کھیل

پاکستان نے آسٹریلیا کیخلاف انڈر 16 ٹی 20 سیریز جیت لی

دبئی: پاکستان نے آسٹریلیا کیخلاف انڈر16 ٹی 20 کرکٹ سیریز بھی جیت لی.

دوسرے میچ میں کینگروزنے ٹاس جیتنے کے بعد بیٹنگ کا فیصلہ کیا اور مقررہ 20 اوورز سے ایک گیند قبل 108رنز پر پوری ٹیم میدان بدر ہوگئی، نسیم شاہ ، محمد طحہ اور عارش علی نے تباہ کن بولنگ کرتے ہوئے حریف بیٹنگ لائن کو وکٹ پر تادیر ٹکنے نہیں دیا، نسیم نے 22 جبکہ محمد طحہ نے 14رنز کے عوض 3،3 وکٹوں کا سودا کیا ، عارش نے 23رنز دیتے ہوئے 2 وکٹیں اپنے نام کیں،زیڈ کیگرن نے سب سے زیادہ 47رنز بنائے، انھوں نے 42 گیندوں کا سامنا کرتے ہوئے 5 چوکے اور ایک چھکا جڑا، سی اسمتھ 38 گیندوں پر 30رنز بنانے میں کامیاب ہوئے، مہمان ٹیم کے دیگر 8 بیٹسمینوں کا انفرادی اسکور سنگل ہندسے تک محدود رہا، عبداللہ منظور اور زید خان نے ایک ایک کھلاڑی کو آؤٹ کیا۔

بعدازاں 109 کے آسان ہدف کا تعاقب کرنے میں پاکستانی ٹیم کا آغاز پُراعتماد نہیں رہا، اوپنر روحیل نذیر 4 گیندوں پر 5 رنز بنانے کے بعد سویلی کی گیند پر ایوا کا کیچ بن گئے، انھوں نے ایک چوکا لگایا، تاہم دوسرے افتتاحی بیٹسمین زید خان نے پُراعتماد انداز میں بیٹنگ کرتے ہوئے 6 چوکوں کی مدد سے 35 گیندوں پر 44 رنز اسکور کیے، عبدالہادی 12رنز بنانے کے بعد سویلی کی گیند پرکلارک کے ہاتھوں جکڑے گئے، محمد طحہ 2 اور طحہ محمود 9 رنز سے آگے نہیں بڑھ پائے، زین بن فاروق نے 21 گیندوں پر 19 رنز ناٹ آؤٹ بنائے، آسٹریلوی بولرز کی کارکردگی بھی انتہائی ناقص رہی،انھوں نے 18رنز ایکسٹراز میں دیکر پاکستانی جیت میں ہاتھ بٹایا، اس میں 15 وائیڈز شامل رہیں، سی سویلی 26رنز دیکر3 کھلاڑیوں کو آؤٹ کرنے میں کامیاب رہے۔

ویلنگٹن ٹیسٹ:نیوزی لینڈ نے بنگلہ دیش کو ہرادیا

نیوزی لینڈ نے بنگلادیش کو ویلنگٹن ٹیسٹ میں سات وکٹ سے ہرادیا۔بنگلادیشی ٹیم پہلی اننگز میں 595 رنز کرنے کے بعد میچ میں شکست کھا نے والی پہلی ٹیم بن گئی ،بنگلادیشی ٹیم نے 122 سالہ ریکارڈ توڑ دیا۔

ویلنگٹن ٹیسٹ کے آخری دن بنگلادیشی ٹیم دوسری اننگز میں 160 رنز بناکر آوٹ ہوگئی۔کپتان مشفق الرحیم سر پر گیند لگنے سے زخمی ہو گئے،انہیں طبی امداد کے لئے اسپتال لے جایا گیا۔ڈاکٹرز نے ان کا معائنہ کر کے اسپتال سے فارغ کردیا۔

نیوزی لینڈ کو میچ جیتنے کے لئے 217 رنز کا ہدف ملاجو اس نے تین وکٹ پر حاصل کرلیا۔کین ولیمسن 104 رنز بناکر ناٹ آوٹ رہے۔

اس سے قبل 1894 میں آسٹریلوی ٹیم انگلینڈ کے خلاف پہلی اننگز میں 586 رنز کرکے میچ ہار گئی تھی۔

قومی ٹیم میلبورن سے پرتھ پہنچ گئی، کل پریکٹس سیشن ہوگا

کراچی: میلبورن میں آسٹریلیا کو 6 وکٹ سے شکست دینے کے بعد پاکستانی اسکواڈ پرتھ پہنچ گیا، منگل کی صبح پریکٹس سیشن ہوگا۔

تینوں ٹیسٹ اور پہلے ون ڈے میں شکست کے بعد پاکستانی ٹیم دوسرے میچ میں نئے روپ میں دکھائی دی، اظہر علی کی عدم دستیابی میں محمد حفیظ کی زیرقیادت ٹیم نے عمدہ پرفارم کیا تھا، بولرز نے پہلے کینگروز کو 220 رنز تک محدود رکھا، پھر بیٹسمینوں نے بھی ان کا بھرپور ساتھ دیتے ہوئے 14بالز قبل صرف 4 وکٹ پر ہدف تک رسائی دلا دی، یوں 12 برس بعد آسٹریلوی سرزمین پر پہلی کامیابی ہاتھ آئی.

اب تیسرا ون ڈے جمعرات کو پرتھ کے واکا اسٹیڈیم میں کھیلا جائے گا، میچ میں شرکت کیلیے پاکستانی ٹیم پیر کو چار گھنٹے سے زائد وقت کی فلائٹ سے پرتھ پہنچی۔

تیسرے ون ڈے میں آسٹریلوی ٹیم 3اہم کھلاڑیوں سے محروم رہے گی

پرتھ: پاکستان کیخلاف تیسرے ون ڈے میں آسٹریلوی ٹیم 3اہم کھلاڑیوں سے محروم رہے گی۔

کرس لین گردن،مچل مارش کندھے کی تکلیف میں مبتلا ہیں، مچل اسٹارک کو آرام دیا جائے گا، مارکس اسٹوئنس کو اسکواڈ میں شامل کرلیا گیا۔

25سالہ مچل مارش پاکستان کیخلاف سیریز میں تو شریک نہیں ہونگے لیکن ان کا نام آئندہ ماہ دورہ بھارت کیلیے منتخب 16 رکنی اسکواڈ میں شامل ہے۔

جوہانسبرگ:تیسرا ٹیسٹ جنوبی افریقہ پہلی اننگز میں 426 رنز بنا کر آؤٹ

جوہانسبرگ : جو ہانسبرگ میں جاری  تیسرے ٹیسٹ میں جنوبی افریقہ پہلی اننگز میں 426 رنز بنا کر آوٹ ہو گئی، جے پی ڈومنی 155 رنز بنا کر بنایاں رہے۔

Channel24-HD-SL

زرائع کے مطابق جوہانسبرگ میں جاری تیسرے ٹیسٹ  کے دوسرے روز جنوبی افریقہ کی ٹیم 426 رنز بنا کر پویلین لوٹ گئی۔

Channel24-HD-

جنوبی اریقہ نے ٹاس جیت کر پہلے بیٹنگ کرنے کا فیصلہ کیا ، پروٹیئز کی جانب سے سٹیفن کک 10 ، ڈین الیگر 27 ، ہاشم آملہ 134 ، جے پی ڈومنی 155 ،  اولیور 3 ، ڈوفلیسس 16 ، باووما 0 ، ڈی کاک 34 ،  فلینڈر 0 ، وین پارنیل23 ، رباڈا 0  رنز سکور کر سکے۔

Channel24-HD-SL

سری لنکن باؤلرز کی جانب سے  نوان پرادیپ اور کمارا نے 4 ، 4 کھلاڑیوں کو  آؤٹ کیا جبکہ میتھیوز  2 وکٹیں حاصل کر سکے۔

Channel24-HD-Amla

واضح رہے کہ ہاشم آملہ ٹیسٹ کرکٹ میں اپنا سواں میچ کھیل رہے ہیں  ، وہ جنوبی آفریقہ کی جانب سے 100 ٹیسٹ میچ کھیلنے والے 8ویں کھلاڈی بنے ہیں ،جبکہ سویں میچ میں سینچری سکور کر کے دنیا کے 8ویں کھلاڈی بھی بن گئے ہیں۔

سکندر بخت کی والدہ کا انتقال، سخی حسن قبرستان میں سپرد خاک

سابق ٹیسٹ کرکٹر فاسٹ بولرسکندر بخت کی والدہ جمعرات کو انتقال کرگئیں، مر حومہ کی تدفین سخی حسن قبرستان میں عمل میں آئی۔

مرحومہ کا سوئم ہفتے کو بعد نمازِ ظہر سے مغرب مکان نمبر77، لین نمبر8، فیز5، ڈی ایچ اے میں ہوگا۔کرکٹ سے متعلق شخصیات، سابق کرکٹرز دوست و احباب نے سکندر بخت سے ان کی والدہ کے انتقال پر گہرے رنج و غم کا اظہار کیا اوران کیوالدہ کے درجات میں بلندی کی دعا کی۔

ٹیسٹ سیریز کے بعد ون ڈے میں بھی پاکستانی ٹیم کو ناکامی کا سامنا

برسبین: آسٹریلیا نے پاکستان کو پہلے ون ڈے میں 92 رنز سے شکست دیکرپانچ ایک روزہ میچوں کی سیریز میں 0-1 کی برتری حاصل کرلی۔

برسبین کے وولن گابا اسٹیڈیم میں کھیلے گئے میچ میں آسٹریلیا نے پاکستان کو 92 رنز سے شکست دے دی۔ پاکستانی ٹیم 42 ویں اوور میں 176 رنز پر ڈھیر ہوگئی، پاکستان کی جانب سے اننگز کا آغاز اظہر علی اور شرجیل خان نے کیا اور دونوں بلے بازوں نے محتاط انداز سے کھیلتے ہوئے ٹیم کا اسکور 38 رنز تک پہنچایا تھا کہ شرجیل خان جیمز فالکنر کی گیند پر کیچ آؤٹ ہو گئے جب کہ ایک رن کے اضافے کے بعد کپتان اظہر علی ریٹائرڈ ہرٹ ہو کر میدان سے باہر چلے گئے۔ محمد حفیظ بھی 4 رنز بنا کر فالکنر کا شکار بنے جب کہ عمر اکمل کو 17 رنز پر مچل اسٹارک نے ٹریوس ہیڈ کے ہاتھوں کیچ آؤٹ کرایا۔ بابر اعظم اچھی فارم میں نظر آئے تاہم وہ بھی 33 رنز بنا کر پیٹ کمنس کی گیند پر سلپ میں اسٹیون اسمتھ کو کیچ دے بیٹھے۔

بابر اعظم کے آؤٹ ہونے کے بعد کوئی بھی پاکستانی کھلاڑی خواطر خواہ کارکردگی نہیں دکھاسکا جب کہ ریٹائرڈ ہرٹ ہو کر میدان سے باہر جانے والے کپتان اظہر علی بھی کوئی خاص کارکردگی نہ دکھاسکے اور 24 رنز بناکر آؤٹ ہوگئے۔ پاکستان کی جانب سے بابر اعظم 33 جب کہ عماد وسیم 29 رنز بناکر سر فہرست رہے۔

قبل ازیں آسٹریلیا کی جانب سے ڈیوڈ وارنر اور ٹریوس ہیڈ نے اننگز کا آغاز کیا لیکن پانچویں اوور میں محمد عامر نے وارنر کو 7 رنز پر کلین بولڈ کر دیا اور پھر اگلی ہی گیند پر عامر نے اسٹیون اسمتھ کو بھی وکٹوں کے پیچھے محمد رضوان کے ہاتھوں کیچ آؤٹ کرادیا۔ 52 کے مجموعی اسکور پر حسن علی نے سلو ڈلیوری پر جارح مزاج کرس لین کو آؤٹ کرا دیا جبکہ ٹریوس ہیڈ بھی 39 کے انفرادی اسکور پر عماد وسیم کی گیند پر وکٹوں کے پیچھے کیچ آؤٹ ہو گئے۔

گلین میکسویل نے 60 زنز کی اننگز کھیلی جب کہ میتھیو ویڈ نے پاکستانی بولرز کا ڈٹ کر مقابلہ کیا اور آخری اوور کی آخری گیند پر اپنی سنچری مکمل کی۔ پاکستان کی جانب سے حسن علی نے 3، محمد عامر اور عماد وسیم نے 2، 2 جب کہ محمد نواز نے ایک کھلاڑی کو آؤٹ کیا۔

ویسٹ انڈیز کرکٹ بورڈ نے دورہ پاکستان سے معذرت کرلی

دبئی: ویسٹ انڈیز کرکٹ بورڈ نے رواں سال دورہ پاکستان سے معذرت کرلی ہے۔

پاکستان کے کرکٹ کے میدان طویل عرصے سے ویران پڑے ہیں جنہیں آباد کرنے کے لیے پاکستان کرکٹ بورڈ  نے ویسٹ انڈیز کی ٹیم کو لاہور میں رواں سال 2 ٹی ٹوئنٹی میچز کی سیریز کھیلنے کی دعوت دی تھی جس پر ویسٹ انڈیز کرکٹ بورڈ نے  دورے کو سیکورٹی ٹیم کی اجازت سے مشروط کیا تھا لیکن اب ویسٹ انڈین بورڈ نے دورہ پاکستان سے معذرت کرلی ہے۔

کھیلوں کی معروف ویب سائٹ کے مطابق  ویسٹ انڈیز کرکٹ بورڈ نے فیڈریشن آف انٹرنیشنل کرکٹرزایسوسی ایشن کی  جانب سے سیکورٹی خدشات کااظہار کرتے ہوئے ٹیم پاکستان نہ بھیجنے کی تجویز دی جس کے بعد ویسٹ انڈین کرکٹ بورڈ نے  ٹیم پاکستان نہ بھیجنے کا فیصلہ کیا ہے تاہم دونوں بورڈز کے درمیان رواں سال مارچ میں امریکی ریاست فلوریڈا میں 2 ٹی ٹوئنٹی میچزکے لیے بات چیت جاری ہے۔

Google Analytics Alternative