Home » Author Archives: Admin (page 3000)

Author Archives: Admin

ای سگریٹ کا ایک خوفناک روپ

ای سگریٹ کو سگریٹ کے نعم البدل کے طور پیش کیا جاتا ہے اورماہرین کا خیال ہے کہ یہ شاید کم خطرناک ہے لیکن جسم کے اندر جا کر یہ مضر نیکوٹین کتنا نقصان دہ ہے یہ تو الگ بحث ہے لیکن ای سگریٹ کا ایک خوفناک روپ اس وقت سامنے آیا جب امریکا میں ایک نوجوان کے سگریٹ پینے کے دوران اچانک دھماکے سے وہ سگریٹ پھٹ گیا جس سے اس کی گردن کی ہڈی بری طرح متاثر ہوئی۔ امریکی ریاست کولوراڈو کے علاقے کولو کے رہائشی 29 سالہ نوجوان کیپلز ای سگریٹ سے لطف اندوز ہورہا تھا کہ اچانک اس میں دھماکا ہوا جس نے اس کے چہرے کو بری طرح جھلسا دیا، نوجوان کے دانت ٹوٹ گئے اور اس دھماکے سے لگنے والے جھٹکے سے اس ک ی گردن کے نیچے والی ریڑھ کی ہڈی بری طرح متاثر ہوئی جس کے باعث وہ چلنے کے قابل نہیں رہا۔ نوجوان کو اسپتال میں سرجری کے لیے لے جایا گیا جہاں ڈاکٹرز کا کہنا تھا کہ وہ ابھی یقین سے نہیں کہ سکتے کہ یہ نوجوان دوبارہ اپنے پاو¿ں پر کھڑا ہوسکے گا یا نہیں۔ کیپلز نامی نوجوان کی بہن کا کہنا تھا کہ وہ اپنے کام پر بریک کے دوران ای سگریٹ پینے میں مصروف تھا کہ اچانک سگریٹ دھماکے سے پھٹ گیا جس سے کیپلز کو بری طرح متاثر کیا۔ میڈیا رپورٹ کے مطابق ای سگریٹ کے فنکشن میں خرابی سے ہونے والے نقصان کا یہ پہلا واقعہ نہیں بلکہ رواں ماہ کے اوائل میں ا?رکناس نامی ایک نوجوان کے ای سگریٹ پینے کے دوران دھماکا ہوگیا تھا جس نے اس کے دانت، ہونٹوں اور چہرے کو بری طرح جھلسا دیا جب کہ اکتوبر میں کنساس میں ای سگریٹ ایک شخص کے ہاتھ میں پھٹ گئی جس سے اس کا ہاتھ جھلس گیا تھا۔ ماہرین کا کہنا ہے کہ ای سگریٹ میں لگی اوسط درجے کی بیٹری زیادہ گرم ہوجانے کی وجہ سے دھماکے کا باعث بن سکتی ہے۔

ذہنی دباو آپ کو جلد کے امراض میں مبتلا کرسکتاہے

کیا آپ کو معلوم ہے ذہنی دباو آپ کو جلد کے امراض میں مبتلا کرسکتاہے۔ایکٹا ڈرماٹو وینیسیولوجیکاجریدے کے مطابق جدید تحقیق میں ثابت ہوا ہے کہ ذہنی دباو اور جلدی امراض کا آپس میں گہرا تعلق ہے۔امریکی ریاست پھلاڈلفلا کی ٹمپل یونیورسٹی کے محقق گل یوسو پووچ کاکہناہے کہ نفسیاتی تناو کھجلی ،بالوں کا گرنا ،ناخنوں کا کھردرا ہونا ،جلد کے مساموں سے پانی جیسا سیال باہر نکلنا ،کھردری جلد ،ناخنوں کاچبانا جیسے امراض کا باعث بنتاہے۔محققین نے مطالعے کیلئے انڈر گریجویٹ عمر کے 400مریضوں کا انتخاب کیا جن کو کم ، درمیانہ اور زیادہ دباو والے تین گروپوں میں تقسیم کیاگیا۔ان میں زیادہ دباو والے مریضوں کومذکورہ امراض میں مبتلا پایاگیا۔

وزن کی زیادتی کے مسائل سے دوچار افراد اب پریشان ہونا بھول جائیں

وزن کی زیادتی کے مسائل سے دوچار افراد اب پریشان ہونا بھول جائیں۔محققین نے اپنی طویل تحقیق کے بعد وزن کم کرنے آسان طریقے دریافت کر لیے ہیں۔محققین کا کہنا ہے کہ اگر آپ تین وقت کا کھانا کھانے سے پہلے صرف 500ملی لیٹر پانی کا استعمال کریں تو آپ دنوں واضح فرق محسوس کریں گے۔برمنگھم یونیورسٹی کی لیکچرار ہیلن بریٹی کا کہنا ہے کہ کھانا کم کرنے کی بجائے اگرتین وقت کھانا کھانے سے پہلے خالی پیٹ پانی پیا جائے تو وزن میں آسانی سے کمی کی جا سکتی ہے۔محققین نے اپنی ریسرچ کے دوران 84بالغ افراد کا 12ہفتے تک مشاہدہ کیا۔انھوں نے 41افراد کوکم کھانے اور 43افراد کو کھانے سے فوراً پہلے 500ملی لیٹر پانی پینے کے لئے دیا۔ بعد ازاں 12ہفتے کا عرصہ گزرنے پر دونوں گروپوں کے وزن میں واضح فرق پایا گیا۔رپورٹ کے مطابق اس تحقیق کے نتیجے میں واضح ہوا کہ جو افراد دن میںتین دفعہ کھانے سے پہلے پانی پیتے رہے ہیں ان کے وزن میں 12ہفتے کے عرصے کے دوران 4.3کلو گرام تک کمی واقع ہوئی۔اس کے برعکس کم کھانا کھانے والے افراد کے وزن میں صرف 0.8کلو گرام تک کمی واقع ہو سکی۔ماہرین کا کہنا ہے کہ پانی کا زیادہ استعمال صحت اور خوبصورتی کو بر قرار رکھنے کے لئے بھی اہم جز ہے۔ –

بچوں کو تمام حفاظتی ٹیکے مفت لگائے جائیں گے

کراچی کے بچوں کو تمام حفاظتی ٹیکے اب مفت لگیں گے، حفاظتی ٹیکوں کے پروگرام ای پی آئی اور نجی طبی اداروں کے درمیان معاہدہ ہوگیا، نومولود سے لیکر 5 سال تک کے بچوں کی بلامعاوضہ ویکسی نیشن کی جائے گی۔اس حوالے سے تمام نجی اسپتالوں، کلینکس، تشخیصی مراکز اور پرائیویٹ ڈاکٹرز کو معاہدے کا مسودہ جاری کردیا گیا ہے۔ پروگرام منیجر ای پی آئی کے مطابق مقصد پولیو سمیت تمام بیماریوں کی ویکسی نیشن کو بہترکرنا ہے۔ معاہدے کے متن کے مطابق انسداد پولیو مہم کے باعث معمول کے حفاظتی ٹیکوں کی مہم متاثر ہورہی تھی،حفاظتی ٹیکوں پر والدین کے ہزاروں روپے خرچ ہوتے ہیں، کوئی ادارہ سروس چارجز سو روپے سے زیادہ وصول نہیں کرے گا۔

پپیتہ قدرت کا انمول تحفہ

پپیتہ کو سنہرے درخت کا پھل کہا جاتاہے۔ یہ قدرت کا ایک ایسا انمول تحفہ ہے جس پر اس کا جتنا بھی شکر ادا کیا جائے کم ہے۔ 1977ءمیں لندن کے ایک اسپتال میں پپیتے کو ایک ایسا انفیکشن روکنے کے لیے استعمال کیا گیا جو گردوں کے آپریشن کے بعد لاحق ہوتا تھا۔ اس کے استعمال کے بعد انفیکشن اتنی تیزی سے دور ہوا کہ جیسے کسی جادو نے کمال دکھایا ہو۔ لندن کے تمام اخبارات نے اس کراماتی پھل کے متعلق شہ سرخیاں لگائیں۔ اس کے بعد ہی یورپی لوگوں کو پپیتے کی صحیح اہمیت کا اندازہ ہوا، لیکن برصغیر پاک و ہند میں یہ پھل صدیوں سے مختلف امراض کے خاتمے کے لیے معاون تسلیم کیا جاتا ہے۔ حکمت میں اس کے پھل، چھلکے، بیج اور پتوں سے درجنوں امراض کا علاج کیا جاتا ہے۔ صرف برصغیر پاک و ہند ہی نہیں دنیا کے دیگر خطوں میں بھی یہ پھل قدیم زمانے سے استعمال ہورہا ہے۔جنوبی افریقا کے قدیم باشندے پپیتے کا گودا السر اور زخموں کے علاج کے لیے استعمال کرتے تھے۔ مشہور سیاح مارکوپولو نے اسی پھل کی مدد سے اپنے ساتھی ماہی گیروں کی جانیں بچائی تھیں۔ اس کا قصہ کچھ یہ ہے کہ سمندری سفر کے دوران مارکوپولو اور اس کے ساتھ ملاح ایک خطرناک مرض میں مبتلا ہوگئے تھے جس کے سبب ان کو ہڈیوں اور دانتوں کی بیماریاں لاحق ہوگئی تھیں۔ اس مرض کو دنیا نے بعد میں اسکروی کا نام دیا۔ اس مرض میں ہڈیوں میں شدید درد ہوتا ہے اور دانتوں سے خون بہنا بند نہیں ہوتا۔ یہ ہی کچھ حال مارکوپولو کے ساتھیوں کا تھا۔ مارکوپولو نے انھیں کثرت سے پپیتا کھلایا تو وہ حیرت انگیز طور پر صحت یاب ہوگئے۔ بعدازاں تحقیق سے ثابت ہوا کہ یہ بیماری جسے اسکروی (Scurve) کہا جاتا ہے، وٹامن C کی کمی کی وجہ سے لاحق ہوتی ہے اور پپیتے میں وٹامنC وافر مقدار میں ہوتاہے۔ جب کرسٹوفر کولمبس نے امریکا دریافت کیا تو وہاں کے وحشیوں کو دیکھ کر اسے تعجب ہوا کیوں کہ وہ لوگ کھانے میں گوشت اور مچھلی زیادہ استعمال کرتے ہیں اس کے باوجود انھیں پیٹ کی کوئی بیماری لاحق نہیں ہوتی۔ اس نے معلوم کیا تو پتہ چلا کہ یہ لوگ پپیتے کا استعمال کثرت سے کرتے ہیں۔ قدیم زمانے سے لوگ پپیتے کو زندگی بخشنے والا پھل کہتے ہیں۔واسکوڈی گاما نے اسے سنہرے درخت کا سنہرا پھل قرار دیا ہے۔ ایک تیار پپیتے میں وٹامنAاورC، فولاد، کیلشیم اور پوٹاشیم کی بڑی مقدار پائی جاتی ہے۔ اس لیے یہ بالوں اور جلد کو نکھانے کے لیے ازحد مفید، کھانے کے علاوہ اگر اسے چہرے پر لگایا جائے تو جِلد چمکنے لگتی ہے۔ پپیتے میں چند ایسے اجزا پائے جاتے ہیں جو گوشت انڈے اور دودھ کی پروٹین کو زود ہضم بنانے میں معاون ثابت ہوتے ہیں۔ کچے پپیتے میں ایک مادہ ہوتا ہے جسے Papain کہا جاتا ہے۔ اس مادے کی مدد سے گوشت گلانے کے علاوہ ہاضمے کی دوائیں بنانے کا کام بھی کیا جاتا ہے۔ پپیتے کے بیج بھی دواو¿ں میں استعمال کیے جاتے ہیں۔یہ پھل گرم آب و ہوا میں پیدا ہوتا ہے اور وافر مقدار میں بھی ہوتا ہے۔ اس لیے انتہائی سستا ہے اس پھل کا استعمال ہر کھانے کے ساتھ کیا جانا چاہیے۔ صحرائی علاقوں میں یہ پھل متعدد میٹھی ڈشز کے ساتھ استعمال کیا جاتا ہے۔ اس سے کئی قسم کے فروٹ سلاد وغیرہ بنائے جاسکتے ہیں۔ اس پھل کی صرف ایک چھوٹی سی پھانک آپ کو متعدد بیماریوں سے محفوظ رکھنے کے لیے کافی ہے۔اس پھل میں قدرت نے اتنی غذائیت رکھی ہے کہ اگر انسان اس سے فائدہ اٹھانا چاہے تو ہمیشہ بیماریوں سے محفوظ رہ سکتا ہے۔ ماہرین کے مطابق اس پھل میں چند خصوصیات ایسی ہیں جو انسان میں انوکھی طاقت پیدا کرسکتی ہیں۔ عمر میں اضافہ کرتی ہیں، اس لیے اسے زندگی کا پھل کہا جاتا ہے۔

بٹسمین یونس خان نے اپنا تاریخ ساز بیٹ انڈس اسپتال کو عطیہ کردیا

پاکستان ٹیسٹ ٹیم کے تجربہ کار بیٹسمین یونس خان نے اپنا تاریخ ساز بیٹ انڈس اسپتال کو عطیہ کردیا جو مستحق افراد کے علاج میں مدد کے لیے نیلام کردیا جائے گا.پاکستان کی جانب سے ٹیسٹ کرکٹ میں سب سے زیادہ رنز بنانے والے تجربہ کار بیٹسمین یونس خان کراچی کے مقامی ہوٹل میں ایک تقریب میں شریک تھے جہاں انھوں نے اپنے تاریخ ساز بلے کو انڈس اسپتال کے لیے عطیہ کرنے کا اعلان کیا۔اسپتال انتظامیہ کا کہنا تھا کہ وہ اس بیٹ کو نیلام کریں گے اور اس کے ذریعے جو رقم حاصل ہوگی وہ اسپتال کی تعمیر اور دیگر کاموں میں خرچ ہوگی۔۔یونس خان نے مخیر افراد سے اپیل کی وہ اگے آئیں اور اس ریکارڈ ساز بلے کو جتنے زیادہ پیسوں سے خرید سکتے ہیں خریدیں تاکہ مستحق افراد کے لیے اسپتال کا تعمیراتی کام جلد از جلد مکمل کیا جاسکے۔یونس خان نے حال ہی میں انگلینڈ کے خلاف ٹیسٹ سیریز میں قومی ٹیم کے سابق کپتان جاوید میانداد کا پاکستان کی جانب سے ٹیسٹ کرکٹ میں سب سے زیادہ رنز بنانے کاریکارڑ خوب صورت چھکا لگا کراپنے نام کیا تھا، اب اسی بلے کو مستحق افراد کی بہتری کے لیے عطیہ کردیاہے۔اس موقع پر یونس خان کا کہنا تھا کہ پاکستان نے انھیں بہت کچھ دیا ہے اب وقت آگیا ہے کہ پاکستان کے لیے کچھ کروں۔انھوں نے مخیر حضرات سے اپیل کی کہ آگے بڑھیں اور سماجی کاموں میں بڑھ چڑھ کر حصہ لیں۔قومی ٹی ٹوئنٹی ٹیم کے کپتان شاہد آفریدی بھی پشاور میں اسپتال کی تعمیر اور دیگر فلاحی کاموں میں سرگرم عمل ہیں۔پاک بھارت سیریز کے حوالے سے یونس خان کا کہنا تھا کہ دونوں ملکوں کے درمیان کرکٹ سے خطے کو بہت فائدہ ہو گا اور کھلاڑیوں کو انفرادی طور پر بھی بہت سیکھنے کو ملے گا۔

پاکستان اور بھارت کی سیریز کے امکانات کم ہو گئے

نئی دہلی: بھارتی حکومت پرپاک بھارت کرکٹ سیریز کو گرین سگنل نہ دینے کے لیے ہندو انتہا پسندوں کا دباو¿ بڑھ گیا ہے۔ بھارتی میڈیا کے مطابق ہندو انتہا پسندوں کے بڑھتے دباو کے سبب اس بات کا امکان انتہائی کم نظر آتا ہے کہ مودی سرکار پاک بھارت سیریز کے لیے بھارتی کرکٹ بورڈ کو گرین سگنل دے۔ معروف بھارتی صحافی وکرانت گپتا کے مطابق اگر چہ بھارتی حکومت تاحال پاک بھارت کرکٹ کے حوالے سے کوئی اعلان کرنے سے ہچکچا رہی ہے تاہم اب بھی اس بات کا امکان موجود ہے کہ منگل تک مودی سرکار کی جانب سے بھارتی کرکٹ بورڈ کو پاکستان سے سیریز کے لیے گرین سگنل مل جائے گا۔

آفریدی ٹی ٹوئنٹی انٹرنیشنل میں سب سے زیادہ وکٹیں لینے والے بولر بن گئے

دبئی:پاکستانی ٹی ٹوئنٹی کرکٹ ٹیم کے کپتان شاہد خان آفریدی ٹی ٹوئنٹی انٹرنیشنل میں سب سے زیادہ وکٹیں لینے والے بولر بن گئے۔جمعے کو انگلینڈ کے خلاف دبئی میں شاہد آفریدی نے 4اوورز میں 15 رنز دے کر 3وکٹیں حاصل کیں۔شاہد آفریدی نے86وکٹیں 86میچوں میں حاصل کی ہیں۔یہ عالمی ریکارڈ ہے۔اس سے قبل یہ عالمی ریکارڈ پاکستان ہی کے سعید اجمل کا تھا جنہوں نے64میچوں میں85کھلاڑیوں کو آ?ٹ کیا تھا۔پاکستان کے عمر گل نے 83کھلاڑیوں کو ا??ٹ کیا ہے۔سری لنکا کے لاستھ ملنگا 74 وکٹ کے ساتھ چوتھے نمبر پر ہیں۔

Google Analytics Alternative