قومی

عمران خان آزادی کی تقریبات میں انتشار پھیلانا چاہتے ہیں: پرویز رشید

اسلام آباد :  وزیر اطلاعات پرویز رشید نے کہا عمران خان پہلے بھی مٹھائی کے شوق میں چھوارے کھا کر آ گئے تھے۔ کہتے ہیں اگست آزادی کا مہینہ ہے خان صاحب آزادی کی تقریبات میں انتشار پھیلانا چاہتے ہیں۔ وزیر اطلاعات پرویز رشید نے میڈیا سے گفتگو کرتے ہوئے کہا ۔ آج تک سمجھ نہیں آئی کہ عمران خان کی ترجیحات کیا ہیں۔ کل قوم یوم سیاہ منا رہی تھی اور خان صاحب نے کل تحریک کا اعلان کر کے یوم سیاہ کو تقسیم کر دیا۔ خان صاحب کو یوم سیاہ والے دن نہیں چننا چاہیے تھا۔ اگست کے مہینے میں عمران خان آزادی کی تقریبات میں انتشار پھیلانا چاہتے ہیں۔ عمران اگست کے مہینے میں پہلے بھی مٹھائی کھانے کے شوق میں چھوارے کھا کر آ گئے تھے ۔ دسمبر، جنوری ، فروری کا بھی اعلان کیا جا سکتا تھا ۔ انہوں نے کہا حکومت نے کشمیر کے مسئلے کو دنیا بھر میں بہتر طریقے میں اجاگر کیا ہے۔ پاکستان کشمیریوں کی اخلاقی و سفارتی طور پر آواز بلند کر رہا ہے۔ آزاد کشمیر الیکشن میں جو بھی نیتجہ نکلے گا تسلیم کریں گے۔ پرویز رشید نے مزید کہا کراچی میں امن کو قائم رکھنے کے لیے فیصلے متفقہ طور پر کیے گئے ۔ امن کو اختلاف کی نظر نہیں ہونے دیں گے۔ ہمیں کراچی میں امن کو قائم رکھنا ہے

 

چودھری نثار کی ڈی جی رینجرز سندھ سے فون پر مشاورت

اسلام آباد:  وفاقی وزیر داخلہ چودھری نثار کی ڈی جی رینجرز سندھ سے فون پر مشاورت، سیاسی مقاصد کے تحت رینجرز کی ذمہ داریوں میں رکاوٹیں ڈالنے پر وزیر داخلہ کا اظہار تشویش۔ وزیر داخلہ چودھری نثار اور ڈی جی رینجرز سندھ کے درمیان فون پر مشاورت ہوئی۔ بات چیت میں سیاسی مقاصد کے تحت رینجرز کی ذمہ داریوں میں رکاوٹیں ڈالنے پر وزیر داخلہ نے تشویش کا اظہار کیا۔ گفتگو کے دوران وزیر داخلہ نے وی وی آئی پی سکیورٹی پر مامور رینجرز نفری کو بتدریج واپس بلانے کی ہدایت بھی کر دی۔

وزیر داخلہ نے مزید کہا کہ رینجرز امن عامہ کے لئے کردار بھی ادا کر رہی ہے اور اسے قانونی اختیار بھی نہیں دیا جا رہا۔ ان کا کہنا تھا کہ وفاقی حکومت سندھ کی عوام کے تحفظ کے لئے آئین اور قانون کے مطابق رینجرز کی موجودگی یقینی بنائے گی۔

وزیر داخلہ کا کہنا تھا کہ رینجرز کو کراچی اور سندھ میں مکمل قانونی تحفظ فراہم کیا جائیگا، اب بھی یہ امید ہے کہ صوبائی حکومت اس سلسلے میں اپنی ذمہ داریاں پوری کرے گی۔ وزیر داخلہ نے یہ بھی کہا کہ وزیر اعلیٰ سندھ سے اس سلسلے میں رابطہ کروں گا اور انکے تحفظات دور کرنے کی کوشش کروں گا

حکومت اور اپوزیشن نے الیکشن کمیشن ممبران کیلئے نام فائنل کر لئے

اسلام آباد:  حکومت اور اپوزیشن نے الیکشن کمیشن ممبران کے لئے بارہ بارہ نام فائنل کر لئے ہیں ۔ وزیراعظم اور اپوزیشن لیڈر اپنی اپنی فہرست کل تک اسپیکر کو بھیجیں گے ۔ چار ارکان کا حتمی فیصلہ پیر کو پارلیمانی کمیٹی کے اجلاس میں ہو گا ۔ الیکشن کمیشن کے چار ممبرز کا تقرر آخری مرحلے میں داخل ۔ حکومت اور اپوزیشن کا چوبیس نام جمعہ تک اسپیکر کو بھیجنے کا اعلان ۔ چار ارکان کے ناموں کی حتمی منظوری 25 جولائی کو پارلیمانی کمیٹی دے گی ۔ اپوزیشن لیڈر خورشید شاہ کا کہنا تھا کہ وہ الیکشن کمیشن میں صاف ستھرے اور سیاسی وابستگی کے بغیر لوگ لانا چاہتے ہیں ۔ چار ارکان کے ناموں کی حتمی منظوری کے لئے پارلیمانی کمیٹی کا اجلاس پیر کی صبح ساڑھے دس بجے ہو گا ۔ کمیٹی چیئرمین پرویز رشید نے دنیا نیوز کو بتایا کہ امید ہے کہ اجلاس میں چار ناموں کی منظوری دیدی جائےگی ۔ ایسا نہ ہوا تو نام سپریم کورٹ کو بھیج دیئے جائیں گے

 

آزادکشمیر انتخابات، غیرسرکاری، غیر حتمی نتائج آنا شروع

آزادکشمیر کے انتخابات میں پولنگ کا وقت ختم ہونے کے بعد ووٹنگ کا عمل روک دیا گیا، ووٹوں کی گنتی شروع ہوگئی، جبکہ غیرسرکاری و غیر حتمی نتائج آنا شروع ہوگئے۔ ایل اے 36 ویلی ون کے غیرسرکاری و غیر حتمی نتیجے کے مطابق متحدہ قومی موومنٹ کے عبدالرحمن کو 2 ووٹ ملے ، گورنمنٹ مین پرائمری اسکول پولنگ اسٹیشن پر2 ووٹ ہی رجسٹرڈ تھے۔متحدہ قومی موومنٹ کے عبدالرحمن کو ووٹ دینے والے بہن بھائی تھے۔

 

روز ٹی وی نے  پہلا مکمل غیر سرکاری و غیر حتمی نتیجہ حاصل کر لیا،ایل اے 14 وسطی باغ، پولنگ اسٹیشن 101 دکن سیداںسے مسلم لیگ ن مشتاق منہاس 155ووٹ لے کر پہلے نمبر پر رہے جبکہ پیپلز پارٹی کے قمر زمان 11ووٹ لے کر دوسرے نمبر پر اور تحریک انصاف کے راجہ خورشید 6 ووٹ لے کرتیسرے نمبر پرہیں۔ لاڑکانہ ایل اے 30جموں کی نشست پر پولنگ اسٹیشن پرصرف ایک ووٹ رجسٹر تھا وہ بھی کاسٹ نہ ہوا،اکلوتاووٹربھی نہ آیا،عملہ انتظارکرتارہ گیا،کشمیر الیکشن کیلئے لاڑکانہ الیکشن آفس میں پولنگ اسٹیشن قائم کیاگیاتھا،ایک ووٹرکیلئے عملہ اورسیکیورٹی کے 20ارکان تعینات تھے۔ جھنگ کے ایل اے 38 کشمیر ویلی 3، پولنگ اسٹیشن 9 پر کوئی ووٹ کاسٹ نہیں ہوا،مذکورہ پولنگ اسٹیشن پر 25 ووٹ رجسٹرڈ ہیں،جن میں سے 14 مرد اور 11 خواتین ہیں۔

وادی نیلم،ایل اے 23 نیلم ون، پولنگ اسٹیشن یونین کونسل خواجہ سیری کے غیرسرکاری و غیر حتمی نتیجے کے مطابق مسلم لیگ ن کےامیدوار شاہ غلام نے 138 ووٹ حاصل کیے ،پیپلز پارٹی کے میاں عندالوحید نے 01 ووٹ حاصل کیا۔

ایل اے 23 نیلم 1 کے پولنگ اسٹیشن نمبر 136 کے غیرسرکاری و غیر حتمی نتیجے کے مطابق ن لیگ کے غلام قادر 718 ووٹ لے کر آگے رہے،پی پی پی کے میاں عبدالوحید 54 ووٹ لے کر پیچھے ہیں۔

ایل اے 18 پونچھ 2 کے ایک پولنگ اسٹیشن کے غیرسرکاری و غیر حتمی نتیجے کے مطابق مسلم لیگ ن کے سردار بہادر145 ووٹ لے کر آگے، جبکہ پی پی پی کے غلام صادق 115 ووٹ لے کر دوسرے نمبر پر رہے۔

ایل اے 23 نیلم کے پولنگ اسٹیشن نمبر 135 کے غیرسرکاری و غیر حتمی نتیجے کے مطابق مسلم لیگ ن کے غلام قادر 155 ووٹ لے کر آگے ہیں، جبکہ پی پی پی کے میاں عبدالوحید 3 ووٹ لے کر پیچھے ہیں۔

ایل اے 18 پونچھ 2 کے ایک پولنگ اسٹیشن کے غیرسرکاری و غیر حتمی نتیجے کے مطابق مسلم لیگ ن کے سردار بہادر145 ووٹ لے کر آگے ہیں جبکہ پی پی پی کے غلام صادق 115 ووٹ لے کر دوسرے نمبر پر رہے۔

ایل اے 9 کوٹلی 2 کے پولنگ اسٹیشن نمبر 14 کے غیرسرکاری و غیر حتمی نتیجے کے مطابق پی پی پی کے جاوید اقبال 212 ووٹ لے کر آگے ہیں جبکہ ن لیگ کے فاروق سکندر 186 ووٹ لے کر دوسرے نمبر پرہیں۔

سندھنوتی ایل اے22 پولنگ اسٹیشن 93 کے غیرسرکاری و غیر حتمی نتیجے کے مطابق مسلم لیگ ن کے امیدوارسردار طاہر فاروق 306 ووٹ لے کر آگے ہیں جبکہ پیپلز پارٹی کےفہیم اختر107ووٹ لے کر دوسرے نمبر پر ہیں۔

ایل اے10 کوٹلی 3 کے پولنگ اسٹیشن نمبر 39 کے غیرسرکاری و غیر حتمی نتیجے کے مطابق ن لیگ کے راجا نصیر احمد 204 ووٹ لے کر آگے،جبکہ تحریک انصاف کے چوہدری اخلاق 6 ووٹ لے کر پیچھے رہے۔

باغ،ایل اے 14، پولنگ اسٹیشن نمبر101کے غیرسرکاری و غیر حتمی نتیجے کے مطابق ن لیگ کے راجہ مشتاق منہاس 155ووٹ لے کرکامیاب ہوئے،پیپلز پارٹی کے راجہ قمرالزمان 11ووٹ لے کردوسرے نمبر پر ہیں۔

ضلع حویلی، ایل اے16،پولنگ اسٹیشن نمبر138کے غیرسرکاری و غیر حتمی نتیجے کے مطابق پیپلز پارٹی کے خواجہ طارق 189ووٹ لے کر آگے جبکہ ن لیگ کے خواجہ عزیر 102ووٹ لے کر دوسرے نمبر پر ہیں۔

ضلع حویلی، ایل اے 16پولنگ اسٹیشن1کے غیرسرکاری و غیر حتمی نتیجے کے مطابق ن لیگ کے چوہدری عزیر504ووٹ لے کر آگے ہیں، پیپلز پارٹی کے خواجہ طارق 4 ووٹ حاصل کرسکے۔

ایل اے 22سدھنوتی 2 کے 3 پولنگ اسٹیشنز کے غیرسرکاری و غیر حتمی نتیجے کے مطابق پی پی پی کے سردار فہیم اختر 446 ووٹ لے کر آگے ہیں،ن لیگ کے فاروق احمد طاہر 409 ووٹ لے کر دوسرے نمبر پر رہے۔ایل اے 13 باغ 1 کے ایک پولنگ اسٹیشن کے غیرسرکاری و غیر حتمی نتیجے کے مطابق ن لیگ کے راجہ افتخارایوب 214 ووٹ لے کر آگے ہیں، مسلم کانفرنس کے سردار عتیق 57 ووٹ لے کردوسرے نمبرپر ہیں۔

ہٹیاں بالا، ایل اے28پولنگ اسٹیشن 1 کے غیرسرکاری و غیر حتمی نتیجے کے مطابق ن لیگ کے راجہ فاروق حیدر125ووٹ لے کر آگے جبکہ تحریک انصاف کےاسحاق طاہر107ووٹ لے کردوسرے نمبرپر ہیں

رینجرز کی ٹارگٹد کارروائیاں ، 533 ملزم گرفتار

سندھ میں رینجرز کو 5 ستمبر 2013 کو اندرون سندھ میں ٹارگٹڈ کارروائیوں کے لئے خصوصی اختیارات دئیے گئے تھے ، اس دوران رینجرز نے اپنی کارروائیوں کی رپورٹ جاری کر دی ہے

کراچی (دنیا نیوز) دو سال اور دس ماہ تک خصوصی اختیارات رکھنے والی سندھ رینجرز نے خصوصی طور پر اندرون سندھ اپنی کارکردگی رپورٹ جاری کر دی ۔

رپورٹ کے مطابق کالعدم تنظیم کے دہشت گردوں ،علیحدگی پسندوں اور جرائم پیشہ افراد سمیت 533 ملزمان کو گرفتار کیا گیا ۔

سندھ میں رینجرز کو 5 ستمبر 2013 کو اندرون سندھ میں ٹارگٹڈ کارروائیوں کے لئے خصوصی اختیارات دئیے گئے تھے ۔ اس دوران رینجرز نے اپنی کارروائیوں کی رپورٹ جاری کر دی ہے ۔

رپورٹ کے مطابق ٹارگٹڈ کارروائیوں کے دوران 533 ملزمان کو گرفتار کیا۔ گرفتار ملزمان میں 34 کالعدم تنظیم کے کارندے ، 16علیحدگی پسند تنظیموں کے دہشت گرد اور 4 ایم کیو ایم عسکری ونگ کے کارکن شامل ہیں ۔

رپورٹ کے مطابق 18 ڈاکو، 24 منشیات فروش اور 234 دیگر ملزمان بھی گرفتار کیے گئے ۔ نیشل ایکشن پلان کے تحت فارن ایکٹ کی خلاف ورزی پر 127 غیرقانونی افغان باشندے بھی گرفتار کیے گئے ۔

رپورٹ کے مطابق 478 ملزمان کو قانونی چارہ جوئی کے لیے پولیس کے حوالے کیا جبکہ 55 ملزمان کو کسٹم ، ایف آئی اے اور دیگر قانون نافذ کرنے والے اداروں کے حوالے کیا گیا ۔

رپورٹ کے مطابق ٹارگٹڈ کارروائیوں کے دوران دہشت گردوں کی فائرنگ سے رینجرز کے دو افسران اور1 اہلکار شہید جبکہ دو اہلکار زخمی ہوئے

 

عدلیہ کے خلاف سوشل میڈیا پر مہم کا معاملہ ، چیئرمین پیمرا سےرپورٹ طلب

عدلیہ کے خلاف سوشل میڈیا پر مہم کا معاملہ ، عدالت کا غیر حاضری پر چیئرمین پی ٹی اے کے وارنٹ جاری کرنے کا حکم ، اگلی سماعت پر حاضری یقینی بنانے کی ہدایت بھی جاری کردی ۔ جسٹس امیرہانی مسلم نے کہا کون ساقانون اینکر کو لائسنس دیتا ہے کہ جو چاہے کہتا پھرے۔سپریم کورٹ نے چیئرمین پیمرا سےتفصیلی رپورٹ 28جولائی تک طلب کرلی۔ سپریم کورٹ کراچی رجسٹری میں جسٹس امیر ہانی مسلم کی سربراہی میں لارجر بینچ نے سماعت کی۔دوران سماعت چیئرمین پی ٹی اے اور ڈی جی ایف آئی اے کی عدم حاضری پر عدالت نے برہمی کااظہار کیا۔ عدلیہ کے خلاف پروگرام نشر ہونے سے متعلق چیئرمین پیمرا نے رپورٹ جمع کرادی۔امیر ہانی مسلم نےچیئر مین پیمرا سے استفسارکیا کہ کیا آپ نہیں دیکھتے کہ چینلزپر کیا نشر ہورہا ؟۔ چیئرمین پیمراابصار عالم نے بتایا کہ چینل 24 کے خلاف ایکشن لیا گیا اور جرمانہ عائد کیا۔جسٹس امیر ہانی مسلم نے ریمارکس دئیے کہ کسی کی عزت اور پگڑی کا ازالہ کیا صرف جرمانہ کر سکتا ہے۔

چیئرمین پیمرا بولے کہ شکایتی کونسل نے شوکاز اور ہئیرنگ کے بعد جرمانہ عائد کیاہے۔چیئرمین پیمراان کے اختیارات محدود ہیں کارروائی کریں تو ہائیکورٹ ریلیف دے دیتی ہے۔جسٹس امیر ہانی مسلم نے استفسار کیا کہ چینل کا لائسنس منسوخ کیوں نہیں کیا گیا؟کیا اعلی عدلیہ پر پارلیمنٹ بحث کر سکتی ہے؟کون سا فورم ہے جو عدلیہ پر بات اور ویری فکیشن کرتا ہے؟؟انہوں نے کہا کہ عدلیہ کو آئین تحفظ دیتا ہے ہمارا ذاتی مسئلہ نہیں ادارے کے تقدس کی بات ہے۔

ججز کی بے عزتی کروادیں اور ایک لاکھ پانچ لاکھ جرمانہ لگادیں کون سا قانون اینکر کو لائسنس دیتا ہے جو چاہے کہتا پھرتے؟۔ جسٹس امیر ہانی مسلم نے کہا کہ عوامی سطح پر ججز کی پگڑی اچھالنا آئینی ادارے کی توہین ہے۔عدالت نے چیئرمین پیمرا سے تفصیلی رپورٹ 28جولائی تک طلب کر لیارو کہا کہ بتایا جائے کیا ایکش لیا گیا ، پروگرام کاٹرانسکرپٹ ہئیرنگ کے کمنٹس شوکاز جرمانے اور پیمرا کے فیصلے کی تفصیلات پیش کی جائے۔ عدالت نے چیئرمین پی ٹی اے اور ڈی جی ایف آئی اے اگلی سماعت پر حاضری یقینی بنانے کاحکم دیتے ہوئی سماعت 28 جولائی تک ملتوی کردی

وزیراعظم کی لاہور سے اسلام آباد آمد

وزیراعظم محمد نواز شریف اہل خانہ کے ہمراہ جاتی امرہ سے اسلام آباد پہیچ گئےلندن سے وطن واپسی کے بعد وہ پہلی بار وفاقی دارالحکومت آئے ہیں ۔ وزیر اعظم میاں محمد نواز شریف دل کے عارضہ میں مبتلا ہونے کے باعث مئی کے مہینے میں لندن روانہ ہوئے تھے جہاں وہ 48 دن قیام کے بعد وطن واپس پہنچے ۔ لندن سے وطن واپسی کے بعد وزیر اعظم وفاقی دارالحکومت کی بجائے اپنی ذاتی رہائشگاہ جاتی امرہ گئے۔ لاہور میں قیام کے دوران وزیر اعظم کی ایک ٹانگ میں انفیکشن ہوگیا جس کے باعث ڈاکٹروں نے انھیں مزید آرام کا مشورہ دیاتھا جس کے بعد آج وزیر اعظم اپنے اہلخانہ کے ہمراہ دارالحکومت آئیں ہیں ۔ اس سے قبل میاں نواز شریف بذریعہ ہیلی کاپٹر جاتی امرہ رائیونڈ سے لاہور ایئر پورٹ پہنچے جہاں سے وہ خصوصی طیارے کے ذریعے اسلام آباد روانہ تھے

مظفر آباد میں جعلی ووٹ ڈالنے کی کوشش ناکام

مظفرا ٓباد  مظفرآباد میں جعلی ووٹ ڈالنے کی کوشش پرمسلم لیگ نواز کے کارکن سمیت 5 افراد کوگرفتار کر کے فوج کے حوالے کر دیا گیا ۔ ذرائع کے مطابق مظفر آباد کے علاقے برنالہ میں جعلی ووٹ کاسٹ کرنے کی کوشش کرنے والے5  افراد کو حراست میں لے لیا گیا ہے ۔گرفتار افراد میں مسلم لیگ نواز کا کارکن بھی شامل ہے جسے جعلی شناختی کارڈ پر ووٹ ڈالنے کی کوشش پر گرفتار کیاگیا ہے۔ برنالہ میں پولیس کی جانب سے مرکزی کنٹرول روم بھی قائم کیا گیا ہے ۔ ڈی آئی جی سجاد احمد نے خبر کی تصدیق کرتے ہوئے بتایا ہے کہ پانچوں افراد جعلی شناختی کارڈ پر ووٹ ڈالنے کی کوشش کر رہے تھے جنہیں گرفتار کرکے فوج کے حوالے کردیا گیا ہے ۔ان کا کہنا تھا کہ گرفتار افراد کی شناخت تاحال ظاہر نہیں کر سکتے

Google Analytics Alternative