انٹر ٹینمنٹ

فیروز خان کی ماورا حسین کے ہمراہ کامیڈی فلم میں انٹری

کراچی: معروف اداکار فیروز خان نے ماورا حسین کے ہمراہ کامیڈی فلم میں انٹری کی تیاریاں مکمل کر لیں۔

’’رانگ نمبر‘‘، ’’رانگ نمبر ٹو‘‘ اور ’’مہرالنساء لو یو‘‘ جیسی کامیاب کامیڈی فلمیں بنانے والے اداکار و ہدایت کار یاسر نواز ایک بار پھر کامیڈی اور تھرل سے بھرپور فلم کے ساتھ آرہے ہیں، کامیڈی کے تڑکے سے بھرپور اس فلم میں چھوٹی اسکرین پر کامیابی کے جھنڈے گاڑنے والے فیروز خان مرکزی کردار ادا کریں گے جب کہ اُن کے ہمراہ ماورا حسین بھی اداکاری کے جوہر دکھاتی نظر آئیں گی۔

یاسر نواز نے ایک ویب سائٹ کو انٹرویو میں تصدیق کرتے ہوئے کہا کہ نئی آںے والی اس کامیڈی فلم میں فیروز خان اور ماورا حسین مرکزی کردار میں نظر آئیں گے جب کہ مجھ سمیت جاوید شیخ اور احمد حسن معاون کردار ادا کریں گے۔

یاسر نواز نے فیروز خان کی کاسٹ کے حوالے سے بتایا کہ  وہ اس کردار کے لئے بالکل موضوع ہیں۔ اور جہاں تک اداکارہ کی بات ہے تو میں ہمیشہ ہر فلم میں نئی اداکارہ کو سامنے لانے کے حق میں ہوں کیوں کہ اس سے قبل میں اپنی فلموں میں سہائے علی آبرو، ثناء جاوید اور نیلم منیر کے ساتھ کام کر چکا ہوں اس لئے اس فلم میں ماورا حسین کا انتخاب کیا گیا ہے۔

یاسر ںواز نے کہا کہ فلم کی شوٹنگ اگلے سال جنوری میں شروع کی جائے گی جب کہ فلم عید الفطر پر سنیما گھروں کی زینت بنے گی۔

’جوانی پھر نہیں آنی‘ کے بعد ہمایوں سعید اور واسع چوہدری کی فلم ’نرم گرم‘

کچھ دن قبل ہی اس بات کی تصدیق سامنے آئی تھی کہ آنے والی رومانٹک مصالحہ فلم ’لندن نہیں جاؤں گا‘ میں ہمایوں سعید اور مہوش حیات ایک بار پھر رومانس کرتے دکھائی دیں گے۔

ان دونوں کی جوڑی کو ’پنجاب نہیں جاؤں گی‘ میں بھی بہت سراہا گیا تھا اور اب دونوں ’لندن نہیں جاؤں گا‘ میں بھی ایک ساتھ دکھائی دیں گے۔

ساتھ ہی اس بات کی بھی وضاحت کی تھی کہ ’لندن نہیں جاؤں گا‘ سیکوئل نہیں ہے بلکہ یہ ’پنجاب نہیں جاؤں گی‘ سے مختلف ہوگی۔

اور اب خبر سامنے آئی ہے کہ ہمایوں سعید ’جوانی پھر نہیں آنی‘ کے ساتھی اداکار واسع چوہدری کی لکھی گئی اگلی فلم ’نرم گرم‘ کو بھی پروڈیوس کریں گے۔

جی ہاں،  اس بات کی تصدیق کی کہ وہ ہی واسع چوہدری کی آنے والی فلم ’نرم گرم‘ کو پروڈیوس کریں گے۔

مہوش حیات اور ہمایوں سعید لندن نہیں جاؤں گا میں بھی ایک ساتھ دکھائی دیں گے—اسکرین شاٹ
مہوش حیات اور ہمایوں سعید لندن نہیں جاؤں گا میں بھی ایک ساتھ دکھائی دیں گے—اسکرین شاٹ

ہمایوں سعید نے فلم کے حوالے سے تفصیلات بتائے ہوئے انکشاف کیا کہ فلم کی کہانی 2 مرد مرکزی اداکاروں کے گرد گھومتی ہے۔

انہوں نے اس بات کی بھی تصدیق کی ایک مرکزی مرد کا کردار واسع چوہدری ادا کریں گے، تاہم تاحال دوسرے اداکار کو کاسٹ کرنے کے حوالے سے کوئی پیش رفت نہیں ہوسکی۔

ساتھ ہی ہمایوں سعید نے بتایا کہ فلم کی مرکزی اداکاراؤں سمیت دیگر کاسٹ کے حوالے سے بھی کوئی فیصلہ نہیں کیا جا سکا۔

اداکار نے بتایا کہ اگرچہ یہ بھی واضح نہیں ہے کہ فلم کو کب تک ریلیز کیا جائے گا، تاہم اس کی شوٹنگ پاکستان میں ہی کی جائے گی۔

خیال کیا جا رہا ہے کہ ’نرم گرم‘ کے حوالے سے جلد ہی فلم کی ٹیم دیگر کاسٹ اور اسے ریلیز کرنے کی تاریخ کا اعلان کرے گی۔

واسع چوہدری اور ہمایوں سعید دونوں جوانی پھر نہیں آنی فلموں میں ایک ساتھ دکھائی دیے تھے—اسکرین شاٹ
واسع چوہدری اور ہمایوں سعید دونوں جوانی پھر نہیں آنی فلموں میں ایک ساتھ دکھائی دیے تھے—اسکرین شاٹ

’ای شارپ بینڈ‘ کی ’شبانہ‘ نے جوانوں کے دل جیت لیے

صوبہ سندھ کے دارالحکومت کراچی سے تعلق رکھنے والے میوزیکل بینڈ ’ای شارپ‘ نے اپنے ’پیپسی بیٹل آف دی بینڈز‘ میں پیش کیے گئے گانے ’او شبانہ‘ کی ویڈیو ریلیز کردی۔

’ای شارپ‘ نے ابتدائی طور پر ’او شبانہ‘ کو میوزیکل مقابلے پروگرام ’پیپسی بیٹل آف دی بینڈ‘ کے رواں برس نشر ہونے والے چوتھے سیزن میں پیش کیا تھا۔

’ای شارپ‘ کے اسی گانے کو ’پیپسی بیٹل آف دی بینڈز‘ کے ججز نے سنتے ہی سراہا تھا اور میوزیکل بینڈ کے اراکین نے تعریفیں بٹوری تھیں۔

اب ’ای شارپ‘ نے اسی گانے کو ’پیپسی بیٹل آف دی بینڈز‘ کے تعان سے جاری کردیا۔

’او شبانہ‘ نامی گانے کی ویڈیو 5 منٹ سے بھی کم دورانیے پر مبنی ہے اوراس میں اسکول کے طلبہ و طالبات کو دکھایا گیا ہے۔

گانے کی شاعری سمیت ویڈیو کو بھی سراہا جا رہا ہے—اسکرین شاٹ
گانے کی شاعری سمیت ویڈیو کو بھی سراہا جا رہا ہے—اسکرین شاٹ

گانے میں جوان سالہ اسکول کے طالب علم کو شبانہ نامی لڑکے کے عشق میں گرفتار ہوتے ہوئے دکھایا گیا ہے۔

گانے میں جہاں رومانس، جوانی، لڑکپن، اسکول کی زندگی اور محبت کو دکھایا گیا ہے، وہیں گانے میں تفریح بھی شامل کی گئی ہے اور مرکزی لڑکے کو گرمیوں سمیت ہر وقت ہاتھوں پر گلوز پہنے ہوئے دکھایا گیا اور اس کے اسی عمل پر ان کے کلاس فیلو انہیں چڑاتے دکھائی دیتے ہیں۔

گانے کو دو دن قبل ہی ریلیز کیا گیا تھا اور گانے نے ریلیز ہوتے ہی جوانوں کے دل جیت لیے، کئی افراد نے نہ صرف گانے کی میوزک بلکہ ویڈیو کو بھی سراہا۔

شفقت چیمہ بیٹے کے حادثے کی جھوٹی خبر سے پریشان

کراچی: معروف اداکار شفقت چیمہ سوشل میڈیا پر بیٹے کے حادثے کی جھوٹی خبروں سے پریشان ہوگئے اور انہوں ںے کارروائی کے لیے ایف آئی اے سے رابطہ کر لیا۔

معروف فلم اسٹار اور ولن کے کرداروں کو نہایت عمدگی سے ادا کرنے والے شفقت چیمہ سوشل میڈیا پر پھیلی افواہوں سے پریشان ہوگئے ہیں۔ فیس بک پر ان کا جعلی اکاؤنٹ بنا کر بہت سے فنکاروں اور لوگوں کو بے وقوف بنایا جارہا ہے جس پر شفقت چیمہ نے ایف آئی اے سائبر کرائم ونگ لاہور میں درخواست دے دی جس پر ایف آئی اے نے کارروائی کا آغاز کر دیا۔

شفقت چیمہ کی درخواست میں موقف اختیار کیا گیا ہے کہ مجھ سے حسد رکھنے والے عناصر بیٹے کے حادثے سے متعلق افواہیں پھیلا رہے ہیں اور جب سوشل میڈیا پر غلط خبریں چلیں تو لوگ میرے گھر پر پہنچ گئے۔

انہوں نے کہا کہ لوگوں کے بتانے پر بیٹے سے فون پر رابطہ کرنے کی کوشش کی لیکن اس کا فون بند جا رہا تھا جس پر میرے پیروں تلے زمین  نکل گئی تاہم جب رابطہ ہوا تو دلی سکون پہنچا، لوگ سنی سنائی اور جھوٹی خبروں کو سوشل میڈیا پر ہرگز نہ پھیلائیں۔

شفقت چیمہ نے ایف آئی اے کو بتایا کہ اُن کے نام سے جعلی اکاؤنٹ بھی بنایا گیا ہے جبکہ ان کا فیس بک اور ٹویٹر پر کوئی اکاؤنٹ نہیں، انہوں نے ایف آئی اے سے فوری کارروائی کرتے ہوئے ان لوگوں کے خلاف سخت کارروائی کرنے کا مطالبہ کیا ہے۔

رابی پیر زادہ نے شوبز سے کنارہ کشی کا اعلان کردیا

کراچی: گلوکارہ رابی پیرزادہ نے اپنی نازیبا اورغیراخلاقی ویڈیوز لیک ہونے کے بعد شوبز سے کنارہ کشی اختیارکرلی۔

گلوکارہ رابی پیرزادہ دوسروں پرتنقید کرنے کے باعث خبروں کی زینت بنتی رہتی ہیں لیکن گزشتہ ہفتے گلوکارہ کی نازیبا اور غیر اخلاقی ویڈیوز وائرل ہوئی تھیں  جس کے بعد وہ ٹوئٹر پر ٹاپ ٹرینڈ بھی بن گئی تھیں۔

رابی پیرزادہ کی ویڈیو وائرل ہونے کے بعد ان کے موقف کا مداحوں کی جانب سے انتظار کیا جارہا تھا ۔ گلوکارہ نے ٹوئٹر کے ذریعے کہا تھا کہ جوبندہ دنیا میں کسی بندے کی پردہ پوشی کرے گا اللہ عزوجل قیامت کے دن اس کی پردہ پوشی فرمائے گا۔

اب گلوکارہ نے ٹوئٹرپرہی شوبزسے کنارہ کشی اختیارکرنے کا اعلان کرتے ہوئے کہا کہ “میں رابی پیرذادہ شوبزسے کنارہ کشی اختیارکرتی ہوں ۔ اللہ تعالیٰ میرے گناہوں کومعاف کرے اورمیرے حق میں لوگوں کا دل نرم کرے.”

رابی پیرزادہ نے اپنی ٹوئٹ کے آخرمیں قرانی آیت بھی لکھی کہ عزت اور ذلت دینے والا صرف اللہ ہی ہے۔

 

مہوش حیات کی آوازمیں ’آج جانے کی ضد نہ کرو‘ کے مداح دیوانے ہوگئے

لاہور: اداکارہ وگلوکارہ مہوش حیات کی آواز میں مشہورغزل ’آج جانے کی ضد نہ کرو‘ کے مداح دیوانے ہوگئے۔

پاکستانی اداکارہ وگلوکارہ مہوش حیات قومی اعزاز ’تمغہ امتیاز‘ حاصل کرنے کے بعد مسلسل خبروں میں بہت زیادہ جگہ بنانے لگی ہیں۔ اداکارہ کبھی اپنی فلموں میں کامیابی کے باعث خبروں کی زینت بنتی ہیں تو کبھی خود پرہونے والی تنقید پرجواب دینے میں آگے سے آگے رہتی ہیں۔

گزشتہ روزانہوں نے ٹوئٹرپرایک ویڈیوشیئرکی جو رواں سال فروری کی ہے۔ انہوں نے لکھا کہ لاہورمیں 10 ہزارلوگوں کے سامنے اس لائیو کانسرٹ کے دوران بہت مزہ آیا تھا، اوریہ کانسرٹ ان کے لیے بہترین تجربہ بھی رہا تھا۔

ٹرمینیٹر: ڈارک فیٹ نے ایک بار پھربڑی اسکرین پرحکمرانی قائم کرلی

لاس انجلس: ہالی ووڈ ایکشن فلم ٹرمینیٹر ڈارک فیٹ” نے ریلیز کے پہلے تین دنوں میں عالمی باکس آفس پر12 کروڑ سے زائد کما کر باقی تمام فلموں کو پیچھے چھوڑ دیا۔

ہالی ووڈ سائنس فکشن سیریزٹرمینیٹرکے سلسلے کی نئی فلم ٹرمینیٹر ڈارک فیٹ، نے ریلیز کے تین دنوں میں ہی عالمی باکس آفس پر12 کروڑتین لاکھ ڈالز کما لئے۔

امریکی باکس آفس پربھی ایکشن سے بھر پور فلم نے نمبر ون کی پوزیشن حاصل کرلی۔ فلم کو امریکا کے چار ہزار سے زائد سنیما گھروں میں ریلیزکیا گیا۔ ایڈونچرسے بھر پورسیریزکی پہلی فلم 1984 میں ریلیز ہوئی تھی۔

رابی پیرزادہ کا ویڈیو لیک کرنیوالوں کے لیے پیغام

کراچی: گلوکارہ رابی پیرزادہ نے ان کی نازیبا اورغیر اخلاقی ویڈیوز لیک کرنے والوں کے لیے پیغام جاری کیاہے۔

دوروز قبل رابی پیرزادہ کی نازیبا اور غیراخلاقی ویڈیوز وائرل ہوگئی تھیں جس کی وجہ سے وہ ٹوئٹر پر  ٹاپ ٹرینڈ بن گئی تھیں۔ ویڈیوز لیک ہونے کے حوالے سے کئی باتیں سامنے آئیں۔ کسی نے کہا کہ یہ ویڈیوز رابی پیرزادہ کے سابق بوائے فرینڈ نے لیک کی ہیں، جب کہ بہت سے لوگ کہہ رہے ہیں کہ رابی پیرزادہ کے فون سے  ان کی تصاویر اور ویڈیوز چرائی گئی ہیں۔

ویڈیوز کے حوالے سے رابی پیرزادہ کا کوئی موقف سامنے نہیں آیا تھا اور لوگ جاننے کے لیے بے چین تھے کہ آخر رابی پیرزادہ کا اس کے بارے میں کیا کہنا ہے۔ تاہم گزشتہ روز انہوں  نے ایک مختصر سی ٹوئٹ کی ہے جس میں انہوں نے لکھا ہے،

’’جو بندہ دنیا میں کسی بندے کی پردہ پوشی کرے گا اللہ عزوجل قیامت کے دن اس کی پردہ پوشی فرمائے گا۔‘‘

دوسری جانب رابی پیرزادہ نے اپنے تمام سوشل میڈیا اکاؤنٹس پر پوسٹ شیئر کی ہے جس میں لکھا ہوا ہے’’مجھے  اپنے ہونے پر افسوس ہے‘‘۔

واضح رہے کہ رابی پیرزادہ نے ویڈیوز کے خلاف ایف آئی اے سائبر کرائم ونگ سے رابطہ کرکے تحقیقات کرنے کا مطالبہ بھی کیا ہے۔

Google Analytics Alternative