Home » Author Archives: Admin (page 3301)

Author Archives: Admin

نرسوں کے مطالبات نہ ماننے پر پی ٹی آئی نے حکومت کو دھمکی دے دی

لاہور  اپوزیشن لیڈر میاں محمود الرشید نے کہا ہے کہ حکومت نرسز سے مذاکرات کر کے مطالبات تسلیم کرے اور اگر حکومت نے نرسز کے مطالبات نہ مانے تو ہم بھی دھرنے میں شامل ہو نگے ۔

اپنے بیان میں انکا کہنا تھا کہ حکومت بے حس ہو چکی ہے اور حکومتی رویہ کسی طور بھی قابل قبول نہیں ، شہباز شریف بتائیں کہ کہاں ہے گڈ گورننس ؟
میاں محمود الرشید کا مزید کہنا تھا کہ ہماری بچیاں دھوپ میں بیٹھی ہیں مگر کوئی پوچھنے والا نہیں ہے ، حکومت کو نرسز کے مطالبات کو سننا چاہئئے، بچیوں کو گرفتار کرنا انتہائی شرمناک امرہے ۔انہوں نے کہا کہ پاکستان تحریک انصاف تمام پسے ہوئے طبقات کے ساتھ ہے اور کل اس ایشو پر پنجاب اسمبلی میں تحریک التواءپیش کریں گے ۔

محتسب پنجاب جاوید محمود نے استعفیٰ دیدیا وجہ بھی سامنے آگئی

لاہور  صوبائی محتسب پنجاب جاوید محمود مستعفیٰ ہو گئے ۔

ذرائع  کے مطابق صوبائی محتسب پنجاب جاوید محمود نے عہدے سے استعفیٰ دیدیا جو گورنر پنجاب کو ارسال کردیا گیا ہے۔ذرائع کا کہنا ہے کہ جاوید محمود نے ذاتی وجوہات اور مصروفیات  کی بناءپر عہدے سے مستعفیٰ ہونے کا فیصلہ کیا ہے ۔انہیں مارچ 2013میں محتسب پنجاب مقرر کیا گیا تھا ۔

یاد رہے کہ جاوید محمود اس سے قبل چیف سیکرٹری بھی رہے جس کے بعد انہیں صوبائی محتسب تعینات کیا گیا تھا ۔ وہ مسلم لیگ نواز کی قیادت کے انتہائی قریب سمجھے جاتے ہیں ۔

سپریم کورٹ نےپی پی97 گوجرانوالہ میں ووٹوں کی دوبارہ گنتی کا حکم دیدیا

اسلام آباد  سپریم کورٹ نے پی پی 97گوجرانوالہ میں ووٹوں کی دوبارہ گنتی کا حکم دیدیا ۔

ذرائع  کے مطابق سپریم کورٹ نے الیکشن ٹربیونل کے فیصلے کو کالعدم قراردیتے ہوئے پی پی 97گوجرانوالہ میں دوبارہ گنتی کرانے کا حکم جاری کردیا ہے ۔
الیکشن ٹربیونل کے فیصلے کو مسلم لیگ نواز کے اشرف وڑائچ نے سپریم کورٹ میں چیلنج کیا تھا ۔ الیکشن ٹربیونل نے 33پولنگ سٹیشنز پر دوبارہ پولنگ کا حکم دیا تھا ۔ذرائع کا کہنا ہے کہ سپریم کورٹ نے حلقے میں دوبارہ گنتی تک الیکشن کمیشن کو نتائج کا اعلان نہ کرنے کا حکم بھی دیا ہے ۔
اس سے قبل دوبارہ پولنگ میں ق لیگگ کے ناصر چیمہ پی پی 97سے کامیاب قرار پائے تھے۔ سماعت کے دوران چیف جسٹس انور ظہیر جمالی نے ریمارکس دیے کہ الیکشن ٹربیونل کو حلقہ بندیوں سے متعلق معالات کا جائزہ لینے کا اختیار نہیں ۔

ملک ویڈیو کانفرسز سے نہیں چل سکتا سڑکوں پر آنے کے سوا کوئی چارہ نہیں:عمران خان

اسلام آباد پاکستان تحریک انصاف کے چیئرمین عمران خان نے کہا ہے کہ ٹی او آر ز کے معاملہ پر ڈیڈلاک پیدا ہواتو ہمارے پاس سڑکوں میں آنے کے علاوہ اور کوئی آپشن موجود نہیں ہو گا،ملک میں مارشل لاء نہیں لگے گا ،یہ تھوڑی دیر تو خوشیاں بڑھاتے ہیں لیکن اس سے ادارے کمزور ہو جاتے ہیں ،خواجہ آصف کو صرف بلیک میل کرنے کے لیے رکھا ہوا ہے ،آرمی چیف کی مدت بڑھانا یا کم کرنا مک مکا ہے ،اور اب مک مکا کا کوئی ٹائم نہیں ہے ،جس انداز سے ہماری اسمبلی میں جھوٹ بولا جاتا ہے اگر دنیا میں کسی اور اسمبلی میں ایسا ہو تو گھنٹوں میں استعفیٰ لے لیا جائے۔

عمران خان کا کہنا تھا کہ وہ میاں نواز شریف کی صحت یابی کے لئے دعا گو ہیں ،میاں نواز شریف کی بیماری سے مسلم لیگ نواز بری طرح ایکسپوز ہو گئی ہے ،وہاں بادشاہ کے علاوہ کوئی دوسرا ہے ہی نہیں ،حالات یہ ہیں کہ ملک کے چیف ایگزیکٹو کی سیریس اوپن ہارٹ سرجری ہوئی ہے ،اس آپریشن کے بعد کوئی ہفتے بعد تو ٹھیک نہیں ہو جاتا ،اس میں وقت لگتا ہے ،یہ ملک اور خود میاں صاحب سے بھی زیادتی ہے کہ وہ اقتدار سے ہی چمٹے ہوئے ہیں ،ملک اس وقت کئی کرائسز کا شکار ہے ،وزیر اعظم کو فوری طور پر کسی کو نامزد کر دینا چاہئے لیکن ان کی پارٹی کے اندر ایسا کوئی انتظام ہی نہیں ہے کیونکہ وہ کوئی سیاسی پارٹی ہے ہی نہیں ہے ،کیا کوئی ملک ’’ویڈیو کانفرنس ‘‘ کے ذریعے چل سکتا ہے ؟ عمران خان کا کہنا تھا کہ 1977ء میں دھاندلی کے خلاف صرف 10 پٹیشن عدالت میں داخل کی گئیں تھیں جبکہ 2013ء میں 413پٹیشن دھاندلی کے خلاف عدالتوں میں داخل کروائی گئیں ،۔انہوں نے کہا کہ حالانکہ میں ایک جمہوری آدمی ہوں مگرآج حالات یہ ہیں کہ اگر فوج ٹیک آور کر کے احتساب شروع کر دے تو لو گ مٹھائیاں کیا سڑکوں پر نکل کر فوج کو مبارکبادیں دیں گے اور جشن منائیں گے،ہم دنوں طرف سے مارے گئے ہیں ،آج ملک میں نہ جمہوریت ہے اور نہ ہی بادشاہت ،بادشاہت تب تک چلتی ہے جب تک بادشاہ مضبوط ہوتا ہے ،اوپن ہارٹ سرجری کوئی چھوٹا عمل نہیں ہے ،میں نہیں سمجھتا کہ ملک اس طر ح چل سکے گا ۔

عمران خان کا کہنا تھا کہ اگر پانامہ لیکس پر حکومت پیچھے ہٹتی تو ثابت ہو جائے گا کہ وزیر اعظم کے بچے کرپٹ ہیں ، کرپشن نے ملک کی جڑیں کھوکھلی کر دی ہیں، اس کے باوجو د اللہ پاک نے اس ملک کو بے پناہ نوازا ہے، اگر اس میں حکمران نیک نیت اور قوم کا سوچنے والے آجائیں تو گارنٹی سے کہتا ہوں ہمارا نام دنیا کے بڑے ملکوں میں چند میں سے ہو۔انہوں نے کہا کہ میں سمجھتا ہوں کہ ملک میں مارشل لاء نہیں لگے گا ،یہ تھوڑی دیر تو خوشیاں بڑھاتے ہیں لیکن اس سے ادارے کمزور ہو جاتے ہیں ،اگر قائم مقام پرائم منسٹر نہ بنایا تو ایک خلا پیدا ہو جائے گا ،ساری دنیا دیکھ رہی ہے .عمران خان کا کہنا تھا کہ میں نے وزیر اعلیٰ پرویز خٹک کے ہمراہ خیبر پختونخوا کے بعض اہم مسائل کے حوالے سے آرمی چیف سے ملنا تھا لیکن پھر میں نے سوچا کہ اگر میں موجودہ صورت حال میں جنرل راحیل شریف سے ملاتو ملک میں افواہوں کا نیا بازار گرم ہو جائے گا، اس لئے ملاقات کا پلان ہی ختم کر دیا ۔

کرپٹ لوگوں کا برا وقت دیکھ رہا ہوں ،اللہ نے موقع دیا ہے ملک کی سمت درست کرنے کا ،جولائی سے آگے ایسے حالات نہیں رہیں گے ،صدارتی نظام کی بات کی تو تین چھوٹے صوبے شور مچا دیں گے کہ ان کا تو صدر نہیں بنے گا ،صدارتی سسٹم بہتر ہے ،پانامہ لیکس کے حوالے سے کوئی کمیشن بن گیا تو ٹھیک وگرنہ ملک بھر میں سخت احتجاج ہو گا ۔

عمران خان کا کہنا تھا کہ یہاں صرف میٹرو ،اورنج ٹرین،اور موٹر ویز کے نام پر ملک کو لوٹا جارہا ہے ،جو ہمارا زیور ہے اس سے محروم رکھا جا رہا ہے، اس وقت دو کروڑ سے زائد بچے سکول نہیں جاتے ان کے بارے میں کو ن سوچے گا؟حقیقت ہے کہ کرپشن کو ختم کرنے کے لیے اوپر سے نیچے تک صفائی نہیں ہوگی اس وقت تک اس موزی مرض میں مبتلا رہیں گے ،پانامہ لیکس پر اگر صاف و شفاف تحقیقات ہو گئیں تو دعوے سے کہتا ہوں کہ موجودہ حکمران جیل میں ہونگے یہ عوام کو منہ دکھانے کے قابل نہیں رہیں گے۔

انہوں نے کہا کہ پانامہ لیکس عمران خان نے نہیں بنائی یہ باہر ملک سے آئی ہے ،جہانگیر ترین اور علیم خان کا نام پانامہ پیپرز میں نہیں ہے اس کے باوجود میرے سمیت سب کا احتساب کیا جائے مگر وزیر اعظم اپنے آپ کو مبرا نہ سمجھیں ان کی گردن بر ے طریقہ سے پھنس چکی ہے ۔

قائم علی شاہ کے پاس وزارتیں تباہی سے دوچار ہیں:خواجہ اظہار

کراچی سندھ اسمبلی میں اپوزیشن لیڈر خواجہ اظہار الحسن نے کہا ہے کہ سندھ میں اقتدار میں آیے تو سب سے پہلے کراچی بلڈنگ کنٹرول اتھارٹی کو بحال کرائیں گے،جو محکمے وزیر اعلیٰ سندھ کے پاس ہیں وہ بے قابو ہونے کی وجہ سے تباہی سے دوچارہیں،موجودہ سندھ حکومت نے شہری علاقوں کوکچھ نہیں دیا۔

میڈیا سے گفتگو کرتے ہوئے اپوزیشن لیڈر خواجہ اظہار کا کہنا تھا کہ جب بھی ہم حکومت میں آئے تو سب سے پہلے کراچی بلڈنگ کنٹرول اتھارٹی کو بحال کرائیں گے ، سندھ کے جو محکمے وزیر اعلیٰ کے پاس ہیں وہ بے قابو ہوچکے ہیں ،سندھ کے ایک ہزارسے زائد افسران کے کر پشن کے کیسز نیب اور اینٹی کرپشن میں چل رہے ہیں۔اپوزیشن لیڈر کا کہنا تھا کہ وز یر اعلی اور وزرء ا اپنے دفاتر سے باہر نہیں آتے ۔نا جانے سندھ حکومت چل کیسے رہی ہے؟ ان کا کہنا تھا کہ سندھ حکومت وفاق کی جانب سے کم آمدن کا رونا رورہی ہے لیکن سندھ کو جتنے بھی پیسے ملے کرپشن کی نظر ہی ہوئے۔ خواجہ اظہارالحسن نے کہاکہ کراچی میں اربوں روپے کے ترقیاتی کام کرنے کے دعوے کئے جارہے ہیں،چاہتے ہیں کہ یہ بجٹ خرچ ہوتاہوابھی نظرآئے۔ترقیاتی بجٹ خرچ ہوتانظر نہیں آیا توسندھ حکومت بجٹ پیش نہیں کرپائے گی۔انہوں نے کہاکہ اگلے ہفتے شیڈو بجٹ پیش کررہے ہیں،شیڈوبجٹ کے لئے سب سے تجاویز لی ہیں۔خواجہ اظہار نے کہاکہ سندھ حکومت کی پالیسیوں کے باعث شہر تباہ ہورہا ہے،ایم کیو ایم کراچی کو تباہ نہیں ہونے دے گی،شہر کو جان بوجھ کر تباہ کیا جارہا ہے اس کے پیچھے مذموم مقاصد ہیں،کراچی ایک یتیم خانہ بن کر رہ گیا ہے،وزراء کو کچھ پتہ نہیں ان کے ماتحت افسران کیا کر رہے ہیں؟کراچی اجڑ رہا ہے اور کو پوچھنے والا نہیں ہیں۔

پی ایس 106کیلئے پی ٹی آئی کی امید وار نصرت انوار کو ہراساں کیا جا رہا ہے:زنیرا ملک

کراچی  پاکستان تحریک انصاف وومن ونگ سندھ کی صدر زنیرا ملک نے الزام عائد کیا ہے کہ صوبائی اسمبلی کی دو نشستوں پر ہونے والے ضمنی انتخابات میں پی ایس 106کے لیے پی ٹی آئی کی نامزد امید وار نصرت انوار کو سیاسی جماعت کی جانب سے ہراساں کرنے کی کوشش کی جارہی ہے ، سندھ حکومت اور ڈی جی رینجرز فوری نوٹس لیں ،ہماری امید وار کو تحفظ فراہم کیا جائے اور شفاف انتخابات کا انعقاد یقینی بنایا جائے ۔

کراچی پریس کلب میں پریس کانفرنس کرتے ہوئے زنیرا ملک نے کہا کہ گزشتہ روز پی ایس 106کی انتخابی مہم کے دوران نامزد امید وار نصرت انوار کو سیاسی جماعت کے کارکنان کی جانب سے حراساں کرنے کی کوشش کی گئی اور پتھر بھی پھینکے گئے جس کی مذمت کرتے ہیں ۔ا نھوں نے کہا کہ جمہوریت میں ہر سیاسی جماعت کو اپنی انتخابی مہم چلانے کا پورا حق حاصل ہے ،سندھ حکومت اور الیکشن کمیشن سے مطالبہ کرتے ہیں کہ پولنگ کے روز پی ایس 106اورپی ایس117کے تمام پولنگ اسٹیشن کے اندر او ر باہر رینجرز اور فوج کے جوانوں کو تعینات کیا جائے

ٹیسٹ رینکنگ؛ یونس اورمصباح 10 بہترین بلے بازوں میں شامل، بولرزمیں یاسر کا چوتھا نمبر

دبئی: انٹرنیشنل کرکٹ کونسل (آئی سی سی ) نے کھلاڑیوں کی نئی ٹیسٹ رینکنگ جاری کردی ہے۔جس کے تحت پاکستان کے یونس خان اور مصباح الحق ٹاپ 10 بلے بازوں کی فہرست میں شامل ہیں جب کہ بہترین بولروں میں یاسر شاہ کا چوتھا نمبر ہے۔

انٹرنیشنل کرکٹ کونسل کی جانب سے جاری ہونے والی کھلاڑیوں کی نئی ٹیسٹ رینکنگ میں انگلینڈ کے فاسٹ بولر جیمز اینڈریسن اپنے ہی ہم وطن اسٹیورٹ براڈ کو نیچے دھکیل کر پہلے نمبر پر قابض ہوگئے ہیں۔ جبکہ اسٹیورٹ براڈ 2 درجہ تنزلی کے بعد پہلی سے تیسری پوزیشن پر آگئے ہیں۔ بھارت کے ایشون 871 پوائنٹس کے ساتھ دوسرے اور پاکستان کے جادوگراسپنر یاسر شاہ چوتھے نمبر پر موجود ہیں۔ جنوبی افریقا کے ڈیل اسٹین پانچویں، بھارت کے رویندا جڈیجا چھٹے، نیوزی لینڈ کے ٹرینٹ بولٹ ساتویں ، آسٹریلیا کے جوش ہیزل ووڈ آٹھویں ، جنوبی افریقہ کے مورنی مورکل نویں جبکہ ان ہی  کے ہم وطن ورنون فلینڈرز دسویں نمبر پر براجمان ہیں۔

وزیراعظم ڈاکٹرز کی ہدایت پر ہی وطن واپسی کا فیصلہ کریں گے، شہبازشریف

لندن: وزیراعلیٰ پنجاب شہباز شریف کا کہنا ہے کہ وزیراعظم نوازشریف کا آپریشن کامیاب رہا جب کہ وہ ڈاکٹرز کی ہدایت پر ہی وطن واپس آنے کا فیصلہ کریں گے۔

لندن میں میڈیا سے بات کرتے ہوئے وزیراعلیٰ پنجاب شہباز شریف کا کہنا تھا کہ وزیراعظم نوازشریف کا آپریشن کامیاب رہا، اب وزیراعظم کو آئی سی یو میں رکھا گیا ہے۔ انہوں نے کہا کہ تمام برادراسلامی ملکوں میں خصوصی دعاؤں پر پاکستانیوں اور مسلمانوں کا وزیراعظم اور اپنی طر ف سے شکریہ ادا کرتا ہوں جب کہ تمام سیاسی جماعتوں نے بھی نیک تمناؤں کا اظہار کیا، وزیراعظم تندرست ہو کر جلد وطن واپس جائیں گے لیکن اس سلسلے میں ڈاکٹرز کی ہدایت پر عمل کیا جائے گا۔

Google Analytics Alternative