انٹر ٹینمنٹ

بالی ووڈ ستاروں کی وہ رشتہ داریاں جن سے بہت کم لوگ واقف ہیں

ممبئی: بالی ووڈ نگری میں ایسے کئی ستارے ہین  جن کے رشتے دار بھی  شوبز کی نامور شخصیات ہیں لیکن ان کے آپس کے تعلقات کے بارے میں لوگ کم ہی جانتے ہیں ،یہاں چوپڑا ،جوہر اور کپور کا آپس میں نہ صرف گہرا بلکہ خونی رشتہ بھی ہے ان کے درمیان رشتوں کی نوعیت آپ کو حیران کردے گی،یہاں بالی ووڈ کے نامور اداکاروں کے درمیان رشتوں کی حقیقت پیش کی جارہی ہے یقیناً آپ اب تک اس سے ناواقف ہوں گے۔

اودے چوپڑا،اداکارہ روشنی

فلم محبتیں اور دھوم سے شہرت حاصل کرنے والے بالی ووڈ کے نامور اداکار  اودے چوپڑا کو تقریباً تمام لوگ جانتے ہیں جبکہ اداکارہ روشنی بھارتی ٹی وی کی جانی پہچانی اداکارہ ہیں لیکن ان دونوں کے درمیان خونی رشتے کے بارے میں شاید بہت کم لوگ جانتے ہوں گے،اودے چوپڑا کے والد یش راج چوپڑا اور روشنی کے والد روی چوپڑا آپس میں کزنز ہیں۔

سوناکشی سنہا،پوجا روپل

نامور اداکار شتروگھن سنہا کی بیٹی اداکارہ سوناکشی سنہا فلم دل والے دلہنیا لے جائیں گے سے شہرت حاصل کرنے والی اداکارہ پوجا کی کزن ہیں دونوں کی دادیاں آپس میں سگی بہنیں تھیں۔

عامر خان ،علی ظفر

بالی ووڈ کے معروف اداکار عامر خان پاکستان کے باصلاحیت اداکار علی ظفر کی اہلیہ عائشہ فاضلی کے کزن ہیں۔

لتا منگیشکر،شردھا کپور

سُروں کی ملکہ لتا منگیشکر کو کون نہیں جانتا لیکن یہ بات شاید بہت کم لوگ جانتے ہوں گے کہ لتا منگیشکر اور آشا بھوسلے معروف اداکارہ شردھا کپور کی رشتے دار ہیں ،شردھا کے دادا لتا منگیشکر کے کزن تھے۔

کاجول،رانی مکھر جی

بالی ووڈ کی معروف اداکارہ اور اجے دیوگن کی اہلیہ کاجول اداکارہ رانی مکھرجی کی کزن ہیں جبکہ تنیشا مکھرجی ان کی چھوٹی بہن ہیں۔

شبانہ اعظمی،تبو

بھارتی فلم انڈسٹری کی ماضی کی معروف اداکارہ شبانہ اعظمی اداکارہ تبو کی سگی خالہ ہیں ،تبوکی والدہ رضوانہ ہاشمی شبانہ اعظمی کی بہن ہیں۔

کرن جوہر،آدیتیہ چوپڑا

بالی ووڈ کے نامور ہدایت کار کرن جوہر اور مشہور پروڈیوسر آدیتیہ چوپڑا آپس میں فرسٹ کزن ہیں۔

سونم کپور،رنویر سنگھ

مشہور اداکار انیل کپور کی بیٹی اداکارہ سونم کپور بھارتی شوبز انڈسٹری کے نامور اداکار رنویر سنگھ کی کزن ہیں ،سونم کپور کی نانی اور رنویر کے دادا آپس میں بہن بھائی تھے۔

سائنس فکشن فلم ’دی ری کال‘ کا نیا ٹریلر جاری

مورو بوریلی کی ہدایتکاری میں بننے والی اس فلم کی کہانی ایسے 5دوستوں کے گرد گھوم رہی ہے جو چھٹیاں گزارنے کیلئے ایک ویران جگہ کا رخ کرتے ہیں اور پھر مشکلات میں گھر جاتے ہیں۔

فلم کی کاسٹ میں آر جے میٹ، ویسلے اسنائپس، گراہم شیلز، ایلیشا کرس، ہناہ روز مے، ٹریسی ہوے اور ڈین بومین سمیت دیگر اداکار شامل ہیں۔

ڈیرن بیننگ اور پیٹرک فشر کی مشترکہ پروڈیوس کردہ ایکشن سے بھرپور یہ فلم 2جون کو سینما گھروں کی زینت بنے گی۔

کامیڈی ،ڈرامہ فلم ’لوگن لکی‘ کا پہلا ٹریلر

ہدایتکاراسٹیون سوڈربرکی اس فلم کی کہانی 2 ایسے بھائیوں کے گرد گھوم رہی ہے، جو کار ریسنگ کے دوران ڈکیتی کا منصوبہ تیار کرتے ہیں۔

سالانہ ریسنگ ایونٹ سے حاصل ہونے والی کمائی غائب کرنے کیلئے یہ دونوں بھائی ایک پیشہ ور مجرم کی مدد حاصل کرتے ہیں اور اسے جیل سے فرار کروا کر ڈیل کر لیتے ہیں۔

مارک جانسن، چیننگ ٹیٹم اورریڈ کیرولین کی مشترکہ پروڈکشن میں بننے والی اس فلم میں اداکار ڈینئیل کریگ، کیٹی ہومز، ایڈم ڈرایور، سبیسٹیئن اسٹین، جیک کوئیڈ، کیتھرین واٹر اسٹون، سیٹ میکفرلینڈ، چیننگ ٹیٹم اور ہیلری سوانک سمیت کئی فنکار اہم کرداروں میں جلوۂ گرہورہے ہیں۔

کامیڈی اور ڈرامے سے بھرپور اس سنسنی خیز فلم کو رواں سال18اگست کو سنیماگھروں میں نمائش کیلئے پیش کر دیا جائے گا۔

امریکی باکس آفس پرقزاقوں نے قبضہ جمالیا

’ سپراسٹار جانی ڈیپ کی پائریٹس آف دی کیریبیئن ، ڈیڈ مین ٹیل نوٹیلز‘ نے 6 ارب 22کروڑ روپے بٹورکرپہلی پوزیشن حاصل کرلی تاہم ڈزنی کی اس فرنچائز کی دیگر فلموں کی اوپننگ سے اس کا بزنس کم رہا ۔

کہکشاؤں کے محافظوں کی ا جنبی مخلوق سے لڑائی بھی پسند کی جارہی ہے۔’گارڈینزآف دی گلیکسی 2‘ دوارب روپے سمیٹ کردوسرے نمبرپررہی ۔

ماضی کی مقبول ٹیلی ویژن سیریز ’بے واچ‘ سمندر میں لوگوں کی جانیں بچانے والے لائف گارڈز کی کہانی ہے جسے پہلی بارسلوراسکرین پرپیش کیا گیا ہے۔

سپر اسٹار ڈاونی جانسن اور بالی ووڈ اداکارہ پریانکا چوپڑا کی اداکاری سے سجی فلم ’بے واچ‘ توقع کے برعکس پہلے ہفتے میں بڑا بزنس نہ کرسکی اورایک ارب 80 کروڑ کما کرتیسرے نمبرپربراجمان ہے۔

لاہور : اسٹیج اداکارہ فیا خان کے گھر نامعلوم افراد کی فائرنگ

لاہور کے علاقے نواب ٹاؤن میں اسٹیج اداکارہ فیا خان کے گھر پر فائرنگ کا واقعہ پیش آیا ہے۔

فائرنگ سے گھر کی کھڑکیوں اوردروازوں کو نقصان پہنچا، پولیس نے ایف آئی آر درج کر کے تفتیش شروع کردی ہے ۔

لاہورکے علاقے نواب ٹاؤن میں اسٹیج اداکارہ نوشابہ عرف فیا خان کے گھر پر فائرنگ کا ملزم گرفتارنہیں ہوسکا، ملزم نے دھمکانے کے لیے ہوائی فائرنگ کی، ویڈیو بھی اداکارہ کوبھیجی، پولیس نے مقدمہ درج کرکےتفتیش شروع کر دی ہے۔

اداکارہ فیاخان کےمطابق،اس کے گھرپر فائرنگ گزشتہ رات کی گئی، جس سے کھڑکیوں اور دروازوں کو نقصان پہنچا۔

پولیس نےافتخار نامی ملزم کے خلاف مقدمہ تودرج کر لیاتاہم ابھی تک ملزم کوگرفتاری نہیں کرسکی۔

اداکارہ کے مطابق ملزم نے اسےکسی نا معلوم مقام سے فائرنگ کی ویڈیو بھی بھجوائی ہے اوردھمکی دی ہے کہ اسی طرح اسے بھی گولیاں ماردے گا۔

اداکارہ نےیہ ویڈیوبھی پولیس کو فراہم کر دی ہے۔پولیس کے مطابق ملزم کی گرفتاری کے لیے چھاپے مارے جا رہے ہیں۔

شاہ رخ خان ہالی ووڈ اداکاربریڈ پٹ کے استاد بن گئے

ممبئی: بالی ووڈ کے کنگ شاہ رخ خان اب ہالی ووڈ کے مایہ ناز اداکار بریڈ پٹ کے بھی استاد بن گئے ہیں۔

بھارتی میڈیا رپورٹس کے مطابق ہالی ووڈ کے معروف اداکار بریڈ پٹ اپنی نئی آنے والی فلم ’وارمشین‘ کی پروموشن کے لیے بھارت پہنچے، ممبئی کے ایک ہوٹل میں ان کی فلم کی تشہیر کے لیے تقریب کا اہتمام کیا گیا جس میں شاہ رخ خان بھی شریک تھے۔

شاہ رخ خان کے ساتھ بات چیت کے دوران اداکاربریڈ پٹ نے کہا کہ وہ بالی ووڈ میں انٹری نہیں دے سکتے کیونکہ انہیں ڈانس کرنا نہیں آتا، جس پر شا ہ رخ کا ہنستے ہوئے کہنا تھا کہ ہم کسی کو بھی ڈانس کرنا بہت آسانی سے سکھا دیتے ہیں، میں صرف اپنی باہیں کھولتا ہوں تو وہ ایک ڈانس اسٹائل کہلاتا ہے جب کہ اداکارنے بریڈ پٹ کو ڈانس کی کچھ ٹپس بھی دیں۔

شاہ رخ خان نے سماجی رابطے کی ویب سائٹ ٹوئٹر پر اپنی اور بریڈ  کی تصویر بھی شئیر کرتے ہوئے کہا کہ انہیں بریڈ پٹ سے مل کر اچھا لگا جب کہ انہوں نے بریڈ پٹ کو ڈانس جاری رکھنا کا بھی کہا۔

My best 2 David & Brad for the release of War Machine on @netflix Pleasure to meet u both & Brad the dance remains

بات چیت کے دوران جب گلوکاری کی بات آئی توایک دم بریڈ پٹ پھربولے کہ انہیں گلوکاری بھی نہیں آتی جس پرشا ہ رخ خان نے کہا کہ گلوکاری تو انہیں بھی نہیں آتی ہے اورفلموں میں سیٹ کے پیچھے کوئی اورہی گاتا ہے۔ بریڈ پٹ نے بات کو آگے بڑھاتے ہوئے کہا کہ ان کی فلم ’ان ٹری آف لائف‘ میں انہیں پیانو بجانا تھا جو انہیں نہیں آتا تھا لیکن فلم میں میری جگہ کسی اور لڑکے کو پیانو بجاتے ہوئے دکھایا گیا جس کے ہاتھ میرے جیسے تھے۔

فلم ’ڈیسپی کیبل مِی3‘ کانیا ٹریلر جاری

2010 اور 2013 میں سنیما گھروں میں کھڑکی توڑ بزنس کرنے والی بلاک بسٹر فلم سیریزڈیسپی کیبل مِی سلسلے کی اس تیسری فلم کو پیری کوئفین اورکیئل بیلڈا نے مشترکہ طور پر ڈائریکٹ کیا ہے جس کی کہانی ایک بار پھر گرو(Gru) نامی کردار کے گِرد گھومتی ہے جو قیمتی ہیرے چوری کرنیوالے انوکھے چور کو پکڑنے کیلئے اس کا پیچھا کرتادکھائی دیتا ہے۔

ببل گم کے ذریعے چوری کرنے والے ڈانسنگ کے شوقین اس چور کو پکڑنے کی کوشش میں گرو کو نہ صرف انوکھے چیلنجز کا سامنا کرنا پڑتا ہے بلکہ اس دوران اسے اپنا برسوں پہلے کھویا ہوا بھائی ڈرو(Dru)بھی مل جاتا ہے جس میں اسے مینیزز کی بھی مدد حاصل ہوتی ہے۔

کرس میلن اورجینیٹ ہیلے کی پروڈکشن میں بننے والی اس فلم کے دلچسپ اینیمیٹڈ کرداروں کے ڈائیلاگ ہالی وُڈ کے نامور اداکار اسٹیوکیرل، کرسٹن ویگ، ٹیری پارکر، مرینڈاکوسگروو ، رسل برینڈ اور مائیکل بیٹیے کی آوازوں میں ریکارڈ کئے گئےہیں۔

الیمینیشن انٹرٹینمنٹ کی تیارکردہ مینینزز اور گروو سمیت دیگر کئی دلچسپ کرداروں پر مبنی یہ کمپیوٹر تھری دی اینیمیٹڈ کامیڈی فلم30جون کو یونیورسل پکچرز کے تحت سنیما گھروں میں دھوم مچانے آرہی ہے۔

بھارتی گلوکار ابھیجیت کا ٹوئٹر اکاؤنٹ بند کردیا گیا

ممبئی: بھارتی گلوکار ابھیجیت بھٹاچاریہ جتنا سریلا گلا رکھتے ہیں اتنی ہی گندی سوچ اور زہریلی زبان بھی استعمال کرتے ہیں یہی وجہ ہے کہ وہ اپنے شدت پسند رجحانات کی بدولت ایک بڑے حلقے میں ناپسندیدہ سمجھے جاتے ہیں اور اب نازیبا الفاظ استعمال کرنے پر ٹوئٹر انتظامیہ نے ان کا اکاؤنٹ ہی بند کردیا ہے۔

ابھیجیت بھٹاچاریہ نے چند روز قبل سماجی رابطے کی ویب سائیٹ ٹوئٹر پر نئی دلی کی جواہر لال نہرو یونی ورسٹی کی طلبہ رہنما شہلا راشد پر جسم فروشی کا الزام لگاتے ہوئے نازیبا الفاظ استعمال کیے تھے، جس پر سوشل میڈیا کے دیگر صارفین نے ردعمل میں شدید غم و غصے کا اظہار کیا۔ ٹوئٹر نے کارروائی کرتے ہوئے انتہا پسند بھارتی گلوکار کا اکاؤنٹ بند کردیا۔ شہلا راشد نے ٹوئٹر صارفین کا شکریہ ادا کیا جنہوں نے ابھیجیت بھٹاچاریہ کے خلاف ان کی حمایت کی تھی۔

اکاؤنٹ بند کرنے پر تبصرہ کرتے ہوئے ابھیجیت بھٹاچاریہ نے کہا کہ انہیں اس سے کوئی فرق نہیں پڑتا کیونکہ پورا بھارت میرے ساتھ ہے۔ ادھر سونو نگم نے ابھیجیت بھٹاچاریہ کی حمایت میں ٹوئٹر پر جانبداری کا الزام لگاتے ہوئے اپنا اکاؤنٹ ڈیلیٹ کردیا۔

قبل ازیں شہلا راشد نے الزام لگایا تھا کہ بھارت کی مختلف ریاستوں میں سرکاری وزرا جسم فروشی کے دھندہ چلا رہے ہیں۔

واضح رہے کہ ابھیجیت بھٹاچاریہ مسلمانوں خصوصا پاکستان کے خلاف ہرزہ سرائی کے حوالے سے بھی بہت مشہور ہیں۔ گزشتہ برس بالی ووڈ میں جب پاکستانی فنکاروں کا عرصہ حیات تنگ کیا گیا تو ابھیجیت بھٹا چاریہ زہر اگلنے والوں میں پیش پیش تھے۔

Google Analytics Alternative