کھیل

نیوزی لینڈ کے کوچ نے پاکستانی بولنگ اٹیک کو خطرناک قرار دیدیا

ایک انٹرویو میں نیوزی لینڈ کرکٹ ٹیم کے کوچ نے کہا کہ پاکستان ٹیم کا بولنگ اٹیک کسی بھی کنڈیشنز میں خطرناک ثابت ہوتا ہے ۔

انہوںنے مزید کہا کہ پاکستانی بولرز نیا بال سوئنگ بھی کرتے ہیں اور ریورس سوئنگ بھی کر سکتے ہیں ، ان کے پاس ایک کوالٹی اسپنربھی ہے ۔

مائیک ہیسن نے کہا کہ اس لئے پاکستان ٹیم مجموعی طور پر ایک چیلنج کی حیثیت رکھتی ہے، ہمیں اپنی کنڈیشنز سے بھرپور فائدہ اٹھانا ہو گا ۔

پاکستان اور نیوزی لینڈ کا ٹور میچ، بارش کی نذر

ٹیسٹ سیریز سے قبل پاکستان کرکٹ ٹیم کی تیاریاں بری طرح متاثر ہو رہی ہیں، 3 روزہ پریکٹس میچ کے پہلے روز بارش کے باعث کھیل ہی شروع نہ ہو سکا ۔

ٹریننگ سیشن تو خراب موسم کے باعث متاثر ہو ئے، اب موسم 3روزہ میچ کی راہ میں بھی رکاوٹ بن گیا ہے، پاکستان اور نیوزی لینڈ اے کرکٹ ٹیموں کے درمیان واحد ٹور میچ کا پہلا روز شدید بارش کی نذرہو گیا ۔

ٹاس ہوا تو میزبان ٹیم نے جیت کر بیٹنگ کا فیصلہ کیا، لیکن ایک بھی گیند نہ پھینکی جا سکی ، آج بھی کوئی اچھی پیش گوئی نہیں ہے ۔

جمعرات کو شروع ہونے والا بارش کا سلسلہ آج کو بھی جاری رہنے کا امکان ہے ، اس میچ میں پاکستان نے یونس خان ، محمد عامر، وہاب ریاض ، یاسر شاہ اور شرجیل خان کو آرام دیا ۔

بنگلہ دیش لیگ، آفریدی نے حریف کواسپن جال میں پھنسا لیا

ڈھاکا: بنگلہ دیش پریمیئر لیگ میں شاہد آفریدی نے کھلنا ٹائٹینز کو اسپن بولنگ کے جال میں پھنسا لیا، ان کی تباہ کن بولنگ نے یکطرفہ مقابلے میں رنگپور رائیڈرز کو 9 وکٹ سے فتح دلادی، ٹائٹینز کی پوری ٹیم 10.4 اوورز میں ایونٹ کے کمترین اسکور 44پر ڈھیر ہوئی، ڈبل فیگر میں پہنچنے والے واحد بیٹسمین شواگتا ہوم نے 12 رنز بنائے، آفریدی نے چار کھلاڑیوں کو آؤٹ کیا، عرفات سنی نے 3 وکٹیں لیں۔ رائیڈرز نے ایک وکٹ گنوا کر 8 اوورز میں آسان ہدف حاصل کرلیا، واحد وکٹ جنید خان کے نام رہی۔

تفصیلات کے مطابق بی پی ایل کے پانچویں میچ میں کھلنا ٹائٹینزکی آدھی ٹیم 15 رنز تک پویلین واپس لوٹ چکی تھی، شواگتا ہوم نے 12 رنز بناکر کچھ ہمت دکھائی، ان کے بعد نورالعالم نے سب سے زیادہ 8 رنز بنائے، پوری ٹیم 64 بالز پر 44 رنز پر آؤٹ ہوئی، یہ بی پی ایل کا کمترین مجموعہ ہے، اس سے قبل بریسال بلز 58 رنزپر آؤٹ ہوئی تھی۔

ایک مکمل اننگز میں سب سے کم گیندوں کا سامنا کرنے کے معاملے میں ٹائٹینز دنیا کی پانچویں ٹیم بن گئی، اس حوالے سے بنگلہ دیش کی ہی ایک مقامی ٹیم محمڈن 52 بالز پر آؤٹ ہوئی تھی۔ ایسیکس اور نیدرلینڈز 63، 63 گیندوں پر آؤٹ ہوچکے ہیں۔ یہ ٹوئنٹی کرکٹ میں چھٹا کم ترین ٹوٹل ہے، سب سے کم 30 رنز پر بھارتی ڈومیسٹک ٹیم تریپورہ آؤٹ ہوئی تھی، نیدرلینڈز سری لنکا کے خلاف 39 رنز پر آؤٹ ہوچکا۔

ٹائٹینزکے خلاف شاہد آفریدی نے تین اوورز میں 12 رنز دے کر 4 وکٹیں لیں جبکہ ایکشن تبدیل کرنے کے بعد کھیل میں لوٹنے والے عرفات سنی نے 2.4 اوورز میں ایک بھی رن دیے بغیر تین کھلاڑیوں کوچلتا کیا۔ جواب میں رنگپور رائیڈرز نے8 اوورز میں ایک وکٹ گنواکر ہدف حاصل کرلیا، واحد وکٹ جنید خان نے محمد شہزاد کا ریٹرن کیچ تھام کر حاصل کی۔پانچویںمرتبہ ایک اننگزمیں چار وکٹیںلینے والے شاہد آفریدی کومین آف دی میچ قرار دیا گیا۔

راجکوٹ :انگلینڈ کے573رنز ، بھارتی بولنگ کی قلعی کھل گئی

1961کے بعد یہ پہلا موقع ہے جب ایشیا میں تین انگلش بیٹسمینوں نے ایک ہی اننگز میں تھری فیگرز اننگز کھیلی۔ بین اسٹوکس نے دو ڈراپ کیچ اور دو رن آئوٹس ضائع ہونے کا بھرپور فائدہ اٹھایا۔

دوسرے دن کھیل شروع ہوا تو 99 رنز پر کھیلنے والے معین علی نے پہلے ہی اوور میں کیریئر کی چوتھی ٹیسٹ سنچری مکمل کرلی۔ انہوں نے بین اسٹوکس کے ساتھ پانچویں وکٹ کیلئے62 رنز جوڑے اور 117 رنز بنا کر محمد شامی کی وکٹ بنے۔

جونی بیئرسٹو نے اسٹوکس نے بھی 99 رنز کی شراکت قائم کی ۔ بین اسٹوکس نے ظفر انصاری کے ساتھ نویں وکٹ کیلئے 52رنز کی شراکت قائم کی ۔

وہ 128 رنز بنا کر پویلین لوٹے۔ ظفر انصاری نے 32 رنز بنائے۔ رویندرا جدیجا تین جبکہ محمد شامی، امیش یادو اور روی چندر ایشون نے دو دو وکٹیں حاصل کیں۔ جواب میں بھارت نے بغیر کسی نقصان کے 63 رنز بنا لیے تھے۔

نیوزی لینڈ کی خواتین ٹیم نے قومی ٹیم کودوسرے میچ میں60رنزسے شکست دے دی

ویلنگٹن: نیوزی لینڈ خواتین کی ٹیم نے پاکستان کی خواتین ٹیم کو 60 رنز سے شکست دے کر سیریز میں دو صفر کی بر تری حاصل کر لی ، ایمی سٹیٹرتھویٹ نے سینچری سکور کرتے ہوئے 137 رنز کی اننگر کھیلی

ذرائع کے مطابق لنکن میں کھیلے جانے والے دوسرے ایک روزہ میچ میں نیوزی لینڈ کی ٹیم نے پہلے بیٹنگ کرتے ہوئے مقررہ 50 اوورز میں 308 رنز سکور کئے ، ایمی سٹیٹرتھویٹ نے 137 رنز بنا کر نمایاں رہیں جبکہ کیٹی مارٹن 65  رنز بنائے۔

پاکستان کی جانب سے ماہم طارق ، ثنا میر اور سعدیہ یوسف ایک ایک کھلاڈی کو آؤٹ کیا۔

بارش کی وجہ سے میچ 34 اوورز تک محدود کر دیا گیا جبکہ  قومی ٹیم کو 203 رنز کا ہدف ملا۔

قومی خواتین کی ٹیم 34 اوورز میں 142 رنز ہی بنا سکیں ، عائشہ ظفر 2 ، ناہیدہ خان 33 ، نین عابدی 45 ، بسمہ معروف 30 ندا ڈار 3 جبکہ اسماویہ اقبال 18 رنز ہی بنا سکیں۔

نیوزی لینڈ کی جانب سے سوزی بیٹس نے 2 جبکہ نیوٹن اور حناہ رو نے ایک ایک کھلاڈی کو آؤٹ کیا

واضح رہے کہ نیوزی لینڈ کی ٹیم کو 5 ایک روزہ میچوں کی سیریز میں دو صفر کی برتری حاصل ہے ، ایمی سٹیٹرتھویٹ میچ کی بہترین کھلاڈی قرار پائیں۔

جہانگیر خان ورلڈ اسکواش فیڈریشن کے اعزازی صدر مقرر

ایسٹ لندن: لیجنڈری اسکواش کھلاڑی جہانگیر خان کو ورلڈ اسکواش فیڈریشن کا 4 سال کے لیے اعزازی صدر مقرر کردیا گیاہے۔

سابق عالمی چمپئین اسکواش اور پاکستانی لیجنڈ جہانگیر خان کو اسکواش کی عالمی تنظیم ورلڈ اسکواش فیڈریشن کا آئندہ 4 سال کے لیے اعزازی صدر مقرر کردیا گیا ہے، پاکستانی لیجنڈ اس سے قبل بھی اسکواش کی عالمی تنظیم کے اعزازی صدر کے طور پر اپنی خدمات سر انجام دے چکے ہیں تاہم اس بار بھی ورلڈ اسکواش فیڈریشن کی جانب سے اس عہدے پر جہانگیر خان کو مقرر کیا گیا ہے۔

واضح رہے کہ جہانگیر خان انٹرنیشنل اسکواش سرکٹ میں ایک ناقابل شکست کھلاڑی تصور کیے جاتے تھے جب کہ ان کے حوالے سے یہ بھی مشہور ہے کہ انہوں نےمسلسل 555 میچز میں کامیابی کو اپنے گلے لگایا، اس کے علاوہ اسکواش لیجنڈ جہانگیر خان نے 1982 سے 1991 کے درمیان 6 مرتبہ ورلڈ اوپن اور 10 بار برٹش اوپن مقابلوں میں فتح حاصل کی۔

پاکستان کے خلاف سیریز کیلئے نیوزی لینڈ ٹیم کا اعلان

کیویز کی اعلان کردہ ٹیم کے باقی کھلاڑی ٹاڈ ایسل، ٹرینٹ بولٹ، کولن گرینڈ ہوم، میٹ ہنری، ٹام لیتھم، ہنری نکلز، جمی نیشم، جیت ریول، ٹم ساوتھی، راس ٹیلر، نیل ویگنز اور واٹلنگ ہیں ۔

کولن گرینڈ اور جیت ریول کو سیریز کے دوران ٹیسٹ کیپ دی جاسکتی ہے۔ پاکستان اور نیوزی لینڈ کے درمیان پہلا ٹیسٹ 17نومبر کو کرائسٹ چرچ میں کھیلا جائے گا، جبکہ دوسرا ٹیسٹ ہیملٹن میں کھیلا جائے گا۔

کیویز سے سیریز، پاکستانی ہتھیاروں کی جانچ کا وقت قریب

نیلسن: کیویزکیخلاف سیریز سے قبل پاکستانی ہتھیاروں کی جانچ کا وقت قریب آگیا، گرین کیپس ٹیسٹ سیریز سے قبل ’فل ڈریس ریہرسل‘ کریں گے، نیوزی لینڈ اے سے تین روزہ ٹور میچ جمعے کی صبح شروع ہوگا، کنڈیشنز سے ہم آہنگ ہونے کا واحد موقع ہونے کی وجہ سے پہلے ٹیسٹ کے ممکنہ کھلاڑیوں کو میدان میں اتارا جائے گا، بیٹنگ لائن اپ میں کسی بڑی تبدیلی کا امکان نہیں، موزوں فاسٹ اٹیک کے انتخاب پر ہیڈ کوچ مکی آرتھر سوچ بچار میں مصروف ہیں، یاسر شاہ خاص طور پر میزبان ٹیم مینجمنٹ کی توجہ کا مرکز ہونگے، گذشتہ روز بھی پاکستانی ٹیم کی تیاریاں زوروشور سے جاری رہیں، موسم خوشگوارہونے پر پورے تین گھنٹے پریکٹس کی، فزیکل فٹنس، فیلڈنگ، بیٹنگ اور بولنگ پر خاص توجہ دی گئی۔

دوسری جانب نیوزی لینڈ نے آخری لمحات میں اے ٹیم میں مزید2 کھلاڑیوں کوشامل کردیا، کائل جیمیسن اور لیوک ووڈ کاک کو موقع دیے جانے کا امکان ہے۔تفصیلات کے مطابق پاکستان کرکٹ ٹیم دورئہ نیوزی لینڈکا باقاعدہ آغاز میزبان اے ٹیم کیخلاف سہ روزہ پریکٹس میچ سے کررہی ہے، پاکستانی وقت کے مطابق جمعرات اور جمعے کی درمیانی شب تین بجے یہ میچ نیلسن میں کھیلا جائیگا جہاں کے موسم کا کوئی اعتبار نہیں ہے، اس کے باوجود گرین کیپس کو پوری امید ہے کہ وہ 2 ٹیسٹ کی سیریز کیلیے کنڈیشنز سے ہم آہنگ ہونے میں کامیاب ہوجائینگے۔

سہ روزہ میچ ٹیسٹ سیریز سے قبل تیاریوں کو جانچنے کا واحد موقع ہے اس لیے پاکستان کی جانب سے اس میں ان کھلاڑیوں کو ہی آزمایا جائیگا جن کے پہلے ٹیسٹ کی الیون میں شامل ہونے کا امکان ہے۔ خود ہیڈ کوچ مکی آرتھر اس حوالے سے واضح کرچکے کہ وہ ٹور میچ کو کسی تجربے کی نذر نہیں کرینگے۔ اوپنرز سمیع اسلم، اظہر علی، مڈل آرڈر بیٹسمین مصباح الحق اور یونس خان خاص طور پر حریف اے ٹیم کے بولرز کیلیے کڑا امتحان ثابت ہوسکتے ہیں، جنھیں اسد شفیق اور وکٹ کیپر بیٹسمین سرفراز احمد کی بھی سپورٹ حاصل ہوگی، تمام کھلاڑی اپنے دن پر بڑا اسکور بنانے کی صلاحیت سے مالامال ہیں۔

بولنگ اٹیک کے حوالے سے مکی آرتھر واضح سوچ نہیں رکھتے،گرین کیپس کی پیس بیٹری میں لیفٹ آرم پیسرز وہاب ریاض، محمد عامر اور راحت علی کے ساتھ رائٹ آرم سیمرز سہیل خان اور عمران خان موجود ہیں، کوچ موزوں اٹیک کے حوالے سے سوچ بچار کا شکار ہیں، ایک بات یقینی ہے کہ میزبان ٹیم مینجمنٹ کی نگاہیں خاص طور پر لیگ اسپنر یاسر شاہ پر مرکوز ہونگی جو ہر قسم کی کنڈیشنز میں اپنا جادو جگانے کی صلاحیت رکھتے ہیں، 18 ٹیسٹ میں 112 وکٹیں اس بات کا ثبوت ہیں۔

گذشتہ روز نیلسن میں موسم خوشگوار ہونے پر پاکستان ٹیم نے صبح کے سیشن میں 3 گھنٹے بھرپور ٹریننگ کی، مینجمنٹ کے مطابق تمام کھلاڑی مکمل فٹ اور کنڈیشنز سے ہم آہنگ ہونے کی کوشش کررہے ہیں، ہیڈ کوچ تیاریوں سے مطمئن دکھائی دیتے ہیں،  فزیکل فٹنس، فیلڈنگ، بیٹنگ اور بولنگ پر خوب توجہ مرکوز رہی۔

دوسری جانب نیوزی لینڈکی جانب سے آخری لمحات میں مزید2 کھلاڑیوں کو اے ٹیم میں شامل کرلیا گیا، ان میں کینٹربری کے سیمر کائیل جیمیسن اور ویلنگٹن کے آل راؤنڈر لیوک ووڈکاک شامل ہیں، 34 سالہ ووڈ کاک نے حال ہی میں ڈومیسٹک کرکٹ میں 2بہترین اننگز کھیلیں اور120 و203 رنز ناٹ آؤٹ اسکورکیے،21 سالہ رائٹ آرم بولر جیمیسن نے رواں سیزن میں اب تک 13 فرسٹ کلاس وکٹیں لیں جبکہ 11 میچز پر مشتمل کیریئر میں وہ 35 کھلاڑیوں کو آؤٹ کر چکے ہیں، دونوں کے اضافے سے اسکواڈ ممبران کی تعداد 14 ہوگئی، میدان میں اترنے والے کھلاڑیوں کا انتخاب کوچ بوب کارٹر کریں گے۔

Google Analytics Alternative