انٹر ٹینمنٹ

بیٹی ترشلا اداکارہ بنتی تو ٹانگیں توڑ دیتا، سنجے دت

ممبئی: بالی ووڈ کے منا بھائی اداکارسنجے دت کا کہنا ہے کہ کچھ عرصے قبل ان کی بیٹی ترشلا دت اداکارہ بننا چاہتی تھیں اوراگروہ اداکارہ بن جاتی تو میں ترشلا کی ٹانگیں توڑ دیتا۔

بھارتی میڈیا رپورٹس کے مطابق بالی ووڈ اداکارسنجے دت کا کہنا ہے کہ ان کی بیٹی ترشلا دت بھی بالی ووڈ میں انٹری کے خواب دیکھنے لگی تھیں، ترشلا اداکارہ بننا چاہتی تھی اوراگر وہ اداکارہ بن جاتی تومیں اس کی ٹانگیں ٹور دیتا۔ اداکارنے کہا کہ انہوں نے اپنی بیٹی کی بہترین تعلیم کے لیے بہت وقت اورتوانائی صرف کی ہے، بیٹی کے بہترین کرئیرکے لیے اچھے کالج میں داخلہ دلایا جہاں اس نے بہترین کارکردگی دکھائی، بیٹی نے فارنزک سائس میں تعلیم حاصل کی ہے جو میرے خیال میں اس کے لیے بہترین فیلڈ ہے۔

سنجے دت نے کہا کہ اداکاربننا آسان نہیں ہوتا خاص طورپرترشلا کے لیے جسے ہندی زبان پرصحیح طرح عبوربھی حاصل نہیں، اگروہ اداکارہ بننا بھی چاہتی تھی تواسے ہندی پربہت محنت کرنا پڑتی کیونکہ انگریزی زبان کا اس انڈسٹری میں کوئی کام نہیں اوریہ سب ترشلا کے لیے بہت مشکل ہوتا۔ اداکارسے جب بچوں کے ساتھ ان کے تعلقات کے حوالے سے پوچھا گیا توان کا کہنا تھا کہ میرا بچوں کے ساتھ خوبصورت رشتہ ہے جب کہ مجھے والد سنیل دت کی یہ بات اکثریاد آجاتی ہے کہ میں تمہارا دوست نہیں بلکہ باپ ہوں۔

اداکارنے کہا کہ انڈسٹری کے ساتھ ان کا تجربہ بہترین ہے، جب  وہ جیل میں سزا کاٹ رہے تھے توانہیں ہرپل انڈسٹری بہت یاد آتی تھی، مجھے انڈسٹری میں ایک عام ٹیکنیشئین سے لے کر اداکاروہدایتکاروں کی بہت زیادہ یاد آئی اورجب جیل سے واپس آیا تو مجھے لگا کہ میں واپس اپنے خاندان سے جڑگیا۔

امیتابھ کا بیٹے اور بیٹی میں برابر جائیداد تقسیم کرنے کا اعلان

ممبئی: بالی ووڈ کے میگا اسٹار امیتابھ بچن نے بیٹی شویتا بچن اور بیٹے ابھیشیک بچن کے درمیان جائیداد کی یکساں تقسیم کا اعلان کیا ہے۔

بھارت کے اکثر طبقہ فکر میں لڑکیوں سے امتیازی سلوک برتا جاتا ہے جب کہ وہاں لڑکیوں اور خواتین کے حقوق کی آگاہی کے لیے کئی مہمات شروع کی گئی ہیں جس میں نامور فلمی ستاروں نے شرکت بھی کی ہے لیکن اب اسی امتیازی سلوک کو ختم کرنے کے لیے امیتابھ بچن نے بڑا اعلان کردیا ہے۔

بالی ووڈ اسٹار امیتابھ بچن صنفی امتیاز کو ختم کرنے کی مہم میں شریک ہوگئے ہیں اور انہوں نے سماجی رابطے کی ویب سائٹ ٹوئٹر پرایک تصویر شیئر کی ہے جس میں انہوں نے پلے کارڈ اٹھا رکھا ہے جب کہ پلے کارڈ پر’’جب میں نہیں رہوں گا تو اپنے پیچھے چھوڑ جانے والے اثاثے میری بیٹی اور بیٹے کے درمیان برابر تقسیم کیے جائیں گے‘‘ کا پیغام درج ہے جس کے ساتھ صنفی برابری اورہم سب ایک ہیں کا ہیش ٹیگ استعمال کیا گیا ہے۔

ڈرامہ فلم ’سینڈ کیسل‘کا پہلا ٹریلر جاری

ایکشن سے بھرپور فلموں کے مداح ہوجائیں تیار کیونکہ برٹش وار ڈرامہ فلم ’سینڈ کیسل‘کا پہلا ٹریلر جاری کردیا گیا ہے۔

فرنینڈو کوئمبرا کی ہدایتکاری میں بننے والی یہ فلم 2003ء میں عراق جنگ میں پیش آنے والے حقیقی واقعے پر مبنی ہے جس کی کہانی ایک ایسے فوجی اہلکار کے گرد گھوم رہی ہے جسے پلاٹون کے ہمراہ ایک خطرناک قصبے میں پانی کے تباہ حال سسٹم کی بحالی کیلئے بھیجا جاتا ہے۔

فلم میں اداکاری کے جوہر دکھانے والوں میں نکولس ہالٹ، ہینری کیول، لوگن مارشل، ٹومی فلینیگن، گلین پاور اور نیل براؤن جونیئر سمیت دیگر اداکار شامل ہیں۔

مارک گورڈ ن کی پروڈیوس کردہ یہ فلم نیٹ فلکس کے بینر تلے 14اپریل کو سینما گھروں کی زینت بنے گی۔

شاہ رخ خان نے گوری سے 3 بار شادی کیوں کی؟

ممبئی: بالی ووڈ کے کنگ شاہ رخ خان اور  گوری کی شادی کو 26 سال ہوگئے لیکن اب پہلی بار انکشاف ہوا ہے کہ دونوں نے شادی ایک نہیں، دو نہیں بلکہ  3 بار کی تھی۔

بالی ووڈ اسٹار شاہ رخ خان اور ان کی اہلیہ گوری خان  کم عمری سے ہی ایک دوسرے کی محبت میں گرفتار تھے لیکن دونوں کی شادی میں مذہب آڑے آرہا تھا  کیوں کہ کنگ خان مسلمان اور گوری ہندو ہیں جب کہ دونوں  نے کسی بھی مسئلے سے بچنے کے لیے 26 اگست 1991 کو عدالت میں شادی کرلی تاہم اب کنگ خان کی گوری سے 3 بار شادی کا انکشاف ہوا ہے۔

شاہ رخ خان  نے گوری سے پہلی بار  عدالت میں شادی اس لئے کی کہ اگر دونوں  کے خاندان کوئی کارروائی کرنا چاہیں تو کسی قسم کا مسئلہ کھڑا نہ ہو جب کہ دوسری بار  کنگ خان نے  گوری کو اسلام قبول کرا کر نکاح کیا اور ان کا اسلامی نام عائشہ رکھا جب کہ تیسری باران کی شادی 25 اکتوبر 1991 کو  ہندو  رسم و رواج کے تحت  ہوئی جس میں دونوں خاندان کے قریبی افراد نے شرکت کی  تاہم 3 بار شادی کے باوجود کنگ خان 25 اکتوبر کو ہی شادی کی سالگرہ مناتے ہیں اور  ان کی شادی کو 26 سال ہوچکے ہیں۔

عالیہ بھٹ اورورون دھون ایک بار پھر ساتھ

حال ہی میں فلم فئیر اپنے نام کرنے والی بالی ووڈ اسٹار عالیہ بھٹ اور ورون دھون ایک بار پھر اپنے مداحوں کو ایک ساتھ نظر آئیں گے۔

ششانک کھیتن کی ہدایتکاری اور کرن جوہر کی پروڈیوس کردہ اس فلم میں عالیہ بھٹ اور ورون دھون مرکزی کردار میں نظر آئیں گے ۔

فلم کی دیگر کاسٹ میں گوہر خان،موہت مروہ اور شویتاباسو پراساد شامل ہیں۔واضح رہے فلم ‘’’بدریناتھ کی دلہنیا‘‘رواں سال 10مارچ کو سینما گھروں میں نمائش کیلئے پیش کی جائیگی۔

بریڈ پٹ قابل تعریف باپ ہیں، انجلینا جولی

بچوں پر جھگڑا ہوا،بات طلاق تک جا پہنچی ،علیحدگی ہوئی مگر اب دل کی کڑواہٹ مٹھاس بن گئی، انجلینا جولی نے اپنے سابق شوہر بریڈ پٹ کی تعریفوں کے پل باندھ دیئے اورانہیں قابل تعریف باپ قرار دے دیا۔

امریکی نجی ٹی وی چینل کے مارننگ شو میں انٹرویو دیتے ہوئے انجلینا جولی کا دل بھر آیا،میزبان نے طلاق کے فیصلے اور اس کے بعد گذارے گئے پانچ ماہ سے متعلق سوال پوچھا تو جولی خاموش ہو گئیں۔پھر کچھ سوچتے ہوئے بولیں کہ ہم اپنی فیملی کی صحت پر توجہ دے رہے ہیں ،طلاق کے باوجود بریڈ پٹ اور ان کے چھ بچے ہمیشہ فیملی رہیں گے۔

انجلینا جولی آج کل اپنی فلم ‘’فرسٹ دے کل مائی فادر‘کی تشہیر میں مصروف ہیں ۔ کمبوڈیا کی بچی کی زندگی پر بنی اس فلم کی ہدایت کارہ بھی وہ خود ہیں ۔

فلم ’رئیس‘ کی کامیابی کے باوجود بھی ماہرہ افسردہ

ممبئی: بالی ووڈ سپر اسٹار شاہ رخ خان کے ساتھ رئیس کے ذریعے بھارتی فلم انڈسٹری میں ڈیبیو کرنے والی پاکستانی اداکارہ ماہرہ خان کی پہلی انٹری نے ہی بھارت سمیت دیگر ممالک میں کھڑکی توڑ بزبس کیا لیکن اس کے باوجود اداکارہ افسردہ ہیں۔

پاکستانی اداکارہ ماہرہ اور شا ہ رخ کی فلم ’رئیس‘ اپنی ریلیز کے بعد باکس آفس پرچھائی رہی اور بھارت سمیت بہت سے ممالک میں کھڑکی توڑ بزنس بھی کیا لیکن رئیس کی شاندار کامیابی کے باوجود ادکارہ افسردہ ہیں اور انہوں نے سوشل میڈیا ایپ انسٹگرام پر ایک وڈیو شئیر کی جس میں وہ بالی ووڈ کی بلاک بسٹر فلم ’دل والے دلہنیا لے جائیں گے‘ کی اداکارہ کاجول کی طرح کھیتوں میں رقص کرتی نظر آ رہی ہیں۔

وڈیوکے ساتھ اداکارہ نے لکھا کہ انہیں افسوس ہے کہ فلم ’رئیس‘ میں وہ یہ سب نہیں کرسکیں جیسے اداکارہ کاجول نے فلم ’دل والے دلہنیا لے جائیں گے‘ میں کیا تھا۔

واضح رہے کہ راہول ڈھولکیا کی ہدایت کاری میں بننے والی فلم ’رئیس‘ میں ماہرہ نے شاہ رخ  کی اہلیہ کا کردار ادا کیا ہے۔

نئی اینیمیٹڈ فلم ’دی نٹ جاب2 نٹی بائے نیچر‘کانیاٹریلر جاری

کینیڈا کی تھری ڈی کمپیوٹر اینیمیٹڈ کامیڈی فلم ’دی نٹ جاب2 نٹی بائے نیچر‘کانیا ٹریلر جاری کردیا گیا ہے۔

ہدایتکارکال برنکر کی اس فلم کی کہانی ایک گلہری سرلی اور اسکے دوست چوہے بڈی کے گرد گھومتی ہے۔ جو نٹ اسٹور میں نقب زنی کا منصوبہ بناتے ہیں اور پھر خود ایک غیر متوقع پیچیدہ ایڈونچر کا حصہ بن کر رہ جاتے ہیں۔

ہیری لنڈن اورباب بارلن کی مشترکہ پروڈیوس کردہ اس فلم میں مختلف اینیمیٹڈ کرداروں کیلئے وِل آرنیٹ ،گیبریئل ایگلیسیاس،کیتھرین ہیل اورپیٹر اسٹور میئرسمیت ہالی ووڈ کے کئی صفِ اول کے اداکاروں کی آوازیں ریکارڈ کی گئی ہیں۔

کامیڈی اور ایڈونچر سے بھرپور یہ کمپیوٹر اینیمیٹڈ فلم اوپن روڈ فلمز کے تحت رواں سال 18 اگست کو سینما گھروں کی زینت بنے گی۔

Google Analytics Alternative