Home » Author Archives: Admin (page 3301)

Author Archives: Admin

سرحد اور پانی کے دفاع کی صلاحیت رکھتے ہیں، خواجہ آصف

وزیر دفاع خواجہ آصف نے کہا ہے کہ لائن آف کنٹرول پر بھارتی اشتعال انگیزی کا بھرپور جواب دیا جا رہا ہے، ہمارا ایک جوان شہید ہوتا ہے تو ہم ان کے 3مارتے ہیں لیکن ہم سویلین آبادی پرفائرنگ نہیں کرتے ، جنگ مسلط کی گئی تو بھرپور جواب دیں گے ۔مشیر خارجہ سرتاج عزیز کہتے ہیں کہ بھارت کے ساتھ ہر معاملے پر مذاکرات کریں گے اگر مسئلہ کشمیربھی ایجنڈے میں شامل ہو۔

قومی اسمبلی کے اجلاس میں معمول کی کارروائی معطل کر کے لائن آف کنٹرول کی صورت حال پر بحث کی گئی، اس موقع پر وزیر دفاع خواجہ آصف کا کہنا تھا کہ نریندر مودی گجرات سے قتل عام کا جو ورثہ لائے اسے پورےخطے پر مسلط کر رہے ہیں،ہم پاکستان کی سرحدوں، فضائوں اور پانیوں کا دفاع مکمل صلاحیت کے ساتھ کر رہے ہیں۔

خواجہ آصف نے مزید نے کہا کہ ایل او سی پر ہونے والے ہر حملے کا منہ توڑ جواب دیا جاتا ہےہم ایک لاش اٹھاتے ہیں وہ تین اٹھا کر جاتے ہیں، ہم اپنی سرحدوں ،پانیوں اور فضاوں کا ہر قیمت پر دفاع کررہے ہیں، اگر جنگ مسلط کی گئی تو تمام صلاحیت سے بھرپور جواب دیں گے۔

ایم کیوایم کے رکن محمد کمال نے کہا کہ بھارت ایل او سی پر بھاری توپ خانے کا استعمال کر رہا ہے اور حکمران کہتے ہیں کہ جنگ نہیں چھیڑنی۔ کیا حکومت بھارتی پرتھوی میزائل کا انتظار کر رہی ہے۔

اعجاز الحق کا کہنا تھا کہ سرتاج عزیز کو ہارٹ آف ایشیا کانفرنس میں شرکت کرکے بھارت کی سرزمین سےدنیا کو پاکستان کے مؤقف سے آگاہ کرنا چاہیے۔

نوید قمر نے کہا کہ ہارٹ آف ایشیا کانفرنس میں ضرور شرکت کرنی چاہیے، پاکستان کو اپنا مقدمہ دنیا کو بتانے کی ضرورت ہے۔

مشیر خارجہ سرتاج عزیز نے بحث سمیٹتے ہوئے کہا کہ ایل او سی کی صورت حال پر اقوام متحدہ کی سلامتی کونسل کے پانچوں مستقل ارکان کے وزرائے خارجہ کو خط لکھا ہے۔

ان کا کہنا تھاکہ پاکستان بھارت کے ساتھ ہر معاملے پر مذاکرات کے لئے تیار ہے بشرطیکہ ایجنڈے میں مسئلہ کشمیر بھی شامل ہو۔

ملتان : نشر اسپتال میں مریض کی موت پرورثا کا احتجاج

ملتان نشتر اسپتال کے برن یونٹ میں مبینہ طور پر ڈاکٹرز کی غفلت کے باعث جاں بحق ہونے والے شخص کےلواحقین نے ڈاکٹرز کے خلاف مظاہرہ کیا۔

خوشحال کا رہائشی 35 سالہ ارشاد گزشتہ روز سلنڈر پھٹنے سے جھلس گیا تھا،جس کو نشتر اسپتال کے برن یونٹ میں لایا گیا، جہاں پر وہ زیر علاج تھا ،آج اس کے دم توڑنے پر اس کے ورثا نے ڈاکٹرز پر الزام عائد کیا ہے کہ مناسب دیکھ بھال نہ ہونے کی وجہ سے ارشاد دم توڑ گیا ہے،اس پر ورثانے برن یونٹ کے باہر احتجاجی مظاہرہ کیا ۔

ٕمظاہرین کو روکنے کے لیے سیکورٹی گارڈ نے مداخلت کی تو ورثا اور سیکورٹی گارڈ کے درمیان ہاتھا پائی ہوئی اور ایک دوسرے کو تشدد کا نشانہ بنایا گیا۔ بعد ازاں اسپتال انتظامیہ کی مداخت پر ورثا مقتول کی لاش لے کر گھر روانہ ہو گئے۔

وزیراعظم نوازشریف 2 روزہ دورے پر ترکمانستان پہنچ گئے

اسلام آباد: وزیراعظم نوازشریف 2 روزہ پر ترکمانستان پہنچ گئے ہیں جہاں وہ پائیدارٹرانسپورٹ پر گلوبل کانفرنس سے خطاب کریں گے۔

وزیراعظم نوازشریف 2 روزہ دورے پر ترکمانستان پہنچ گئے ہیں جہاں اشک آباد ایئرپورٹ پر ترکمانستان کے نائب وزیراعظم اور اعلی حکومتی حکام نے ان کا استقبال  کیا۔ مشیر عرفان صدیقی اور طارق فاطمی بھی وزیراعظم کے ہمراہ ہیں وزیراعظم ترکمانستان کے صدر سمیت اعلیٰ حکام سے ملاقاتیں کریں گے۔

وزیراعظم نواز شریف کل صبح ترکمانستان کی یادگار آزادی کا دورہ کریں گے جس کے بعد وہ چیمبر آف کامرس میں پہنچیں گے جہاں پائیدار ٹرانسپورٹ پر گلوبل کانفرنس سے خطاب کریں گے، کانفرنس سے ترکمانستان کے صدر اور اقوام متحدہ کے سیکرٹری جنرل بان کی مون سمیت افغانستان، جارجیا اور آسٹریا کے رہنما بھی خطاب کریں گے۔

کشمیر ایجنڈے میں ہوا تو بھارت سے مذاکرات کرینگے،سرتاج عزیز

مشیرخارجہ سرتاج عزیزنےکہا ہے کہکشمیرکا مسئلہ مذاکرات کے ایجنڈے میں ہوگا توبھارت کے ساتھ مذاکرات کریں گے، جارحیت کا بھرپورجواب دیں گے،سرحدوں کی حفاظت کرنا جانتے ہیں کسی دباؤمیں نہیں آئیں گے۔

قومی اسمبلی میں پالیسی بیان دیتے ہوئے مشیرخارجہ سرتاج عزیزنےکہا کہ بھارت مسئلہ کشمیرسے توجہ ہٹانے کے لیے ایل اوسی پرکشیدگی بڑھارہا اورجان بوجھ کرشہری آبادی کو نشانہ بنارہا ہے۔

سرتا ج عزیز کا کہنا تھا کہ تمام ہمسائیہ ممالک کے ساتھ پرامن تعلقات چاہتے ہیں اور بھارت کے ساتھ مذاکرات کے لیے تیارہیں۔تاہم کشمیرکا مسئلہ مذاکرات کے ایجنڈے میں ہوگا توبھارت کے ساتھ مذاکرات کریں گے۔

مشیرخارجہ نے مزید کہا کہ کشمیریوں کی سیاسی سفارتی اوراخلاقی حمایت جاری رکھیں گے۔

آرمی چیف کا چکلالہ گیریژن راولپنڈی کا الوداعی دورہ

آرمی چیف نے چکلالہ گیریژن راولپنڈی کا الوداعی دورہ کیا ، جنرل راحیل شریف نے فوجی جوانوں کی قربانیوں پر خراج تحسین پیش کیا، جنرل ہیڈ کوارٹرز میں امریکی سفیر نے ان سے بھی ملاقات کی ہے۔

آرمی چیف جنرل راحیل شریف کے الوداعی دورے اور ملاقاتیں جاری ہیں۔ چکلالہ گیریژن پہنچنے پر کور کمانڈر راولپنڈی لیفٹیننٹ جنرل ملک ظفر اقبال نے آرمی چیف کا استقبال کیا۔

ٹین کور کے افسروں اور جوانوں سے خطاب کے دوران آرمی چیف نے وطن کی خاطر قربانیاں دینے والے افسروں اور جوانوں کو خراج تحسین پیش کیا۔

قبل ازیں جنرل راحیل شریف کی جی ایچ کیو میں امریکی سفیر ڈیویڈ ہیل سے ملاقات ہوئی۔ اس موقع پر امریکی سفیر کاکہنا تھا کہ جنرل راحیل شریف کی سربراہی میں پاک آرمی نے دہشت گردی کے خلاف جنگ میں ایم کامیابیاں حاصل کیں۔

میڈیکل بورڈ کی کیڈٹ کالج کے طالب علم کو علاج کیلئے بیرون ملک بھیجنے کی سفارش

کراچی: میڈیکل بورڈ نے لاڑکانہ کیڈٹ کالج میں تشد کا شکار بننے والے طالب علم احمد کو علاج کے لیے بیرون ملک بھیجنے کی سفارش کردی ہے۔

لاڑکانہ کیڈٹ کالج میں تشدد کا شکار بننے والے طالب علم احمد کا میڈیکل بورڈ نے طبی معائنہ کیا جس کے بعد بورڈ نے احمد کو علاج کے لئے بیرونِ ملک بھیجوانے کی سفارش کردی ہے جب کہ رپورٹ آج شام وزیر اعلیٰ سندھ کو ارسال کردی جائے گی۔

ذرائع کے مطابق میڈیکل بورڈ کا کہنا ہے کہ  محمد احمد کی گردن پر چوٹیں ہیں اور اس کا نرخرہ کئی جگہ سے ٹوٹا ہوا ہے جب کہ اس کے دماغ کو آکسیجن نہیں مل رہی، محمد احمد کی فزیو تھراپی نجی اسپتال میں جاری ہے اور اسے جاری رکھا جائے، زرائع کا کہنا ہے کہ احمد نے میڈیکل بورڈ کو اپنا اور اپنے دوست کے نام سمیت تشدد کرنے والے شخص کا نام بھی لکھ کر بتایا۔ دوسری جانب احمد کے والد کا کہنا تھا کہ وہ بیٹے کے علاج سے مطمئن ہیں جب کہ احمد سے بورڈ نے خود معلومات اکٹھی کیں۔

واضح رہے کیڈٹ کالج لاڑکانہ کے 14 سالہ طالب علم محمد احمد کو استاد نے مبینہ طور پر تشدد کا نشانہ بنایا جس کے باعث طالب علم کی گردن کی ہڈی ٹوٹ گئی اور وہ ذہنی صلاحیت سے بھی محروم ہوگیا

قتل کے ملزم کو 24برس بعد انصاف مل گیا

چوبیس سال بعد قتل کے الزام میں قید ملزم کو انصاف مل گیا، سپریم کورٹ نے ملزم مظہر فاروق کو بری کرتے ہوئے فوری رہائی کا حکم دے دیا۔

سپریم کورٹ میں جسٹس آصف سعید کھوسہ کی سربراہی میں 3رکنی بینچ نے سزائے موت سے متعلق کیس کی سماعت کی،ملزم کےخلاف 1992ء میں قصور میں ایک شخص کے قتل کا الزام تھا۔

ٹرائل کورٹ نے ملزم کو سزائے موت کا حکم سنایا تھا،ہائی کورٹ نے بھی ملزم کی سزائے موت کا حکم برقرار رکھا،سپریم کورٹ نے میڈیکل رپورٹس اور گواہان کے بیانات میں تضاد پر ملزم کو رہائی کا حکم دے دیا۔

عدالت نے کہا کہ استغاثہ ملزم کے خلاف شواہد پیش کرنے میں ناکام رہا ہے،برآمد ہونے والا پستول بھی ملزم کا نہیں تھا،عدالت نے ناکافی شواہد کی بنا پر ملزم مظہر فاروق کو رہا کرنے کا حکم دے دیا۔

پاکستان کی جانب بہنے والے پانی کی بوند بوند روک دیں گے، مودی کی بڑھک

نیو دہلی: لائن آف کنٹرول پر پاک فوج کی جانب سے دندان شکن جواب پر مودی سرکار بوکھلاہٹ کا شکار ہوگئی ہے اور بھارتی وزیراعظم بڑھک مارتے ہوئے کہتے ہیں پاکستان کی جانب بہنے والے پانی کی بوند بوند کو روک دیں گے۔

لائن آف کنٹرول پر بھارتی فوج کی در اندازی کا سلسلہ جاری ہے جس میں صرف اور صرف معصوم افراد کو نشانا بنایا جارہا ہے لیکن پاک فوج کی جانب سے بھارتی افواج کو ہر محاز پر منہ توڑ جواب دیا جارہا ہے جب کہ سرجیکل اسٹرائیک کا دعویٰ کرنے والا بھارت پاک فوج کی جوابی کارروائی پر بوکھلاہٹ کا شکار ہے  لیکن ان کے رنگیلے وزیراعظم بڑھکیں مارنے میں کسی سے پیچھے نہیں، موصوف  کہتے ہیں کہ سرجیکل اسٹرائیک سے پاکستان بوکھلاہٹ کا شکار ہوگیا ہے جب کہ مزید بڑھک مارتے ہوئے مودی کا کہنا تھا کہ پاکستان بھارتی افواج کی اہلیت جانتا ہے اور یہ بھی جانتا ہے کہ وہ کیا کرسکتی ہیں۔

مودی سرکار  پاک فوج کی جانب سے دندان شکن جواب پر اس قدر حواس باختہ ہوگئی کہ اب پاکستان کا پانی بند کرنے کی بڑھک ماررہی ہے، نریندر مودی کا کہنا ہے کہ دریائے سندھ کے  بہنے والے پانی پر بھارتی کسانوں کا حق ہے لہذا اب ہم دریائے سندھ کے پانی کا ایک ایک قطرہ پاکستان جانے سے روک دیں گے اور اس پانی کو مقبوضہ کشمیر، پنجاب اور بھارتی کسانوں کے لیے استعمال کریں گے۔

مودی نے کہا کہ حکام کو ہدف دے دیا ہے کہ وہ سندھ طاس معاہدے کے تحت بہنے والے پانی کا جائزہ لیں اور دیکھیں کہ کس طرح اس پانی کا زیادہ سے زیادہ استعمال کیا جائے اور پاکستان میں جانے سے روکا جائے کیونکہ اس پانی پر بھارت کا حق ہے اور اس کو پاکستان میں نہیں جانے دے سکتے۔

Google Analytics Alternative