انٹر ٹینمنٹ

جونی ڈیپ اور ایمبر ہیرڈ طلاق پر متفق

فلم سٹار جونی ڈیپ اور ایمبر ہیرڈ طلاق کے معاہدے پر متفق ہوگئے ہیں اور ان کا کہنا ہے کہ ان میں کوئی بھی دوسرے کو جسمانی یا جذباتی طور پر کوئی نقصان پہنچانے کا ارادہ نہیں رکھتا تھا۔

ان کی طرف سے جاری کردہ مشترکہ بیان میں تسلیم کیا گیا کہ ان کا رشتہ غیرمستحکم رہا تھا۔

بیان میں کہا گیا کہ ’ہمارا تعلق بہت زیادہ جذبات سے سرشار تھا اور بعض اوقات غیرمستحکم بھی رہا، لیکن ہمیشہ پیار نے اسے جوڑے رکھا۔‘

منگل کو ایمبر ہیرڈ کی وکلا کی جانب سے جونی ڈیپ کے ایمبر ہیرڈ سے عارضی طور پر دور رہنے سے فیصلے کو ختم کرنے کی درخواست دائر کی ہے۔

طلاق پر متفق ہونے کی خبر علیحدگی کے فیصلے کے حوالے سے سماعت شروع ہونے سے ایک دن قبل سامنے آئی ہے۔

اس فیصلے کے مطابق عدالت نے جونی ڈیپ کو اپنی اہلیہ ایمبر ہرڈ سے دور رہنے کا حکم دیا تھا۔

جج نے یہ فرمان اداکارہ ایمبر ہرڈ کے اس الزام کے بعد جاری کیا تھا کہ جس میں انھوں نے کہا کہ شراب کے نشے میں جانی ڈیپ نے انھیں مارا تھا اور جھگڑے کے دوران انھیں موبائل پھینک کر مارا۔

53 سالہ جانی ڈیپ نے ان الزامات کی تردید کی تھی۔

’’ اَرتھ ٹو‘‘ میرے لیے اہم پروجیکٹ ہے، شان

لاہور: فلم اسٹارشان بطور رائٹر اپنی پہلی فلم ’’ارتھ ٹو‘‘کا آخری اسپیل برطانیہ میں شوٹ کرینگے۔ اس سلسلہ میں شان، حمائمہ ملک، محب مرزا اورعظمیٰ حسن سمیت تکنیکی عملہ رواں ماہ کے تیسرے ہفتے میں لندن روانہ ہوگا۔

12روزہ اس آخری اسپیل میں لندن کی خوبصورت لوکیشنز پرکہانی کے مطابق پکچرائزیشن جاری رہے گی اوراس کے مکمل ہوتے ہی فلم کا کیمرہ کلوز کر دیا جائے گا۔ اس سلسلہ میں شان نے ’’ایکسپریس‘‘ کوبتایا کہ ’ارتھ ٹو‘ میرے لیے ایک بہت اسپیشل پروجیکٹ ہے۔ بطوررائٹریہ میری پہلی فلم ہے جب کہ بطورہدایتکاریہ میری 12ویں فلم ہے اورمیں بارہ سال بعد کسی بھی فلم کی ڈائریکشن دے رہا ہوں۔ فلم کا کیمرہ کلوز ہونے کے بعد لندن میں ہی فلم کی ایڈیٹنگ اورپوسٹ پروڈکشن کا کام کیا جائے گا۔

 

پاکستانی فلم ’سایہ خدائے ذوالجلال‘کا پہلا آفیشل ٹریلر ریلیز کردیا گیا

یہ فلم وطن کی مٹی سے اظہار محبت اور 1965 کی جنگ کے سپاہیوں کو خراج عقیدت پیش کرنے کے لیے بنائی گئی ہے۔گذشتہ روز لاہور میں فلم کی ٹریلر کی لانچنگ تقریب منعقد کی گئی، جس میں فلم کی کاسٹ کے علاوہ پاکستان کرکٹ ٹیم کے سابق فاسٹ باؤلر شعیب اختر نے بھی شرکت کی اور فلم سے متعلق خیالات کا اظہار کیا ۔
فلم ’سایہ خدائے ذوالجلال‘ کی کہانی ایسے عناصر کے گرد گھومتی ہے جو دولت کی چمک دمک میں ملک دشمن سرگرمیوں کا حصہ بن جاتے ہیں۔فلم میں 1965 کی جنگ کے یادگار واقعات اور وطن کی محبت سے سرشار پاک فوج کے شہیدوں اور غازیوں کو خراج عقیدت پیش کیا گیا ہے۔
فلم کی کاسٹ میں جاوید شیخ، فردوس جمال،معمر رانا، شفقت چیمہ، اسد ملک، نور، افضل خان اور نیئر اعجاز شامل ہیں۔

اکشے کمار کی رستم نے 3 روز میں 50 کروڑ روپے کمالیے

ممبئی: بالی ووڈ کے کھلاڑی اکشے کمار کی فلم رستم نے ہریتھک روشن کی موہن جو داڑو سے مقابلے کے باوجود 3 روز میں 50 کروڑ روپے کمالیے ہیں۔

بھارتی میڈیا کے مطابق 12 اگست کو اکشے کمار کی رستم اور ہریتھک روشن کی موہن جو داڑو ایک ساتھ ہی بڑے پردے کی زینت بنی تھی لیکن بھارتی ناظرین نے ہریتھک کے مقابلے میں رستم کو پزیرائی بخشی ہے۔ اکشے کی فلم نے 3 روز کے دوران 50 کروڑ روپے کا بزنس کیا ہے جب کہ موہن جو داڑو اس دوران 30 کروڑ کی ہی کمائی کرسکی ہے۔

رستم کی کامیابی کے بعد اکشے کمار 2016 کے سب سے کامیاب اداکار بن گئے ہیں کیونکہ رواں برس ان کی تمام فلمیں سپر ہٹ رہی ہیں اور وہ سلمان خان کے بعدسب سے زیادہ 100 کروڑ روپے سے زائد بزنس کی فلمیں دینے والے اداکار ہیں۔

’نواز الدین بالی وڈ کے اگلے سلمان خان ہوں گے‘

بالی وڈ میں اداکار سلمان خان کی طرح بننے کی خواہش رکھنے والے اداکاروں کی تو کوئی کمی نہیں تاہم خود سلمان خان کی شخصیت ایسی ہے جو بہت کم لوگوں سے متاثر ہو پاتی ہے۔

لیکن آج کل سلمان خان پر اداکار نواز الدین صدیقی کا رنگ کچھ زیادہ ہی چڑھتا نظر آ رہا ہے۔

موقع تھا سہیل خان کی آنے والی فلم ’فریکی علی‘ کے ٹریلر لانچ کا جہاں سلمان نے صحافیوں سے بات چیت میں خود کو نواز اور نواز کو بالی وڈ کا اگلا سلمان خان بتا دیا۔

سلمان خان نے نواز الدین کو فلم انڈسٹری کاسب سے شائستہ اداکار بتاتے ہوئے انھیں ٹیلینٹیڈ (باصلاحیت) اداکار کا خطاب سے بھی نواز دیا۔

ہمیشہ قطرینہ کیف سے متعلق سوالوں سے بچنے کی کوشش کرنے والے سلمان خان نے اس موقع پر یہ بات تسلیم کی کہ قطرینہ اب بھی ان کی دوست ہیں اور وہ ہمیشہ دوست رہیں گی۔

فلم ’کک‘ اور ’بجرنگی بھائی جان‘ میں سلمان خان کے ساتھ کام کرنے والے نواز الدین جلد ہی سہیل خان کی فلم ’فریکی علی‘ میں نظر آئیں گے جو گولف کے کھیل پر مبنی ہے۔

اس فلم میں نواز الدین کے ساتھ ایمی جیكشن اہم کردار ادا کر رہی ہیں۔

نوازالدین صدیقی اور ایمی جیكشن کی فلم ’فریکی علی‘ اور قطرینہ کیف کی کی فلم ’بار بار دیکھو‘ باکس آفس پر ایک ہی ساتھ آئندہ ماہ 9 ستمبر کو ریلیز ہو رہی ہیں۔

سلمان خان کے مطابق دونوں ہی فلمیں مختلف قسم کی ہیں اور باکس آفس پر دونوں فلموں کو ناظرین ضرور پسند کریں گے۔

ہالی ووڈ فلم’سوسائیڈ اسکواڈ‘ نے باکس آفس پر تہلکہ مچادیا

لاس اینجلس : ایکشن اورتھرل سے بھرپورفلم’سوسائیڈاسکواڈ‘ نےا مریکی باکس آفس پر دھوم مچادی،فلم نے ریلیز کے پہلے ہفتے ہی تیرہ کروڑ پچاس لاکھ ڈالر سے زائد کا برنس کرکے سب کوپیچھے چھوڑدیا.

تفصیلات کے مطابق ایکشن اور تھرل سے بھرپور فلم سوسائیڈ اسکواڈ نے امریکی باکس آفس پر تہلکہ مچادیا،ریلیز کے پہلے ہفتے میں تیرہ کروڑ پچاس لاکھ ڈالر سے زائد کا بزنس کرکے سب کو پیچھے چھوڑ دیا.

ہالی ووڈ فلم کی کہانی ایک ایسی خفیہ سرکاری ایجنسی کے گرد گھومتی ہے جس میں خطرناک جرائم میں ملوث قیدیوں کو شامل کیا جاتا ہے.

ہالی ووڈ فلم ڈائریکٹر کارورائٹرڈیوڈ ایئر ہیں جو جان آسٹرینڈر کے مشہور ناول پر مبی ہے،فلم میں ول اسمتھ اور جیرڈ لیٹو سمیت دیگر اسٹار بھہ جلوہ گرہیں.

یاد رہے کہ گزشتہ سال ول اسمتھ کی فلم فوکس نے ریلیز ہوتے ہی باکس آفس پر اجارہ داری قائم کرلی تھی.

سلمان کی ’’سلطان‘‘ نے دنیا بھرمیں 570 کروڑکمالیے

ممبئی: بالی ووڈ اداکار سلمان خان کی فلم ’’سلطان ‘‘ نے دنیا بھر میں 570 کروڑ روپے کمالیے ۔

بھارتی میڈیا کے مطابق 35 روز قبل نمائش کے لیے پیش کی گئی فلم بھارت میں 300 کروڑ کمانے والی فلموں کے کلب میں شامل ہوگئی ہے جب کہ اس نے عالمی باکس آفس پر 570 روپے کمائی کرلی ہے جو ایک ریکارڈ ہے واضھ رہے کہ علی عباس کی ہدایتکاری میں بنائی گئی فلم ’’سلطان‘‘میں انوشکا شرما ،رندیپ ہڈا اور امت سدھ نے بھی اہم کردار ادا کیے ہیں۔

یہ سلمان کی فلم ’’بجرنگی بھائی جان‘‘ اور عامرخان کی فلم’’پی کے ‘‘کے بعد ہندوستانی سنیما کی تاریخ میں تیسری سب سے زیادہ کمائی کرنے والی فلم ہے۔

سوناکشی نے اپنی شادی کی خبروں پرمیڈیا کو آڑے ہاتھوں لے لیا

ممبئی: بالی ووڈ کی دبنگ گرل سوناکشی سنہا نے اپنی شادی کی افواہیں پھیلانے پر میڈیا کو آڑے ہاتھوں لے لیا۔

گزشتہ دنوں بھارتی میڈیا میں بالی ووڈ اداکارہ سوناکشی سنہا کی شادی کی خبریں سامنے آئی تھیں جس کے مطابق اداکارہ نے اپنے قریبی دوست بنٹی سچدیو کے ساتھ شادی کرنے کا فیصلہ کرلیا ہے جس کے بعد انہوں نے کئی فلموں میں کام کرنے سے انکار کردیا ہے اور کئی پروجیکٹ کو جلد مکمل کرنے میں مصروف ہیں تاہم اب دبنگ گرل نے ان خبروں کی تردید کردی ہے۔

اب سوناکشی سنہا نے اپنی شادی کی خبریں کی تردید کرتے ہوئے میڈیا کو آڑے ہاتھوں لیا اورہ سماجی رابطے کی ویب سائٹ ٹوئٹر پر اپنی بھڑاس نکالتے ہوئے اداکارہ کا کہنا تھا کہ میرے خاندان ، دوستوں اور مجھے میرے مستقبل کی منصوبہ بندی کے بارے میں آگاہ کرنے پرشکریہ ادا کرتی ہوں لیکن آپ اب بھی افواہیں اڑا رہے ہو اور اس سلسلے کو فی الفور بند کیا جائے۔

Google Analytics Alternative