کھیل

پی ایس ایل کیلئے مزید فرنچائز بنانے کی کوشش کر رہے ہیں، نجم سیٹھی

لاہور: چیئرمین پی سی بی نجم سیٹھی کا کہنا ہے کہ اگر بھارت آئی سی سی ٹو رنامنٹس میں پاکستان کے خلاف میچز کھیل سکتا ہے تو پاکستان کیساتھ ٹیسٹ سیریز بھی کھیل سکتا ہے۔
چیئرمین پی سی بی نجم سیٹھی نے پریس کانفرنس کرتے ہوئے کہا کہ بھارت کے سیریزنہ کھیلنے پراگلے ہفتے وکلا سے میٹنگ ہوگی۔ انہوں نے کہا کہ گورننگ بورڈکے اجلاس میں 4 اہم فیصلے کیے گئے۔ پی ایس ایل میں ریجن کے کھلاڑی کو شامل کیاجائے گا۔ نجم سیٹھی کاکہنا تھا کہ پی ایس ایل کے لیے مزید فرنچائزبنانے کی کوشش کر رہے ہیں، امیدہے کہ فرنچائزہمیں سپورٹ کریں گی۔
چیئرمین پی سی بی نے بتایا کہ پی ایس ایل میں کھلاڑیوں کے چناو¿ کا حق فرنچائزکے پاس ہے، پی ایس ایل ون کاآڈٹ ہوچکا، دوسرے کا عمل جاری ہے۔ ان کا کہنا تھا کہ نیشنل اسٹیڈیم کراچی کی تزئین وآرائش کاعمل جاری ہے۔ نیشنل سٹیڈیم کی اپ گریڈیشن پرڈیڑھ ارب روپے خرچ کررہے ہیں، امیدہے کہ پی ایس ایل فائنل کےلیے فروری میں اسٹیڈیم تیارہوجائےگا۔
چیئرمین نجم سیٹھی نے کہاکہ دبئی اورابوظبی پی ایس ایل کے زیادہ میچز مانگ رہے ہیں۔ پی سی بی کی ٹیم بات چیت کےلیے دبئی جارہی ہے۔

محمد عامر نے ورلڈکپ 2019 میں تہلکہ مچانے کی ٹھان لی

لاہور: محمد عامر نے ورلڈ کپ 2019 میں تہلکہ مچانے کی ٹھان لی۔

محمد عامر نے کہا ہے کہ پابندی کی وجہ سے ورلڈ کپ 2011 اور 2015نہ کھیل پانے کا افسوس ہے،آئندہ ایونٹ میں بھرپور شرکت کرتے ہوئے اپنی کارکردگی سے گہرا تاثر چھوڑنا چاہتا ہوں۔

’’کرک انفو‘‘ کو انٹرویو میں محمد عامر نے کہا کہ میں تینوں فارمیٹ میں اپنی ذمہ داریوں سے انصاف کرنے کیلیے ٹریننگ کے سخت شیڈول پر عمل پیرا رہتا ہوں، 2010میں سامنے آنے والے اسپاٹ فکسنگ کیس میں میرے سزا مکمل کرنے کے بعد کم بیک تک کرکٹ میں انقلابی تبدیلیاں ہوئیں،اس کا انداز یکسر بدل چکا،خاص طور پر محدود اوورز کے کھیل میں بولرز کیلیے مشکلات بڑھ گئی ہیں، ون ڈے میچز میں 300سے زائد رنز عام سی بات ہوگئی، میچز میں بڑے اسکور معمول بن چکے۔

پیسر نے بتایا کہ دائرے کے اندر فیلڈرز کھڑے کرنے کا قانون متعارف کرائے جانے سے بولرز کو اپنی کارکردگی برقرار رکھنے کیلیے نئی ورائٹیز پر کام کرنا پڑا،کھیل میں اس قدر تیزی آنے کی وجہ مختلف ملکوں میں ہونے والی ٹی ٹوئنٹی لیگز بھی ہیں، انہوں نے کہا کہ کرکٹ پہلے سے بہت زیادہ مشکل اور محنت طلب کھیل ہوگیا ہے۔

مکی آرتھر کی طرف سے ٹیسٹ کرکٹ میں شارٹ لینتھ گیندوں کی وجہ سے زیادہ کامیاب نہ رہنے کے سوال پر محمد عامر نے کہا کہ اس میں کوئی شک نہیں کہ کم بیک کے وقت زیادہ فرسٹ کلاس میچز نہ ملنے کی وجہ سے میں ابتدا میں شارٹ گیندیں زیادہ کرتا تھا، بعد ازاں بہتری لانے کی کوشش کی اور مثبت نتائج بھی حاصل ہوئے، ویسٹ انڈیز میں زیادہ کامیابی ملی،اس کے ساتھ ایک اور پہلو بھی مد نظر رکھنا چاہیے کہ ایک ڈیڑھ سال میں ٹیسٹ میچز کے دوران میری بولنگ پر 16کے قریب کیچز بھی ڈراپ ہوئے،ایسا نہ ہوتا تو میرا ٹیسٹ ریکارڈ خاصا بہتر نظر آتا،ہم کسی کو الزام نہیں دے سکتے، کوئی فیلڈرنہیں چاہتا کہ کیچ چھوڑ دے۔

ایشین سینیئر کبڈی چیمپئن شپ میں شرکت کیلئے قومی دستہ ایران پہنچ گیا

تہران:  ایران میں شروع ہونیوالی ایشین سینیئر کبڈی چیمپئن شپ میں شرکت کیلئے پاکستان کا مینز اور ویمنز پر مشتمل 36 رکنیدستہ ایران پہنچ چکا ہے۔

تفسیلات کے مطابق ایشین سینیئر کبڈی چیمپئن شپ 23 سے 27 نومبر منعقد ہو گی ۔ 14 رکنی مینز ٹیم کی قیادت وسیم سجاد کریں گے جبکہ پاکستان ویمن کبڈی ٹیم کی کپتان حزیمہ سید کو مقرر کیا گیا ہے ۔

ایونٹ میں 12 ٹیمیں حصہ لے رہی ہیں ۔ بھارتی ٹیم اعزاز کا دفاع کرے گی۔

جنید خان کی سوئنگ سے کنگز بھی بے حال ہوگئے

ڈھاکا: بنگلادیش پریمیئر لیگ میں جنید خان کی سوئنگ سے کنگز بھی بے حال ہو گئے۔

بنگلادیش پریمیئر لیگ میں کھلنا ٹائٹنز نے راجشاہی کنگز کو2 وکٹ سے ہرا دیا، ناکام سائیڈ نے 8 وکٹ پر 166رنز اسکور بورڈ پر سجائے، ڈیوائن اسمتھ 36 بالز پر 62رنز بناکر نمایاں رہے۔ مشفیق الرحیم 55 اور جیمز فرینکلن 29 رنز بنانے میں کامیاب ہوئے، پاکستانی پیسر جنید خان نے 27 رنز کے عوض 4 وکٹیں لیں جب کہ  ابوجاوید نے 2 شکارکیے۔

فاتح الیون نے ہدف 19.2 اوورز میں 8 وکٹ پر حاصل کرلیا، محمود اللہ نے 56 کی قائدانہ اننگز کھیلی، عارف الحق 43 اور ریلی روسو20 رنز بناکر نمایاں رہے، پاکستانی فاسٹ بولر محمد سمیع نے 29 رنز دے کر3 وکٹیں اڑائیں لیکن ان کی یہ کاوش ٹیم کے کام نہیں آسکی جب کہ کیوی پیسر فرینکلن نے 2 کھلاڑیوں کو میدان بدر کیا۔

دن کے دوسرے میچ میں رنگپور رائیڈرز نے ڈھاکا ڈائنامائٹس کو دلچسپ مقابلے میں 3رنز سے ہرادیا، ٹاس ہارنے والی رنگپور رائیڈرز کی پوری ٹیم 19.5 اوورز میں 142رنز پر آل آؤٹ ہوگئی۔ کرس گیل نے 28 بالز پر 51 رنز بٹورے، ایم متھن22 رنز بناپائے، دیگر انٹرنیشنل اسٹارز میں برینڈن میک کولم 6، روی بوپارا12اور تھشارا پریرا15 رنز بناسکے جب کہ اسپنر شکیب الحسن نے 3.5 اوورز میں 16رنز دیکر5 وکٹیں اپنے نام کیں۔

شاہد آفریدی نے 39 رنز کے عوض 2 وکٹوں کا سودا کیا، محمد عامر کو ایک وکٹ 34رنز کے بدلے ملی، ڈائنامائٹس جوابی اننگز میں 139 پر تمام ہوگئی۔ جوہرالاسلام 29 اور ایون لوئس28رنز بناکر کچھ ہمت دکھاپائے، شاہد آفریدی نے 15 گیندوں پر 21رنز بنائے، عامر بغیر کوئی رن بنائے ناٹ آؤٹ رہے جب کہ مشرفی مرتضیٰ، سوہاگ غازی، روبیل حسین اور تھشارا پریرا نے 2،2 وکٹیں لیں۔

حکومت نے باکسر وسیم کے فنڈز کی کمی کے الزامات مسترد کردیئے

وفاقی حکومت نے ورلڈ باکسنگ کونسل (ڈبلیو بی سی) سلور فلائی ویٹ چمپیئن باکسر محمد وسیم کی جانب سے فنڈ کی کمی کے الزامات کو مسترد کرتے ہوئے ان کو دیے گئے فنڈز کی تفصیلات جاری کردی۔

وزارت بین الصوبائی رابطے کی جانب سے جاری ایک بیان میں محمد وسیم کو 2014 سے تاحال جاری کیے گئے فنڈز کی تفصیلات دی گئی ہیں جس کے مطابق چمپیئن باکسر کو تقریباً دو کروڑ 80 لاکھ روپے جاری کیے گئے۔

سرکاری دستاویزات کے مطابق وسیم کو2014میں گلاسکو کامن ویلتھ گیمز کے لیے 20 لاکھ روپے دیے گئے، اسی سال ایشین گیمز کے لیے دس لاکھ اور ڈبلیو بی سی پروفیشنل میں شرکت کے لیے تربیت اور تیاری کے سلسلے میں 2 کروڑ 46 لاکھ 75 ہزار روپے جاری کیے جاچکے ہیں۔

وزارت بین الصوبائی رابطے کے اعلامیے کے مطابق محمد وسیم کی پاکستان اور بیرون ملک کوچنگ کے لیے حکومت نے لاکھوں روپے جاری کیے جس کا مطلب ہے کہ حکومت نے باکسر کا خیال رکھا اور ہر مرحلے میں ان کی معاونت کی۔

حکومت کا کہنا ہے کہ باکسر کو وزیراعظم کی جانب سے تربیتی اور مختلف پروگرامز کے لیے بھاری رقم مختص کی گئی۔

خیال رہے کہ پاکستانی باکسر نے دور روزقبل اپنے ایک ویڈیو پیغام میں یہ اعلان کیا تھا کہ ان کے پاس بین الاقوامی باکسنگ کے ایونٹس میں شرکت اور پاکستان کی نمائندگی کے لیے کوئی فنڈز نہیں ہیں اس لیے ‘دوسرے ممالک کی جانب سے کھیلنے کی پیش کش پر غور کریں گے’۔

کوئٹہ سے تعلق رکھنے والے باکسر نے اپنے مداحوں کو مخاطب کرتے ہوئے کہا تھا کہ ڈبلیو سی بی کا ٹائٹل پاکستان کی جانب سے ان کا آخری مقابلہ ہوسکتا ہے۔

وزارت بین الصوبائی رابطہ نے وسیم کو پاکستان کی نمائندگی کے سلسلے کو جاری رکھنے پر زور دیتے ہوئے کہا کہ محمد وسیم بین الاقوامی سطح پر جیت کا تسلسل برقرار رکھیں اور قومی پرچم کو سر بلند رکھیں، حکومت آپ کی حوصلہ افزائی جاری ر کھے گی۔

وفاقی وزارت کے بیان میں کہا گیا ہے کہ وسیم پاکستان کے قومی ہیرو ہیں۔

محمد وسیم نے رواں سال جولائی میں ڈبلیو بی سی سلور فلائی ویٹ کے مقابلے میں ایونٹ کے فیورٹ فلپائن کے جیتھر اولیوا کو شکست دی تھی۔

وسیم نے گزشتہ ماہ پاناما کے کارلوس میلو کو شکست دے کر چمپیئن شپ اپنے پاس برقرار رکھی تھی۔

یاد رہے کہ محمد وسیم پاکستان کے واحد پروفیشنل باکسر ہیں جنھوں نے اپنے پروفیشنل کیریئر کا کامیابی کے ساتھ آغاز گزشتہ سال جنوبی کوریا میں کورین بنٹام ویٹ ٹائٹل سے کیا تھا۔

محمد وسیم نے گزشتہ سال اگست میں بھی پاکستانی حکومت کی جانب سے فنڈز جاری نہ کرنے کے الزامات عائد کرتے ہوئے کہا تھا کہ ان کے کورین پروموٹر اینڈی کم نے ان کی مدد کی اور تمام اخراجات اٹھائے تھے۔

انھوں نے کہا تھا کہ ‘میں پاکستانی ہوں کورین نہیں تو میری حکومت میری سرپرستی کیوں نہیں کر رہی ہے’۔

بی پی ایل : قومی فاسٹ باولر حسن علی پر جرمانہ عائد

ڈھاکہ : بنگلہ دیش پریمیئر لیگ (بی پی ایل ) کے دوران قوانین کی خلاف ورزی پر قومی فاسٹ باولر حسن علی پر میچ فیس کا 25 فیصد جرمانہ عائد کیا گیا ہے۔
بنگلہ دیش کرکٹ بورڈ کے ایک اعلامیے کے مطابق کومیلا وکٹورینز اور ڈھاکہ ڈائینامائٹس کے درمیان 20 نومبر کو ہونے والے میچ میں حسن علی قوانین کی خلاف ورزی کی۔ان پر یہ جرمانہ بلے باز مصدق حسین کو آو¿ٹ کرنے کے بعد پویلین کی جانب اشارہ کرنے کے باعث تمام امپائز کی جانب سے عائد کیا گیا۔ اس میچ میں حسن علی نے تباہ کن بولنگ کرتے ہوئے پانچ وکٹیں حاصل کی تھیں۔
دلچسپ بات یہ تھی کہ ان کے تمام شکار بولڈ تھے۔ ایسا ٹی ٹوئنٹی کرکٹ کی تاریخ میں صرف دوسری مرتبہ ہی ہوا ہے۔

کامران اکمل ٹی ٹوئنٹی کرکٹ میں مسلسل چار نصف سنچریاں بنانے والے پہلے پاکستانی

وکٹ کیپر بیٹسمین کامران اکمل ٹی ٹوینٹی کرکٹ میں مسلسل چار نصف سنچریاں بنانے والے پاکستان کے پہلے کرکٹر بن گئے۔

کامران اکمل نے قومی ٹی ٹوینٹی کپ میں 52،65،63 اور52 رنز کی اننگز کھیلیں۔

سب سے زیادہ مسلسل نصف سنچریاں بنانے کا ریکارڈ زمبابوے کے مساکاڈزا اور ہندوستان کے ویرندر سہواگ کے پاس ہے، دونوں نے پانچ، پانچ ففٹیز اسکور کیں۔

پاکستان میں پیدا ہونے والے عثمان خواجہ، سکندر رضا اور شیمان انور دیگر ملکوں میں چار مسلسل نصف سنچریاں اسکور کرچکے ہیں۔

کامران اکمل نے رواں سال کے آغاز میں ہونے والے دورہ ویسٹ انڈیز پر ٹیم میں واپسی کی تھی تاہم وہ سیلیکٹرز کو متاثر کرنے میں ناکام رہے اور چیمئنز ٹرافی کی اسکواڈ میں ان کو شامل نہیں کیا گیا۔

2002 میں ڈیبیو کرنے والے وکٹ کیپر بیٹسمین پاکستان کے لیے 53 ٹیسٹ، 157 ون ڈے اور 58 ٹی ٹوئنٹی میچ کھیل چکے ہیں۔

افواہیں مسترد: پی سی بی کا حفیظ کی مکمل حمایت کا اعلان

پاکستان کرکٹ بورڈ(پی سی بی) نے تمام تر افواہوں اور قیاس آرائیوں کو مسترد کرتے ہوئے غیر باؤلنگ ایکشن کے سبب پابندی کا شکار محمد حفیظ کی مکمل حمایت کا اعلان کرتے ہوئے آل راؤنڈر کا باؤلنگ ایکشن آئی سی سی کے اصولوں کے مطابق ٹھیک کرانے کیلئے کمیٹی بھی قائم کردی ہے۔

سری لنکا کے خلاف تیسرے ون ڈے میچ میں محمد حفیظ کا باؤلنگ ایکشن مشکوک رپورٹ ہوا تھا جس کے بعد گزشتہ ہفتے آئی سی سی نے ان کا ایکشن غیرقانونی قرار دے دیا تھا۔

پی سی بی کی جانب سے جاری بیان میں کہا گیا کہ ہم یہ واھ کرنا چاہتے ہیں بورڈ حفیظ کے ساتھ کھڑا ہے اور باؤلنگ ایکشن ٹھیک کرانے کیلئے ہر قسم کی سپورٹ کی یقین دہانی کراتا ہے۔

بیان میں کہا گیا کہ حفیظ کا ایکشن ٹھیک کرانے کیلئے پی سی بی پہلے ہی ایک ریویو کمیٹی قائم کر چکا ہے جس میں احسن رضا،علی ضیا، سلیم جعفر اور سجاد اکبر شامل ہیں۔

کمیٹی کو یہ ذمے داری سونپی گئی ہے کہ وہ آئی سی سی کے طے شدہ اصولوں کے مطابق ایکشن ٹھیک کرانے کیلئے حفیظ کو ہر ممکن ٹریننگ اور معاونت فراہم کریں۔

چار رکنی کمیٹی کی تجاویز پر حفیظ نیشنل کرکٹ اکیڈمی میں اپنے ایکشن پر کام کریں گے اور ہر دس دن بعد لمس میں قائم بائیو مکینکس لیب میں ان کے ایکشن کا جائزہ لیا جائے گا اور آئی سی سی سے آفیشل ٹیسٹ کی سفارش کرنے سے قبل انہیں ہر طرح کی رہنمائی فراہم کی جائے گی۔

پی سی بی نے ایسی تمام قیاس آرائیوں کی تردید کی جن میں یہ دعویٰ کیا گیا تھا کہ بورڈ باؤلنگ ایکشن پر پابندی کے بعد حفیظ کو سپورٹ نہیں کر رہا اور میڈیا میں اس طرح کی خبروں کو پی سی بی کو بدنام کرنے کی سازش قرار دیا۔

واضح رہے کہ یہ کیریئر میں تیسری مرتبہ حفیظ کا ایکشن غیر قانونی قرار دیا گیا ہے اور وہ اس سے قبل ایک سال کی پابندی بھی بھگت چکے ہیں۔

سابق مایہ ناز اسپنرسعید اجمل نے حفیظ کا ایکشن ٹھیک کرانے کی پیشکش کرتے ہوئے کہا تھا کہ اگر پاکستان کرکٹ بورڈ (پی سی بی) اور محمد حفیط نے ان سے رابطہ کیا تو وہ ایک مہینے کے اندر محمد حفیظ کے باؤلنگ ایکشن کو درست کردیں گے۔

Google Analytics Alternative