Home » Author Archives: Admin (page 3027)

Author Archives: Admin

ہالی وڈ کی نئی فلم ‘بِلی لیئنز لانگ ہاف ٹائم واک’ کا ٹریلر ریلیز

لاس اینجلس :ایکشن سے بھرپور نئی ہالی ووڈ ایکشن ڈرامہ فلم ‘بِلی لیئنز لانگ ہاف ٹائم واک’  کا فائنل ٹریلر جاری کر دیا گیا ہے ، جو کل سے سنیما گھروں میں ریلیز کی جا رہی ہے۔

فلم کی کہانی19سالہ ایک ایسے جانباز فوجی جوان کے گِرد گھوم رہی ہے ، جو عراق میں جاری جنگ کے دوران خطرناک محاذ پر بہادری سے لڑتا ہے اور اس دوران اپنے ہی ساتھیوں کو بھی کھو دیتا ہے۔

شاہ رخ کی اہلیہ کی اپنی تصویر ڈیلیٹ کرنے کیلیے فوٹوگرافر کو رشوت کی پیشکش

ممبئی: بالی ووڈ کنگ شاہ رخ خان کی اہلیہ اور پروڈیوسر گوری خان نے اپنی تصاویر حذف کرنے کے لیے فوٹو گرافر کو 5 ہزار رشوت کی پیش کش کی لیکن  فوٹو گرافر نے پیسے لینے سے انکار کردیا۔

بالی ووڈ اسٹار شاہ رخ خان کی اہلیہ گوری خان مشہور شخصیت ہونے کے باوجود میڈیا پر تشہیر سے دور رہتی ہیں لیکن پھر بھی کسی نہ کسی طرح شہ سرخیوں میں آہی جاتی ہیں تاہم اب ان کی اپنی تصویر کامعاملہ سامنے آیا ہے۔

بھارتی میڈیا رپورٹس کے مطابق گوری خان اپنے نئے شوروم کے لیے جگہ تلاش کررہی تھیں کہ ایک فوٹو گرافر کی جانب سے ان کی تصاویر اتاری گئیں جس پر انہوں نے سیکیورٹی گارڈ  کو بھیج کرتصاویرحذف کرانے کا کہا لیکن فوٹو گرافر نے تصاویر حذف کرنے سے انکار کردیا جس کے بعد گوری خان نے خود فوٹو گرافر کے پاس جا کر تصاویر ڈیلیٹ کرانے کی درخواست کرتے ہوئے اسے 5 ہزار روپے دینے کی بھی پیش کش کی تاہم فوٹو گرافر نے صاف انکار کردیا۔

دوسری جانب فوٹو گرافر کا تصاویر ڈیلیٹ کرنے انکار کرتے ہوئے کہنا تھا کہ گوری خان کی تصاویر میں ایسی کوئی بات نہیں ہے جس سے ان کی ساکھ یا عزت کو نقصان پہنچے لہٰذا کسی صورت تصاویر کوحذف نہیں کروں گا۔

شاہ رخ اور عالیہ کی فلم ’ڈئیر زندگی‘ کا ڈائیلاگ پرومو جاری

کنگ خان اور عالیہ بھٹ اپنے مداحوں کو ایک ساتھ نظر آئیں گے، ان کی نئی بالی ووڈ رومانٹک ڈرامہ فلم ’ڈئیر زندگی‘ کا ڈائیلاگ پرومو جاری کردیا گیا۔

بالی ووڈ کے کنگ شاہ رخ خان اور عالیہ بھٹ کے مداح انہیں ایک فلم میں ساتھ دیکھنے کیلئے تیار ہوجائیں، گوری شندے کی ہدایتکاری میں بننے والی فلم ’ڈئیر زندگی‘ کی کہانی ایک ایسی شوخ و چنچل لڑکی کے گرد گھومتی ہے جو تین بار محبت میں مبتلا ہوجاتی ہے اور ہر بار زندگی کا نیا پہلو سامنے آتا ہے۔

کرن جوہر کی پروڈیوس کردہ اس فلم میں شاہ رخ خان اور عالیہ بھٹ مرکزی کردار میں نظر آئیں گے جبکہ فلم کی دیگر کاسٹ میں آدیتیہ رائے کپور، کنال کپور، انگد بیدی اور پاکستانی سنگر و اداکار علی ظفر شامل ہیں۔

واضح رہے کہ بھارتی ہندو انتہا پسندوں کی پاکستانی اداکاروں کے خلاف جاری نفرت کے سبب فلم ’ڈئیر زندگی‘ کے ٹریلر میں علی ظفر کو شامل نہ کرنے کا فیصلہ کیا گیا تھا جبکہ فلم رواں سال 25نومبر کو سینما گھروں میں نمائش کیلئے پیش کی جائے گی۔

ایپل کی جانب سے آئی فون 6 پر غیرمعمولی رعایت کا اعلان

کیلیفورنیا: ایپل نے اپنے خفیہ ڈسکاؤنٹ کا اعلان کرتے ہوئے کہا ہے کہ اب صارفین سیکڑوں ڈالر کی بچت کرتے ہوئے دوبارہ سے مرمت اور چمکائے گئے (ریفربشڈ) فونز بہت کم قیمت پر خرید سکتے ہیں۔

ایپل نے اپنی ویب سائٹ پر آئی فون 6 اور آئی فون 6 ایس کی فروخت بھی شروع کردی ہے جنہیں آن لائن خریدنے کے ساتھ ساتھ ایپل اسٹور سے براہِ راست بھی خریدا جاسکتا ہے۔ دلچسپ بات یہ ہے کہ ریفربشڈ اور کم قیمت کے فون کے ساتھ ایک سال کی وارنٹی اور تمام سہولیات وہی فراہم کی جارہی ہیں جو پوری قیمت والے نئے آئی فون کے لیے پیش کی جاتی ہیں۔

ویب سائٹ کے مطابق انہیں ’’سرٹیفائیڈ ریفربشڈ فون‘‘ کہا گیا ہے۔ ایپل کا ریفربشڈ شعبہ ایک عرصے سے خفیہ تھا لیکن اب ایپل کمپنی نے اس کا اعلان کرتے ہوئے آئی پوڈ، آئی پیڈ اور آئی فون پر رعایتی قیمت کا اعلان کیا ہے۔ اس سے قبل صارفین ایپل کے میک بک لیپ ٹاپ خرید رہےتھے ۔ اکثر مصنوعات ایک یا دو جنریشن پرانی ہیں لیکن وارنٹی وہی ہے اور ایپل کیئر کی ساری سہولیات فراہم کی جاری ہے۔ تمام مصنوعات پر 10 سے 15 فیصد رعایت ہے لیکن فونز پر رعایت کچھ زیادہ ہے۔ اس کا مقصد کم آمدنی والے صارفین کو سہولیات فراہم کرنا ہے تاکہ وہ بھی ایپل مصنوعات خرید سکیں۔

ریفربشڈ آئی فون 6 پلس کا روز گولڈ 64 گیگا بائٹس پاکستانی 60 ہزار روپوں میں فروخت ہورہا ہے جب کہ سکس پلس میں سلور آئی فون کی قیمت پاکستانی 53 ہزار روپے کے لگ بھگ ہے۔ سارے فون ان لاکڈ ہیں اور ان میں کسی فون کمپنی (کیریئر) کی سِم کارڈ موجود نہیں۔

صرف 30 منٹ میں ایچ آئی وی شناخت کرنے والی یو ایس بی اسٹک ایجاد

لندن: برطانوی سائنسدانوں نے ایچ آئی وی کی شناخت کرنے والا یو ایس بی نما آلہ تیار کیا ہے جو صرف 30 منٹ میں وائرس کو بھانپ سکتا ہے۔

اس پر خون کا ایک قطرہ ٹپکا کر اسے کمپیوٹر ٹیبلٹ یا دوسرے دستی آلے کی یو ایس بی پورٹ پر لگادیا جاتا ہے۔ اس کے بعد سافٹ ویئر 30 منٹ تک خون کا تجزیہ کرکے بتاتا ہے کہ مریض کے خون میں ایچ آئی وی ہے یا نہیں۔ اس ٹیکنالوجی کے ذریعے درست ترین انداز میں ایچ آئی وی کی شناخت کی جاسکتی ہے۔

اس آلے  کو امپیریل کالج لندن نے امراض کی تشخیصی کمپنی ڈی این اے الیکٹرانکس کی مدد سے تیار کیا ہے۔ ماہرین کے مطابق یہ آلہ دور دراز اور غریب علاقوں کے مریضوں میں ایچ آئی وی شناخت کرنے کے لیے بہت مؤثر ثابت ہوسکتا ہے۔ اچھی بات یہ ہے کہ یوایس بی صرف منٹوں میں تنائج دیتی ہے جب کہ ایچ آئی وی کےروایتی ٹیسٹ میں کئی دن صرف ہوجاتے ہیں۔

اس آلے پر کام کرنے والے سائنسدان کا کہنا ہےکہ مروجہ ایچ آئی وی ٹیسٹ مہنگے اور وقت طلب ہوتے ہیں جب کہ ان کے لیے پیچیدہ نطام کی ضرورت ہوتی ہے۔ لیکن یہ آلہ بنانا ایسا ہی ہے جیسے پوری تجربہ گاہ کو ایک یو ایس بی اسٹک میں سکیڑنا ہے۔

ایچ آئی وی کا علاج اس وقت طاقتور اینٹی ریٹرو وائرل دواؤں سے کیا جارہا ہے جو خون میں وائرس کو کم سےکم کرتی ہیں جب کہ اسے جانچنے کے لیے باقاعدگی سے بلڈ ٹیسٹ کرانا پڑتا ہے تاکہ وائرس کی تعداد و مقدار پر نظر رکھی جاسکے۔ اگر دوا اثر نہیں کررہی اور وائرس طاقتور ہورہا ہو تو اس کی نشاندہی بھی خون کےذریعے ہی ہوتی ہے اور پھر دوسرا طریقہ علاج ڈھونڈنا پڑتا ہے۔ امید ہے کہ یہ آسان طریقہ تشخیص مریضوں کے لیے ایک نوید ثابت ہوگا جس سے وہ خود اپنے خون میں وائرس کی مقدار بھی معلوم کرسکیں گے۔

پاکستان اور نیوزی لینڈ کا ٹور میچ، بارش کی نذر

ٹیسٹ سیریز سے قبل پاکستان کرکٹ ٹیم کی تیاریاں بری طرح متاثر ہو رہی ہیں، 3 روزہ پریکٹس میچ کے پہلے روز بارش کے باعث کھیل ہی شروع نہ ہو سکا ۔

ٹریننگ سیشن تو خراب موسم کے باعث متاثر ہو ئے، اب موسم 3روزہ میچ کی راہ میں بھی رکاوٹ بن گیا ہے، پاکستان اور نیوزی لینڈ اے کرکٹ ٹیموں کے درمیان واحد ٹور میچ کا پہلا روز شدید بارش کی نذرہو گیا ۔

ٹاس ہوا تو میزبان ٹیم نے جیت کر بیٹنگ کا فیصلہ کیا، لیکن ایک بھی گیند نہ پھینکی جا سکی ، آج بھی کوئی اچھی پیش گوئی نہیں ہے ۔

جمعرات کو شروع ہونے والا بارش کا سلسلہ آج کو بھی جاری رہنے کا امکان ہے ، اس میچ میں پاکستان نے یونس خان ، محمد عامر، وہاب ریاض ، یاسر شاہ اور شرجیل خان کو آرام دیا ۔

بنگلہ دیش لیگ، آفریدی نے حریف کواسپن جال میں پھنسا لیا

ڈھاکا: بنگلہ دیش پریمیئر لیگ میں شاہد آفریدی نے کھلنا ٹائٹینز کو اسپن بولنگ کے جال میں پھنسا لیا، ان کی تباہ کن بولنگ نے یکطرفہ مقابلے میں رنگپور رائیڈرز کو 9 وکٹ سے فتح دلادی، ٹائٹینز کی پوری ٹیم 10.4 اوورز میں ایونٹ کے کمترین اسکور 44پر ڈھیر ہوئی، ڈبل فیگر میں پہنچنے والے واحد بیٹسمین شواگتا ہوم نے 12 رنز بنائے، آفریدی نے چار کھلاڑیوں کو آؤٹ کیا، عرفات سنی نے 3 وکٹیں لیں۔ رائیڈرز نے ایک وکٹ گنوا کر 8 اوورز میں آسان ہدف حاصل کرلیا، واحد وکٹ جنید خان کے نام رہی۔

تفصیلات کے مطابق بی پی ایل کے پانچویں میچ میں کھلنا ٹائٹینزکی آدھی ٹیم 15 رنز تک پویلین واپس لوٹ چکی تھی، شواگتا ہوم نے 12 رنز بناکر کچھ ہمت دکھائی، ان کے بعد نورالعالم نے سب سے زیادہ 8 رنز بنائے، پوری ٹیم 64 بالز پر 44 رنز پر آؤٹ ہوئی، یہ بی پی ایل کا کمترین مجموعہ ہے، اس سے قبل بریسال بلز 58 رنزپر آؤٹ ہوئی تھی۔

ایک مکمل اننگز میں سب سے کم گیندوں کا سامنا کرنے کے معاملے میں ٹائٹینز دنیا کی پانچویں ٹیم بن گئی، اس حوالے سے بنگلہ دیش کی ہی ایک مقامی ٹیم محمڈن 52 بالز پر آؤٹ ہوئی تھی۔ ایسیکس اور نیدرلینڈز 63، 63 گیندوں پر آؤٹ ہوچکے ہیں۔ یہ ٹوئنٹی کرکٹ میں چھٹا کم ترین ٹوٹل ہے، سب سے کم 30 رنز پر بھارتی ڈومیسٹک ٹیم تریپورہ آؤٹ ہوئی تھی، نیدرلینڈز سری لنکا کے خلاف 39 رنز پر آؤٹ ہوچکا۔

ٹائٹینزکے خلاف شاہد آفریدی نے تین اوورز میں 12 رنز دے کر 4 وکٹیں لیں جبکہ ایکشن تبدیل کرنے کے بعد کھیل میں لوٹنے والے عرفات سنی نے 2.4 اوورز میں ایک بھی رن دیے بغیر تین کھلاڑیوں کوچلتا کیا۔ جواب میں رنگپور رائیڈرز نے8 اوورز میں ایک وکٹ گنواکر ہدف حاصل کرلیا، واحد وکٹ جنید خان نے محمد شہزاد کا ریٹرن کیچ تھام کر حاصل کی۔پانچویںمرتبہ ایک اننگزمیں چار وکٹیںلینے والے شاہد آفریدی کومین آف دی میچ قرار دیا گیا۔

راجکوٹ :انگلینڈ کے573رنز ، بھارتی بولنگ کی قلعی کھل گئی

1961کے بعد یہ پہلا موقع ہے جب ایشیا میں تین انگلش بیٹسمینوں نے ایک ہی اننگز میں تھری فیگرز اننگز کھیلی۔ بین اسٹوکس نے دو ڈراپ کیچ اور دو رن آئوٹس ضائع ہونے کا بھرپور فائدہ اٹھایا۔

دوسرے دن کھیل شروع ہوا تو 99 رنز پر کھیلنے والے معین علی نے پہلے ہی اوور میں کیریئر کی چوتھی ٹیسٹ سنچری مکمل کرلی۔ انہوں نے بین اسٹوکس کے ساتھ پانچویں وکٹ کیلئے62 رنز جوڑے اور 117 رنز بنا کر محمد شامی کی وکٹ بنے۔

جونی بیئرسٹو نے اسٹوکس نے بھی 99 رنز کی شراکت قائم کی ۔ بین اسٹوکس نے ظفر انصاری کے ساتھ نویں وکٹ کیلئے 52رنز کی شراکت قائم کی ۔

وہ 128 رنز بنا کر پویلین لوٹے۔ ظفر انصاری نے 32 رنز بنائے۔ رویندرا جدیجا تین جبکہ محمد شامی، امیش یادو اور روی چندر ایشون نے دو دو وکٹیں حاصل کیں۔ جواب میں بھارت نے بغیر کسی نقصان کے 63 رنز بنا لیے تھے۔

Google Analytics Alternative