انٹر ٹینمنٹ

پیرس ہلٹن شادی کے بغیر بچے کی خواہاں

دنیا بھر میں موجود پرتعیش ’ہلٹن ہوٹلز‘ کے مالک کونرڈ ہلٹن کی پڑ پوتی و معروف اداکارہ پیرس ہلٹن نے شادی کیے بغیر بچے کی خواہش کا اظہار کرکے سب کو حیران کردیا۔

38 سالہ اداکارہ نے بچے کی خواہش کا اظہار اپنی منگنی ٹوٹنے کے ایک سال بعد کیا ہے۔

ماضی میں پیرس ہلٹن یہ اعتراف کر چکی ہیں کہ ان کے پاس کسی کے ساتھ پیار کرنے یا کسی کے ساتھ رشتے کے بندھن میں قید ہوکر زندگی گزارنے کا وقت نہیں ہے۔

پیرس ہلٹن کے مطابق وہ سال کے 365 میں سے 250 دن گھر سے باہر رہتی ہیں اور انہیں اپنے کام کے سلسلے میں ایک سے دوسری جگہ سفر کرنا پڑتا ہے، اس لیے ان کے پاس رشتوں اور محبت کے لیے وقت نہیں ہے۔

تاہم سال 2018 کے آغاز میں ہی اداکارہ نے امریکی اداکار کرس زیلکا سے منگنی کرلی تھی، تاہم محض 10 ماہ بعد ہی انہوں نے اپنی منگنی ختم کرلی تھی۔

پیرس ہلٹن نے منگنی کو ختم کرتے وقت اعتراف کیا تھا کہ انہوں نے اداکار کرس زیلکا سے تعلقات استوار کرنے اور ان کے ساتھ منگنی کرنے میں جلدی بازی کی اور انہیں اب بھی یہی محسوس ہوتا ہے کہ ان کے پاس پیار اور شادی کے لیے وقت نہیں۔

تاہم اب اداکارہ نے شادی کیے بغیر ہی بچے کی خواہش کا اظہار کرکے ایک بار پھر اپنے مداحوں کو حیران کیا ہے۔

پیرس ہلٹن نے کرس زیلکا سے منگنی کرنے کے 10 بعد ہی  علیحدگی اختیار کرلی تھی—فوٹو: اے ایف پی
پیرس ہلٹن نے کرس زیلکا سے منگنی کرنے کے 10 بعد ہی علیحدگی اختیار کرلی تھی—فوٹو: اے ایف پی

اداکارہ نے معروف میگزین ’پیپلز‘ کے ساتھ بات کرتے ہوئے کہا کہ ان کے 2 بھتیجے ہیں جن کے لیے وہ کھلونے اور دیگر تحائف خریدتی ہیں۔

اداکارہ نے اپنی بھتیجی کو اپنا چھوٹا وجود قرار دیا اور کہا کہ وہ بلکل ان کی طرح دکھائی دیتی ہیں۔

انہوں نے کہا کہ وہ ایک اچھی پھوپھو ہیں اور دونوں بھتیجوں کے لیے ہمیشہ ڈھیر سارے تحائف خریدتی ہیں۔

اداکارہ نے کہا کہ بھتیجوں کے لیے تحائف خریدتے اور ان کے ساتھ وقت گزارتے گزارتے اب انہیں بھی اپنے ایک بچے کی ضرورت محسوس ہوتی ہے اور وہ چاہتی ہیں کہ ان کا بھی ایک بچہ ہو۔

اگرچہ اداکارہ نے اپنے بچے کی خواہش ظاہر کی، تاہم انہوں نے شادی کے حوالے سے بات نہیں کی اور نہ ہی اس کی وضاحت کی کہ وہ گود لیا بچہ چاہتی ہیں یا اپنا ذاتی بچہ چاہتی ہیں۔

خیال رہے کہ پیرس ہلٹن ایک کاروباری خاندان سے تعلق رکھنے کی وجہ سے انتہائی کم عمری میں شوبز شخصیات کی توجہ کا مرکز بن گئی تھیں، تاہم انہوں نے 19 برس کی عمر میں ڈونلڈ ٹرمپ کی ماڈلنگ ایجنسی سے معاہدے کرنے کے بعد کیریئر کا آغاز کیا۔

انہیں 2003 میں اس وقت مقبولیت ملی جب ان کی اپنے بوائے فرینڈ کے ساتھ نامناسب ویڈیوز لیک ہوئیں۔

ان کا شمار امیر ترین اداکاراؤں میں ہوتا ہے، جہاں وہ فلموں سے سالانہ ایک کروڑ ڈالر تک کمائی کرتی ہیں، وہیں وہ مختلف ایونٹس میں شرکت سے بھی سالانہ لاکھوں ڈالرز کماتی ہیں۔

علاوہ ازیں پیرس ہلٹن کو ان کے پڑدادا اور دادا کے دنیا بھر میں معروف پرتعیش ہوٹلز ’ہلٹن ہوٹلز‘ کی فروخت اور کاروبار سے بھی خطیر حصہ ملتا ہے۔

انہوں نے اب تک 30 کے قریب فلموں میں اداکاری کی ہے اور انہیں اداکاری کی وجہ سے ایوارڈز بھی مل چکے ہیں، تاہم انہیں ایک کاروباری خاندان کی بااثر خاتون کے طور پر زیادہ شہرت حاصل ہے۔

اداکارہ ماضی میں کہ چکی ہیں کہ ان کے پاس رشتے نبھانے کا وقت نہیں—فوٹو: اے ایف پی
اداکارہ ماضی میں کہ چکی ہیں کہ ان کے پاس رشتے نبھانے کا وقت نہیں—فوٹو: اے ایف پی

‘فروزن 2’ کا ایک اور ٹریلر سامنے آگیا

ڈزنی کی اینیمیٹڈ فلم ’فروزن 2‘ کا ایک اور نیا ٹریلر ریلیز کردیا گیا جس میں فلم کے کرداروں کی نئی کہانی کو پیش کیا گیا ہے۔

فروزن کی پہلی فلم 2013 کو ریلیز ہوئی تھی جس میں دو بہنوں کی کہانی کو پیش کیا گیا تھا، ان میں سے ایک بہن ایلسا کے پاس برف کی جادوئی طاقت تھی جو گھر سے دور چلی جاتی ہے جبکہ دوسری بہن آنا اسے گھر واپس لانے کی جدوجہد کرتی ہے۔

فروزن ڈزنی کی کامیاب اینیمیٹڈ فلم ثابت ہوئی تھی اور اب اس کے سیکوئل کا بھی مداحوں کو بےصبری سے انتظار ہے۔

سیکوئل کے نئے ٹریلر میں ایلسا کی جادوئی طاقتوں کو پیش کیا گیا جبکہ یہ بات بھی سامنے آئی کہ اس نئی فلم میں ایلسا جان جائے گی کہ اس کے پاس یہ طاقت آئی کہاں سے۔

اس نئی فلم میں بھی آنا اور ایلسا اپنی سلطنت کی تاریخ جاننے کے لیے کوشاں دکھائی دیتی ہیں۔

فروزن ٹو کی ہدایات جینیفر لی اور کرس بک نے دی ہیں، جنہوں نے پہلی فلم کی ہدایات بھی دی تھیں۔

فلم رواں سال 22 نومبر کو سینما گھروں میں نمائش کے لیے پیش کی جائے گی۔

فلموں میں 23 بار مرنے والے اداکار کا مزید مرنے سے انکار

لندن:  سین میں ایک معروف اداکار ہیں جنہوں نے مشہور فلموں اور ٹی وی سیریلز میں کام کیا ہے، وہ گیم آف تھرون میں مارے گئے، لارڈ آف دی رنگ میں بھی فوت ہوئے اور گولڈن آئی میں ایلس کا کردار نبھاتے ہوئے بھی انہیں مرنا پڑا تاہم اب انہوں نے مزید مرنے سے صاف انکار کر دیا ہے۔

میڈیا رپورٹ کے مطابق تمام فلموں اور ٹی وی سیریل میں وہ مجموعی طور پر 23 مرتبہ مر چکے ہیں اور اب انہوں نے سکرین پر موت کے مزید کردار ادا کرنے سے انکار کر دیا ہے۔ ایک برطانوی اخبار کو انٹرویو دیتے ہوئے سین بین نے کہا کہ اب وہ ایسے سکرپٹ قبول نہیں کریں گے جس میں انہیں آخر کار مرنا پڑے کیونکہ لوگ یہی سمجھنے لگے ہیں جلد یا بدیر میں سکرین پر دم توڑ دوں گا۔

انہوں نے مزاحیہ انداز میں کہا کہ چاہے فلم میں مجھے کتنا ہی زخمی کیوں نہ کر دیں لیکن مجھے جان سے نہ مارا جائے، اس کی وجہ یہ ہے کہ انہوں نے بہت سی فلموں میں خطرناک فلموں کے کردار ادا کئے ہیں جنہیں لا محالہ آخر میں مرنا ہی ہوتا ہے۔ خود بین سین کے مداح بھی ان کے مرنے سے تنگ آ چکے ہیں اور انہوں نے مل کر 2014 میں #dontkillseanbean (سین بین کو مت مارو) کے ہیش ٹیگ سے ایک مہم بھی چلانی شروع کر دی تھی۔

سین بین آخری مرتبہ فلم گیم آف تھرون میں مارے گئے تھے، فلم میں ان کا نام نیڈ سٹارک تھا جس کا سر قلم کر دیا جاتا ہے۔ اب تک وہ دی فیلڈ، لورنا ڈون، کلاریسا، سکرین ون ، ٹیل میں دیٹ یو لو می، پیٹریاٹ گیمس، سکارلیٹ، گولڈن آئی، ایئربورن، لارڈ آف رنگز، دی آئی لینڈ، ہچر، آؤٹ لا، فار نارتھ اور دیگر فلموں میں مر چکے ہیں۔

سین بین نے اپنے انٹرویو میں کہا کہ کردار کی ڈیمانڈ کے مطابق اگر مرنا بھی ہو تو کوئی مضائقہ نہیں تاہم کچھ احساسات کی بنا پر میں اب ایسے کردار قبول نہیں کروں گا، امید ہے کہ فلم ساز بھی میری اس خواہش کا احترام کرتے ہوئے کسی ایسے کردار کی پیشکش نہیں کرینگے۔

ثمینہ پیرزادہ کا رشتوں کی مضبوطی کیلئے والدین کو غلطیوں پر معافی مانگنے کا مشورہ

اسلام آباد:  اداکارہ ثمینہ پیرزادہ نے کہا کہ ہمیں والدین اور بچوں میں موجود انا کو ختم کرنے کی ضرورت ہے، والدین کو بچوں سے اپنی غلطیوں پر معافی مانگنی چاہیے۔

میڈیا رپورٹ کے مطابق ثمینہ پیرزادہ نے ایک پروگرام میں کہا کہ انہوں نے خاندان کو ٹوٹتے ہوئے دیکھا ہے اور شاید والدین کو اس بات کا اندازہ ہی نہیں ہوتا کہ ان کے روئیے اور عمل سے ان کے بچے کتنا متاثر ہوتے ہیں اور ان کی معافی سے ان کے بچوں کی نظروں میں ان کا مقام کتنا بڑھتا ہے۔

انہوں نے کہا والدین کو بچوں سے اپنی غلطیوں پر معافی مانگنی چاہیے، اگر کبھی زندگی میں کوئی ایسا موڑ آیا کہ مجھے ایسا کرنا پڑے تو ایک لمحے کی دیر نہیں کروں گی۔

ٹیلر سوئفٹ نے سفیدفام بالاستی کی سوچ کو گھناؤنا نظریہ قرار دیدیا

نیویارک: امریکی اداکارہ و گلوکارہ ٹیلر سوئفٹ کا خیال ہے کہ ڈونلڈ ٹرمپ کے صدر بننے کے بعد دنیا بھر میں امریکیوں اور امریکا کے خلاف لوگوں کی نفرت میں اضافہ ہوا ہے اور اس نفرت کا ایک سبب سفید فام بالادستی کی ترویج ہے۔

میڈیا رپورٹ کے مطابق ٹیلر سوفٹ نے ایک انٹرویو کے دوران وائٹ سپر میسی یعنی سفید فام بالادستی کی سوچ کو سب سے گھناؤنا نظریہ قرار دیا اور کہا کہ ان کے خیال میں اس نظرئیے سے بڑھ کر اور کوئی غلط نظریہ نہیں۔

ٹیلر سوئفٹ کا کہنا تھا کہ باراک اوباما ایک سیاہ فام شخص تھے اور جب امریکا کے صدر تھے تو دنیا بھر میں امریکا کی عزت کی جاتی تھی۔

ماورا حسین وقت نہ دینے پر نئی ڈرامہ سیریل سے آؤٹ

کراچی: اداکارہ ماورا حسین بار بار وعدے کے باوجود وقت نہ دینے پر نئی ڈرامہ سیریل سے آؤٹ ہو گئیں۔

ذرائع کا کہنا ہے کہ ماورا حسین کو ڈرامہ سیریل صباحت میں کاسٹ کیا گیا تھا اور اس کی ریکارڈنگ جون میں شروع ہونا تھی لیکن ماورا حسین نے بار بار وعدے کے باوجود ریکارڈنگ کے لئے وقت نہیں دیا جس کی وجہ سے شوٹنگ تاخیر کا شکار ہوئی اور انہیں آؤٹ کر دیا گیا۔

ماورا حسین کے غیر سنجیدہ رویئے کو دیکھتے ہوئے ڈرامے کے پروڈیوسر نے مرکزی کردار کے لئے کسی اور اداکارہ کی تلاش شروع کر دی ہے۔

قندیل بلوچ کیس: ڈی ایس پی عطیہ جعفری پر جرح مکمل

ملتان: قندیل بلوچ قتل کیس کی سماعت ماڈل کورٹ میں ہوئی، سماعت کے دوران ڈی ایس پی عطیہ جعفری عدالت میں پیش ہو گئیں۔

قندیل بلوچ قتل کیس میں بطور گواہ پیش نہ ہونے پر ڈی ایس پی عطیہ ناہید جعفری کے ناقابل ضمانت وارنٹ گرفتاری جاری کیے گئے تھے۔ ماڈل کورٹ ملتان کی طرف سے بار بار طلبی کے نوٹس بھیجے گئے تاہم طلبی کے باوجود ڈی ایس پی عطیہ ناہید جعفری پیش نہیں ہوئیں جس پر ان جاری ہوئے تاہم آج سماعت کے دوران وہ عدالت میں پیش ہو گئیں۔

قندیل بلوچ کیس: بطور گواہ پیش نہ ہونے پر ڈی ایس پی کے ناقابل ضمانت وارنٹ جاری

قندیل بلوچ قتل کی سماعت ہوئی، ڈی ایس پی عطیہ جعفری عدالتی نوٹس کے بعد پیش ہو گئیں، ملزم وسیم کے وکیل سردار محبوب نے ڈی ایس پی عطیہ جعفری پر جرح مکمل کر لی۔

قندیل بلوچ قتل کیس: گواہان پولیس کو دیئے گئے بیانات سے منحرف

سماعت کے دوران ملزمان وسیم، مفتی عبدالقوی، عبدالباسط، حق نواز، ظفر عدالت میں پیش ہوئے۔ جبکہ ماڈل کورٹ نے قندیل بلوچ قتل کیس میں مزید گواہوں کی شہادتوں کے لئے سماعت 23 ستمبر تک ملتوی کر دی ہے۔

شوبز ستارے میدان میں، ہوگا صاف پاکستان تحریک کا آغاز کر دیا

کراچی: صفائی کی اہمیت کو اجاگر کرنے کیلئے شوبز کی دنیا کے ستارے میدان میں آگئے۔

ٹی وی، فلم اور تھیٹر کے فنکاروں صنم سعید، انوشے اشرف، تارا محمود، ریچل ویکاجی، علی رحمن اور شنیرا اکرم سمیت دیگر سول و سماجی شخصیات نے کراچی میں ہوگا صاف پاکستان تحریک کا آغاز فریئر ہال سے مارچ کر کے کیا۔ان شخصیات کا کہنا تھا کہ صفائی مہم کے ذریعے کراچی کو ہی نہیں پاکستان بھر کا کچرا صاف کیا جائے گا۔ اس موقع پر لوگوں نے اپنے پسندیدہ فنکاروں سے آٹو گراف لئے اور سلیفیاں بنوائیں۔

Google Analytics Alternative