انٹر ٹینمنٹ

چین میں کامیابی کے بعد ’دنگل‘ کی ہانگ کانگ میں بھی انٹری

ممبئی: بالی ووڈ کے مسٹر پرفیکشنسٹ عامر خان کی بلاک بسٹر فلم ’دنگل‘ چین میں کامیابی کے جھنڈے گھاڑنے کے بعد ہانگ کانگ میں بھی نمائش کے لئے پیش کر دی گئی۔

بالی ووڈ سپر اسٹار عامر خان اپنی ہر نئی فلم میں مداحوں کو دیوانہ بنا دیتے ہیں جس کی واحد وجہ فلموں کے معاملے میں ان کا انتخاب ہے اور وہ سال میں ایک ہی فلم ریلیز کرتے ہیں، یہی وجہ ہے کہ انہیں فلم انڈسٹری میں مسٹر پرفیکشنسٹ کہا جاتا ہے، مگر ان کی حالیہ ’دنگل‘ نے ریکارڈ بک الٹ پلٹ کرتے ہوئے نہ صرف بھارتی فلم انڈسٹری بلکہ خود عامر خان کے کیریئر کی بھی کامیاب ترین فلموں میں شمار ہو چکی ہے۔

پاکستانی اینی میٹڈ فلم ”اللہ یار اینڈ دی لیجنڈمارخور”کا پہلا ٹریلر جاری

پاکستانی سینمائوں کی بہت جلد زینت بننے والی پاکستانی اینی میٹڈ فلم “اللہ یار اینڈ دی لیجنڈ مارخور”کا پہلا ٹریلر جاری کر دیا گیا ۔ فلم کو 3rd ورلڈ سٹوڈیو اور پاکستان میں اینی میشن انڈسٹری کے ماہر عزیر ظہیر خان نے پیش کیا ہے جس میں نتاشا حمیرا اعجاز نے مرکزی کردار نبھایا

جبکہ فلم کا آفیشل سائونڈ ٹریک بھی انہوں نے تیار کیا ۔ اس کے علاوہ گلوکار اور سانگ رائٹر علی نورکو فلم میں بطور ولن کاسٹ کیا گیا ہے ۔ اس موقع پر عزیر ظہیر خان کا کہنا تھا یہ ہمارا پہلا بڑا پراجیکٹ ہے ، فلم کی کہانی مضبوط اخلاقی اقدار اور اپنے اندر ایک پیغام لئے ہوئے ہے جو یقیناً دیکھنے والوں کو متاثر کریگی ۔

ٹیلرسوئفٹ نے سوشل میڈیا پر اپنے تمام اکاؤنٹ ڈیلیٹ کر دیے

لاس اینجلس:  معروف امریکی گلوکارہ ٹیلر سوئفٹ نے سوشل میڈیا پر اپنے تمام اکاؤنٹ ڈیلیٹ کر کے اپنے مداحوں کو پریشانی میں مبتلا کر دیا۔

ٹیلر سوئفٹ کے ٹوئٹر پر سب سے زیادہ  85ملین اور انسٹا گرام پر 102 ملین فالوور ہیں۔گلوکارہ نے بغیر کوئی وجہ بتائے ٹمبلر پر اپنی پوسٹس،انسٹاگرام اور فیس بک پر اپنی تمام تصاویر وغیرہ ہٹا دی ہیں۔گلوکارہ دسمبر 2015 سے سوشل میڈیا پر بے حد متحرک تھیں۔ٹیلر سوفٹ کے مداح پریشان ہیں کہ ان کو کیا ہوا ہے۔

تیمورکی بالی ووڈ میں انٹری کے سوال پرکرینہ کا دلچسپ جواب

ممبئی: بالی ووڈ کی بیبو کرینہ کپور خان نے اپنے بیٹے تیمورکے بالی ووڈ میں انٹری کے سوال پر دلچسپ جواب دیتے ہوئے کہا ہے کہ ابھی میرابیٹا صرف 8 ماہ کا ہے ابھی سے اس کے مستقبل کے بارے میں فکرمند ہونے کی ضرورت نہیں۔

بالی ووڈ کی خوبصورت جوڑی کرینہ کپوراورسیف علی خان کے گھرگزشتہ برس ایک خوبصورت بچے تیمورعلی خان نے جنم لیا، تیمور پیدا ہوتے ہی مختلف وجوہات کی بنا پر میڈیا اور لوگوں کی توجہ کا مرکز بن گیا، کبھی اس کی خوبصورتی کو لے کر میڈیا پر چرچے شروع ہوجاتے ہیں اور کبھی اس کے نام پر تنازعہ کھڑ اہوجاتا ہے اور اب بھارتی میڈیا کو تیمور کے مستقبل کی فکر ان کے ماں باپ سے زیادہ ہوگئی ہے جب ہی تو وہ تیمور کے بالی ووڈ میں اینٹری سے متعلق سوال کرنے کا کوئی بھی موقع ہاتھ سے جانے نہیں دیتے۔

جیکو لین فرنینڈس اردوسیکھنے کی خواہشمند

ممبئی: سری لنکن بیوٹی جیکولین فرنینڈس نے اردو سیکھنے کی خواہش کا اظہار کرتے ہوئے کہا ہے کہ وہ دل سے اردو زبان سیکھنا چاہتی ہیں۔

2009 میں فلم الہ دین سے فنی کیرئیر کا آغاز کرنے والی اداکارہ جیکولین فرنینڈس کی پہلی فلم توخاص کامیابی حاصل نہ کرسکی لیکن جیکولین اپنی خوبصورتی کے باعث پروڈیوسرزکی نظروں میں آگئیں، بعد ازاں انہوں نے کئی فلموں میں کام کیا لیکن انہیں حقیقی شہرت 2015 میں ریلیز ہوئی فلم ’کک‘ سے ملی تاہم اب انہوں نے اردو زبان سیکھنے کی خواہش ظاہرکی ہے۔

ماہرہ خان کے بیٹے کی نئی تصویرسوشل میڈیا پروائرل

کراچی:  نامور پاکستانی اداکارہ ماہرہ خان کی بیٹے کے ساتھ لی گئی نئی تصویر سوشل میڈیا پر وائرل ہوگئی جب کہ تصویر میں اذلان  والدہ کی طرح پرکشش اور خوبصورت نظر آرہے ہیں۔

پاکستان کی عالمی شہرت یافتہ اداکارہ ماہرہ خان کا شمار پاکستان کے ساتھ بالی ووڈ کی بھی مقبول ترین اداکاراؤں میں ہوتا ہے ، ماہرہ نے بہت کم عرصے میں بھارتی فلم انڈسٹری میں وہ مقام حاصل کیا جسے حاصل کرنے کے لئے اداکاراؤں کو برسوں لگ جاتے ہیں ، اداکارہ ہونے کے ساتھ ماہرہ بہترین ماں بھی ہیں اور اپنے بیٹے سے بے انتہا محبت کرتی ہیں۔

شاہ رخ خان کو خاتون کرکٹرسے معافی مانگنی پڑ گئی

ممبئی: ناموراداکارشاہ رخ خان نے حال ہی میں بھارتی خواتین کرکٹ ٹیم کی کپتان میتھالی راج سے معافی مانگتے ہوئے بڑااداکار ہونے کا ثبوت دے دیا۔

بالی ووڈ کنگ شاہ رخ خان کا شمار بھارتی فلم انڈسٹری کے صف اول کے اداکاروں میں ہوتا ہے وہ اپنی منفرد اداکاری اور پرکشش شخصیت کے باعث دنیا بھر میں منفرد مقام رکھتے ہیں یہ ہی وجہ ہے کہ ان کے چاہنے والے دنیا بھر میں موجود ہیں ، شاہ رخ خان کے مداحوں میں خواتین کی تعداد مردوں کے مقابلے میں زیادہ ہے ، لیکن وہ کیا وجہ ہے کہ شاہ رخ خواتین میں اتنے زیادہ مقبول ہیں، اس کا جواب بہت آسان ہے کیوں کہ شاہ رخ بالی ووڈ کے دیگر اداکاروں کی نسبت خواتین کی زیادہ عزت کرتے ہیں۔

فلم’’کبھی خوشی کبھی غم‘‘ کی ننھی کرینہ عمران ہاشمی کیساتھ ڈیبیوکریں گی

ممبئی: بالی ووڈ کی بلاک بسٹر فلم ’کبھی خوشی کبھی غم‘ میں کرینہ کپور کے بچپن کا کردار ادا کرنے والی مالویکا راج عمران ہاشمی کے ساتھ کریئر کا آغاز کریں گی۔

شاہ رخ خان کی کامیاب ترین فلم’’کبھی خوشی کبھی غم‘‘ میں کرینہ کپورکے بچپن کا کردار ادا کرنے والی مالوویکا راج فلم’’کیپٹن نواب‘‘ میں  بالی ووڈ میں بے باک مناظر کی عکس بندی کے حوالے سے مشہور اداکارعمران ہاشمی کے ساتھ بطور ہیروئن  ڈیبیو کرنے جارہی ہیں جب کہ عمران ہاشمی فلم میں آرمی کے جوان کا کردار ادا کرتے نظرآئیں گے۔

Google Analytics Alternative