انٹر ٹینمنٹ

کترینہ کیف نے ‘بھارت’ کے سیٹ پر کرکٹ کا میدان سجالیا

بالی وڈ اداکارہ کترینہ کیف اس وقت دبنگ اداکار سلمان خان کے ساتھ اپنی نئی فلم ’بھارت‘ کی عکس بندی میں مصروف ہیں، جہاں وہ فلم کے سیٹ پر شوٹنگ کے بعد کرکٹ کے جوہر بھی دکھا رہی ہیں۔

اداکارہ نے انسٹاگرام پر ایک ویڈیو شیئر کی جس میں انہیں کرکٹ کھیلتے اور شاندار شاٹس لگاتے ہوئے دیکھا جاسکتا ہے۔

اس ویڈیو میں جہاں اداکارہ اپنے کھیل کے جوہر دکھا رہی ہیں، وہیں اس میں رنویر سنگھ کی نئی فلم ’گلی بوائے‘ کا گانا ’اپنا ٹائم آئے گا‘ بھی سنا جاسکتا ہے۔

اداکارہ نے ویڈیو شیئر کرتے ہوئے کیپشن میں لکھا، ’عکس بندی کے اختتام کے بعد سیٹ پر ایسا لگتا ہے کہ جیسے ورلڈ کپ قریب ہو‘۔

بعدازاں انہوں نے انوشکا شرما کو مخاطب کرتے ہوئے کہا کہ ’تم ٹیم کے کپتان (ویرات کوہلی) کے ساتھ مل کر کچھ کہہ سکتی ہو‘۔

آخر میں کترینہ کیف نے خود ہی اپنی تعریف کرتے ہوئے کہا کہ ‘ مزید بہتری کی ضرورت ہے لیکن مجموعی طور پر دیکھا جائے تو میں اتنی بری بھی آل راؤنڈر نہیں‘۔

خیال رہے کہ کترینہ کیف اور انوشکا شرما فلم ’جب تک ہے جان‘ کے بعد ایک بار پھر شاہ رخ خان کے ساتھ فلم ’زیرو‘ میں ایک ساتھ جلوہ گر ہوئی تھیں، جسے گذشتہ ماہ ریلیز کیا گیا۔

اب اداکارہ نئی فلم ’بھارت‘ کی عکس بندی میں مصروف ہیں جو رواں برس عید کے موقع پر ریلیز ہوگی۔

’’جوانی پھر نہیں آنی‘‘ کی پاکستانی سینما میں تاریخ رقم کرنے کی تیاری

کراچی: پاکستان کی کامیاب ترین فلم’’جوانی پھر نہیں آنی‘‘سیریز کی تیسری فلم’’جوانی پھر نہیں آنی3‘‘بنانے کی تیاریاں جاری ہیں۔

نامور پاکستانی اداکار ہمایوں سعید نے سوشل میڈیا پر فلموں کے شائقین کے لیے اچھی خبر دیتے ہوئے کہا ہے کہ وہ پاکستان کی کامیاب ترین فلم سیریز’’جوانی پھر نہیں آنی‘‘ کی تیسری فلم’’جوانی پھر نہیں آنی3‘‘بنانے کی تیاریاں کررہے ہیں۔  ہمایوں سعید نے انسٹاگرام پر ایک تصویر بھی شیئر کی جس میں ان کے علاوہ اداکار فہد مصطفیٰ اورواسع چوہدری بھی موجود ہیں اور اسکرپٹ دیکھ رہے ہیں۔

واضح رہے کہ 2015 میں ریلیز ہوئی فلم’’جوانی پھر نہیں آنی‘‘اس وقت کی کامیاب ترین فلم تھی جس نے بزنس کے تمام ریکارڈ توڑ دئیے تھے۔ فلم کی کامیابی کو دیکھتے ہوئے گزشتہ برس فلم کا سیکوئل’’جوانی پھر نہیں آنی2‘‘کے نام سے بنایا گیا جسے شائقین کی جانب سے بے حد سراہا گیا اور یہ فلم بھی گزشتہ برس پاکستان کی سب سے زیادہ بزنس کرنے والی فلم ثابت ہوئی۔

سیریز کی دوسری فلم کی غیر معمولی کامیابی کو دیکھتے ہوئے اب ہمایوں سعید نے تیسری فلم بنانے کا اعلان کیاہے اور یہ تاریخ میں پہلی بار ہورہا ہے کہ کسی بھی فلم کا دوسرا سیکوئل بنایاجارہا ہو۔ اس سے قبل اداکار فہد مصطفیٰ اورجاوید شیخ کی فلم ’’نامعلوم افراد‘‘کا صرف ایک سیکوئل ’’نامعلوم افراد2‘‘کے نام سے بنایاگیاہے۔

بالی ووڈ میں کچھ لوگ میری ناکامی کا انتظارکررہے ہیں، کنگنا رناوت

ممبئی: بالی ووڈ اداکارہ کنگنارناوت کا کہنا ہے کہ بالی ووڈ میں کچھ لوگ ان کے ناکام ہونے کا انتظارکررہے ہیں۔

اداکارہ کنگنارناوت اپنے خیالات کا اظہارکرنے میں کبھی ہچکچاتی نہیں ہیں اورکسی کی بھی پرواہ کیے بغیر ہمیشہ وہی بات کہتی ہیں جو ان کے دل میں ہوتی ہے، ایسا ہی ایک بیان کنگنا نے حال ہی میں دیتے ہوئے کہا ہے لوگ ان کی ناکامی کا انتظارکررہے ہیں۔

بھارتی میڈیا کے مطابق اداکارہ کنگنا رناوت ان دنوں اپنی فلم ’’منی کارنیکا؛ کوئین آف جھانسی‘‘ کی تشہیر میں مصروف ہیں، وہ نہ صرف اس فلم میں مرکزی کردار ادا کررہی ہیں بلکہ انہوں نے فلم کی ہدایات بھی دی ہیں، تاہم کنگنا کے مطابق بالی ووڈ میں کچھ لوگ ان کی ہدایت کاری سے خوش نہیں ہیں اور ان کی ناکامی کا انتظار کررہے ہیں۔

کنگنا نے اپنی بات کی مزید وضاحت کرتے ہوئے کہا کہ شوبز میں بہت سے لوگ ہیں جو مجھ سے خوش نہیں ہیں اوراس بات کوثابت کرنے کے منتظرہیں کہ مجھ میں ہدایت کاری کی صلاحیت موجود نہیں، میری ناکامی ان کے لیے بہت معنی رکھتی ہے تاہم میں بالکل بھی ان کے جیسی نہیں ہوں اورنہ کسی کی ناکامی پرخوش ہوتی ہوں، یہی وجہ ہے کہ میں اپنی زندگی میں جوکرنا چاہتی ہوں وہ کرتی ہوں۔

واضح رہے کہ کنگنا رناوت گزشتہ دنوں اپنی فلم ’’منی کارنیکا؛ کوئین آف جھانسی‘‘ کے باعث تنازعات میں رہیں۔ انہوں نے راجپوتوں کی تنظیم کرنی سینا کے اپنی فلم پراعتراض اٹھانے پر انہیں تباہ کرنے کی دھمکی دی تھی۔

فلم ناکام ہونے پرہدایت کار کا بولی وڈ میں عریاں مناظر سے متعلق انکشاف

بولی وڈ کے ماضی کے مقبول ہیروں میں شمار ہونے گووندا کی حال ہی میں ریلیز ہونے والی رومانٹک کامیڈی فلم ’رنگیلا راجا‘ پر اگرچہ کئی ماہ سے تنازع جاری تھا، تاہم فلم کو گزشتہ ہفتے جاری کردیا گیا تھا۔

رنگیلا راجا کے کچھ مناظر پر بھارت کے فلم سینسر بورڈ کو اعتراض تھا اور اس نے فلم کی ٹیم کو یہ مناظر ہٹانے کی ہدایت کی تھی۔

فلم سینسر بورڈ کی جانب سے ایسی ہدایت موصول ہونے کے بعد گووندا نے فلم سینسر بورڈ اور بولی وڈ کے دیگر بااثر افراد پر الزام عائد کیا تھا کہ وہ ان کی فلم کو جان بوجھ کر روک رہے ہیں۔

گووندا نے دعویٰ کیا تھا کہ ان کی فلم میں کوئی بھی عریاں منظر نہیں، تاہم فلم بورڈ خوامخواہ انہیں کچھ مناظر کاٹنے کے لیے کہ رہا ہے۔

اس فلم کی خاص بات یہ ہے کہ اس کے پروڈیوسر فلم سینسر بورڈ کے سابق چیئرمین پہلاج نہلانی ہے، جنہوں نے بھی فلم سینسر بورڈ پر الزامات عائد کیے تھے۔

سینسر بورڈ نے فلم سے 20 مناظر نکالنے کی ہدایت کی تھی—اسکرین شاٹ
سینسر بورڈ نے فلم سے 20 مناظر نکالنے کی ہدایت کی تھی—اسکرین شاٹ

تاہم چند ہفتوں تک فلم سینسر بورڈ رنگیلا راجا کی ٹیم کے درمیان اختلافات رہنے کے بعد رواں ماہ 18 جنوری کو فلم کو ریلیز کرنے کی اجازت دی گئی تھی۔

فلم کو 18 جنوری کو بھارت سمیت دنیا بھر میں ریلیز کردیا گیا تھا، تاہم فلم بری طرح ناکام ہوگئی۔

خبر رساں ادارے ’دی نیوز ریکارڈر‘ کے مطابق ’رنگیلا راجا‘ نے ابتدائی 3 دن میں محض 30 لاکھ روپے ہی بٹورے۔

یعنی فلم نے یومیہ محض 10 لاکھ روپے ہی کمائے اور یہ گزشتہ 6 ماہ میں کسی بھی بولی وڈ فلم کی سب سے کم کمائی تھی۔

پہلے تو فلم کو نمائش کی اجازت نہ دیے جانے اور بعد میں فلم کی ناکامی کے بعد فلم کے پروڈیوسر پہلاج نہلانی نے رنگیلا راجا کی ناکامی کا ذمہ دار بولی وڈ انڈسٹری کو دے دیا۔

فلم میں کوئی بھی قابل اعتراض منظر نہیں—فلم کی ٹیم کا دعویٰ
فلم میں کوئی بھی قابل اعتراض منظر نہیں—فلم کی ٹیم کا دعویٰ

ٹائمز آف انڈیا کے مطابق رنگیلا راجا کے پروڈیوسر نے فلم کی کم کمائی پر بات کرنے کے بجائے کہا کہ بولی وڈ میں کچھ افراد نہیں چاہتے کہ وہ اور گووندا آگے آئیں۔

پہلاج نہلانی نے مزید کہا کہ بولی وڈ انڈسٹری عریاں مناظر کو ترجیح دیتی ہے۔

فلم پروڈیوسر نے کہا کہ ان کی فلم کی ناکامی کی وجہ سے بولی وڈ کے عریاں اور گلیمرس مناظر ہیں۔

پہلاج نہلانی نے گووندا کی تعریف کرتے ہوئے کہا کہ انہوں نے پہلے بھی اداکار کے ساتھ کام کیا ہے اور انہیں خوشی ہیں کہ ان کی فلمیں ہمیشہ کامیاب گئیں۔

فلم بری طرح ناکام گئی—اسکرین شاٹ
فلم بری طرح ناکام گئی—اسکرین شاٹ

پہلاج نہلانی نے امید ظاہر کی کہ اگرچہ ان کی فلم نے کم کمائی کی ہے، تاہم انہیں امید ہے کہ شائقین ان کے اور گووندا کے کام کو سراہیں گے۔

خیال رہے کہ رنگیلا راجا میں گووندا ڈبل کرداروں میں نظر آئے ہیں، ان کے ساتھ اس فلم میں شکتی کپور اور راج پال یادیو سمیت دیگر سینیئر اداکاروں نے بھی جوہر دکھائے۔

اس فلم میں ہیروئن کا کردار مشیکا چوراسیا نے ادا کیا، جن کی یہ پہلی فلم تھی۔

فلمی دنیا کے سب سے بڑے آسکرایوارڈ کی نامزدگیوں کا اعلان

لاس اینجلس: اکیانوے اکیڈمی ایوارڈز یعنی آسکرز کے لیے نامزدگیوں کا اعلان کردیا گیا جب کہ ایوارڈزکا میلہ 24 فروری کوہالی ووڈ میں سجے گا۔

امریکی ویڈیواسٹریمنگ کمپنی نیٹ فلیکس کی فلم ’’روما‘‘ اورکامیڈی ڈراما فلم ’’دافیورٹ‘‘ کو سب سے زیادہ دس دس کیٹیگریزمیں نامزدکیا گیا ہے۔ ان دو فلموں کے علاوہ بہترین فلم کے ایوارڈ کی دوڑمیں بریڈلی کوپراورلیڈی گاگا کی فلم ’’اسٹار ازبورن‘‘ ، ’’بلیک پینتھر‘‘ ، ’’گرین بک‘‘ ، ’’بلیک کلینزمین‘‘ ، ’’وائس‘‘ اور’’بوہیمین راپسڈی‘‘ شامل ہیں۔

بہترین اداکارکے لیے فلم ’’وائس‘‘ سے کرسچن بیل، ’’اسٹاراز بورن‘‘ سے بریڈلی کوپر، فلم ’’گرین بک‘‘ سے وگومورٹینسن، ’’ بوہیمین راپسڈی‘‘ سے اداکار رامی مالیک اور’’ایٹ ایٹرنیٹیز گیٹ‘‘سے اداکار ولیم ڈافو میدان میں ہیں۔

بہترین اداکارہ کے لیے فلم ’’دی وائف‘‘ کی گلین کلوز، ’’اے اسٹار از بورن‘‘ سے اداکارہ لیڈی گاگا، ’’دا فیورٹ ‘‘ سے اولیویاکول مین، فلم ’’کین یو ایور فورگیومی‘‘ کی اداکارہ ملیسا مک کارتھی اور فلم ’’روما‘‘ کی یالیٹزا کوبہترین اداکارہ کی کیٹیگری میں نامزدکیا گیا ہے۔

سنی لیون کیلئے نازیبا تبصرہ کرنے پرکپل شرما تنقید کا شکار

ممبئی: بالی ووڈ کامیڈین کپل شرما اداکارہ سنی لیون کے لیے نازیبا تبصرہ کرنے پربھارتی میڈیا کی تنقید کے نشانے پرآگئے۔

کپل شرما کا شماربالی ووڈ کے نامور کامیڈین میں ہوتا ہے جن کے مزاحیہ جملے لوگوں کو بے اختیار ہنسنے پر مجبور کردیتے ہیں لیکن کبھی کبھی یہی مزاحیہ جملے کسی کی تضحیک کا باعث بھی بنتے ہیں، جس کا مظاہرہ حال ہی میں دیکھنے میں آیا۔

بالی ووڈ کی نامور اداکارہ سنی لیون نے اپنے نئے گانے کی تشہیر کے لیے حال ہی میں ’’دی کپل شرما‘‘ شو میں شرکت کی جہاں کپل سنی لیون کے ساتھ مذاق کرنے میں کچھ زیادہ ہی آگے بڑھ گئے اور ان پر تبصرہ کرتے ہوئے انہیں’’اٹالین پاستا ود وائٹ ساس‘‘ کہا اس کے علاوہ کپل نے سنی لیون کے لیے مزید نازیبا تبصرے کرتے ہوئے کہا سنی کو دیکھ کر وہ اپنے تمام سوالات بھول گئے جب کہ کپل نے سنی لیون کے لیے گانا بھی گایا جس کے الفاظ یہ تھے’’بار بار دیکھو ہزار بار دیکھو یہ دیکھنے کی چیز ہے‘‘۔

سنی لیون تو کپل کے ان تبصروں پر ہنستی رہیں لیکن بھارتی میڈیا نے کپل کو ایک خاتون کی توہین کرنے کے لیے آڑے ہاتھوں لے لیا اورکپل کی جانب سے سنی کے لیے کہے جانے والے جملوں کو شدید تنقید کا نشانہ بناتے ہوئے کہا سنی لیون کوئی دیکھنے کی چیزنہیں ہے بلکہ وہ ایک خود مختارخاتون  اورماں ہیں جو اپنے کام کو لے کر بہت سنجیدہ ہیں۔

واضح رہے کہ یہ پہلی بار نہیں ہے جب کپل نے خواتین کے ساتھ مذاق کرنے میں حد پارکردی ہو بلکہ اس سے قبل ایک ایوارڈ شو کے دوران وہ اداکارہ پریانکا چوپڑا کے ساتھ ریہرسل کررہے تھے جب انہوں نے پریانکا کے لیے کہا تھا ’’لیڈیز لوگوں کا یہی پرابلم ہے، میڈم ابھی تک تیار نہیں ہیں۔‘‘

بولی وڈ بے بو سیاست میں انٹری کو تیار؟

بولی وڈ بے بو کرینہ کپور یوں تو فلموں میں سیاست اور چالاک بازیاں کرتی نظر آتی ہیں، تاہم اب اطلاعات ہیں کہ وہ حقیقت میں بھی سیاست کرتی دکھائی دیں گی۔

اگرچہ کرینہ کپور سے قبل بھی متعدد بولی وڈ اداکار سیاست میں آ چکے ہیں اور کچھ لوگ تو رکن پارلیمنٹ اور وزارتوں کے مزے بھی لوٹ چکے ہیں۔

بھارتی اداکار نہ صرف رکن پارلیمنٹ اور وزارت بلکہ اعلیٰ حکومتی عہدوں پر بھی رہے ہیں۔

بھارت کی سیاسی پارٹیاں اداکاروں کی شہرت اور عوامی مقبولیت سے فائدہ حاصل کرنے کے لیے انہیں میدان میں اتارتی ہیں اور بعض مرتبہ ان کی سیاسی حکمت عملی کامیاب بھی جاتی ہے۔

اور اب اسی سیاسی حکمت عملی کے تحت بھارت کی مرکزی سیاسی جماعت ’انڈین نیشنل کانگریس‘ (کانگریس) بھی بولی وڈ بے بو کرینہ کپور کو سیاسی میدان میں اتارنے کا سوچ رہی ہے۔

اطلاعات ہیں کہ بھارتی ریاست مدھیا پردیش کے کانگریس عہدیدار چاہتے ہیں کہ کرینہ کپور کو حریف جماعت کے امیدواروںٓ کے خلاف 2019 کے انتخابات میں اتارا جائے۔

شوبز ویب سائیٹ ’پنک ولا‘ کے مطابق اطلاعات تھیں کہ کانگریس کے مقامی رہنما یوگندرا سنگھ چوہان نے پارٹی کے صدر راہول گاندھی کو خط لکھ کر کرینہ کپور کو پارٹی ٹکٹ دینے کی تجویز دی ہے۔

کرینہ کپور کو بھوپال سے ٹکٹ دی جانے کی تجویز ہے—فائل فوٹو:ادیا نیوز
کرینہ کپور کو بھوپال سے ٹکٹ دی جانے کی تجویز ہے—فائل فوٹو:ادیا نیوز

رپورٹ میں ایک اور نشریاتی ادارہ کا حوالہ دیتے ہوئے بتایا گیا کہ مدھیا پردیش کے مقامی رہنماؤں نے کانگریس کے صدر راہول گاندھی کو خط میں لکھا ہے کہ وہ کئی سال سے بھوپال سے الیکشن ہارتے آ رہے ہیں، اس لیے اب وقت آگیا ہے کہ کسی مضبوط امیدوار کو میدان میں اتارا جائے۔

رپورٹ کے مطابق خط میں واضح طور پر لکھا گیا ہے کہ بھوپال سے مرکزی انتخابات جیتنے کے لیے پٹودی خاندان کے کسی فرد کو ٹکٹ دینا لازمی بن چکا ہے اور کرینہ کپور اس کے لیے سب سے مضبوط امیدوار ہیں۔

خط میں واضح طور پر راہول گاندھی کو تجویز دی گئی ہے کہ کرینہ کپور کو ٹکٹ دے کر حریف جماعت بھارتی جنتا پارٹی (بی جے پی) کو شکست دی جاسکتی ہے۔

تاہم دوسری جانب کرینہ کپور نے ایسی خبروں کو مسترد کردیا۔

پنک ولا نے بتایا کہ کرینہ کپور نے واضح کیا کہ تاحال ان سے اس حوالے سے کسی نے رابطہ نہیں کیا اور اب تک سامنے آنے والی اطلاعات میں کوئی سچائی نہیں۔

ٹکٹ دینے کے لیے رابطہ نہیں کیا گیا، اداکارہ—فائل فوٹو: این ڈی ٹی وی
ٹکٹ دینے کے لیے رابطہ نہیں کیا گیا، اداکارہ—فائل فوٹو: این ڈی ٹی وی

دوسری جانب این ڈی ٹی وی نے بھی اپنی رپورٹ میں بتایا کہ کرینہ کپور نے اپنے جاری کیے گئے بیان میں سیاست میں آنے کی خبروں کو مسترد کردیا۔

اداکارہ کا کہنا تھا کہ انہیں تاحال ٹکٹ دینے کی پیش کش نہیں کی گئی۔

ساتھ ہی کرینہ کپور نے واضح کیا کہ فوری طور پر ان کا سیاست میں آنے کا کوئی ارادہ نہیں، وہ اس وقت اپنے فلمی کیریئر پر توجہ دینا چاہتی ہیں۔

سیاست میں انٹری کا ارادہ نہیں، اداکارہ—فوٹو: اکانامکس ٹائمز
سیاست میں انٹری کا ارادہ نہیں، اداکارہ—فوٹو: اکانامکس ٹائمز

خیال رہے کہ جس مرکزی حلقے سے کرینہ کپور کو ٹکٹ دیے جانے کی اطلاعات سامنے آئی ہیں اسی حلقے سے ان کے سسر اور سیف علی خان کے والد منصور علی خان پٹودی 1991 میں کانگریس کی ٹکٹ پر انتخابات جیت چکے ہیں۔

کانگریس نے آخری بار 1991 میں ہی سیٹ جیتی تھی، جسے منصور علی خان نے ہی جیتا تھا، اس کے بعد کانگریس مسلسل اس سیٹ پر شکست سے دوچار ہے۔

مسلسل شکست سے دوچار ہونے کے بعد کانگریس کی مقامی قیادت نے مرکزی قیادت کو کرینہ کپور کو ٹکٹ دینے کی تجویز دی ہے، تاہم بے بو نے فوری طور پر سیاست میں انٹری دینے کی تجویز کو مسترد کردیا۔

کرینہ کپور کو کانگریس کی جانب سے ٹکٹ دیے جانے کی خبر ایک ایسے وقت پر سامنے آئی ہے جب کہ کچھ ماہ قبل ہی بھارتی مسلمان صحافی اور لکھاری رشد قدوائی کی شائع ہونے والی کتاب ‘نیتا ابھینیتا’ میں اداکارہ اور راہول گاندھی سے متعلق اہم انکشافات کیے گئے تھے۔

اس کتاب میں انکشاف کیا گیا تھا کہ کرینہ کپور کیریئر کے آغاز میں راہول گاندھی پر فدا تھیں اور کانگریس کے صدر بھی ان کے بڑے چاہنے والوں میں شامل تھے۔

اس کتاب میں دونوں کی جانب سے مختلف ذرائع ابلاغ کے ساتھ کی جانے والی باتوں اور ذرائع کا حوالہ دیتے ہوئے بتایا گیا تھا کہ دونوں کے درمیان تعلقات تھے اور دونوں ایک دوسرے کو چاہتے تھے۔

فلمی کیریئر پر توجہ دینا چاہتی ہوں، اداکارہ—فوٹو: اسٹائل گاڈز
فلمی کیریئر پر توجہ دینا چاہتی ہوں، اداکارہ—فوٹو: اسٹائل گاڈز

کنگنا رناوت اپنی فلم کی تشہیر کیلئے جھوٹ بولنے سے بھی باز نہ آئیں

ممبئی: بالی ووڈ اداکارہ کنگنا رناوت اپنی فلم’’منی کارنیکا؛ کوئین آف جھانسی‘‘کی تشہیر کے لیے جھوٹ بولنے سے بھی باز نہ آئیں۔

چندوروز قبل بھارتی میڈیا میں خبریں گردش کررہی تھیں کہ بھارتی راجپوت تنظیم کرنی سینا نے کنگنا رناوت کی فلم’’منی کارنیکا؛ کوئین آف جھانسی‘‘ پر اعتراض اٹھاتے ہوئے کہا تھا کہ فلم میں رانی لکشمی بائی کی غلط تصویر پیش کی گئی ہے جس پر کنگنا رناوت نے انہیں دھمکاتے ہوئے کہا تھا کہ وہ خود کوہراساں کرنے اور فلم پر اعتراض اٹھانے والے تمام افراد کو تباہ کردیں گی۔ کنگنا کے بیان کے بعد کرنی سینا کا موقف سامنے آیا تھا کہ انہوں نے فلم کو لے کر کنگنا کو کوئی دھمکی دی ہی نہیں ہے۔

بھارتی میڈیا کے مطابق کرنی سینا کے ترجمان ڈاکٹر ہیمانشو نے اس بات سے بالکل انکار کیا ہے کہ انہوں نے فلم کی مخالفت کرتے ہوئے کنگنا کو کسی قسم کی کوئی دھمکی دی ہے، ہاں کنگنا کے تباہ کرنے والے بیان کے بعد اب کرنی سینا ان سے ناراض ضرور ہوگئی ہے۔ اس صورتحال سے یہ سوال کھڑا ہوجاتا ہے کہ کہیں کنگنا نے کرنی سینا کا نام اپنی فلم کی پبلسٹی کے لیے تو استعمال نہیں کیا۔ کرنی سینا کے ترجمان کا مزید کہنا تھا کہ ہم فلم’’منی کارنیکا‘‘کے مخالف نہیں، تاہم کئی لوگ اپنے فائدے کے لیےکرنی سینا کے نام کا استعمال کرتے ہیں۔

واضح رہے کہ کنگنا رناوت کی فلم ’’منی کارنیکا؛ کوئین آف جھانسی‘‘25 جنوری کو سینما گھروں کی زینت بنے گی ان دنوں کنگنا اپنی فلم کی خوب زوروشور سے تشہیر میں مصروف ہیں۔

Google Analytics Alternative