Home » Author Archives: Admin (page 7)

Author Archives: Admin

ٹیسٹ رینکنگ، عباس اور بابراعظم کے پاؤں پھسل گئے

دبئی:   ٹیسٹ رینکنگ میں بھارتی کرکٹرزترقی سے محمد عباس اور بابراعظم کے پاؤں پھسل گئے۔

محمد شمی کی 8 درجے چھلانگ نے پاکستانی فاسٹ بولر کو 12 ویں نمبر پر پہنچادیا، بابر کو میانک اگروال کی ترقی کے باعث ایک درجہ نیچے 15 ویں نمبر پر جانا پڑا، پہلے ٹیسٹ میں شکست سے دوچار  ہونے والے بنگلہ دیشی کھلاڑیوں کو بھی تنزلی کا سامنا کرنا پڑا۔ تفصیلات کے مطابق بھارتی فاسٹ بولر محمد شمی نے بنگلہ دیش کے خلاف اندور میں کھیلے گئے پہلے ٹیسٹ کی پہلی اننگز میں 3 جبکہ دوسری باری میں 31 رنز کے عوض 4 وکٹیں لیں جس کی بدولت انھیں ٹیسٹ بولرز رینکنگ میں ایک ساتھ 8 درجے ترقی حاصل ہوئی۔

جس سے وہ ساتویں نمبر پر پہنچ گئے، ان کو جگہ دینے کیلیے کچھ بولرز کو ایک ایک قدم پیچھے ہٹنا پڑا جن میں پاکستانی پیسر محمد عباس بھی شامل ہیں جوکہ اب بارہویں نمبر پر پہنچ گئے ہیں، ٹاپ 20 میں شامل دوسرے پاکستانی بولر یاسر شاہ بدستور 17 ویں نمبر پر پہنچ گئے ہیں، ٹاپ پوزیشن پر بدستور آسٹریلیا کے پیٹ کمنز قابض ہیں، کاگیسو  ربادا کا دوسرا نمبر ہے۔

اسی طرح اندور ٹیسٹ میں 243 رنز کی اننگز کھیلنے والے بھارتی اوپنر میانک اگروال کو 7 درجے ترقی نے گیارہویں نمبر پر پہنچادیا، اسی وجہ سے باقی کچھ بیٹسمینوں کی طرح بابر اعظم کو بھی ایک قدم پیچھے ہٹنا پڑا، جس سے وہ اب 15 ویں نمبر پر پہنچ گئے ہیں، اسد شفیق بدستور 20 ویں اور اظہر علی 22 ویں نمبر پر موجود ہیں۔

ٹیم سے باہر سرفراز احمد کا 38 واں نمبر ہے۔ بنگلہ دیشی بیٹسمین محمود اللہ کی تنزلی کے باعث حارث سہیل ترقی پاکر 44 ویں نمبر پر پہنچ گئے ہیں۔ ٹاپ بیٹنگ پوزیشن آسٹریلیا کے سابق کپتان اسٹیون اسمتھ کے پاس ہے جبکہ بھارتی قائد ویرات کوہلی دوسرے نمبر پر موجود ہیں۔ ٹیسٹ آل راؤنڈرز میں ٹاپ پر ویسٹ انڈین کپتان جیسن ہولڈر موجود ہیں، دوسرے نمبر پر رویندرا جڈیجا اور تیسرا نمبر انگلینڈ کے بین اسٹوکس نے سنبھالا ہوا ہے۔

امراض قلب کے لیے ادویات اسٹنٹس اور بائی پاس جتنی موثر، تحقیق

امراض قلب کے شکار افراد میں ہارٹ اٹیک اور موت سے بچانے کے لیے خطرناک سرجریز جیسے بائی پاس ادویات اور طرز زندگی میں بہتری سے زیادہ بہتر نہیں ہوسکتی۔

یہ بات امریکا میں ہونے والی ایک طبی تحقیق میں سامنے آئی۔

بند ہوجانے والی شریانوں کو کھولنے کے لیے طبی سرجری جو کہ بیشتر کیسز میں اسٹنٹ ڈالنا ہوتا ہے، جسے مریضوں میں سینے کی درد میں کمی لانے کے لیے ادویات سے زیادہ بہتر سمجھا جاتا ہے، مگر اس نئی تحقیق مین دریافت کیا گیا کہ اس سے امراض قلب کے نتیجے میں سامنے آنے والے واقعات جیسے ہارٹ اٹیک، ہسپتال میں پہنچ جانا اور موت وغیرہ پر کوئی اضافہ اثر مرتب نہیں ہوتا۔

تحقیق میں بتایا گیا کہ اسٹنٹس اور بائی پاس سرجری کا فیصلہ مریضوں میں جلد بازی کی بجائے احتیاط سے کرنا چاہیے۔

10 کروڑ ڈالرز سے کی جانے والی تحقیق کے نتائج امریکن ہارٹ ایسوسی ایشن کے سالانہ اجلاس کے دوران پیش کیے گئے اور یہ بند شریانوں کے علاج کے حوالے سے بحث میں ایک نیا اضافہ ہے۔

12 سال قبل ایک ایسی ہی تحقیق میں اس طرح کے طبی طریقہ علاج کو اپنانے والے ڈاکٹروں اور ماہرین کو تنقید کا نشانہ بنایا گیا تھا۔

واشنگٹن پوسٹ سے بات کرتے ہوئے کارڈیالوجسٹ ایلیٹ انٹمین (اس تحقیق کا حصہ نہیں تھے) نے کہا ‘یہ ایک تاریخ ساز تحقیق ہے جس کے بارے میں لوگ برسوں سے بات کررہے تھے، نتائج سے ثابت ہوتا ہے کہ ابتدائی مراحل میں سرجریز کو اپنانا مریضوں میں ہارٹ اٹیک کا امکان کم کرتا، بس یہ سینے میں درد میں کمی لاتا ہے’۔

ادویات استعمال کرنے والے مریضوں میں بھی بند شریانوں سے ہارٹ اٹیک کا امکان اتنا ہی ہوتا ہے جتنا سرجری کرانے والے افراد میں، اور یہ دریافت دہائیوں سے موجود عام طبی علم کو چیلنج کرتی ہے۔

اس تحقیق میں 5 ہزار سے زائد افراد کا جائزہ لینے کے بعد بتایا گیا کہ بائی پاس اور اسٹنٹ سے جو سب سے بڑا فائدہ ہوتا ہے ہو سینے میں درد یا انجائنا کے شکار افراد کو مدد ملنا ہے۔

نیویارک ٹائمز سے بات کرتے ہوئے بوسٹن یونیورسٹی کی ماہر ڈاکٹر ایلس جیکبس نے کہا کہ آپ سوچتے ہیں کہ اس سرجری سے مریض بہتر محسوس کرنے لگے گا یا اس کی حالت بہتر ہوگی، مگر یہ نتائج ہمارے طبی طرز فکر کو چیلنج کرے گی۔

ایک اور ڈاکٹر نے نیویارک ٹائمز کو بتایا کہ مریض سرجری پر ادویات کو ترجیح دے کر ہر سال 77 کروڑ ڈالرز بچاسکتے ہیں۔

اسٹنٹس اور شریانوں کی صفائی کرنے والی دیگر ڈیوائسز کے حوالے سے برسوں سے اعتراض سامنے آرہے ہیں، مگر یہ تحقیق جسے Ischemia کا نام دیا گیا، میں زیادہ گہرائی میں جاکر اس کے اثرات کا جائزہ لیا گیا۔

بیلور کالج آف میڈیسین کے کارڈک کییئر کے ڈائریکٹر اور امریکن ہارٹ ایسوسی ایشن کی گائیڈلائن کمیٹی میں شامل ڈاکٹر گلین لیونی کے مطابق یہ انتہائی اہمیت کی حامل تحقیق ہے، جس کے نتائج کو علاج کی گائیڈلائنز میں شامل کیا جانا چاہیے۔

سنکیانگ میں ایغور مسلمانوں سے متعلق چین کی حساس دستاویزات افشا

نیویارک: چین کے مسلم اکثریتی علاقے سنکیانگ میں ایغور مسلمانوں کے خلاف کریک ڈاؤن سے متعلق حکومتی حساس دستاویزات افشا ہوگئیں جن میں چینی صدر نے سرکاری حکام کو بالکل ذرا رحم نہ کھانے کا حکم دیا ہے۔

امریکی اخبار نیویارک ٹائمز کو 403 صفحات پر مشتمل چینی خفیہ سرکاری دستاویزات موصول ہوئی ہیں۔ یہ دستاویزات چینی سیاسی اسٹیبلشمنٹ کے رکن نے نام ظاہر نہ کرنے کی شرط پر میڈیا کو فراہم کی ہیں۔ ان دستاویزات سے سنکیانگ میں ایغور مسلم اقلیت کے خلاف سکیورٹی کریک ڈاؤن کی تفصیلات سامنے آئی ہیں۔

صدر شی جن پنگ نے سرکاری اہلکاروں کو حکم دیا کہ وہ سنکیانگ میں مسلمانوں پر سکیورٹی کریک ڈاؤن کے دوران علیحدگی پسندی اور انتہا پسندی کے خلاف ‘قطعا کوئی رحم نہ کھائیں‘۔

انسانی حقوق کی تنظیموں کا کہنا ہے کہ چینی حکومت نے سنکیانگ میں ایغور اور دیگر مسلم اقلیتوں سے تعلق رکھنے والے لاکھوں شہریوں کو حراستی مراکز میں بند کر رکھا ہے، جنہیں سرکاری طور پر تربیتی مراکز کہا جاتا ہے۔

نیو یارک ٹائمز کے مطابق ان دستاویزات میں وہ سرکاری احکامات اور نگرانی سے متعلق رپورٹیں بھی ہیں جن میں ایغور مسلم اقلیتی آبادی کو کنٹرول کرنے کی بات کی گئی ہے۔

دستاویزات کے مطابق سنکیانگ اور مسلم آبادی سے متعلق سرکاری پالیسی کے خلاف کوئی مزاحمت موجود نہیں کیونکہ اختلاف کرنے والے مقامی حکام کو خدشہ ہے کہ اگر انہوں نے نے ایسا کیا تو خود ان کے اپنے خلاف بھی کارروائی اور سزا ہوسکتی ہے۔

کیٹی پیری اور دعا لیپا کی پہلی بار ممبئی میں پرفارمنس

بولڈ پرفارمنس کے حوالے سے دنیا بھر میں معروف امریکی گلوکارہ کیٹی پیری اور برطانوی گلوکارہ دعا لیپا کی جانب سے بھارت کے سب سے بڑے شہر ممبئی میں پہلی بار پرفارمنس پر بھارتی انتہائی خوش دکھائی دے رہے ہیں۔

دونوں گلوکاراؤں نے دیگر گلوکاروں سمیت مہاراشٹر کے دارالحکومت اور بھارت کے فلمی دارالحکومت ممبئی کے ایک اسٹیڈیم میں شاندار نیم عریاں پرفارمنس کی۔

دونوں اداکارائیں کنسرٹ سے پہلے ہی بولڈ حرکتیں کرتی دکھائی دیں—فوٹو: کیٹی پیری انسٹاگرام
دونوں اداکارائیں کنسرٹ سے پہلے ہی بولڈ حرکتیں کرتی دکھائی دیں—فوٹو: کیٹی پیری انسٹاگرام

یہ پہلا موقع تھا کہ دونوں اداکاراؤں نے ممبئی میں ایک ساتھ کسی میوزیکل فیسٹیول میں شرکت کی تھی۔

اس سے قبل اگرچہ کیٹی پیری بھارت میں مختصر پرفارمنس کرچکی تھیں، تاہم انہوں نے پہلی بار ممبئی میں ایک بہت ہی بڑے میوزک کنسرٹ میں پرفارمنس کی۔

شاہ رخ خان نے بھی گلوکارہ دعا لیپا سے ملاقات کی—فوٹو: شاہ رخ خان ٹوئٹر
شاہ رخ خان نے بھی گلوکارہ دعا لیپا سے ملاقات کی—فوٹو: شاہ رخ خان ٹوئٹر

ٹائمز آف انڈیا کے مطابق دونوں گلوکاراؤں نے ’ون پلس‘ موبائل کمپنی کی جانب سے منعقد کیے جانے والے میوزک کنسرٹ میں 16 نومبر کی شب کو پرفارمنس کی۔

کرن جوہر، ایشوریا رائے، ملائیکا اروڑا، جیکولین فرنانڈس اور عالیہ بھٹ بھی کیٹی پیری سے ملاقات کے لیے لائن میں لگے—فوٹو: انسٹاگرام
کرن جوہر، ایشوریا رائے، ملائیکا اروڑا، جیکولین فرنانڈس اور عالیہ بھٹ بھی کیٹی پیری سے ملاقات کے لیے لائن میں لگے—فوٹو: انسٹاگرام

دعا لیپا اور کیٹی پیری سمیت اس میوزک فیسٹیول میں دیگر بھارتی گلوکاراؤں سمیت چند عالمی گلوکاراؤں اور موسیقاروں نے بھی پرفارمنس کی، تاہم امریکی و برطانوی گلوکارہ کی بولڈ پرفارمنس نے سب کو دیوانہ کردیا۔

جہاں دونوں گلوکاراؤں نے بولڈ پرفارمنس کرکے میوزک کنسرٹ کا میلہ لوٹا، وہیں بولی وڈ کے بڑے بڑے اسٹار بھی دونوں گلوکاراؤں سے ملنے کے لیے بے تاب دکھائی دیے۔

ایشوریا رائے نے بھی کیٹی پیری کے ساتھ فوٹوشوٹ کروایا—فوٹو: ون پلس انسٹاگرام
ایشوریا رائے نے بھی کیٹی پیری کے ساتھ فوٹوشوٹ کروایا—فوٹو: ون پلس انسٹاگرام

کیٹی پیری اور دعا لیپا نے ممبئی کے اپنے پہلے میوزک ٹوئر کے دوران متعدد بولی وڈ شخصیات سے ملاقاتیں بھی کیں اور بولی وڈ اسٹارز گلوکاراؤں کے ساتھ تصاویر بنواکر اپنے سوشل میڈیا اکاؤنٹ پر بھی شیئر کرتے رہے۔

جیکولین فرنانڈس بھی کیٹی پیری سے ملاقات کے لیے پہنچیں—فوٹو: انسٹاگرام
جیکولین فرنانڈس بھی کیٹی پیری سے ملاقات کے لیے پہنچیں—فوٹو: انسٹاگرام

دوسری جانب ہندوستان ٹائمز نے اپنی رپورٹ میں بتایا کہ کیٹی پیری کی جانب سے میوزک کنسرٹ کے بعد واپسی پر ایئرپورٹ عملے کے ساتھ تعاون نہ کرنے پر ان کے مداح ان سے خفا بھی دکھائی دیے۔

کیٹی پیری نے مشہور گانوں پر پرفارمنس کی—فوٹو: ون پلس انسٹاگرام
کیٹی پیری نے مشہور گانوں پر پرفارمنس کی—فوٹو: ون پلس انسٹاگرام

اخبار نے اپنی رپورٹ میں بتایا کہ کیٹی پیری نے واپسی پر ایئرپورٹ حکام کو اپنا پاسپورٹ تک نہیں دکھایا جب کہ ایئرپورٹ حکام انہیں پاسپورٹ دکھانے کے لیے منتیں کرتے دکھائی دیے۔

اخبار نے ایک ویڈیو بھی شائع کی جس میں کیٹی پیری کو اپنے عملے کے ارکان کے ساتھ ممبئی ایئرپورٹ پر دیکھا جا سکتا ہے۔

دعا لیپا نے کیٹی پیری کے مقابلے زیادہ بولڈ پرفارمنس کی—فوٹو: دعا لیپا انسٹاگرام
دعا لیپا نے کیٹی پیری کے مقابلے زیادہ بولڈ پرفارمنس کی—فوٹو: دعا لیپا انسٹاگرام

ویڈیو میں دیکھا جا سکتا ہے کہ ایئرپورٹ کے سیکیورٹی حکام کیٹی پیری سے اپنا پاسپورٹ دکھانا کا کہ رہے ہیں، تاہم گلوکارہ نے ان کی ایک بھی نہ سنی اور کوئی پرواہ کیے بغیر سیکیورٹی حدود پار کرگئیں۔

کیٹی پیری کی جانب سے ایئرپورٹ حکام کی عزت نہ کیے جانے اور اپنا پاسپورٹ نہ دکھانے پر بھارتی مداح ان سے ناخوش دکھائی دیے اور ان پر بھارتیوں کی توہین کا الزام بھی لگایا۔

ایران میں پٹرول مہنگا ہونے کے خلاف احتجاج، ہلاکتیں 36 ہوگئیں

تہران: ایران میں پٹرول کی قیمتوں میں اضافے کے خلاف احتجاج کے دوران سیکیورٹی فورسز کی فائرنگ سے 36 افراد ہلاک ہوگئے۔

غیر ملکی خبر رساں اداروں کے مطابق ایران میں پیٹرولیم مصنوعات کی قیمتوں میں 50 فیصد تک اضافہ کردیا گیا ہے۔ مہنگائی کے خلاف عوام سڑکوں پر نکل آئے اور شدید احتجاج کیا۔ دارالحکومت تہران سے شروع ہونے والا یہ احتجاج اب مختلف شہروں اور قصبات تک جا پہنچا ہے۔

متعدد مقامات پر پولیس اور مظاہرین کے درمیان جھڑپیں ہوئیں اور سیکیورٹی اہلکاروں نے احتجاج کو سختی سے کچلنے کی کوشش کی۔ فورسز نے مظاہرین کو منتشر کرنے کے لیے براہ راست فائرنگ کی اور آنسو گیس کا استعمال کیا جس کے نتیجے میں 4 روز کے دوران 36 افراد ہلاک ہوچکے اور درجنوں زخمی ہوچکے ہیں۔

پولیس نے کارروائی کرتے ہوئے 40 سے زائد افراد کو گرفتار کرلیا ہے۔ ایران کے سپریم لیڈر آیت اللہ علی خامنہ ای نے پٹرول مہنگا کرنے کی حمایت کرتے ہوئے احتجاج کرنے والوں کو غیر ملکی آلہ کار قرار دیا ہے۔

واضح رہے کہ ایرانی معیشت مالی بحران کا شکار ہے اور حکومت نے پٹرول کی قیمت 10 ہزار ریال فی لٹر سے بڑھا کر 15 ہزارریال فی لیٹر کرنے کے ساتھ اس کی راشن بندی بھی کردی ہے۔ اس قیمت پر ہر نجی کار کو ایک ماہ میں صرف 60 لیٹر پٹرول ملے گا۔ اس سے زائد پٹرول خریدنے پر قیمت 30 ہزار ریال فی لیٹر ہو گی۔

سری لنکا کیخلاف ٹیسٹ سیریز؛آفیشلز تقرری کیلیے پی سی بی کا آئی سی سی سے رابطہ

لاہور: سری لنکا کے خلاف ٹیسٹ سیریز کے آفیشلز کی تقرری کے لیے پاکستان کرکٹ بورڈ حکام نے آئی سی سی سے باضابطہ رابطہ کرلیا ہے۔

10 سال بعد پاکستان میں ہونے والی تاریخی ٹیسٹ سیریز میں آئی سی سی کی جانب سے امپائرز اور میچ ریفر ی کی تقرری کا امکان رواں ہفتے ہوسکتاہے۔ آئی سی سی ٹیسٹ چیمپئن شپ کا حصہ یہ ٹیسٹ میچز 11 دسمبر کو راولپنڈی اور 19 دسمبر کو کراچی میں شیڈول ہیں۔

ذرائع کےمطابق پی سی بی اور سری لنکن کرکٹ بورڈ کی جانب سے ٹیسٹ سیریز کا باقاعدہ اعلان ہونے کے بعد پی سی بی نے راولپنڈی اور کراچی میں شیڈول میچز کے لیے اپنی تیاریوں میں تیزی لانا شروع کردی ہے، مارکیٹنگ شعبے کے لوگ اس سیریز کو ہر لحاظ سے نفع بخش بنانے کے لیے متحرک ہوچکے، گراونڈز اور وکٹوں کی تیاری کے لیےبھی ہدایات جاری کردی گئی ہیں۔مہمان ٹیم کو صدارتی لیول کی سطح فراہم کرنے کے لیے متعلقہ حکام کی ابتدائی میٹنگز کا سلسلہ بھی جلد شرو ع ہوگا۔ پی سی بی کے میڈیا ڈیپارٹمنٹ نے اس ٹیسٹ سیریز کے لیے صحافیوں کی ایکریڈیشن کا بھی آغاز کردیاہے۔ ٹیسٹ میچز کے دوران شائقین کے داخلہ ٹکٹ کی قیمت نہایت کم رکھنے کے ساتھ بعض انکلوژرز فری رکھنے کی تجویز بھی زیر غور ہے۔

تازہ آکسیجن 300 روپے میں خریدیں گے؟

دنیا کے سب سے آلودہ ترین شہر نئی دہلی میں سانس لینا نہایت مشکل ہوگیا ہے تاہم اب اس کا حل تلاش کرلیا گیا ہے۔

بھارتی اخبار انڈینفضائی آلودگی سے لڑنے کے لیے حکومتی اقدامات کے ساتھ ساتھ عوام کے لیے نئی دہلی میں ایک اور آپشن بھی متعارف کرایا گیا ہے جہاں انہیں 15 منٹ تک کے لیے 80 سے 90 فیصد خالص آکسیجن فراہم کی جائے گی۔

آریا ویر کمار اور مارگاریتا کرتسیانا نے نئی دہلی میں عوام کو تازہ ہوا فراہم کے لیے پہلا ‘آکسی پیور’ بار کھول لیا جہاں صرف 300 روپے میں عوام کو 15 منٹ کے لیے تازہ ہوا فراہم کی جائے گی۔

اس بار کو مئی کے مہینے میں کھولا گیا تھا جہاں صارفین کو متعدد خوشبو سے لے کر بغیر خوشبو کے خالص آکسیجن فراہم کی جارہی ہے۔

بار میں عوام کو ٹیوب کے ذریعے تازہ آکسیجن فراہم کی جاتی ہے — فوٹو انڈین ایکسپریس
بار میں عوام کو ٹیوب کے ذریعے تازہ آکسیجن فراہم کی جاتی ہے — فوٹو انڈین ایکسپریس

ان خوشبوؤں میں لیموں کے پتوں، لیونڈر، چیری، یوکلپٹس و دیگر شامل ہیں۔

صارفین کو آکسیجن لینے کے لیے استعمال ہونے والی ایک ٹیوب دی جاتی جسے وہ ناک کے پاس رکھتے ہیں اور اس کے ذریعے سانس لینے کا کہا جاتا ہے۔

جس خوشبو کو آپ منتخب کرتے ہیں، اس کے ذریعے آپ کے سانس کے مسائل، نیند کے مسائل اور ہاضمے، سر درد وغیرہ کے مسائل بہتر کرنے کا دعویٰ کیا جاتا ہے اور یہ بھی کہا جاتا ہے کہ یہ آپ کے ڈپریشن کے لیے بھی مفید ثابت ہوگا۔

اوکسی پیور میں موجود ایک صارف کا کہنا تھا کہ ‘میں یہاں سے گزر رہا تھا تو میں نے دیکھا کہ وہ خالص آکسیجن پیش کر رہے ہیں، میں نے سوچا اسے آزما کردیکھتا ہوں اور میں نے لیموں کے پتے کی خوشبو کا انتخاب کیا، اس سے میں تازہ دم محسوس کر رہا ہوں’۔

وہاں موجود سینیئر سیلز مین نے بتایا کہ انہیں صارفین کا مثبت رد عمل دیکھنے کو مل رہا ہے۔

ان کا کہنا تھا کہ ‘جو لوگ اسے پہلی مرتبہ آزماتے ہیں وہ بہت تازہ دم محسوس کرتے ہیں تاہم جو روزانہ اس کا استعمال کریں وہ اس کے فوائد حاصل کرسکیں گے’۔

انہوں نے کہا کہ ‘ہم صارفین کو مشورہ دیتے ہیں کہ ایک دن میں صرف ایک مرتبہ 10 سے 15 منٹ کا سیشن لیں اس سے زیادہ نہ لیں’۔

دہلی کے اپولو ہسپتال کے ڈاکٹر راجیش چاولہ کا کہنا تھا کہ ‘اس طرح کے سیشن کا کوئی سائیڈ افیکٹ نہیں ہوتا تاہم اس کے کوئی طویل المدتی فوائد بھی نہیں ہوتے۔

ان کا کہنا تھا کہ ‘اگر آپ دن میں 2 گھنٹے کے لیے بھی تازہ آکسیجن لیتے ہیں تو آپ باقی 22 گھنٹے آلودہ ہوا ہی لیتے ہیں، یہ اقدام سرمایہ دارانہ نظام کا حصہ ہے’۔

4 سال تک سوتیلا باپ ہراساں کرتا رہا، فریال محمود

کراچی: کئی ڈراموں میں اداکاری کے جوہر دکھانے والی فنکارہ فریال محمود کا کہنا ہے کہ میں اپنے سوتیلے باپ سے شدید نفرت کرتی ہوں کیونکہ وہ بچپن میں مجھے جنسی طور پر ہراساں کرتا رہا۔

اداکارہ ثمینہ پیر زادہ کو دیئے گئے انٹرویو میں فریال محمود نے کہا کہ میری والدہ روحانی بانو ہیں جو خود بھی اداکارہ ہیں، میرا بچپن بالکل بھی اچھا نہیں گزرا، 7 سال کی عمر میں والدین میں علیحدگی ہوگئی ،جس کے بعد ہم امریکا منتقل ہوگئے، والدہ نے پہلی شادی کی ناکامی کے بعد گھر بسانے کے لیے 2 مزید شادیاں کیں، میں اپنے دوسرے سوتیلے باپ سے شدید نفرت کرتی ہوں، 8 سال سے 11 سال کی عمر تک وہ مجھے ہراساں کرتا رہا ، ایسے وقت میں وہ مجھے نشانہ بناتا جب والدہ کام کے سلسلے میں باہر ہوتیں، میں اپنی ماں کو بھی یہ بات نہیں بتا سکتی تھی، دوسری شادی کے لیے والدہ کے برے انتخاب منے میرا بچپن بہت خراب کردیا۔ دوست اپنے سہانے بچپن میں واپس لوٹنے کی خواہش کا اظہار کرتی ہیں تو میں سوچتی ہوں کہ میرا آج ہی ٹھیک ہے۔

فریال محمود کا کہنا تھا کہ بارھویں جماعت تک میں نے 13 اسکول تبدیل کیے، میرے 2 چھوٹے بھائی اور 3 سوتیلی بہنیں ہیں، میں اپنے پورے خاندان کے درمیان واحد پل ہوں، ورنہ میرے والدین آپس میں بات نہیں کرتے، بھائی والد سے بات نہیں کرتے، سوتیلی بہنوں کو یہ تک نہیں پتہ کہ ان کی 2 بھائی بھی ہیں۔ 16 سال کی عمر میں میں نے گھر چھوڑ دیا، اس دوران بہت مشکل وقت گزارا، ایک روز میں نے اپنے سگے والد کو فون کیا اور اپنی حالت زار بتائی، وہ مجھے گھر لے آئے، میرے والد اور سوتیلی ماں ہر روز لڑتے تھے، میں کام پر جانے سے پہلے گھر کی صفائی کرتی تھی اور واپس آکر بھی کاموں میں جت جاتی تھی، اب صورت حال بہت مختلف ہوگئی ہے، سوتیلی والدہ کا برتاؤ بھی بدل گیا ہے، ان سے بات ہوتی ہے تو امریکا آنے کا کہتی ہیں۔

والد سے اپنے تعلق کا اظہار کرتے ہوئے فریال محمود نے کہا کہ امریکا میں والد کو میری شادی کی فکر تھی، اس وقت میں موٹی تھی اور وہ کہتے کہ مجھے پتلا ہونا پڑے گا۔ ایک سال والد کے ساتھ رہنے کے بعد میں واپس نیویارک آگئی، اس وقت میری عمر 18 سال تھی۔

اپنے حوالے سے فریال محمود نے کہا کہ اپنے سراپے کو قائم رکھنے کے لیے بہت زیادہ خیال رکھنا پڑتا ہے۔ اداکاری کو کیرئیر بنایا تو اس انڈسٹری نے میری آنکھیں کھول دیں، بدقسمتی سے پاکستان میں صلاحیتوں کو اہمیت نہیں دی جاتی، یہاں اصل چیز گوری رنگت اور دبلا پتلا ہونا ہے لیکن میں نے بہت محنت کی۔ اسی وجہ سے میں وہ حاصل کرپائی جو پانا چاہتی تھی۔ ابھی بھی مجھے سیاست سیکھنی ہے تاکہ لوگوں سے رکھ رکھاؤ میں آسانی ہو۔ میرے لیے یہ اہمیت نہیں رکھتا کہ کوئی کیا کہتا ہے، اہمیت اس بات کی ہے کہ میں اپنے بارے میں کیا سوچتی ہوں، اگر میں دوسروں کی باتوں کا سوچوں تو خودکشی کرلوں، خاص طور پر سوشل میڈیا پر لوگ کیا کچھ نہیں کہتے۔

Google Analytics Alternative