Home » Author Archives: Admin (page 5)

Author Archives: Admin

نواز شریف علاج کے لیے آج صبح لندن روانہ ہوں گے

اسلام آباد: سابق وزیر اعظم نواز شریف علاج کے لیے آج صبح 10 بجے لندن روانہ ہوں گے لاہور ہائی کورٹ کے حکم پر وزارت داخلہ انہیں بیرون ملک جانے کی اجازت دے چکی ہے۔

وزارت داخلہ نے لاہور ہائی کورٹ کے فیصلے کی روشنی میں نواز شریف کو بیرون ملک جانے کی اجازت دے دی لیکن ان کا نام بدستور ایگزٹ کنٹرول لسٹ (ای سی ایل) میں شامل رہے گا۔ نواز شریف کو صرف ایک بار ملک سے باہر جانے کی اجازت دی گئی ہے۔

نواز شریف آج صبح 10 لندن بجے روانہ ہوں گے۔ ایوی ایشن ذرائع کے مطابق قطر سے ایئر ایمبولینس صبح پونے 9 بجے لاہور ائیرپورٹ پہنچ جائے گی جس کے لیے علامہ ایئرپورٹ انتظامیہ نے تیاری مکمل کرلی ہے۔ ایئر ایمبولینس شریف خاندان کو لے کر حج ٹرمینل سے روانہ ہوگی اور  نواز شریف کے ہمراہ شہباز شریف اور ڈاکٹر عدنان بھی جائیں گے۔

لاہور ہائیکورٹ نے حکومتی شرائط معطل کرتے ہوئے نواز شریف کو 4 ہفتوں کے لیے بیرون ملک جانے کی اجازت دی ہے اور صحت بہتر نہ ہونے پر اس مدت میں توسیع بھی ممکن ہے۔

اسلام آباد ہائی کورٹ نے نواز شریف کی طبی بنیادوں پر درخواستِ ضمانت منظور کرتے ہوئے ان کی سزا 8 ہفتوں کے لیے معطل کی تھی۔  حکومت نے نواز شریف کو 4 ہفتوں کے لیے ایک بار بیرون ملک جانے کی مشروط اجازت دی تھی جس کے لیے 80 لاکھ پاؤنڈ، 2 کروڑ 50 لاکھ امریکی ڈالر، 1.5 ارب روپے جمع کرانے کی شرط رکھی گئی تھی تاہم لاہور ہائی کورٹ نے حکومتی شرائط معطل کردیں۔

واضح رہے کہ نواز شریف کو العزیزیہ ریفرنس میں 7 سال قید بامشقت اور ڈیڑھ ارب روپے اور ڈھائی کروڑ ڈالر جرمانے کی سزا سنائی گئی تھی، جس کے بعد سے وہ کوٹ لکھپت جیل لاہور میں قید تھے۔

عدلیہ طاقتور اور کمزور کے لیے الگ قانون کا تاثر ختم کرے، وزیراعظم

اسلام آباد / حویلیاں: وزیراعظم عمران خان کا کہنا ہے کہ عدلیہ طاقتور اور کمزور کےلیے الگ قانون کا تاثر ختم کرے۔

ہزارہ موٹروے فیز 2 منصوبے کی افتتاحی تقریب سے خطاب کرتے ہوئے وزیراعظم عمران خان کا کہنا تھا کہ پچھلے دنوں کنٹینر پر ایک سرکس ہوا، ہماری کابینہ میں کچھ لوگوں کے دل کمزور ہیں، وہ گھبرا گئے تاہم میں نے کہا کہ یہ ایک مہینہ کنٹینر پر گزاردیں میں ان کی ساری باتیں مان جاؤں گا، ہم نے 126 دن دھرنے میں گزارے، میں جانتاہوں کہ کنٹینر اور دھرنا کیا ہوتا ہے، دھرنے کا کوئی مقصد یا نظریہ ہوتا ہے۔

وزیراعظم کا کہنا تھا کہ ایک آدمی جو اپنے آپ کو مولانا کہتا ہے، ڈیزل کے ایک پرمٹ پر بکنے والا دین پر سیاست کررہا ہے، میں نے ان سے کیا انتقام لینا ہے، مجھے مولانا کی آخرت کی فکر ہے۔ ان کا کہنا تھا کہ کنٹینر پر بیروزگار سیاستدان کھڑے تھے،  جتنا بڑا مجرم تھا کنٹینر پر کھڑا ہوکر اتنا شور مچارہا تھا تاہم میرا اللہ سے وعدہ ہے ایک آدمی کو بھی نہیں چھوڑوں گا جس نے پاکستان کو لوٹا۔

وزیراعظم نے کہا کہ ملک میں برا وقت سابقہ حکمرانوں کی وجہ سے ہے، بدعنوان ٹولے اور پاکستان کے مفادات الگ الگ ہیں تاہم میں مافیا کا مقابلہ کرنے کا اسپیشلسٹ ہوں، مجھے ہارنا بھی آتا ہے اور جیتنا بھی۔ انہوں نے کہا کہ بلاول بھٹو لبرل نہیں بلکہ لبرلی کرپٹ ہیں جب کہ کابینہ کےزیادہ تر وزراء نواز شریف کو باہر بھجوانے کے حق میں نہیں تھے تاہم ہم عدالت کا فیصلہ قبول کرتے ہیں۔

وزیراعظم عمران خان کا کہنا تھا کہ ہم نے صرف ان سے 7 ارب مانگے، ان کے پاس اتنا پیسہ ہے کہ یہ 7 ارب ٹپ میں دیدیں، نوازشریف کے بیٹے باہر بھاگے ہوئے ہیں جب کہ شہباز شریف کہتے ہیں میں ضمانت دوں گا، انہیں ہالی وڈ میں ہونا چاہیے، شہباز شریف پر کرپشن کے کیسز چل رہے ہیں ان کی ضمانت کون دے گا، شہباز شریف کا بیٹا اور داماد دونوں باہر بھاگے ہوئے ہیں۔

وزیراعظم عمران خان کا کہنا تھا کہ موجودہ چیف جسٹس اور آنے والے چیف جسٹس سے کہتا ہوں کہ ہمارے ملک کو انصاف دیکر آزاد کریں، ہمارے ملک کی تاریخ رہی ہے کہ طاقت ور کے لیے ایک قانون اور کمزور کے لیے ایک، طاقت ور فون کرکے فیصلے لکھواتے رہے ہیں، ملک کی تاریخ ہے کہ طاقت ور کو قانون ہاتھ نہیں لگا سکتا لہذا موجودہ اور آنے والے چیف جسٹس سے درخواست ہے کہ وہ اس تاثر کو ٹھیک کریں، ہمارا قانون ایسا ہو کہ کمزور سے کمزور بھی طاقتور کے سامنے کھڑا ہو تو اسے یقین ہو کہ انصاف ملے گا۔

اس سے قبل وزیراعظم عمران خان سے رہنما پی ٹی آئی بابر اعوان نے ملاقات کی جس میں سابق وزیراعظم نواز شریف کے ای سی ایل کیس سمیت آئینی، قانونی اور سیاسی امور پر مشاورت کی گئی۔

اس موقع پر وزیراعظم عمران خان کا کہنا تھا کہ رول آف لاء سے کسی صورت پیچھے نہیں ہٹوں گا، این آر او مانگنے والے احمقوں کی جنت میں رہتے ہیں جب کہ احتساب ہمیشہ پہلی ترجیح رہے گی، ادارے پاکستان کو مضبوط رکھنے کے لئے ایک پیج پر ہیں۔ انہوں نے کہا کہ کرپشن ریاست کے لیے دیمک ہے، اداروں کی تعمیر نو اور مضبوطی کے بغیر کام نہیں چلے گا لہذا عوامی ریلیف کے لیے اس ماہ بڑے ایکشن سامنے آئیں گے۔

آرمی چیف ایران پہنچ گئے، اعلیٰ فوجی قیادت سے ملاقاتیں

تہران: آرمی چیف جنرل قمر جاوید باجوہ ایران کے سرکاری دورے پر تہران پہنچ گئے جہاں انہوں نے فوج کی اعلیٰ قیادت سے ملاقاتیں کیں اور خطے میں امن و امان کے قیام پر تبادلہ خیال کیا۔

ڈی جی آئی ایس پی آر کے مطابق آرمی چیف سرکاری دورے پر تہران پہنچے جہاں انہوں ںے ایران کے چیف آف آرمی اسٹاف میجر جنرل محمد حسین سے ملاقات کی۔ دونوں کے درمیان علاقائی سیکیورٹی کے امور سمیت پاک ایران سرحد پر سیکیورٹی کے حوالے سے معاملات پر بات چیت ہوئی۔

دریں اثنا آرمی چیف جنرل قمر جاوید باجوہ سے ترک آرمڈ فورسز کے کمانڈر جنرل یاسر گلر نے ملاقات کی جس میں خطے کی سیکیورٹی صورتحال، دو طرفہ دفاعی امور کو بڑھانے اور علاقائی سلامتی کی صورتحال پر تبادلہ خیال کیا گیا۔

ملاقات میں ترک کمانڈر نے پاکستانی فوج کے خطے میں قیام امن کے لیے کردار کو سراہا اور امن کے استحکام کے لیے خطے میں پاک فوج کے کردار کی تعریف کی۔

مقبوضہ کشمیر کی صورتحال، وزیر خارجہ کا اقوام متحدہ سے رابطہ

وزیر خارجہ شاہ محمود قریشی نے مقبوضہ کشمیر کی صورتحال پر اقوام متحدہ کے سیکریٹری جنرل اور سیکیورٹی کونسل کے صدر کو خطوط لکھ دیے جس میں اقوام عالم سے صورتحال کا نوٹس لینے کا مطالبہ کیا گیا ہے۔

ترجمان دفتر خارجہ کے مطابق پاکستان مقبوضہ کشمیر کی صورتحال کو اجاگر کرتا رہے گا اور بھارت کے پانچ اگست کے غیر قانونی یک طرفہ عمل کے ذریعہ غیر انسانی لاک ڈاؤن میں کشمیریوں کی آواز بلند کرتا رہے گا اسی لیے وزیر خارجہ شاہ محمود قریشی نے صدر سیکیورٹی کونسل اور جنرل سیکریٹری کو خطوط لکھے ہیں جن میں وزیر خارجہ نے مقبوضہ جموں و کشمیر کے حصے بخرے کرنے کے بھارتی اقدام کو مسترد کردیا ہے۔

ترجمان نے کہا ہے کہ خطوط میں بھارت کی طرف سے انسانی حقوق کی خلاف ورزیوں کو اجاگر کیا گیا، وزیرخارجہ نے یو این موگپ کو مضبوط بنانے پر زور دیا، پاکستان کی درخواست پر وزیر خارجہ کا خط اقوام متحد کے رکن ممالک میں سلامتی کونسل کی آفیشل دستاویز کے طور پر مشتہر کیا گیا۔

اسد عمر کی وفاقی کابینہ میں واپسی، وزیر منصوبہ بندی بنانے کا فیصلہ

اسلام آباد: وزیراعظم عمران خان نے وفاقی کابینہ میں توسیع اور ردوبدل کرتے ہوئے اسد عمر کو واپس کابینہ میں شامل کرنے کا فیصلہ کیا ہے۔

وزیراعظم کی معاون خصوصی برائے اطلاعات و نشریات فردوس عاشق اعوان نے ٹوئٹ کرتے ہوئے بتایا کہ سابق وزیر خزانہ اسد عمر کو وزیر منصوبہ بندی اور خصوصی اقدامات بنایا جائے گا۔

فردوس عاشق اعوان نے کہا کہ خسرو بختیار سے وفاقی وزیر منصوبہ بندی کا قلم دان واپس لے کر انہیں وفاقی وزیر برائے پٹرولیم بنانے کا فیصلہ کیا ہے۔ دونوں وزرا کی تقرری کا نوٹی فیکیشن جلد جاری کردیا جائے گا۔

واضح رہے کہ اپریل میں اسد عمر نے وزیر خزانہ کے عہدے سے استعفیٰ دے دیا تھا جس کے بعد عبدالحفیظ شیخ کو وزیراعظم کا مشیر خزانہ بنایا گیا۔

پاکستان کا شاہین ون میزائل کا کامیاب تجربہ

راولپنڈی: پاکستان نے ہر قسم کے وار ہیڈز لے جانے والے شاہین ون میزائل کاکامیاب تجربہ کر لیا۔

ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر بیان میں بتایا کہ پاکستان نے شاہین ون میزائل کا کامیاب تجربہ کیا ہے، میزائل ہر قسم کے وار ہیڈز650کلومیٹر تک لے جانے کی صلاحیت رکھتا ہے۔

ڈی آئی ایس پی آر کے مطابق تجربے کا مقصد کم ازکم دفاعی صلاحیت برقرار رکھنا ہے۔

آئی ایس پی آر کا کہنا ہے کہ شاہین ون زمین سے زمین پر مار کرنے والا بیلسٹک میزائل ہے اور میزائل کا تجربہ پاک فوج کی تربیتی مشقوں کا حصہ ہے، ڈی جی اسٹریٹیجک پلان ڈویژن، چیئرمین نیسکام اور دیگر اعلی حکام نے تجربے کا مشاہدہ کیا۔

دریائے ستلج میں کشتی الٹنے سے 8 افراد جاں بحق

اوکاڑہ: علاقہ ملحو شیخو کے قریب دریائے ستلج میں کشتی الٹنے سے 8 افراد جاں بحق ہوگئے۔

اوکاڑہ میں علاقہ ملحو شیخو کے قریب دریائے ستلج میں کشتی الٹنے کے نتیجے میں 8 افراد جاں بحق ہوگئے جن میں ایک بچہ، 5 خواتین اور 2مرد شامل ہیں، واقعہ کے فوراً بعد مقامی افراد نے اپنی مدد آپ کے تحت امدادی کارروائیاں شروع کیں، ڈپٹی کمشنر اوکاڑہ مریم خان کےمطابق کشتی میں 20 سے 25 افراد سوار تھے جب کہ حادثہ گنجائش سے زیادہ افراد کے کشتی میں بیٹھنے کے باعث پیش آیا۔

عینی شاہدین کے مطابق اب تک دریا سے 8 افراد کی لاشیں نکالی جاچکی ہیں جب کہ کشتی ڈوبنے کے مقام پر دیگر افراد کی تلاش کے لیے ریسکیو آپریشن جاری ہے، ریسکیو ذرائع کے مطابق کشتی آمدورفت کے لیے استعمال کی جاتی ہے تاہم آج سفر کے دوران اچانک حادثہ پیش آیا۔

بھارت کے سب سے بڑے شو سے آفر آنے پر حیران تھی: آئمہ بیگ

دو سال قبل ’مس ورلڈ‘ منتخب ہونے والی بھارتی دوشیزہ منوشی چھلر کے حوالے سے گزشتہ برس ہی یہ چہ مگوئیاں شروع ہوگئی تھیں کہ وہ بھی فلمی دنیا میں انٹری دیں گی۔

اگرچہ مس ورلڈ کا اعزاز چھنتے ہی منوشی چھلر کچھ میگزین کے سرورق پر دکھائی دیں تھیں، تاہم انہوں نے فلموں میں انٹری کا عندیہ نہیں دیا تھا۔

رواں برس مئی میں یہ خبر سامنے آئیں کہ منوشی چھلر بولی وڈ میں انٹری دینے کے لیے راضی ہوگئی ہیں اور وہ ممکنہ طور پر اکشے کمار کی ہیروئن بن کر اداکاری کی شروعات کریں گی۔

اور اب اس بات کی تصدیق کردی گئی کہ منوشی چھلر بولی وڈ کھلاڑی اکشے کمار کی ہیروئن بن کر فلمی کیریئر کا آغاز کریں گی۔

منوشی چھلر نے بھی اکشے کمار اور فلم کے ہدایت کار کے ساتھ تصویر سوشل میڈیا پر شیئر کی—فوٹو: انسٹاگرام
منوشی چھلر نے بھی اکشے کمار اور فلم کے ہدایت کار کے ساتھ تصویر سوشل میڈیا پر شیئر کی—فوٹو: انسٹاگرام

ہندوستان ٹائمز کے مطابق منوشی چھلر تاریخی فلم ’پرتھوی راج‘ سے فلمی کیریئر کا آغاز کریں گی۔

رپورٹ میں بتایا گیا کہ ’پرتھوی راج‘ کی ٹیم نے اس بات کی تصدیق کردی کہ منوشی چھلر کو بطور ہیروئن کاسٹ کرلیا گیا ہے جب کہ خود دوشیزہ نے بھی فلم میں کاسٹ کیے جانے پر خوشی کا اظہار کیا۔

’پرتھوی راج‘ ہندوؤں کے سابق بادشاہ پرتھوی راج چوہان کی زندگی پر بنائی جانے والی تاریخی فلم ہوگی، جس میں اکشے کمار ہندو بادشاہ کے روپ میں دکھائی دیں گے۔

پہلے ہی چہ مگوئیاں تھیں کہ منوشی چھلر بھی شوبز میں انٹری دیں گی—فوٹو: انسٹاگرام
پہلے ہی چہ مگوئیاں تھیں کہ منوشی چھلر بھی شوبز میں انٹری دیں گی—فوٹو: انسٹاگرام

منوشی چھلر فلم میں اکشے کمار یعنی پرتھوی راج چوہان کی بیوی شہزادی سنیوگیتا کا کردار ادا کرتی دکھائی دیں گی۔

یش راج چوپڑا کے بینر تلے بننے والی اس فلم کی ہدایات چندرپرکاش دویدی دیں گے۔

اکشے کمار نے اپنی 52 ویں سالگرہ پر ستمبر میں ہی اس فلم کے ٹائٹل ٹیزر کو شیئر کرتے ہوئے بتایا تھا کہ ’پرتھوی راج‘ کو 2020 میں دیوالی کے موقع پر ریلیز کیا جائے گا۔

,

دلچسپ بات یہ ہے کہ جہاں منوشی چھلر بولی وڈ کھلاڑی کی ہیروئن بن کر اپنے فلمی کیریئر کا آغاز کرنے جا رہی ہیں، وہیں سابق حسینہ لارا دتا نے بھی اکشے کمار کی ہیروئن بن کر فلمی کیریئر کا آغاز کیا تھا۔

یہی نہیں بلکہ سابق مس ورلڈ پریانکا چوپڑا کو بھی اکشے کمار کی فلم ’انداز‘ سے شہرت ملی تھی جو کہ پریانکا چوپڑا کی دوسری فلم تھی۔

منوشی چھلر سے قبل سابق حسینائیں لارا دتا اور پریانکا بھی سب سے پہلے اکشے کے ساتھ کام کر چکی ہیں—پرومو فوٹو
منوشی چھلر سے قبل سابق حسینائیں لارا دتا اور پریانکا بھی سب سے پہلے اکشے کے ساتھ کام کر چکی ہیں—پرومو فوٹو
Google Analytics Alternative