Home » Author Archives: Admin (page 3027)

Author Archives: Admin

لندن : سٹوارٹ براڈ کا پاکستانی باؤلر پر تنقید کرتے ہوئے مزید کہنا تھا کہ آسٹریلیا میں عامر کا بہت برا استقبال ہو گا. لارڈز ٹیسٹ کی شکست نے سٹوارٹ براڈ کا دماغ بھی گھما دیا ، محمد عامر کی حمایت کرنے والے انگلش فاسٹ باؤلر نے پینترا بدل لیا ، کہتے ہیں محمد عامر نے فکسنگ کی ان پر تاحیات پابندی لگنا چاہیے تھی ۔

سٹوارٹ براڈ کا پاکستانی باؤلر پر تنقید کرتے ہوئے مزید کہنا تھا کہ آسٹریلیا میں عامر کا بہت برا استقبال ہو گا ۔

محمد عامر اور انکی باؤلنگ سٹوارٹ براڈ کے اعصاب پر سوار ہو گئی ، لارڈز ٹیسٹ میں ہار کا غصہ انگلش باؤلر نے محمد عامر پر نکال دیا ۔ ان کا کہنا ہے کہ کرکٹ میں فکسنگ بہت بڑا جرم ہے، محمد عامر پر تاحیات پابندی لگنا چاہیے تھی ۔

سٹوارٹ براڈ کا یہ بھی کہنا تھا کہ انگلش شائقین نے پاکستان فاسٹ باؤلر سے نرم رویہ برتا ۔ تاہم آسٹریلین تماشائی محمد عامرکو معاف نہیں کریں گے ، ایجبسٹن میں ان کا استقبال لارڈز جیسا نہیں ہو گا ۔ قومی ٹیم کو رواں سال دسمبر میں آسٹریلیا کیخلاف ٹیسٹ سیریز کھیلنا ہے ۔ سٹوارٹ براڈ نے یاسر شاہ کی تعریف کی اور کہا کہ انگلش بلے بازوں کو یاسر کی باؤلنگ کا توڑ کرنا ہو گا ۔ ان کی گھومتی گیندوں کو کھیلنے کیلئے خاص حکمت عملی اپنانا ہو گی

پاکستان سے شکست ، انگلش میڈیا اپنی ٹیم پر برس پڑا

لندن  : انگلش پریس کے مطابق انگلینڈ الیون میں حکمت عملی کا فقدان تھا ، بلے بازوں کا غیر ذمہ دارنہ رویہ لارڈز ٹیسٹ میں شکست کا سبب بنا . لارڈز ٹیسٹ کی ناکامی پر انگلش میڈیا اپنی ٹیم پر ہی برس پڑا ، کک الیون کی بیٹنگ لائن کو کمزور قرار دے دیا ، سابق کپتان جیفری بائیکاٹ نے موجودہ قائد ایلسٹر کک اور جو روٹ کی بیٹنگ کو شدید تنقید کا نشانہ بنایا ۔

مصباح الحق کی شاندار پرفارمنس کے بعد انگلش میڈیا بھی ان کا مداح بن گیا ۔ لارڈز ٹیسٹ کی فتح پر جہاں انگلش میڈیا نے پاکستان ٹیم کی تعریفوں کے پل باندھے ، وہیں انگلینڈ ٹیم پر انگلش میڈیا نے تنقید کے خوب نشتر چلائے ۔انگلش پریس نے ٹیم کی ناکامی کو ناقص بیٹنگ کا شاخسانہ قرار دے دیا ۔

انگلش پریس کے مطابق انگلینڈ الیون میں حکمت عملی کا فقدان تھا ۔ پاکستانی باؤلروں کے سامنے انگلش بیٹنگ لائن بے بس دکھائی دی ۔ بلے بازوں کا غیر ذمہ دارنہ رویہ لارڈز ٹیسٹ میں شکست کا سبب بنا اور بیٹسمینوں کی یہ روش سیریز میں مشکلات کو بڑھا سکتی ہے ۔

سابق کپتان جیفری بائیکاٹ نے اپنے کالم میں کپتان ایلسٹر کک اور جو روٹ کو شکست کا ذمہ دار قرار دیا ۔ بائیکاٹ کے مطابق دونوں سینئرز بلے باز جونیئرز کیلئے رول ماڈل نہ بن سکے ۔ سابق انگلش کپتان جیفری بائیکاٹ کا کہنا تھا کہ میزبان ٹیم یاسر شاہ کی لیگ سپن کو بالکل سمجھ نہ پائی ۔

پاکستان کی تاریخی فتح، لارڈز کے میدان میں انگلینڈ کو 20 سال بعد شکست

لندن:  پہلے ٹیسٹ میں پاکستان نے انگلینڈ کو جیتنے کے لیے 283 کا ہدف دیا تھا۔ انگلینڈ کی پوری ٹیم 207 رنز بنا کر پویلین لوٹ گئی۔ پاکستان اور انگلینڈ کے درمیان لارڈز میں کھیلے گئے پہلے ٹیسٹ میچ میں قومی بولروں کی شاندار گیند بازی نے میچ کا پانسا پلٹ دیا۔ پاکستانی ٹیم نے انگلینڈ کو ٹیسٹ میچ جیتنے کیلئے 283 کا بظاہر آسان ہدف دیا تھا جسے برطانوی کھلاڑی حاصل کرنے میں ناکام رہے۔ انگلینڈ کی پوری ٹیم 207 رنز بنا کر پویلین لوٹ گئی۔

انگلینڈ کی جانب سے کپتان ایلسٹر کک اور اے ڈی ہیلز نے اننگز کا آغاز کیا۔ تاہم پہلی اننگز میں 81 رنز بنانے والے کپتان کک صرف 8 رنز بنا کر پویلین لوٹ گئے۔ راحت علی کے گیند پر سرفراز احمد نے ان کا کیچ لیا۔ اس کے بعد اے ڈی ہیلز 16 اور جوئے روٹ صرف 9 رنز بنا پائے۔ جے ایم ونس نے اچھی بلے بازی کی اور 42 رنز بنائے لیکن ان کی نصف سینچری کا خواب اس وقت چکنا چور ہو گیا جب وہاب ریاض کی گیند پر یونس خان نے ان کا خوبصورت کیچ لے کر انھیں آؤٹ کر دیا۔ اس کے بعد جی ایس بیلنس نے پراعتماد بلے بازی کا مظاہرہ کیا تاہم وہ 43 کے انفرادی سکور پر بولڈ ہو کر یاسر شاہ کی پہلی وکٹ بنے۔ اس تھوڑی ہی دیر بعد معین علی بھی دو رنز بنا کر آؤٹ ہو گئے۔ ان کی وکٹ بھی یاسر شاہ کے حصے میں آئی۔ وکٹ کیپر بیئرسٹو نے ہمت دکھائی اور ٹیم کے سکور کو آگے بڑھایا تاہم ان کا سکور ابھی 48 تک پہنچا تھا کہ یاسر شاہ نے انھیں بھی بولڈ کر دیا۔

 

سپریم کورٹ لاہور رجسٹری میں اسحاق ڈار کے خلاف درخواست دائر

لاہور:  سپریم کورٹ لاہور رجسٹری میں وزیر خزانہ اسحاق ڈار کے خلاف درخواست دائر کر دی گئی ہے ۔ چیئرمین نیب،ڈی جی نیب اور دیگر حکام بھی فریق قرار دیئے گئے ہیں۔ وزیر خزانہ اسحاق ڈار کے خلاف سپریم کورٹ لاہور میں درخواست دائر کی گئی ہے۔ جس میں درخواست گزار نے کہا ہے کہ نیب نے ملی بھگت کے بعد اسحاق ڈار پر کیسز ختم کیے جسکا ریکارڈ طلب کیا جائے۔ وزیر خزانہ نے 2001 سے 2016 تک مقدمات ختم کرانے کے لیے 5 بار نیب سے رجوع کیا۔ درخواست گزار نے مطالبہ کیا ہے کہ وزیر خزانہ اور نیب کی ملی بھگت پر جے آئی ٹی تشکیل دینے کا حکم دیا جائے اور جے آئی ٹی کی رپورٹ آنے تک وزیر خزانہ کو کام سے روک کر ان کا نام ای سی ایل میں ڈالا جائے

آٹھ جولائی کو سرکاری طور پر یوم ایدھی قرار دینے کی قرارداد منظور

اسلام آباد:  عظیم خادم انسانیت عبدالستار ایدھی کو سینیٹ میں خراج عقیدت ۔ آٹھ جولائی کو سرکاری طور پر یوم ایدھی قرار دینے کی قرارداد منظور کر لی ۔ ہر رکن رواں ماہ کی تنخواہ سے بیس ہزار روپے ایدھی فاؤنڈیشن کو دیگا۔ سینیٹ میں عبدالستار ایدھی کو خراج عقیدت کی قرارداد منظور ۔ ہر سال آٹھ جولائی کو یوم ایدھی منانے کی سفارش ۔ تمام ارکان کا جولائی کی تنخواہ سے بیس بیس ہزار روپے ایدھی فاؤنڈیشن کو دینے کا اعلان۔ عبدالستار ایدھی کی یاد میں قرارداد قائد ایوان راجا ظفرالحق نے پیش کی جو متققہ طور پر منظور کر لی گئی ۔ چیرمین سینیٹ رضا ربانی نے بتایا کہ سینیٹرز کی جولائی کی تنخواہ سے ایدھی فائونڈیشن کو دی جا رہی رقم سے چار ایمبولینسز خریدی جائیں گی ۔ قرارداد میں کہا گیا ہے کہ عبدالستار ایدھی نے اپنی زندگی یتیموں اور بے سہارا لوگوں کے لیے وقف کئے رکھی ۔ 8 جولائی کو سرکاری طور پر ایدھی ڈے منایا جائے تاکہ نوجوانوں کو ان کی خدمات سے آگاہ رکھا جا سکے

 

عمران خان ٹویٹر پر پاکستان کے سب سے مقبول سیاسی رہنما

اسلام آباد:  عمران خان نے سماجی رابطوں کی ویب سائٹ ٹویٹر پر سب پاکستانی سیاستدانوں کو پیچھے چھوڑ دیا۔ پاکستان تحریک انصاف کے چیئرمین عمران خان نے سوشل میڈیا پر ایک اور سنگ میل عبور کر لیا۔ عمران خان سماجی رابطوں کی ویب سائٹ ٹویٹر پر پاکستان کے سب سے مقبول سیاسی رہنما بن گئے ہیں۔ عمران خان نے ٹویٹر پر سب پاکستانی سیاستدانوں کو پیچھے چھوڑ دیا ہے۔ ٹویٹر پر عمران خان کے فالورز کی تعداد چالیس لاکھ تک پہنچ گئی ہے۔ عمران خان کے بعد مریم نواز اکیس لاکھ فالورز کے ساتھ دوسرے نمبر پر ہیں۔ اسد عمر بیس لاکھ اور شہباز شریف سترہ لاکھ فالورز کے ساتھ مقبول سیاست دانوں میں شامل ہیں۔ پاکستان پیپلز پارٹی کے چیئرمین بلاول بھٹو زرداری چودہ لاکھ فالورز کے ساتھ پانچویں نمبر پر ہیں،،

ڈی ایچ اے کیس: سابق آرمی چیف اشفاق کیانی کے بھائی کے وارنٹ جاری

راولپنڈی: عدالت نے ڈی ایچ اے کیس میں سابق آرمی چیف اشفاق کیانی کے بھائی کامران کیانی کے وارنٹ گرفتاری جاری کرتے ہوئے انھیں گرفتار کرکے پیش کرنے کا حکم دیدیا۔ ڈی ایچ اے سکینڈل میں نیب نے سابق آرمی چیف اشفاق پرویز کیانی کے بھائی کامران کیانی کو گرفتار کرنے کا حکم دیدیا ہے۔ نیب نے سابق آرمی چیف اشفاق پرویزکیانی کے بھائی کامران کیانی کے وارنٹ گرفتاری ڈی جی نیب راولپنڈی اور آئی جی پنجاب کو ارسال کر دیے ہیں۔ حاصل کردہ وارنٹ گرفتاری کے مطابق کامران کیانی کی ایک رہائشگاہ، مکان نمبر 21/295 طفیل روڈ لاہور کینٹ ہے۔ تحصیل گوجر خان میں منگھوٹ ان کا آبائی گاؤں ہے۔ نیب نے احکامات جاری کئے ہیں کہ کامران کیانی کو گرفتار کرکے عدالت سے جسمانی ریمانڈ حاصل کیا جائے تا کہ ڈی ایچ اے کیس کی انکوائری مکمل کی جا سکے

 

وزیراعظم نوازشریف کی ٹانگ کے زخم میں انفیکشن

وزیراعظم نوازشریف ٹانگ میں موجود زخم میں انفیکشن کے باعث بخارمیں مبتلا ہوگئے ہیں۔ جس کے باعث ڈاکٹرز نے انہیں آرام کا مشورہ دے دیا۔

ترجمان وزیراعظم ہاؤس کا کہنا ہے کہ وزیر اعظم نواز شریف کے بائی پاس کے لیے ان کی ٹانگ سے ریشے نکالے گئے تھے۔ جس کی وجہ سے انکی ٹانگ میں زخم ہوگیاتھا۔ جس میں انفیکشن کی وجہ سے وہ بخار میں مبتلا ہوگئے اور وہ کل وزیر اعظم ہاؤس اسلام آباد منتقل نہیں ہوں گے۔ ترجمان کا کہنا ہے کہ وزیر اعظم طبیعت بہتر ہونے پر اسلام آباد آئیں گے اور صحتیابی تک لاہور میں قائم آفس میں اپنی ذمہ داریاں سرانجام دیتے رہیں گے

Google Analytics Alternative