میں رواں ماہ 21 ستمبر کو پرفارمنس کرنا تھی۔

اطلاعات تھیں کہ دلجیت دسانج نے ریحان صدیقی کی دعوت قبول کرتے ہوئے ان کے شو میں پرفارمنس کی حامی بھرلی تھی اور بھارتی گلوکار کی پرفارمنس کی تصاویر بھی چھپوا کر شائع کردی گئی تھیں۔

دلجیت دسانج کی جانب سے پاکستانی شہری کے شو میں پرفارمنس کی حامی بھرنے کے بعد بھارتی فلم تنظیم ’فیڈریشن آف ویسٹرن انڈیا سنی ایمپلائز‘ کو برا لگا اور اس نے میکا سنگھ کی طرح دلجیت دسانج کو بھی پاکستانی شہری کے شو میں پرفارمنس سے روکا۔

ابتدائی طور پر تنظیم نے دلجیت دسانج کو میڈیا کے ذریعے پیغام دیا کہ وہ امریکا میں پاکستانی شخص کے شو میں پرفارمنس کا پروگرام ملتوی کردے، دوسری صورت میں اس کے خلاف کارروائی کی جائے گی۔

تاہم بعد ازاں تنظیم نے بھارتی وزارت خارجہ کو ایک خط لکھ کر گلوکارہ کا امریکی ویزا منسوخ کرنے کی سفارش کی اور کہا کہ دلجیت دسانج وطن اور قوم سے بڑھ کر دشمن ملک کے شہری کے پروگرام کو اہمیت دے رہے ہیں۔

خبر رساں ادارے ’ایشین نیوز انٹرنیشنل‘ اے این آئی‘کے مطابق ایف ڈبلیو آئی سی ای کی جانب سے وزارت خارجہ کو لکھے گئے کھلے خط میں کہا گیا ہے کہ تنظیم نے دلجیت دسانج کو اپنا دورہ منسوخ کرنےکا کہا ہے۔

تنظیم نے اپنے خط میں وزارت خارجہ کو لکھا کہ اگر دلجیت دسانج نے اپنا امریکی شو منسوخ نہیں کیا تو حکومت ان کا ویزا منسوخ کردے اور انہیں کسی طرح بھی پاکستانی شہری کے شو میں پرفارمنس کرنے کے لیے جانے نہیں دینا چاہیے۔

تنظیم نے وزارت خارجہ کو دلجیت دسانج کا ویزا منسوخ کرنے کی درخواست کی اور کہا کہ ملک اور قوم سے بڑھ کر کوئی چیز نہیں۔

تاہم وزارت خارجہ کی جانب سے ویزا منسوخ کیے جانے سے قبل ہی دلجیت دسانج نے پاکستانی شہری کے میوزک کنسرٹ میں جانے سے انکار کردیا۔

دلجیت دسانج نے اپنے ٹوئیٹ میں اعلان کیا کہ انہوں نے 21 ستمبر کو امریکا میں منعقد میوزک کنسرٹ میں پرفارمنس کرنے کا پروگرام منسوخ کردیا۔

دلجیت دسانج نے لکھا کہ ان کے لیے ملک اور قوم سے بڑھ کر کوئی چیز نہیں۔

ساتھ ہی انہوں نے شکوہ کیا کہ تنظیم نے انہیں براہ راست خط لکھنے کے بجائے میڈیا کے ذریعے پیغام دیا، تاہم انہوں نے تنظیم کے اسی پیغام پر ہی اپنا پروگرام منسوخ کردیا۔

2019 کے آئی فونز کے بارے میں ہم کیا جانتے ہیں؟

ایپل کی جانب سے 2017 سے ہر سال 3 نئے آئی فونز متعارف کرائے جارہے ہیں اور امکان ہے کہ 2019 میں بھی یہ کمپنی ایسا ہی کرے گی۔

10 ستمبر کو کمپنی کی جانب سے نئے آئی فونز پیش کیے جائیں گے اور اس میں بظاہر سب سے بڑی تبدیلی پہلی مرتبہ بیک پر 3 کیمروں کی موجودگی ہوگی۔

البتہ قیمت کے لحاظ سے ضرور فرق ہوگا یعنی فلیگ شپ آئی فون 11 پرو اور آئی فون 11 پرو میکس (جو بھی نام ہوگا) کی قیمت ایک ہزار سے ایک ہزار 400 ڈالرز کے درمیان ہوسکتی ہے۔

تو جانیں اس سال مختلف لیکس اور رپورٹس میں نئے آئی فونز کے حوالے سے کیا تفصیلات سامنے آئی ہیں۔

3 نئے آئی فونز

ایپل کی جانب سے ایک مرتبہ پھر 3 نئے آئی فونز پیش کیے جانے کا امکان ہے اور اس حوالے سے وال اسٹریٹ جرنل اور بلوم برگ نے مختلف رپورٹس میں تفصیلات بھی دی ہیں۔

ڈسپلے کے لحاظ سے گزشتہ سال کے ماڈلز جیسے

2019 کے آئی فونز ڈسپلے سائز کے لحاظ سے گزشتہ سال کے آئی فونز جیسے ہی ہوں گے، مختلف لیکس کے مطابق اس بات کا امکان ضرور موجود ہے کہ اس مرتبہ سستے آئی فون ایکس آر میں ایل سی ڈی کی جگہ او ایل ای ڈی اسکرین دی جاسکتی ہے، جس میں گزشتہ سال ایل سی ڈی اسکرین دی گئی تھی۔

3 بیک کیمرے

ایپل کے نئے فلیگ شپ آئی فونز میں اس مرتبہ بیک پر 3 کیمروں کا سیٹ اپ دیئے جانے کا امکان ہے، آئی فون ایکس ایس اور ایکس ایس میکس کے اپ ڈیٹڈ ماڈلز میں یہ نیا کیمرا سیٹ اپ دیا جاسکتا ہے جبکہ ایکس آر کے اپ ڈیٹ ورژن میں اس مرتبہ ایک کی بجائے 2 کیمرے دیئے جائیں گے۔

تین بیک کیمروں میں پہلی مرتبہ آئی فونز میں لارج فیلڈ ویو اور بہتر زوم کی صلاحیت دی جائے گی جبکہ اسمارٹ فریم کے نام سے ایک نیا فوٹوگرافی فیچر دیے جانے کا بھی امکان ہے، جس سے الٹرا وائیڈ فوٹو کو زیادہ بہتر کھینچنے میں مدد مل سکے گی۔

ری ڈیزائن کیمرا سنسر

آئی فونز میں تیسرے کیمرے کی شمولیت کا مطلب یہ بھی ہے کہ آئی فون کے بیک پر کیمرا پوزیشن کا ڈیزائن بھی تبدیل ہوگا جو ایک چوکور ڈبے کی شکل میں ہوگا۔

پہلے سے بہتر فیس آئی ڈی

ایپل کا چہرہ شناخت کرنے والا سسٹم بھی اس سال اپ ڈیٹ ہوگا، میک ریورمرز کی ایک رپورٹ کے مطابق فیس آئی ڈی کو اپ ڈیٹ کیا جائے گا جس کی بدولت نادیدہ روشنی کا اثر کم ہوگا اور صارف کے لیے فیس آئی ڈی کے استعمال کا تجربہ زیادہ بہتر ہوجائے گا۔

پہلے سے زیادہ شارپ سیلفی کیمرا

اس مرتبہ صارفین کے لیے زیادہ ریزولوشن والا سیلفی کیمرا دیا جانے کا امکان ہے، یعنی نئے آئی فونز میں 12 میگا پکسل سنسر دیا جائے گا جو گزشتہ سال کے 7 میگا پکسل کیمرے کے مقابلے میں بہت زیادہ بہتر ہوگا۔

فاسٹ چارجنگ

ایپل کی جانب سے 18 واٹ چارجر نئے آئی فون میں فاسٹ چارجنگ سپورٹ کے لیے دیا جاسکتا ہے جو اس وقت بیشتر اینڈرائیڈ فونز میں دستیاب ہے۔

ریورس وائرلیس چارجنگ

اس بار نئے آئی فونز میں ریورس چارجنگ کا فیچر بھی ہوگا یعنی یہ تینوں آئی فونز دیگر ڈیوائسز کو بھی چارج کرسکیں گے۔

بڑی بیٹریاں

نئے آئی فونز میں ریورس وائرلیس چارجنگ سپورٹ کے لیے زیادہ بڑی بیٹریاں دی جائیں گی اور بیٹریوں کا حجم گزشتہ سال کے مقابلے میں 10 سے 25 فیصد تک بڑھایا جاسکتا ہے۔

نئے کلر آپشن

آئی فون ایس آر کے اپ ڈیٹڈ ورژن کے لیے لیونڈر اور گرین کلر کے نئے آپشنز دیے جانے کا امکان ہے جو بلیو اور کورل کلر کی جگہ لیں گے۔

نیا پراسیسر

اس سال کے آئی فونز میں نیا اے 13 پراسیسر دیا جائے گا جو پہلے کے مقابلے میں زیادہ طاقتور ہوگا، اسی طرح آئی فون ایکس آر میں 3 کی جگہ 4 جی بی ریم دیئے جانے کا بھی امکان ہے۔

قیمت

نئے آئی فونز کی قیمتوں کے حوالے سے زیادہ لیکس سامنے نہیں آئیں مگر اس بات کا امکان ہے کہ آئی فون ایکس آر کے اپ ڈیٹ ورژن کی قیمت 799 پاؤنڈز، آئی فون ایکس کا اپ ڈیٹ ماڈل 999 پاؤنڈز جبکہ ایکس ایس میکس کے نئے ورژن کی قیمت 1099 پاؤنڈز سے شروع ہوگی۔

ایک سوال پوچھوں ۔ ۔ ۔

پولیس کا بنےادی کام عوام کا تحفظ ہے ۔ ترقی ےافتہ ممالک میں پولیس تحفظ اور مددگار سمجھی جاتی ہے جبکہ پاکستان خصوصاً پنجاب میں پولیس کو دہشت اور خوف کی علامت سمجھا جاتا ہے ۔ پنجاب میں شرےف اور عام شہری تھانے کے سامنے سے گذرنے سے کتراتے اور خوف محسوس کرتے ہےں ۔ حالانکہ تھانے کو امن اور تحفظ کی جگہ محسوس ہوناچاہیے ۔ صوبہ پنجاب میں شرح خواندگی دےگر صوبوں کے نسبت زےادہ ہے لیکن اس کے باوجود پنجاب پولیس اور عوام کے درمیان خلیج زےادہ ہے ۔ پنجاب میں پولیس پر کوئی اعتماد نہیں کرتا ۔ اگر آپ پاکستان کے چاروں صوبوں کے پولیس کے رویے کے فرق کو چےک کرنا چاہیں تو آپ کسی درمےانی درجے کے گاڑی میں چاروں صوبوں کا سفر کرےں تو آپ پر چاروں صوبوں کے پولیس کا روےہ عےاں ہوجائے گا ۔ پنجاب پولیس کا عوام کے ساتھ روےہ بہتر کیوں نہیں ہے;238;اس کے متعدد اسباب ہیں ۔ جن میں سے صرف چند اےک ےہ ہیں ۔ (الف)برطانوی دور میں پولیس کاعوام کے خلاف غلط استعمال (ب)برطانوی دور کے کالے قوانےن (ج)جغرافےائی خدو خال اور علاقائی مزاج (د)مقتدر طبقے کا قانون شکنی (ر)پولیس ڈےوٹی کا ٹائم ٹےبل (ز)پولیس افسران کا ماتحت کے ساتھ روےہ (ذ)گزشتہ چند عشروں سے سےاست دانوں کا پولےس کو اپنے مخالفےن کےلئے استعمال ۔ حقےقت ےہ ہے کہ پنجاب میں عام طور پر سےاستدان اپنے مخالفےن کے خلاف جھوٹے مقدمات درج کرواتے رہتے ہیں اور پولیس کے ذرےعے سے مخالفےن کو تنگ کرنا معمول ہے ۔ سےاست دانوں نے پولیس کو politicized کیا ہے ۔ پولیس کے ناروا سلوک کی وجہ سے عوام اور پولیس میں فاصلے بڑھتے گئے ۔ اب تک سےنکڑوں افراد پولیس کے جعلی مقابلوں اور تشدد سے ہلاک ہوچکے ہیں لیکن زےادہ تر واقعات رپورٹ نہیں ہوئے ےا منظر عام پر نہ آسکے ۔ رواں سال پنجاب پولیس کے تشدد سے زےر حراست 10 ملزم جان سے گئے ۔ آئی جی پنجاب عارف نواز نے اےسے واقعات روکنے کی بجائے پولیس ملازمین اور شہرےوں پر تھانے میں موبائل فون استعمال پر قدغن لگائی ہے ۔ نہ رہے بانس ، نہ بجے بانسری کے مترادف تھانے کی وےڈےوز باہر نہیں جائےں گی تو کسی کے پاس ثبوت نہیں ہونگے ۔ اےسا ظاہر ہوتا ہے کہ پنجاب پولیس کا نےا سلوگن وردی بدلیں گے لیکن روےہ نہیں بدلیں گے ۔ اےسا محسوس ہورہا ہے کہ پنجاب میں پولیس عوام کی تذلیل کو فرض سمجھتی ہے ۔ آئی جی پنجاب عارف نواز نے وقتی ماحول کو ساز گار بنانے کےلئے زبانی جمع تفرےق فارمولا نکالاکہ;34; ملزم پر تشدد ےا ہلاکت کا مقدمہ اےس اےچ او اور ڈی اےس پی کے خلاف درج ہوگا ۔ تشدد ےا ہلاکت پر اےس اےچ او بلیک لسٹ ہوگا اور وہ دوبارہ کسی تھانے کا اےس اےچ او تعےنات نہیں ہوگا ۔ ;34; تقرےباًہر واقعہ کے بعد پولیس کے چند ملازمین کو معطل تو کردےا جاتا ہے لیکن سزائےں کم دی جاتی ہیں ۔ تھانوں میں ٹچ موبائل کے استعمال روکنے سے مسائل اور واقعات کم نہیں ہونگے ۔ آئی جی پنجاب آصف نواز کو چاہیے کہ واقعات کو کم کرنے کی وجوہات تلاش کرےں اور ان کا تدارک کرےں ۔ وزےراعظم عمران خان جلسوں میں ےہ فرماےا کرتے تھے کہ ;34;اقتدار میں آکرسب سے پہلے پولیس کو ٹھےک کروں گا ۔ ;34;سال تو بےت گےا ہے لیکن پولیس کو کب ٹھےک کریں گے;238;کتنے صلاح الدےن ، کتنے عامر مسےح مزےدپولیس تشدد سے ہلاک ہونے کا انتظار ہے;238;وزےراعظم عمران خان صاحب! آپ کی پارٹی کا نام ;34;پاکستان تحرےک انصاف;3939;ہے ۔ آپ انصاف کےلئے عملاً کام کرےں ۔ پاکستان میں طبقاتی نظام کو ختم کرےں ۔ پاکستان سب کا ہے ، اس لئے پاکستان میں مسلم ہو ےا غےر مسلم، امےر ہو ےا غرےب، سفےد ہو ےا کالا ، افسر ہو ےا ادنیٰ ملازم سب کےلئے ےکساں انصاف ہو ۔ جرم کوئی بھی کرے ،ان کو فوری سزا کا نظام بنائےں ۔ پولیس نظام کو بہتر کرنے کےلئے اصلاحات نافذ کرےں ۔ پولیس کے تمام ملازمین قطعی غلط نہیں ہیں ۔ پولیس میں اچھے ملازمین بہت ہیں ۔ چند ملازمین کی وجہ سے محکمہ گندا اور بدنام ہوچکا ہے ۔ جن ملازمین کی وجہ سے محکمہ پولیس پر انگلیاں اٹھ رہی ہوں ،ان سے محکمہ کو پاک کرنا چاہیے ۔ محکمہ پولیس سےاست سے دور اور غےر جانبدار ہونا چاہیے ۔ پولیس میں سزا اور جزا کا موثر نظام ہونا چاہیے ۔ محکمہ پولیس کا چےک اےنڈ بےلنس تھرڈ پارٹی کے ذرےعے ہونا چاہیے ۔ افواج پاکستان کے رےٹائرڈ افسران اورملازمین کے ذرےعے ان کی مانیٹرنگ کاسسٹم ہوناچاہیے ۔ پولیس رویے کو بہترکرنے کےلئے بھی ٹھوس اقدامات اٹھانے چاہئیں ۔ تھانوں سے ٹاءوٹ ازم کا مکمل اور عملاً خاتمہ ہونا چاہیے ۔ پولیس کی تربےت اور پیشہ وارانہ ٹرنےنگ کا بہتر نظام ہوناچاہیے ۔ پولیس ملازمین کے مسائل کے حل پر توجہ دےنی چاہیے ۔ پولیس اور عوام کے درمیان فاصلوں کو سمیٹنے کےلئے تگ ودو کرنی چاہیے ۔ فرض شناس پولیس ملازمین کی حوصلہ افزائی کرنی چاہیے ۔ قارئےن کرام ! صلاح الدےن کی بات ہر شخص کے دماغ میں گونج رہی ہے کہ اےک سوال پوچھوں ;238; مارو گے تو نہیں ۔ تم لوگوں نے مارنا کہاں سے سےکھا;238;وزےراعظم عمران خان صاحب ! لوگ آپ سے بھی اےک سوال پوچھ رہے ہیں ، مارو گے تو نہیں ۔ آپ پولیس کو کب تبدےل کرو گے;238;آپ کے بقول خزانہ خالی ہے لیکن پولیس رویے کی تبدےلی کےلئے خزانے کی ضرورت نہیں ۔ قارئےن کرام!کیا صرف پولیس رویے سے حالات سدھر جائےں گے;238; نہیں بلکہ مقتدر طبقہ ،پولیس اور عوام تےنوں کے رویے کی بہتری سے حالات بہتر ہونگے ۔

Google Analytics Alternative