قومی

اے این پی رہنما معصوم شاہ سے 4 کلو سونا برآمد

gold-bricks

خیبر پختونخوا کی احتساب عدالت نے غیر قانونی اثاثوں سے متعلق ایک مقدمے میں عوامی نیشنل پارٹی کے سیاست دان سید معصوم شاہ کے ریمانڈ میں توسیع کر دی۔قومی احتساب بیورو نے 12 روزہ جسمانی ریمانڈ مکمل ہونے کے بعد سابق وزیر اعلی امیر حیدر خان ہوتی کے سابق خصوصی نائب معصوم شاہ کو پیر کے روز طارق یوسف زئی کی عدالت میں پیش کیا۔

نیب کے خصوصی پراسیکیوٹر دانیال اسد نے عدالت کو بتایا کہ ملزم کے خلاف آمدنی سے زیادہ اثاثے ہونے کی تحقیقات مکمل نہیں ہوئی لہذا ان کے ریمانڈ میں توسیع کی جائے۔انہوں نے بتایا کہ نیب نے ملزم کے ایک بینک لاکر سے 10 تولے سونے کے 39 بارز برآمد کیے۔ دانیال کے مطابق، 4.5 کلو گرام وزن سونےکی قیمت کروڑوں روپے ہے۔

این اے 154: دھاندلی کا فیصلہ کل ہو گا

jahangir-tareen

قومی اسمبلی کے حلقہ این اے 154کے حوالے سے الیکشن ٹربیونل کا فیصلہ 26اگست کو ہو گا ۔اس حلقے میں پی ٹی آئی کے رہنما جہانگیر ترین کو آزاد امید وار صدیق بلوچ سے شکست کا سامنا کرنا پڑا تھا ۔صدیق بلوچ نے جیت کر مسلم لیگ ن میں شمولیت اختیار کرلی تھی ۔

تفصیلات کے مطابق این اے 154میں ن لیگ کی تیسر ی وکٹ گرنے یا نہ گرنے کا فیصلہ 26تاریخ کو ہو گا ۔اس حلقے میں جہانگیر ترین کی آزاد امید وار سے شکست کے بعد عمران خان نے نے دعویٰ کیا تھا کہ اس حلقے میں حکومت نے دھاندلی کی تھی جس کے بعد الیکشن ٹربیونل میں کیس چل رہا ہے ۔

پی ٹی آئی کے رہنما جہانگیر ترین نے کہا ہے کہ عمران خان نے کہا تھا چار حلقے کھول دو ،ان چار حلقوںمیں ہمارے حق میں فیصلہ آیا ہے اور میرے حلقے میں بھی فیصلہ ہمارے حق میں آنے کی امید ہے کیونکہ ہم نے بہت محنت کی ہے ۔انہوں نے بتا یا کہ نادرا رپورٹ کے مطابق اس حلقے میں فنگر پرنٹس جعلی ہے اور انتخابی عمل میں بے ضابطگیا ں پائی گئی ہیں ۔

ضمانت منسوخی: 3 ملزمان سیکیورٹی کو چکمہ دے کر فرار

supreme-court-lahore

سپریم کورٹ لاہور رجسٹری سے ڈکیتی، اغوا اور چوری کے 3 ملزمان ضمانتیں منسوخ ہونے پر سیکیورٹی کو چکمہ دے کر فرار ہوگئے۔

پولیس کی جانب سے ڈکیتی، چوری اور اغوا کے الزام میں گرفتار ملزمان عاصم ، جاوید اور عنصر کو سپریم کورٹ لاہور رجسٹری میں پیش کیا گیا تاہم عدالت سے ضمانتیں منسوخ ہونے کے بعد تینوں ملزمان کمرہ عدالت سے نکلنے کے بعد گلے مل کرایک دوسرے کو مبارکباد دینے لگے اور کہتے رہے کہ مبارک ہو مبارک ہو ضمانت ہوگئی۔ اس موقع پر پولیس اہلکار ایک دوسرے کا منہ دیکھتے رہے اوریہ بھی گوارا نہ کیا کہ عدالت سے معلوم کیا جائے کہ ملزمان کی ضمانت ہوئی ہے یا نہیں اوریوں تینوں ملزمان سخت سیکیورٹی کو چکمہ دے کر باآسانی عدالت سے فرارہوگئے۔

آرمی چیف کا کراچی میں افسران اور جوانوں سے خطاب

Genera;-Raheel-Shareef

 آرمی چیف جنرل راحیل شریف نے کراچی میں جوانوں اور افسران سے خطاب کیا۔ 

پاک فوج کے ترجمان میجر جنرل عاصم باجوہ نے سماجی رابطے کی ویب سائٹ ٹویٹر پر اپنے بیان میں کہا کہ آرمی چیف جنرل راحیل شریف نے کراچی میں تقریب سے جوانوں اور افسران سے خطاب کیا جب کہ انہوں نے  یادگارہ شہدا پر پھول چڑھائے اور فاتحہ خوانی بھی کی۔ تقریب کے دوران سربراہ پاک فوج نے لیفٹیننٹ جنرل ضمیر کو کرنل کمانڈر ایئر ڈیفنس کے بیجز بھی لگائے۔

عمران خان جیتنے کے لیے پیدا ہوئے ہیں، ریحام

RehamKhan

اسلام آباد: تحریک انصاف کے چیرمین عمران خان کی اہلیہ کا کہنا ہے کہ عمران خان پیدا ہی جیتنے کے لیے ہوئے ہیں۔

لاہور کے حلقہ این اے 122 پر عمران خان کے حق میں فیصلہ آنے پر جہاں تحریک انصاف کے چیرمین خوشی سے نہال ہیں وہیں ان کی اہلیہ بھی خاصی خوش دکھائی دے رہے ہیں۔

سماجی رابطے کی ویب سائٹ ٹوئٹر پر اپنے ٹوئٹ میں ریحام خان نے کہا کہ عمران خان پیدا ہی جیتنے کے لیے ہوئے ہیں اور وہ پہلے ہی لاکھوں افراد کے دل جیت چکے ہیں۔

شجاع خانزادہ حملہ: اسلام آباد سے 4 ملزمان کی ڈرامائی گرفتاری

islamabad-madrassah-arrest

اسلام آباد: پولیس کے محکمہ انسداد دہشت گردی کی مشترکہ ٹیم نے پنجاب کے وزیر داخلہ کرنل (ر) شجاع خانزادہ پر ان کے آبائی علاقے اٹک میں ہونے والے قاتلانہ حملے میں ملوث 4 مبینہ ملزمان کو وفاقی دارالحکومت اسلام آباد سے گرفتار کرنے کا دعویٰ کیا ہے۔

پولیس کے محکمہ انسداد دہشت گردی، راولپنڈی پولیس اور پیرا ملٹری فورس کی مشترکہ ٹیم نے رات گئے اسلام آباد کے علاقے ایٹتھ ایوینو میں قائم مدرسہ حقانیہ میں کارروائی کرتے ہوئے چار افراد کوحراست میں لے کر تفتیش کے لیے نامعلوم مقام پر منتقل کردیا.

جن افراد کو حراست میں لیا گیا، ان میں مدرسے کے ناظم قاری احسان اللہ کے بیٹے امداد اللہ، مدرسے کے استاد ارشد اور دو مہمان، جن میں سے ایک کی شناخت شوکت کے نام سے ہوئی ہے،شامل ہیں۔

تیل 12 سے 15 روپے فی لیٹر سستا ہونا چاہیے، سید خورشید شاہ

khurseed-shah

قائد حزب اختلاف سید خورشید نے کہا ہے کہ عالمی منڈی میں تیل کی قیمتیں کم ہونے کے بعد ،ملک میں تیل 12 سے 15 روپے فی لیٹر سستا ہونا چاہیے۔سکھر میں اپنی رہائش گاہ پر میڈیا سے بات چیت کرتے ہوئے خورشید احمد شاہ نے کہا کہ ایم کیو ایم خود عمران خان کو پارلیمنٹ میں واپس آنے کا مشورہ دے رہی تھی، اب ایم کیو ایم کو سمجھنا چاہیے،انہوں نے کہا کہ متحدہ قومی موومنٹ کے رہنماء رشید گوڈیل پر حملہ ملک کو غیر مستحکم کرنے کی سازش ہے۔ایک سوال کے جواب میں انہوں نے کہا کہ سندھ کے چیئرمین اینٹی کرپشن اچھی شہرت رکھتے ہیں جو اختیارات ایف آئی اے اور نیب کے پاس ہیں ،وہ ہی اختیارات محکمہ اینٹی کرپشن کے پاس بھی ہیں۔ اس لئے چیئرمین اینٹی کرپشن کی خواہش ہے کہ نیب اور ایف آئی اے ان معاملات میں مداخلت نہ کرے۔

سعودی عرب کا پاکستان کے خلاف سازش کاحصہ بننے سے انکار

modi

اسلام آباد: بھارت مسلم ممالک کوپاکستان کیخلاف کرنے میں ناکام ہوگیا، سعودی عرب نے پاکستان کیساتھ تعلقات سے ہاتھ کھینچنے پردفاعی تعاون کی بھارتی پیشکش مسترد کردی۔

معلوم ہوا ہے کہ بھارتی وزیر اعظم نریندر مودی نے اپنے حالیہ دورہ متحدہ عرب امارات کے دوران اماراتی حکام سے کہاکہ ہے عرب ممالک بشمول سعودی عرب اگر دفاعی معاملات پر پاکستان کیساتھ سرد مہری لے آئیں تو بھارت یمن سمیت تمام دفاعی معاملات میں عرب ممالک کو مکمل تعاون کریگا لیکن اس حوالے سے سعودی عرب کے فرنروا خادم الحرمین الشریفین نے واضح کیاہے کہ سعودی عرب کبھی بھی پاکستان کیخلاف مودی سازش کوکامیاب نہیں ہونے دیگا ۔

Google Analytics Alternative