Home » Author Archives: Admin (page 3574)

Author Archives: Admin

استنبول میں امریکی قونصل خانے پر فائرنگ

turkey

ترکی کے شہر استنبول میں پیر کی صبح امریکہ قونصل خانے کی عمارت پر دو مسلح افراد نے فائرنگ کر دی، پولیس کی جوابی کارروائی میں حملہ آور فرار ہو گئے۔ اس حملے میں کسی جانی نقصان اطلاع نہیں ملی۔ اطلاعات کے مطابق حملے میں ایک مرد اور ایک عورت ملوث تھی۔ خبر رساں ادارے’ ’رائیٹرز‘‘ کے مطابق پولیس نے امریکی قونصلیٹ پر حملے میں مبینہ طور پر ملوث ایک خاتون کو تحویل میں لے لیا ہے۔ فائرنگ کے اس واقعہ کے بعد قونصل خانے کی عمارت کے اردگرد سکیورٹی بڑھا دی گئی۔ ترکی میں حالیہ ہفتوں میں تشدد کے کئی واقعات ہوئے ہیں۔ ملک میں تشدد کے کارروائیاں ایسے وقت دیکھی گئیں جب ترکی کی حکومت نے کردستان ورکرز پارٹی (پی کے کے) کے خلاف کارروائیاں تیز کر رکھی ہیں جب کہ شدت پسند تنظیم’ ’داعش‘‘ کے خلاف کارروائی میں بھی ترکی اہم کردار ادا کر رہا ہے۔ امریکی قونصلیٹ پر حملے سے کچھ گھنٹے قبل ہی ترکی کے علاقے سلطان بیلی میں ایک پولیس اسٹیشن کے قریب بم دھماکے میں کم از کم سات اہلکار زخمی ہو گئے تھے

آنے والے دنوں میں مہنگائی مزید بڑھنے کا امکان ہے :اسحاق ڈار

dar

اسلام آباد(مانیٹرنگ ڈیسک)وزیر خزانہ اسحاق ڈار نے خبردار کرتے ہوئے کہا کہ آنے والے دنوں میں مہنگائی میں مزید اضافے کا امکان ہے ،پاکستان نے توانائی اور ٹیکس اصلاحات میں تیزی لانے اور گیس کی قیمتوں میں اضافے کے لیے آئی ایم ایف کی شرائط سے اتفاق کیا ہے۔
میڈیا سے گفتگو کرتے ہوئے وزیر خزانہ اسحاق ڈار کا کہناتھا کہ تفصیلات کے مطابق دبئی میں جاری دس روزہ مذاکرات کے دوران آئی ایم ایف نے پاکستان کی اقتصادی ترقی اور قرضے کے تین سالہ توسیعی پروگرام کا آٹھواں جائزہ مکمل کر لیا، پاکستان نے گزشتہ سہ ماہی کے لیے مقرر کردہ تمام اہداف حاصل کرلیے ہیں۔ پیکیج کے تحت آئندہ قسط آئی ایم ایف بورڈ کی منظوری کے بعد جاری کی جائے گی۔
وزیر خزانہ نے کہا کہ گزشتہ ماہ افراط زر کی شرح ایک اعشاریہ آٹھ فیصد رہی، گزشتہ سال جولائی میں یہ شرح سات اعشاریہ نو فیصد تھی۔ انہوں نے کہا کہ بیرون ملک مقیم پاکستانیوں کی جانب سے گزشتہ سال ریکارڈ ترسیلات زر بھجوائے جانے سے زرمبادلہ کے ذخائر ملکی تاریخ کی بلند ترین سطح پر پہنچ گئے۔

پنجاب حکومت نے حلال گوشت والے مادہ جانوروں کو ذبح کرنے پر پابندی لگا دی

cow

لاہور (مانیٹرنگ ڈیسک) پنجاب حکومت نے نسل بچانے کیلئے حلال گوشت والے مادہ جانوروں کو ذبح کرنے پرپابندی لگادی ہے اورا س ضمن میں نوٹیفکیشن بھی جاری کردیاگیا۔
سیکریٹری لائیوسٹاک پنجاب نسیم صادق نے بتایاکہ سروے سے انکشاف ہواکہ حلال جانوروں کی تعداد ریکارڈ سے چالیس فیصد کم ہے ، گائے ، بھینسیں اور بکریاں تیزی سے کم ہورہی ہیں جس پر نسل کو بچانے کے لیے مادہ جانوروں کو ذبح کرنے پرپابندی لگائی گئی ۔
اُنہوں نے بتایاکہ مادہ جانوروں کو ذبح کرنیوالے قصابوں کو گرفتارکیاجائے گا، صوبہ بھر میں مویشی منڈیوں میں عملہ تعینات کردیاگیا۔

پاکستانی ٹیم ذہنی طور پر مضبوط ہے ،اصل مقابلہ انگلینڈ سے ہے :وسیم اکرم

wasim

کراچی(مانیٹرنگ ڈیسک )قومی کرکٹ ٹیم کے سابق کپتان وسیم اکرم نے کہا ہے کہ پاکستان کرکٹ ٹیم ذہنی طور پر مضبوط ہو گئی ہے لیکن پاکستان کا اصل مقابلہ انگلینڈ کے ساتھ ہے۔سلیکٹرز کے لیے سینئر ز کو آرام دینا مشکل فیصلہ ہوتا ہے ۔سرفراز احمد بہترین کھلاڑی ہیں لیکن انہیں ڈراپ کیا جا سکتا ہے ۔میڈ یا سے گفتگو کرتے ہوئے ان کا کہنا تھا کہ نئی نسل کے لیے کھیل بہت ضروری ہے اور اب کبڈی ،فٹبال اور ہاکی پر بھی سخت توجہ دینے کی ضرورت ہے ۔

‘متحدہ والے الطاف حسین کو سمجھائیں’

nisar

اسلام آباد: وفاقی وزیر داخلہ چوہدری نثار علی خان نے لندن سے کی جانے والی متحدہ قومی موومنٹ (ایم کیو ایم) کے قائد الطاف حسین کی تقاریر کو مسئلہ قرار دے دیا ۔

قومی اسمبلی سے خطاب میں وزیر داخلہ نے ایم کیوایم پاکستان کی لیڈر شپ کی پریشانی کا تذکرہ کیا اور کہا کہ الطاف حسین لندن سے جو کچھ کرتے ہیں، اس میں ایم کیوایم کا کوئی قصور نہیں ہے۔

چوہدری نثار نے کہا کہ کراچی آپریشن پر اب بھی ایم کیوایم کو چھوڑ کر تمام جماعتیں متفق ہیں ۔۔

وفاقی وزیر داخلہ نے کراچی کے حالات کو بیس سال کے بعد سب سے اچھا قرار دیا۔

ملک کے بالائی علاقوں میں زلزلے کے شدید جھٹکے

Earthquake

اسلام آباد: وفاقی دارالحکومت اسلام آباد سمیت لاہور، پشاور اور ملک کے بالائی علاقوں میں پیر کو زلزلے کے شدید جھٹکے محسوس کیے گئے.

امریکی جیولوجیکل سروے کے مطابق زلزلے کی شدت 5.9 ریکارڈ کی گئی اور اس کا مرکز افغانستان اور تاجکستان کا سرحدی علاقہ تھا، جبکہ زلزلے کی گہرائی زمین میں 200 کلومیٹر بتائی گئی ہے.

اس سے قبل قدرتی آفات سے نمٹنے کے صوبائی ادارے پی ڈی ایم اے کی جانب سے زلزلے کی شدت 6.4 بتائی گئی تھی.

سعودی مسجد پر خودکش حملہ کرنیوالا شخص حراست میں تھا لیکن پھر چھوڑدیاگیامگر کیوں؟

bomber

ریاض (نیوزڈیسک) گمراہ کن نظریات کی بناءپر معصوم انسانوں کی جان لینے والے دہشت گرد کس طرح قانون کے ہاتھوں سے نکل جاتے ہیں اس کی تازہ مثال سعودی عرب میں خوفناک خودکش حملہ کرنے والے دہشت گرد کسی صورت میں سامنے آئی ہے۔ ’عرب نیوز‘ کے مطابق جمعرات کے روز سعودی سپیشل فورسز کی مسجد میں خود کش حملہ کرنے والے دہشت گرد یوسف بن سلمان کے بارے میں انکشاف ہوا ہے کہ اسے شدت پسند نظریات رکھنے کی وجہ سے ماضی میں گرفتار کیا گیا تھا لیکن اس کے خلاف شواہد نہ ہونے کی وجہ سے اسے چھوڑ دیا گیا۔
اکیس سالہ یوسف کو دو سال قبل گرفتار کیا گیا تھا اور وہ ریاض کی الحیر جیل کے بحالی مرکز میں بھی رہا جہاں اسے شدت پسند نظریات اور داعش کی حمایت کے نظریات سے نجات دلانے کیلئے اس کی اصلاح کی کوششیں کی جاتی رہیں۔ اس کے خلاف ثبوت موجو د نہ ہونے پر 45 دن بعد اسے چھوڑ دیا گیا۔ اسکا تعلق الجوف کے علاقے شکاکہ سے تھا اور اس نے کبھی بھی کسی دوسرے ملک کا سفر نہ کیا تھا۔
ذرائع کے مطابق یوسف سوشل میڈیا پر شدت پسندوں کے فریب میں آگیا تھا اور داعش میں شمولیت اختیار کرلی تھی۔ دہشت گردی سے متعلق سوشل میڈیا ویب سائٹوں پر ہی اس کی تصاویر اور وصیت کے آڈیو کلپ بھی جاری کئے گئے تھے۔ تجزیہ کاروںکا کہنا ہے کہ بظاہر معمولی شدت پسند نظر آنے والے نوجوان کے بارے میں کسی کو اندازہ نہ تھا کہ وہ نہ صرف اپنی جان کا دشمن ہوچکا تھا بلکہ دوسرے انسانوں کی زندگی بھی اس کیلئے کوئی معنی نہ رکھتی تھی اور وہ موت کے جنون میں مبتلا ہو کر انسانیت کیلئے بڑا خطرہ بن چکا تھا۔

آئرلینڈ اور سکاٹ لینڈ پاکستان آنے کیلئے تیار ہیں :شہریار خان

Shehreyar

لاہور (مانیٹرنگ ڈیسک)چیئرمین پاکستان کرکٹ بورڈ شہریار خان نے کہاہے کہ زمبابوے کے بعد دیگر غیر ملکی ٹیمیں بھی پاکستان آنے کیلئے تیار ہیں ۔پریس کانفرنس سے خطاب کرتے ہوئے شہریار خان نے کہا کہ ہانگ کانگ ،عمان ،آئرلینڈ ،سکاٹ لینڈ کی ٹیمیں پاکستان آنے کیلئے تیار ہیں اور اگلے دو ہفتوں میں ٹیموں کا پاکستان آنے کا معاملہ واضح ہو جائے گا ۔انہوں نے کہا کہ پاکستان میں سیکیورٹی صورتحال بہتر ہے ،غیر ملکی ٹیمیں کراچی میں بھی کھیلنے کیلئے تیار ہیں لیکن ٹیمیں کراچی سے لاہورمیں کھیلنے پر خود کو زیادہ محفوظ سمجھتی ہیں ۔

Google Analytics Alternative