انٹر ٹینمنٹ

انیل کپور نے فواد خان کو فلم ’خوبصورت‘ میں شامل کرنے کی وجہ بتا دی

ممبئی: معروف اداکار و فلمساز انیل کپور نے کئی عرصے بعد فلم ’خوبصورت‘ میں اپنی بیٹی سونم کپور کے مد مقابل فواد خان کو شامل کرنے کی وجہ بتا دی۔

بھارتی میڈیا رپورٹس کے مطابق انیل کپور نے ایک چینل کو دیئے گئے انٹرویو میں فواد خان سے متعلق انکشاف کرتے ہوئے کہا کہ فلم ’خوبصورت‘ کے دوران جہاں ہمیں بہت سی پریشانیوں کا سامنا کرنا پڑا وہاں ہمارے لئے سب سے بڑی پریشان سونم کپور کے مد مقابل ہیرو کا مرکزی کردار تھا کیوں کہ کوئی بھی اس کردار کو کرنے کے لئے تیار نہیں تھا۔

انیل کپور نے یہ بھی کہا کہ تمام ہی نامور اداکاروں نے یہ کردار کرنے سے معذرت کرلی تھی تاہم پھر بھی ہماری تلاش جاری رہی لیکن ایک روز میری بیٹی ریہا کپور نے فواد خان سے متعلق بتایا اور اُن کے کام دکھائے جس سے میں بہت متاثر ہوا۔

واضح رہے کہ انیل کپور کی پروڈکشن میں 2014 میں بننے والی فلم ’خوبصورت‘ بین الاقوامی شہرت یافتہ پاکستانی اداکار فواد خان اور سونم کپور نے مرکزی کردار ادا کیا تھا۔

‘گیم آف تھرونز’ کے اختتام سے مداح مایوس

امریکا کے معروف شہرہ آفاق فنٹیسی ڈرامہ ‘گیم آف تھرونز’ کا آخری سیزن کی آخری قسط رواں سال 19 مئی کو نشر ہوئی تاہم اس کے اختتام نے مداحوں کو بےحد مایوس کردیا۔

‘گیم آف تھرونز’ کا پہلا سیزن 2011 میں سامنے آیا تھا جس کے بعد سے دنیا بھر میں اسے بےحد پسند کیا گیا۔

اس شو کے 8 سیزنز ریلیز ہوئے، مداح ہر سیزن کے اختتام پر دوسرے سیزن کے جلد ریلیز ہونے کے لیے پرجوش رہتے تھے اور جب رواں سال اس شو کے آخری سیزن کے ریلیز کا اعلان کیا تو سب کو یہی لگ رہا تھا کہ یہ اس سیزن اس شو کا سب سے کامیاب سیزن ثابت ہوگا۔

تاہم سیزن کے نشر ہونے کے بعد ہی مداح ہر نئی قسط کے سامنے آنے کے ساتھ اس شو سے مایوسی کا اظہار کرتے رہے۔

تاہم سیزن کی آخری قسط کی ریلیز کے بعد شو کے اختتام سے مداح بےحد مایوس ہوگئے۔

سماجی رابطے کی ویب سائٹ ٹوئٹر پر مداحوں نے کہا کہ اس سیزن کی کہانی نہایت کمزور تھی، جبکہ انہیں اس کا اختتام بھی بالکل پسند نہیں آیا۔

ایک صارف نے لکھا ‘اس قسم کے فنالے کے بعد گیم آف تھرونز کے سیکوئل کی امید نہ رکھیں’۔

صارفین نے اس شو کے اختتام پر تھرون حاصل کرنے والے کردار ‘برین’ کا بھی مذاق اڑایا۔

کچھ مداح تو اپنی پسند کے اختتام کا خیال بھی سامنے لائے۔

جبکہ کئی صارفین کے مطابق اس سیزن کے اختتام سے بہتر انٹرنیٹ پر سامنے آنے والی میمز ہیں۔

جبکہ ان کا ماننا تھا کہ اگر شو کے تمام کردار تھرون حاصل کرنے کے لیے میوزیکل چیئر کا کھیل کھیلتے تو اس کا اختتام زیادہ بہتر ہوتا۔

خیال رہے کہ ‘گیم آف تھرونز’ میں ‘جون سنو’ کا کردار ادا کرنے والے اداکار کٹ ہیرنگنٹن نے اختتام سے چند روز قبل ہی مداحوں کو بتادیا تھا کہ اس ڈرامے کے اختتام سے ہر کوئی خوش نہیں ہوگا۔

ان کا ایک انٹرویو میں کہنا تھا کہ شہرہ آفاق ڈرامے کا اختتام اس طرح سےنہیں ہونا چاہیے تھا۔

ان کا کہنا تھا کہ ان کا خیال ہے کہ جس ڈرامے نے 8 سے 7 سال کا وقت لیا، اس کا اختتام یوں نہیں ہونا چاہیے۔

یاد رہے کہ اس ڈرامے کی کہانی امریکی فنٹیسی ناول ‘اے سانگ آف آئس اینڈ فائر’ سے لی گئی ہے، اس ڈرامے کو ایچ بی او کے لیے ڈیوڈ بینیوف اور ڈی بی ویزز نے بنایا۔

ڈرامے میں امریکا اور برطانیہ سمیت دیگر ممالک کے اداکاروں نے کردار ادا کیے، جب کہ اس کی شوٹنگ بھی امریکا، یورپ،افریقہ اور مشرق وسطیٰ میں کی گئی۔

کرکٹ وشوبزستاروں کا معصوم ’فرشتہ‘ کے قاتل کوعبرتناک سزادینے کا مطالبہ

وفاقی دارالحکومت میں معصوم فرشتہ کے ساتھ زیادتی اوربہیمانہ تشدد کے بعد قتل کے واقعے نے پورے ملک سمیت شوبزوکرکٹ ستاروں کو بھی آبدیدہ کردیا ہے۔

15 مئی کوچک شہزاد سے لاپتہ ہونے والی 10 سالہ معصوم فرشتہ کی تشدد زدہ لاش گزشتہ روز اسلام آباد میں جنگل سے برآمد ہوئی۔ درندہ صفت قاتلوں نے بچی کے ساتھ نہ صرف زیادتی کی بلکہ شدید  تشدد کا نشانہ بناکر بہیمانہ طریقے سے قتل کردیا۔ زینب کے بعد ایک اور حواکی بیٹی کی زخموں سے چور لاش دیکھ کر نہ صرف فرشتہ کے والدین بلکہ پورے ملک پرسکتہ طاری ہوگیا۔ شوبز و کرکٹ ستاروں نے بھی فرشتہ کے ساتھ ہوئی زیادتی پر افسوس کا اظہار کرتے ہوئے قاتلوں کو عبرتناک سزا دینے کا مطالبہ کیا ہے۔

گلوکاروسیاستدان جواد احمد نے معصوم فرشتہ کے ساتھ ہوئی زیادتی وقتل کے واقعے پر افسوس کا اظہار کرتے ہوئے کہا میں لاہور میں رہتا ہوں لیکن میرا تعلق پاکستان کے ہر صوبے سے ہے۔ میرا دل خیبرپختونخواہ اورفاٹا میں رہتا ہے۔ جواد احمد نے کہا کہ جس طرح میں نے زینب کے لیے انصاف کا مطالبہ کیا تھا اسی طرح ننھی فرشتہ کے لیے انصاف کا مطالبہ کرتا ہوں۔ بچیوں کے ساتھ زیادتی ناقابل یقین ہے۔ فرشتہ کی تصویر نے میرادل خون کردیا ہے۔ فرشتہ کے گنہگاروں کو گرفتار کرکے انہیں سخت سے سخت سزادی جائے۔

پاکستانی ٹیم کے سابق کپتان شاہد آفریدی نے معصوم فرشتہ کے ساتھ زیادتی و قتل پرافسوس کا اظہارکرتے ہوئے وزیر اعظم عمران خان سے مطالبہ کرتے ہوئے کہا کہ اس ملک میں درندوں کو لگام دینے کی ضرورت ہے۔ ایک کے بعد ایک کمسن بچیوں کے ساتھ زیادتی اور تشدد کے واقعات سامنے آرہے ہیں، اس سلسلے میں قوانین سخت کرنے کی ضرورت ہے تاکہ ان درندوں کو عبرت کا نشان بنایاجاسکے۔ خدارا کچھ کریں!!

نامور اداکار فیصل قریشی نے شاہد آفریدی کا یہی ٹوئٹ ری ٹوئٹ کرکے اپنا احتجاج ریکارڈ کرایا اورننھی فرشتہ کے لیےانصاف کا مطالبہ کیا۔

اداکارہ ماہرہ خان نے فرشتہ کے لیے انصاف کا مطالبہ کرتے ہوئے سوشل میڈیا صارفین سے درخواست کی کہ ننھی فرشتہ کی تشدد زدہ لاش کی تصویر کو شیئر کرنا بند کریں۔

اداکار و میزبان حمزہ علی عباسی نےقرآن کی ایک آیت کا ترجمہ شیئر کیا جس میں زمین میں فساد پھیلانے والوں کے لیے دردناک سزاکا ذکر کیا گیا ہے۔ اس آیت کا حوالہ دیتے ہوئے حمزہ علی عباسی نے ننھی فرشتہ کے قاتل کو سخت سزا دینے کا مطالبہ کیا۔

اے آررحمان کی کانز فیسٹیول میں افطاری کرنے کی تصویروائرل

پیرس: آسکرایوارڈ یافتہ میوزک ڈائریکٹراے آررحمان کی کانز فلم فیسٹیول کے دوران افطاری کرنے کی تصویرسوشل میڈیا پر وائرل ہورہی ہے۔

دنیا بھرمیں اپنے بہترین میوزک کی بدولت شہرت حاصل کرنے والے آسکرایوارڈ یافتہ موسیقارو ہدایت کاراے آر رحمان ان دنوں فلمی دنیا کے سب سے بڑے میلے کانزفیسٹیول میں موجود ہیں۔

اے آررحمان نے انسٹاگرام پر اپنی ایک تصویرشیئرکی ہے جس میں وہ ایک ہوٹل میں بیٹھ کرافطاری کررہے ہیں۔ انہوں نے افطاری کا وقت بھی مداحوں کے ساتھ شیئرکیا جو8 بج کر51 منٹ ہے۔

اے آررحمان بالی ووڈ کے معروف موسیقارہیں لیکن اس کے باوجود بہت سادہ انسان ہیں جس کی مثال ان کی گردش کرنے والی تصویر ہے جس میں وہ افطاری کے لوازمات پکوڑے، فروٹ چاٹ اورفرائیڈ چیزوں کے بجائے صرف سیب کے جوس اورسلاد کے ساتھ افطاری کرتے ہوئے نظر آرہے ہیں۔

واضح رہے کہ اے آر رحمان 72 وین کا نز فیسٹیول میں اپنی فلم’لے مسک‘کی تشہیر کے لیے موجود ہیں جس کی ہدایت کاری کے فرائض انہوں نے خود انجام دئیے ہیں۔ فیسٹیول میں ان کی اہلیہ بھی ان کے ہمراہ ہیں۔

کانز 2019: ریڈ کارپٹ پر حسیناؤں کے جلوے

دنیائے فلم کا سب سے بڑا فیسٹیول کانز اس سال بھی ہر سال کی طرح نہایت شاندار انداز میں منعقد ہوا۔

اس فسٹیول میں دنیا بھر سے بھیجی جانے والی فلموں کی نمائش ہوتی ہے، تاہم فلموں کے ساتھ ساتھ سوشل میڈیا پر اس فیسٹیول میں شرکت کرنے والے اسٹارز کے انداز بھی خوب توجہ کا مرکز بنے رہتے ہیں۔

دنیا بھر سے تعلق رکھنے والی نامور شخصیات اس فیسٹیول میں شریک ہوئیں، جبکہ سوشل میڈیا پر ریڈ کارپٹ پر موجود حسیناؤں کے انداز کو بھی خوب سراہا گیا۔

بولی وڈ سے تعلق رکھنے والی کئی اداکارائیں بھی اس سال ریڈ کارپٹ پر چلیں۔

دپیکا پڈوکون

اداکارہ نے اپنے ریڈ کارپٹ کے دوسرے روز سبز رنگ کا گاؤن زیب تن کیا
اداکارہ نے اپنے ریڈ کارپٹ کے دوسرے روز سبز رنگ کا گاؤن زیب تن کیا

سونم کپور

سونم کپور نے اپنے ریڈ کارپٹ کے موقع پر سفید رنگ کا گاؤن سوٹ پہنا
سونم کپور نے اپنے ریڈ کارپٹ کے موقع پر سفید رنگ کا گاؤن سوٹ پہنا

سلینا گومز

امریکی گلوکارہ سلینا گومز نے بھی کانز ریڈ کارپٹ پر سب کو متاثر کیا
امریکی گلوکارہ سلینا گومز نے بھی کانز ریڈ کارپٹ پر سب کو متاثر کیا

پریانکا چوپڑا

پریانکا چوپڑا نے بھی کانز فیسٹیول میں متاثر کن ڈیبیو کیا
پریانکا چوپڑا نے بھی کانز فیسٹیول میں متاثر کن ڈیبیو کیا

حنا خان

بھارتی اداکارہ حنا خان نے اس سال کانز ریڈ کارپٹ پر ڈیبیو کیا
بھارتی اداکارہ حنا خان نے اس سال کانز ریڈ کارپٹ پر ڈیبیو کیا

میڈیسن بیئر

امریکی گلوکارہ نے اپنے انداز سے سب کو حیران کردیا
امریکی گلوکارہ نے اپنے انداز سے سب کو حیران کردیا

ایشوریا رائے بچن

بولی وڈ اداکارہ 2002 سے کانز فیسٹیول کا حصہ بن رہی ہیں
بولی وڈ اداکارہ 2002 سے کانز فیسٹیول کا حصہ بن رہی ہیں

کنگنا رناوٹ

بولی وڈ اداکارہ کنگنا رناوٹ دوسری مرتبہ کانز فیسٹیول کا حصہ بنی اور سب کو خوب متاثر کیا
بولی وڈ اداکارہ کنگنا رناوٹ دوسری مرتبہ کانز فیسٹیول کا حصہ بنی اور سب کو خوب متاثر کیا

ایلی فیننگ

امریکی اداکارہ کانز کے ریڈ کارپٹ پر نہایت خوبصورت نظر آئیں
امریکی اداکارہ کانز کے ریڈ کارپٹ پر نہایت خوبصورت نظر آئیں

امبر ہرڈ

اداکارہ امبر ہرڈ بھی نہایت منفرد انداز میں ریڈ کارپٹ پر جلوہ گر ہوئیں
اداکارہ امبر ہرڈ بھی نہایت منفرد انداز میں ریڈ کارپٹ پر جلوہ گر ہوئیں

ماہرہ خان پیرس فیشن ویک 2019 کا حصہ بنیں گی

عالمی شہرت یافتہ پاکستانی اداکارہ ماہرہ خان رواں سال پیرس فیشن ویک کا حصہ بنیں گی۔

گزشتہ برس ماہرہ خان نے فلمی دنیا کے سب سے بڑے میلے کانزفلم فیسٹیول میں پاکستان کی نمائندگی کرکے یہ پیغام دیا تھا کہ پاکستانی فنکاربھی کسی سے کم نہیں۔ ماہرہ خان کے کانزفیسٹیول میں خوبصورت لباس سمیت اسٹائل کو پاکستان اور بھارت سمیت بین الاقوامی میڈیا کی جانب سے بھی بے حد سراہا گیا تھا۔

رواں برس ماہرہ کے کانزفیسٹیول میں شرکت نہ کرنے سے ان کے چاہنے والے مایوس ہوگئے، تاہم ماہرہ کے چاہنے والوں کے لیے خوشخبری ہے کہ ماہرہ کانز میں تو شرکت نہ کرسکیں لیکن رواں سال منعقد ہونے والے پیرس فیشن ویک کا حصہ بنیں گی جو 23 ستمبر سے یکم اکتوبر 2019 تک منعقد کیا جائے گا۔

واضح رہے کہ رواں برس پاکستان کے با صلاحیت اداکار شمعون عباسی اپنی فلم ’درج‘ کے ساتھ کانز فلم فیسٹیول کا حصہ بنیں گے، جب کہ مختصردورانیے کی پاکستانی فلم ’رانی‘ کی بھی کانز فلم فیسٹیول میں اسکریننگ کی جائے گی۔

ارمیلا ماٹونڈکر کا اسلام قبول کرنے سے متعلق خبروں پر وضاحتی بیان

نئی دہلی: حال ہی میں سیاست میں قدم رکھنے والی بالی ووڈ اداکارہ ارمیلا ماٹونڈکر نے اسلام قبول کرنے سے متعلق خبروں پر وضاحتی بیان دیتے ہوئے کہا ہے کہ اگر اسلام قبول کرتی تو فخر سے سب کو بتاتی۔

حال ہی میں بھارتی سیاسی جماعت کانگریس میں شمولیت اختیار کرنے والی اداکارہ ارمیلا ماٹونڈکر نےبھارتی ویب سائٹ کو انٹرویو دیتے ہوئے اپنے سیاسی و بالی ووڈ کیریئر، اسلام قبول کرنے اور اپنے شوہر کے حوالے سے لوگوں کے ذہنوں میں گردش کرنے والے سوالوں کے کھل کر جواب دئیے۔

ارمیلا ماٹونڈکر کی سیاست میں انٹری کے حوالے سے خبریں گردش کررہی ہیں کہ بالی ووڈ کیریئر ختم ہونے کی وجہ سے انہوں نے سیاست میں شمولیت اختیار کی اس حوالے سے ارمیلا نے کہا یہ بات بالکل غلط ہے، سیاست نے مجھے ایسا کچھ نہیں دیا جو پہلے میرے پاس نہیں تھا۔ یہ ٹھیک ہے کہ سیاست ہرکسی کے بس کی بات نہیں ہوتی لیکن بالی ووڈ میں بہت سے فنکار ہیں جنہوں نے سیاست میں بھی اچھا کام کیا ہے جس کی مثال اداکار سنیل دت ہیں، لیکن میں اپنی بات کروں گی میرا سیاست میں آنے کا مقصد اپنی بالی ووڈ کی امیج کو کیش کرانا نہیں تھا،  میں جیتوں یاہاروں لوگوں کی اسی طرح خدمت کروں گی جس کا میں نے وعدہ کیا ہے۔

سیاست میں شمولیت اختیار کرنے کے بعد ہی ارمیلا ماٹونڈکر کے خلاف ہندوانتہا پسند جماعتوں اور بھارتیہ جنتا پارٹی کی جانب سے پروپیگنڈہ کیا گیا کہ ارمیلا اسلام قبول کرچکی ہیں۔ ارمیلا اپنی مذہب تبدیلی کے حوالےسے کئی بار وضاحت بھی دے چکی ہیں اور اس بار بھی انہوں نے اس حوالے سے واضح الفاظ میں کہاجس طرح کی سیاست کی جارہی ہے میں اس کے خلاف ہوں، میں جو ہوں جیسی ہوں مجھے خود پر فخر ہے، میں نے کبھی کوئی ایسا کام نہیں کیا جس پر مجھے شرمندگی ہو۔ارمیلا نے کہا میں جس انڈسٹری کا حصہ تھی وہاں دوسروں کے پیٹ پیچھے باتیں کرنا، منفی باتیں پھیلانا عام ہے لیکن میں کبھی اس چیز کا حصہ نہیں بنی، لہٰذا میرے متعلق مذہب کے حوالے سے گردش کرنے والی خبروں نے مجھے بہت زیادہ متاثر کیا۔ میں ہندو ہوں اور اُس ہندوازم پر یقین کرتی ہوں جو وسیع ہے اس ہندوازم پر نہیں جو آج کل بیچاجارہا ہے۔ ارمیلا نے مزید کہا اگر میں اسلام قبول کرتی تو فخر کے ساتھ بتاتی، تاہم یہ میرا ذاتی معاملہ ہے اور کسی کو بھی اس چیز سے کوئی مسئلہ نہیں ہونا چاہئے کہ میرا مذہب کیا ہے۔

واضح رہے کہ اداکارہ ارمیلا ماٹونڈ کر نے 2016 میں مسلمان کشمیری ماڈل اوربزنس مین محسن اختر میر سے شادی کی تھی تاہم سیاست میں انٹری کے بعد ہندوانتہا پسند جماعتوں اوربی جے پی کی جانب سے ان کے خلاف پروپیگنڈہ کیاگیا کہ ارمیلا مسلمان ہوگئی ہیں لیکن الیکشن میں حصہ لینے کی وجہ سے انہوں نے اپنا مذہب ہندو ازم ہی ظاہر کیا ہے۔

ہالی ووڈ فلم ’الہٰ دین‘ دنیا بھر کے ساتھ پاکستان میں بھی ریلیز کرنے کا فیصلہ

لاس اینجلس: ہالی ووڈ کی ایڈوینچر سے بھرپور فلم ’الہٰ دین ‘ کو دیگر ممالک کے ساتھ پاکستان میں بھی ریلیز کرنے کا فیصلہ کرلیا گیا۔

ڈزنی کے چاہنے والوں کے یہ سال کسی جادو سے کم نہیں ہوگا کیوں کہ ڈزنی اپنے شائقین کے لیے رواں سال اب تک تین بڑی  فلمیں ’کیپٹن مارول‘، ’ڈمبو‘ اور ’ایوینجر اینڈ گیم‘ ریلیز کر چکا ہے اور اب وہ طلسماتی واقعات سے بھرپور اور بچوں کے معروف کردار ’الہٰ دین‘ کی فلم ریلیز کرنے جارہا ہے۔

فلم ’الہٰ دین‘ دنیا بھر کے ساتھ پاکستان میں بھی اپنے ریڈ کارپٹ کےساتھ 24 مئی کو ریلیز ہوگی۔ ماضی کی مشہور اینی میٹڈ فلم کے نئے ورژن میں چراغ کے جن جینی کا مرکزی کردار نامور اداکار ول اسمتھ ، ہیرو الہٰ دین کا کردار مینا مسعود ، ہیروئن شہزادی جیسمین کا کردار اداکارہ ناومی اسکاوٹ اور ولن جعفر کا کردار مارون کینزاری ادا کر رہے ہیں۔

فلم الہٰ دین ماضی میں کارٹون ورژن میں بنائی گئی تھی جسے دنیا بھر میں پسند کیا گیا تھا تاہم کافی عرصے سے اس فلم کو رئیل ورژن کے ساتھ بنانے کا کہا جارہا تھا شائقین کے بھرپور مطالبے کے بعد ماضی کی مشہور زمانہ فلم کو حقیقت کے رنگ میں ڈھالنے کے لیے نئے ورژن کے ساتھ بنائی گئی ہے۔

والٹ ڈزنی پکچر کے بینر تلے بننے صرف ’الہٰ دین‘ ہی نہیں بلکہ ایک کے بعد ایک فلمیں اسپائیڈر مین، لائن کنگ، ٹوائے اسٹوری فور، فروزن ٹو  اور اسٹار وار جلد ریلیز کی جائیں گی۔

سال 1992ء میں ریلیز کی گئی فلم الہٰ دین کا ٹریلر:

Google Analytics Alternative