صحت

احمد فراز کو دنیا سے بچھڑے 7 برس بیت گئے

ahmed-faraz

ترقی پسند اور محبت کی شاعری پیش کر نے والے شاعر احمد فراز کو اپنے مداحوں سے بچھڑے 7 برس ہو گئے۔

4 جنوری 1931 کو کوہاٹ میں پیدا ہونے والے احمد فرازاردو، فارسی، پنجابی سمیت دیگر زبانوں پربھی مکمل عبور رکھتے تھے۔ احمد فراز نے ہزاروں نظمیں اوردرجنوں مجموعہ کلام بھی تحریرکیے۔ احمد فرازکے تین بیٹے سعدی فراز، شبلی فراز اور سرمد فراز ان کا نام زندہ و جاوید رکھے ہوئے ہیں، ترقی پسندانہ شاعری کے باعث انھیں جنرل ضیاء الحق کے دور میں گرفتار کرکے 6 سال تک پابند سلاسل بھی رکھا گیا۔

احمد فراز کی شاعری پر مبنی ان کے 14 مجموعہ کلام شائع ہوئے جن میں تنہا تنہا، دردآشوب، شب خون، نایافت، میرے خواب ریزہ ریزہ، بے آواز گلی کوچوں میں، نابینا شہر میں آئینہ، پس انداز موسم، سب آوازیں میری ہیں، خواب گل پریشاں ہے، بود لک، غزل بہانہ کروں، جاناں جاناں اور اے عشق جنوں پیشہ شامل ہیں۔

احمد فراز کو ہلال امتیاز، ستارہ امتیاز، نگار ایوارڈز اور ہلال پاکستان سے بھی نوازا گیا، مختلف یونیورسٹیز اوردیگر تعلیمی اداروں میں ماہر تعلیم کے طور پر بھی اپنے فرائض سر انجام دینے والے کڈنی فیلیئر کے باعث 25 اگست 2008 کو اپنے مالک حقیقی سے جاملے۔

آئی سی سی ٹیسٹ رینکنگ: یاسر شاہ اور یونس خان کی ایک ایک درجہ ترقی

younis-yasir

انٹرنیشنل کرکٹ کونسل نے نئی ٹیسٹ رینکنگ جاری کر دی ہے جس کے مطابق قومی ٹیم کے کھلاڑی یونس خان ایک درجہ ترقی کے بعد بہترین کھلاڑیوں کی فہرست میں ساتویں نمبر سے چھٹے نمبر پر آ گئے ہیں ۔

آئی سی سی کی جانب سے جاری کر دہ نئی ٹیسٹ رینکنگ کے مطابق بہترین کھلاڑیوں کی فہرست میں پہلے نمبر پر سٹیون سمتھ براجمان ہیں جبکہ قومی ٹیم کے کھلاڑی یونس خان ایک درجہ ترقی کے بعد ساتویں سے چھٹے نمبر پر آ گئے ہیں ۔نئی رینکنگ کے مطابق ٹاپ ٹین باولر ز میں پاکستانی باولر یاسر شاہ ایک درجہ ترقی کے بعد پانچویں سے چوتھے نمبرپر آ گئے ہیں جبکہ پہلے نمبر پر ڈیل سٹائن موجود ہیں

نوبل انعام یافتہ ملالہ یوسف زئی کی تعلیم کے میدان میں بھی شاندار کامیابی

Malala

لندن: تعلیم کے زیور کو عام کرنے والے ملالہ یوسف زئی کو جب نوبل انعام سے نوازا گیا تو کئی لوگوں نے ان کی صلاحیتوں پر شک کا اظہار کیا لیکن اب برطانیہ میں جی سی ایس ای کے امتحان میں کئی اے اور اے ون گریڈ لے کر انہوں نے ثابت کردیا ہے کہ وہی اس انعام کی موزوں ترین حق دار تھی۔

ملالہ یوسف زئی کے والد نے سماجی رابطے کی ویب سائٹ ٹویٹر پر ان کے جی سی ایس ای اور آئی جی سی ایس ای کے امتحاتات کے نتائج کو لگایا تواسے دیکھنے والے ملالہ یوسف زئی کی صلاحیتوں کے معترف ہوئے بنا نہ رہ سکے۔ ملالہ یوسف زئی نے ان امتحانات میں 6 اے پلس اور 4 اے گریڈ حاصل کر کے اپنی ذہانت اور محنت کا ثبوت فراہم کردیا جب کہ ان کے والد کا ٹویٹر پیغام میں کہنا تھا کہ انہیں اور ملالہ کی والدہ کو اپنی بیٹی پر فخر ہے۔

18 سالہ ملالہ یوسف زئی برمنگھم کے ایجبسٹن ہائی اسکول میں زیر تعلیم ہیں اور انہوں نے سائنس مضامین میں اے پلس اور اے گریڈ حاصل کیے ہیں۔ ملالہ نے بائیالوجی، کیمسٹری ، فزکس اور مذہبی تعلیم میں اے پلس گریڈ جب کہ تاریخ، جیوگرافی، انگلشن لینگویج اور انگلش میں اے گریڈ حاصل کیے۔

ایسی عادات جو کینسر سے محفوظ رکھ سکتی ہیں

تمام امراض میں سب سے پریشان کن اور تکلیف دہ بیماری اگر کینسر کو قرار دیا جائے تو یہ غلط نہ ہوگا اور کینسر کی اب تک لاتعداد اقسام دریافت ہوچکی ہیں جب کہ صرف چھاتی (بریسٹ) کینسر کی 14 مختلف اقسام دریافت ہوچکی ہیں پھر ہر شخص کا مرض دوسرے سے مختلف ہوتا ہے اوراسی لیے کینسر کا علاج بہت توجہ اور وقت طلب ہوتا ہے تاہم کچھ ایسی عادات ہیں جنہیں اپنا کر کینسر سے بچا جاسکتا ہے۔

ماہرین کا کہنا ہےکہ اندرونی جسمانی توازن متاثرہونے سے کینسر اپنے بازو پھیلاتا ہے جب کہ ناقص غذا، ورزش میں کمی، منفی خیالات واحساسات اورماحول میں موجود زہریلے مرکبات کینسر کی اہم وجوہ میں ہیں اور ان کا خیال رکھتے ہوئے ہی کینسر کو بڑی حد تک روکا جاسکتا ہے۔

1.متوازن غذا کا استعمال

2. مناسب نیند

3. روزانہ ورزش

4. ذہنی تناؤ پر قابو

تعلیم مکمل نہ کرنے والابھارتی گوگل کا سی ای او بن گیا

Sndar-pichai

انٹر نیٹ کی بڑی کمپنیوں میں سے ایک گوگل نے پیر کے روز اپنی کمپنی کو ایک نئی شکل دے دی ہے۔ گوگل اگرچہ اپنا وجود قائم رکھے گی تاہم اس نے اپنے بہت سے نئے کاروباری معاملات کو مختلف کمپنیوں کی شکل میں ڈھال لیا ہے۔ یہ چھوٹی کمپنیاں ایک بڑی کمپنی ’’الفابیٹ‘‘ کا حصہ ہوں گی۔ گوگل کے چیف ایگزیکٹو آفیسر لیری پیج اب نئی کمپنی کے سی ای او ہوں گے۔ پیج کی جگہ گوگل کے نئے سی ای او بھارتی نژاد سندر پیچائی ہوں گے۔ اگر چہ سندر نے نئی ذمہ داریاں سنبھالنے کے بعد اپنی بلاگ پوسٹ میں لکھا ہے کہ گوگل اب ’’سکڑ‘‘ جائے گی تاہم پیچائی کے پاس کرنے کو اب بھی بہت کچھ ہے۔ گوگل نے اپنے پرانے کاروبار کے بہت سے حصے اپنے پاس رکھے ہیں۔ جو چیزیں اب بھی گوگل اور پیچائی کے پاس ہیں ان میں سرچ، اشتہارات،میپس، ایپس، یو ٹیوب اور اینڈرائڈ شامل ہیں۔ اگر یہ کہا جائے کہ انہی مصنوعات کی وجہ سے گوگل آج دنیا کی بڑی انٹر نیٹ کمپنی ہے تو اس میں مبالغہ نہ ہو گا۔ ان سب چیزوں کا گوگل کے پاس رہنے کا مطلب یہ ہے کہ اب بھی ہزاروں ملازمین پیچائی کو جواب دہ ہوں گے۔ پیچائی سٹین فورڈ یونیورسٹی سے اپنی تعلیم مکمل نہ کر پائے لیکن پچھلی ایک دہائی سے وہ کمپنی کا نمایاں ترین چہرہ ہیں۔ سی سی او کی ذمہ داریاں سنبھالنے سے قبل وہ گوگل کے نائب صدر تھے۔ پیچائی جب سے گوگل میں آئے ہیں انہوں نے ہی اس کی تمام کنزیومر پراڈکٹس کو لوگوں کے سامنے پیش کیا ہے اور وہ کمپنی کی جانب سے منعقدہ تمام سالانہ پروگراموں کی میزبانی بھی کرتے رہے ہیں۔

موبائل فون کی بیٹری جو صرف 5 منٹ میں چارج ہو جائے

نیویارک (نیوز ڈیسک) ہم میں سے ہر کوئی اس مصیبت کا سامنا کرچکا ہے کہ کہیں نکلنے کی جلدی ہوتی ہے اور مختصر وقت میں فون کی بیٹری مکمل چارج کرنا ممکن نہیں ہوتا، مگر ایلومینیم سے بھرے ننھے سیلز والی نئی بیٹری اس مسئلے کو ہمیشہ کیلئے ختم کرنے والی ہے، کیونکہ یہ نئی بیٹری محض 5 منٹ میں مکمل چارج ہوجائے گی۔
اس بیٹری کی طاقت موجودہ لیتھیم آئن بیٹری سے چار گنا زیادہ ہوگی، جبکہ اس کا چارج ختم ہونے میں بھی زیادہ وقت لگتا ہے، یعنی یہ زیادہ لمبے عرصے تک چلتی ہے۔ اسے تیار کرنے کیلئے ایلومینیم کے گرد ٹائٹینیم ڈائی آکسائیڈ کی تہہ لپیٹ کر ننھے انڈے تیار کئے گئے ہیں اور انہیں کی وجہ سے اس ٹیکنالوجی کو Shell and Yolk کا نام دیا گیا ہے۔ موجودہ بیٹریوں میں گریفائیٹ استعمال کیا جاتا ہے، جو کہ کاربن کی ایک شکل ہے، اسے چارج ہونے میں زیادہ وقت لگتا ہے اور اس کا چارج جلد ختم ہوجاتا ہے۔

کائنات رفتہ رفتہ اپنے اختتام کی جانب بڑھ رہی ہے، سائنسدانوں کا انکشاف

لندن: آسمان پر جگمگاتے چاند ستارے اور کہکشائیں رات کی تاریکی میں اپنی چمک سے ایک دلکش منظر پیش کرتے ہیں جو آنکھوں کو سکون اور راحت دیتا ہے لیکن اب سائنس دانوں نے خبردار کیا ہے کہ کائنات کی چمک دمک رفتہ رفتہ ماند پڑ رہی ہے اور اپنی اختتام کی طرف بڑھ رہی ہے۔

دنیا بھر کے 100 سے زائد عالمی شہرت یافتہ سانس دانوں اور ماہرین فلکیات کی جانب سے کئی سالوں سے کی جانے والی تحقیق میں بتایا گیا ہے کہ ہماری کائنات میں چمکتے دمکے اور روشن نظر آنے والے ستاروں اور کہکشاؤں کی روشنی رفتہ رفتہ مدھم ہوتے ہوئے اپنے اختتام کی جانب بڑھ رہی ہے۔ سائنس دانوں کا کہنا ہے کہ کافی عرصے سے ان کا ماننا ہے کہ ستاروں کی روشنی کم ہوتی جارہی ہے لیکن گزشتہ سالوں میں کی جانے والی تحقیق سے اس بات کا انکشاف ہوا ہے کہ ستاروں کی روشنی کم ہونے کا عمل ان کی سوچ سے کہیں تیز ہے۔

پاکستانی لڑکے سمائل نے میدان مار لیا

سیاٹل (نیوز ڈیسک) امریکا میں منعقد ہونے والے ای گیمز کے دنیا کے مہنگے ترین ٹورنامنٹ میں پاکستانی لڑکے سمائل حسن نے ایک دفعہ کامیابی کے جھنڈے گاڑھ دئیے اور دنیا بھر کی ٹیموں کو شکست دے کر اپنی ٹیم کو ایک دفعہ پھر چیمپیئن بنادیا۔ Dota2 انٹرنیشنل 2015ء کے مقابلے امریکی شہرسیاٹل میں منعقد ہوئے اور ان میں 16 سالہ سمائل حسن ایک دفعہ پھر اپنی ٹیم Evil Geniuses کی طرف سے دفاعی ذمہ داری نبھارہے تھے۔ ٹورنامنٹ جیتنے کے بعد سمائل حسن کی ٹیم 10 لاکھ ڈالر (تقریباً 10 کروڑ پاکستانی روپے) انعام کی حقدار قرار پائی جبکہ وہ خود انفرادی طور پر 2 لاکھ ڈالر (تقریباً 2 کروڑ پاکستانی روپے) جیت چکے ہیں۔
وہ شمالی امریکا کی گیمنگ لیگ میں غیر معمولی مہارت دکھانے کے بعد منظر عام پر آئے اور بین الاقوامی شہرت یافتہ ٹیم Evil Geniuses نے ان کی خدمات حاصل کرلیں۔ وہ اس سال کے آغاز میں چین میں منعقد ہونے والی Dota2 ایشیئن چیمپیئن شپ میں بھی اپنی ٹیم کو فتح دلاچکے ہیں۔ انہیں خراج تحسین پیش کرنے والوں کا کہنا ہے کہ بے پناہ ذہانت کے مالک سمائل حسن نے الیکٹرانک گیمز کی دنیا میں اپنے وطن کا جھنڈا ساری دنیا کے جھنڈوں سے ممتاز کرکے اہل وطن کے سرفخر سے بلند کردئیے ہیں
Google Analytics Alternative