انٹر ٹینمنٹ

ہانیہ عامر نے کس کے کپڑے چرائے؟

پرواز ہے جنون کی ہیروئن ہانیہ عامر کی پروموشن کے دوران ایک تصویر بہت مشہور ہوئی جس میں ہانیہ کی وردی پر نام ’جنید‘ لکھا تھا۔

یہ تصویر سوشل میڈیا پر وائرل بھی ہوئی۔ یہ تصاویر اس وقت پروموشن کے دوران غلطی سے جاری ہوگئی تھی۔

ہانیہ فلم میں حمزہ علی عباسی اور احد رضا میر کے مد مقابل ہیں لیکن یہ بات بڑی دلچسپ ہے کہ انہوں نے جس جنید کے نام کی وردی پہنی وہ کردار حمزہ نے نہ احد رضا میر نے ادا کیا ہے ۔

فلم ’پرواز ہے جنون‘ میں جنید کے نام کا کردار مہمان اداکار شمعون عباسی نے ادا کیا ہے جو احد اور ہانیہ کو ٹریننگ دیتے ہیں۔

رنویر کی عزت نہ کرنے پر سوشل میڈیا صارفین دپیکا پر برس پڑے

ممبئی: سوشل میڈیا صارفین نے اداکارہ دپیکا پڈوکون کو تنقید کا نشانہ بناتے ہوئے کہا ہے کہ اگر رنویر سنگھ کی عزت نہیں کرسکتیں تو انہیں چھوڑ دو۔

گزشتہ روز پریانکا چوپڑا نے’ورلڈ فوٹوگرافی ڈے‘ پرانسٹا گرام پر اپنی اوراپنے سابق بوائے فرینڈ رنبیر کپور کی تصویر شیئر کی تھی جس پر سوشل میڈیا صارفین نے انہیں شدید تنقید کا نشانہ بناتے ہوئے کہا ہے کہ کبھی کبھی لگتا ہے دپیکا رنبیر کپور کو کبھی بھول نہیں پائیں گی۔ ایک صارف نے غصے میں کہا ’’دپیکا اگر آپ رنویر سنگھ کی عزت نہیں کرسکتیں تو چھوڑ دو اسے، وہ تم سے بہتر جیون ساتھی کا مستحق ہے۔ ‘‘

ایک صارف نے دپیکا کو مشورہ دیتے ہوئے کہا مہربانی کرکے رنبیر کپور کو بھول جاؤ، تمہیں رنویر سنگھ کے روپ میں اتنا اچھا دوست اور انسان ملا ہے لیکن تم پھر بھی ایک دھوکے باز کے لیے روتی ہو۔ ایک صارف نے دپیکا سے پوچھا اگر تم رنویر سنگھ کے ساتھ خوش نہیں ہو تو اس کے ساتھ کیوں ہو۔ پائل نامی صارف نے کہا میں دپیکا سے بہت متاثر تھی لیکن اب نہیں ہوں کیوں دپیکا آج بھی رنبیر کے پیچھے بھاگ رہی ہیں۔

واضح رہے کہ دپیکا پڈوکون اوررنویر سنگھ نومبر میں شادی کے بندھن میں بندھنے والے ہیں ایسے میں دپیکا کا اپنے سابق بوائے فرینڈ رنبیر کپورکو یاد کرنا لوگوں سے ہضم نہیں ہورہا۔

نامور بالی ووڈ اداکارہ سجاتا کمارکینسر کے باعث انتقال کرگئیں

ممبئی: فلم’’انگلش ونگلش‘‘میں آنجہانی اداکارہ سری دیوی کی بڑی بہن کا کردار ادا کرنے والی ناموربالی ووڈ اداکارہ سجاتا کمار کینسر کے باعث انتقال کرگئیں۔

بھارتی میڈیا کے مطابق اداکارہ سجاتا کمار 53 سال کی عمر میں کینسر کے باعث انتقال کرگئیں۔ سجاتا کمار میٹاسٹک کینسر کی چوتھی اسٹیج پر تھیں۔ میٹاسٹک کینسر میں جسم کے ایک حصے میں ٹیومر پیدا ہوتا ہے جو بڑھتے بڑھتے پورے جسم میں پھیل جاتا ہے۔اداکارہ سجاتا کمار ممبئی کے لیلا وتی اسپتال میں داخل تھیں جہاں انہوں نے اپنی زندگی کی آخری سانسیں لیں۔

واضح رہے کہ اداکارہ سونالی بیندرے اور عرفان خان بھی ان دنوں کینسر سے جنگ لڑرہے ہیں اور علاج کی غرض سے بیرون ملک مقیم ہیں۔

‘ہمارا خیال رکھنے والا آگیا ہے’، شوبز اسٹارز کے عمران خان کے نام پیغامات

نومنتخب وزیراعظم عمران خان نے گزشتہ رات قوم سے اپنے پہلے خطاب میں کرپشن کے خلاف کھلی جنگ کے اعلان کے ساتھ ساتھ کئی موضوعات اور مسائل پر کھل کر بات کی اور اپنی حکومت کے آئندہ کے لائحہ عمل اور اصلاحات پر بھی روشنی ڈالی۔

عمران خان کے اس خطاب پر تبصروں، تجزیوں اور تعریف و توصیف کا سلسلہ بھی جاری ہے، جس میں پاکستانی شوبز اسٹارز نے بھی اپنا حصہ ڈالا ہے۔

معروف اداکارہ اور اسٹائل آئیکون ماہرہ خان بھی نئے وزیراعظم کو سراہے بنا رہ نہ سکیں اور انہوں نے انسٹاگرام پر اپنے پیغام میں عمران خان کی تصویر شیئر کرتے ہوئے  اپنے دلی جذبات لکھ ڈالے۔

ماہرہ نے لکھا، ‘وہ الفاظ جن کے بارے میں کبھی نہیں سوچا تھا کہ سننے کو ملیں گے، عمران خان آپ کو اپنا وزیراعظم کہتے ہوئے فخر محسوس ہوتا ہے! آپ کے اس مشن میں، میں آپ کے ساتھ ہوں۔’

اداکارہ نے مزید لکھا کہ وزیراعظم عمران خان کا شمار بھی اب اُن لوگوں میں ہوتا ہے، جن کے لیے ان کی والدہ خصوصی دعائیں کرتی ہیں، ماہرہ کے مطابق، ‘آپ جب بھی ٹی وی پر آئیں گے آپ پر ایک پھونک ماری جائے گی۔’

اداکار و ماڈل عدنان ملک نے بھی کچھ اسی قسم کے جذبات کا اظہار کیا۔

عدنان ملک نے عمران خان کی ایک تصویر شیئر کرکے لکھا، ‘وزیراعظم عمران خان، میں نے کبھی کسی بااختیار شخص کو اس طرح ایمانداری اور وژن کے ساتھ ملک و قوم سے بات کرتے نہیں سنا’۔

اداکار نے لکھا، ‘آپ کے خیالات بہت پر امید، دلوں کو گرما دینے والے اور متاثر کن ہیں۔ کرپشن کو بے نقاب کرنے سے لے کر، تعلیم میدان میں بہتری، معاشی بڑھوتری، اقلیتوں کے حقوق، جانوروں کے حقوق، پانی، ماحولیات، کھیلوں کی ترقی، بیواؤں کے حقوق، بچوں پر تشدد، صحت، فاٹا، بلوچستان، پولیس اصلاحات، سویلین اصلاحات، سیاحت او ٹیکس کلیکشن، آپ نے نئے پاکستان کو جانے والی ہر شریان کو چھوا ہے۔’

ساتھ ہی عدنان ملک نے پاکستان زندہ باد کا نعرہ لگاتے ہوئے لکھا، ‘کپتان میں آپ کی ٹیم میں شامل ہوں اور اپنا کردار ادا کرنے کے لیے تیار ہوں۔’

گلوکار و اداکار فرحان سعید بھی پیچھے نہ رہے اور انہوں نے ٹوئٹر پر اپنے پیغام میں عمران خان سے محبت اور عقیدت کا اظہار کر ڈالا۔

فرحان سعید نے لکھا، ‘پاکستان اب ہم لاوارث نہیں، ہمارا خیال رکھنے والا آگیا ہے!’

عمران خان کو مخاطب کرتے ہوئے ان کا مزید کہنا تھا، ‘خان صاحب پہلے آپ سے محبت تھی، اب آپ سے عقیدت ہوگئی ہے!’

ساتھ ہی فرحان سعید نے بتایا کہ عمران خان کو بولتے ہوئے سن کر ان کی آنکھوں میں آنسو ہیں، ان کا کہنا تھا، ‘ مسٹر پرائم منسٹر میں دل و جان سے آپ کی ٹیم ہوں اور پاکستان آپ کے ساتھ ہے۔’

Farhan Saeed

@farhan_saeed

Pakistan Ab hum lawaris nahin, Hamara Khayal rakhne wala Agya hai! Khan Sb Pehle Ap se muhabbat thi Ab Aap se Aqeedat hogayi hai!
I have tears in my eyes hearing my prime minister @ImranKhanPTI speak!
Mr PrimeMinister mein dil o Jan se Apki team hun Aur apke sath hai!

اداکارہ ماورہ حسین نے بھی کچھ اسی قسم کے خیالات کا اظہار کیا اور لکھا، ‘مجھے اپنے وزیراعظم سے محبت ہے، کیا خوب پہلا خطاب تھا۔’

ماورہ نے مزید لکھا کہ ‘کپتان آپ آگے بڑھیں، آپ ہمیں اپنے پیچھے پائیں گے، انشاء اللہ، اللہ آپ کو اور آپ کے ارادوں کو سلامت رکھے، آمین’!

MAWRA HOCANE

@MawraHocane

I absolutely Love my prime minister. What a fantastic first speech. Lead the way captain! You’ll find us right behind you!!!!! @ImranKhanPTI aur humara 🇵🇰❤️❤️ Inshallah!!!! Allah apko or apke iradon ko salamat rakhay!!!!!! @PTIofficial

سلمان خان بگ باس 12 کی میزبانی کا معاوضہ پہلے سے بھی زیادہ لیں گے

بالی وڈ اداکار سلمان خان مشہور رئیلٹی شو ’بگ باس‘ سیزن 12 کی بھی میزبانی کریں گے اور اس بار ان کا معاوضہ پہلے سے بھی زیادہ ہوگا۔

سلمان خان سلور اسکرین کے ساتھ ساتھ چھوٹے پردے پر بھی اجارہ داری قائم کیے ہوئے ہیں اور نامور ٹی وی شوز کی میزبانی کرتے نظر آرہے ہیں۔

سلو میاں اس وقت گیم شو’ دس کا دم‘ کے ساتھ چھوٹی اسکرین پر جلوہ گر ہیں تو وہیں اگلے مہینے سے ان کا ایک اور رئیلٹی شو ’بگ باس ‘ سیزن 12 شروع ہونے والا ہے۔

رئیلٹی شو ’بگ باس‘ سیزن 12 کی میزبانی کے فرائض بھی سلمان خان سر انجام دیں گے جس کی تشہیری مہم کا باقاعدہ آغاز ہوگیا ہے۔

’بگ باس‘ کے 12 ویں سیزن میں میزبانی کے فرائض سر انجام دینے کے لیے سلو میاں نے تگڑا سودا کیا ہے اور وہ اس بار پچھلے سیزن سے زیادہ معاوضہ وصول کریں گے۔

بھارتی میڈیا رپورٹس میں دعویٰ کیا گیا ہے کہ سلمان خان ’بگ باس‘ سیزن 12 کی میزبانی کے لیے ایک قسط کے 14 سے 15 کروڑ بھارتی روپے چارج کریں گے۔

رئیلٹی شو ’بگ باس‘ سیزن 12 اگلے مہینے کے وسط سے شروع کیا جائے گا تاہم اگر پچھلے شو کی طرح 30 قسطیں ہوئیں تو سلو میاں کی اس بار کل کمائی 420 کروڑ بھارتی روپےہوجائے گی جو کہ بھارتی ٹی وی کی تاریخ کا سب سے زیادہ معاوضہ ہوگا۔

یاد رہے کہ سلمان خان نے سیزن 11 میں ایک قسط کی میزبانی کا معاوضہ 11 کروڑ بھارتی روپے وصول کیا تھا جب کہ یہ شو 15 ہفتے جاری رہا تھا اور اس کی 30 قسطیں نشر کی گئیں تھیں جس پر ان کی مجموعی کمائی 330 کروڑ بھارتی روپے بنی تھی۔

ایک فلم کا سوا ارب روپے معاوضہ لینے والا اداکار

ویسے تو رواں برس مئی میں یہ خبر سامنے آئی تھی کہ برطانوی اداکار ڈینیئل کریگ کو آنے والی جیمز بانڈ میں جاسوس کا کردار ادا کرنے کے لیے ایک یا 2 نہیں بلکہ 7 ارب روپے معاوضہ دیا جائے گا۔

ڈینیئل کریگ کو جیمز بانڈ کی 25 ویں فلم ‘007’ میں برطانوی خفیہ ایجنسی کے جاسوس کا کردار نبھانے کے لیے 50 ملین پاؤنڈ یعنی پاکستانی 7 ارب روپے سے زائد پیسے دیے جائیں گے۔

تاہم اب اطلاعات ہیں کہ ایک اور برطانوی اداکار کو آنے والی سائنس فکشن فلم میں کردار ادا کرنے کے لیے کم سے کم ایک ارب 17 کروڑ روپے سے زائد کا معاوضہ دیا جائے گا۔

جی ہاں، برطانوی اداکار 42 سالہ بینڈکٹ کمبربیچ کو آنے والی فلم ‘ڈاکٹر اسٹرینج 2’ میں اداکاری کرنے پر پاکستانی ایک ارب 17 کروڑ 84 ہزار روپے سے زائد کا معاوضہ دیا جائے گا۔

برطانوی اخبار ‘مرر’ کی رپورٹ کے مطابق ذرائع کے مطابق بینڈکٹ کمبربیچ کو فلم میں کام کرنے کے لیے 75 لاکھ برطانوی پاؤنڈ دیے جائیں گے، جو پاکستانی ایک ارب 17 کروڑ روپے سے زائد بنتے ہیں۔

اداکار ڈاکٹر اسٹرینج کا کردار ادا کریں گے—اسکرین شاٹ
اداکار ڈاکٹر اسٹرینج کا کردار ادا کریں گے—اسکرین شاٹ

یہ فلم 2016 میں آنے والی ‘ڈاکٹر اسٹرینج’ کا سیکوئل ہوگی، اس سیریز کی پہلی فلم میں بھی بینڈکٹ کیمبر بیچ نے ہی اداکاری کی تھی۔

ڈاکٹر اسٹرینج کا کردار نبھانے والے بینڈکٹ کمبربیچ کو 2 سال قبل ریلیز ہونے والی فلم میں کام کے لیے 50 لاکھ پاؤنڈ یعنی پاکستانی 78 کروڑ روپے سے زائد کا معاوضہ دیا گیا تھا۔

خیال کیا جا رہا ہے کہ ‘ڈاکٹر اسٹرینج 2’ پر رواں برس کے اختتام یا پھر آئندہ سال کام کا آغاز کیا جائے گا۔

ڈاکٹر اسٹرینج کی فلم کے علاوہ اسی کردار کو بینڈکٹ کیمبرج نے ‘انفنٹی اوینجر وار’ اور ‘تھور رینگورک’ میں بھی ادا کیا تھا۔

دپیکا ایک بارپھررنبیرکویاد کرنے لگیں

ممبئی: بالی ووڈ اداکارہ دپیکا پڈوکون کو ایک بار پھراپنے پرانے گہرے دوست رنبیر کپور کی یاد ستانے لگی ہے۔

بالی ووڈ اداکارہ دپیکا پڈوکون اوررنویرسنگھ جلد ہی شادی کے بندھن میں بندھنے والے ہیں جس کے باعث وہ آج کل خوب خبروں کی زینت بنی ہوئی ہیں۔ ’ورلڈ فوٹو گرافی ڈے‘ پرفنکاروں کی جانب سے مختلف تصاویر شیئرکرائی گئیں اوریادیں تازی کی گئیں تاہم دپیکا نے یہ دن تھوڑا منفرد اندازمیں منایا جس سے کچھ پرانی یادیں تازہ ہوگئیں.

اداکارہ نے ’ورلڈ فوٹوگرافی ڈے‘ مناتے ہوئے اپنے سابق گہرے دوست رنبیرکپور کی تصویر شیئر کرائی جو 2015 میں ریلیز ہونے والی فلم ’تماشا‘ سے لی گئی تھی۔ تصویر میں دیکھا جاسکتا ہے کہ رنبیر کپورایک پہاڑ پر بیٹھے ہیں اوردہپیکا پڈوکون ان کی تصویر لے رہی ہیں جب کہ تصویر میں منظر بہت خوبصورت لگ رہا ہے۔ یہ تصویر اداکارہ کی جانب سے اس وقت شیئر کرائی گئی ہے جب وہ جلد ہی اداکار رنویر کپور سے شادی کے بندھن میں بندھنے والی ہیں۔

واضح رہے کہ اداکارہ دپیکا اوراداکاررنویر 20 نومبر کو اٹلی میں شادی کے بندھن میں بندھ جائیں گے جب کہ شادی کی تقریب سادگی سے منعقد کی جائے گی جس میں صرف 30 مہمانوں کو مدعو کیا جائے گا۔

سنی لیون کی سلومیاں سے انوکھی خواہش

ممبئی: بالی ووڈ کی بے باک اداکارہ سنی لیون نے سلومیاں  سے ملاقات کرنے  کی صورت میں  انوکھی خواہش کا اظہار کیا ہے۔

بھارتی میڈیا رپورٹس کے مطابق بالی ووڈ کی آئٹم گرل سنی لیون سے ایک ویب سائٹ نے انٹرویو لیا جس میں اُن سے معروف شخصیات سے متعلق دلچسپ سوالات پوچھے گئے کہ اگر وہ ہالی ووڈ اور بالی ووڈ کے  نامور اداکاروں سے ملتی ہیں تو وہ کس طرح کی خواہش کا اظہار کریں گی۔

پروگرام کے میزبان نے انٹرویو میں سنی لیون کے سامنے سب سے پہلے بالی ووڈ کنگ شاہ رخ خان کا نام لیا جس پر سنی لیون نے کہا کہ مجھے نہیں پتہ کہ میں شاہ رخ سے مل کر کیا کروں گی اور کیا کہوں گی لیکن جب بھی اُن سے ملوں گی تو مجھے شرم آجائے گی۔

دوسری بار میزبان نے ہالی ووڈ کے معروف اداکار ٹام کروز کا نام لیا تو سنی لیون نے جذباتی انداز میں کہا کہ ’میں ٹام کو دیکھ کر اُن کی مشہور فلم  ’ ٹام گن ‘ کا رومانوی سین کرنے کی درخواست کروں گی اور ٹام ہانکس سے ملاقات کرنے کی صورت میں زیادہ سے زیادہ ان کی خیریت دریافت کروں گی۔

انٹرویو میں دلچسپ موڑ تب دیکھنے میں آیا جب سنی لیون نے سلو میاں کے ساتھ کچھ منفرد کرنے کی خواہش ظاہر کی، انہوں نے کہا کہ جب وہ  سلمان خان سے ملیں گی تو  اُن سے گزارش کریں گی کہ کیا میں اُن کا کسرتی بازو دبا سکتی ہوں کیوں کہ میں اُن کی دلکش پرستار ہوں۔

Google Analytics Alternative