کھیل

یونس خان ٹیسٹ کرکٹ میں 10 ہزار رنز کا سنگ میل عبور نہ کر سکے

سڈنی: پاکستان کے سینئر ترین بیٹسمین یونس خان ٹیسٹ کرکٹ میں 10 ہزار رنز کا سنگ میل عبور نہ کر سکے۔

یونس خان کو یہ کارنامہ انجام دینے والا پہلا پاکستانی بیٹسمین بننے کیلئے مزید 23 رنز درکار ہیں۔ سڈنی ٹیسٹ کی دوسری اننگز میں جب وہ بیٹنگ کیلئے آئے تو انہیں اپنے 10 ہزار رنز مکمل کرنے کیلئے 36 رنز کی ضرورت تھی لیکن وہ 13 رنز ہی بنا سکے۔

سینئر بیٹسمین اب اس ریکارڈ سے 23 رنز کی دوری پر ہیں۔ یونس خان پہلے ہی سب سے زیادہ ٹیسٹ رنز بنانے والے پاکستانی پلیئر کا اعزاز رکھتے ہیں جب کہ ون ڈے انٹرنیشنل کرکٹ میں 11 ہزار 701 رنز کے ساتھ انضمام الحق پاکستان کے ٹاپ اسکورر ہیں۔

اصغر خان نیشنل امیچور گالف چیمپیئن شپ پشاور میں شروع

دوسری اصغر خان نیشنل امیچور گالف چیمپیئن شپ پشاور میں شروع ہوگئی۔ چیمپیئن شپ میں ملک بھر سے ایک سو پچاس گالفرز حصہ لے رہےہیں۔

ٹاپ رینک گالفرزچیمپیئن شپ کا حصہ ہیں، ایونٹ 54 ہولز پر کھیلاجارہاہے۔

گالف چیمپیئن شپ تین دن جاری رہے گی جس میں بوائزانڈر 14 اور 17 کیٹیگریز میں بھی مقابلے ہوں گے۔

چیمپیئن شپ میں ملک بھر سے ایک سو پچاس گالفرز حصہ لے رہے ہیں۔

محمد عامر کا مسل پل ہو گیا، بولنگ نہیں کی

سڈنی: آسٹریلیا کے خلاف جاری ٹیسٹ کے چوتھے روز میزبان ٹیم کی دوسری اننگز سے قبل پاکستانی فاسٹ بولر محمد عامر کا مسل پل ہو گیا جس کی وجہ سے انہوں نے بالنگ نہیں کی۔

سڈنی ٹیسٹ میں محمد عامر آسٹریلیا کی دوسری میں بولنگ کے لیے میدان میں نہیں آئے، پاکستان کی جانب سے عمران خان اور یاسر شاہ نے اننگز کا آغاز کیا۔ واضح رہے کہ عامر ان دنوں آؤٹ آف فارم میں ہیں، حالیہ ٹیسٹ سیریز میں ان کی کارکردگی بدترین رہی ہے۔

آرمی چیف سے فلائی ویٹ چیمپئن محمد وسیم کی ملاقات

آرمی چیف جنرل قمر جاوید باجوہ سے فلائی ویٹ چیمپئن محمد وسیم نے ملاقات کی ہے۔

آئی ایس پی آر کے مطابق آرمی چیف سے محمد وسیم کی ملاقات جی ایچ کیو راولپنڈی میں ہوئی،اس موقع پر آرمی چیف نے محمد وسیم کو کامیابیوں پر مبارکباد دی۔

سڈنی ٹیسٹ: 465 کے ہدف کے تعاقب میں پاکستان نے ایک وکٹ پر 55 رنزبنا لئے

سڈنی: تیسرے اور آخری ٹیسٹ کے چوتھے روز کھیل کے اختتام پر پاکستان نے آسٹریلیا کی جانب سے دیئے گئے 465 رنز کے ہدف کے تعاقب میں ایک وکٹ پر 55 رنز بنا لئے۔

سڈنی ٹیسٹ کے چوتھے روز پاکستان نے آسٹریلیا کی جانب سے 465 رنز کے ہدف کے تعاقب میں اپنی اننگز کا آغاز کیا تو 15 اوورز کا کھیل باقی تھا، قومی ٹیم کا اسکور 51 رنز تک پہنچا تو آسٹریلوی اسپنر ناتھن لیون کی گیند پر شرجیل نے مڈ وکٹ پر اونچا شاٹ کھیلنے کی کوشش میں ڈیوڈ وارنر کو کیچ تھما دیا، اوپنر نے آؤٹ ہونے سے قبل 38 گیندوں پر6 چوکوں اور ایک چھکے کی مدد سے 40 رنز بنائے۔ نائٹ واچ مین یاسر شاہ 3 رنز پر ناٹ آؤٹ ہیں جبکہ اظہر علی نے 11 رنز بنا رکھے ہیں۔ آسٹریلیا کی جانب سے ناتھن لیون نے واحد وکٹ حاصل کی، اب کھیل کے آخری روز پاکستان کو فتح کیلئے مزید 410 رنز درکار ہیں اور اس کی 9 وکٹیں باقی ہیں۔

اس سے قبل کینگروز نے 223 رنز کی برتری حاصل کرنے کے باوجود پاکستان کو فالو آن کرانے کے بجائے خود بیٹنگ کرتے ہوئے2 وکٹوں کے نقصان پر 241 رنز بناکر دوسری اننگز ڈیکلیئر کردی، میزبان اوپنر ڈیوڈ وارنر نے ابتدا ہی سے جارحانہ بیٹنگ کرتے ہوئے صرف 23 گیندوں پر ففٹی مکمل کی، انہیں 55پر وہاب ریاض نے بولڈ کیا، سٹیون سمتھ (59) نے یاسر شاہ کی گیند پر سرفراز احمد کو کیچ دیا، آسٹریلیا کا ٹوٹل 2 وکٹ پر 241 تک پہنچا تو کپتان نے اننگز ڈیکلیئر کرنے کا اعلان کرتے ہوئے پاکستان کو فتح کیلئے 465 رنز کا ٹارگٹ دیا۔ عثمان خواجہ 79 اور پیٹر ہینڈز کومب 40 پر ناٹ آؤٹ رہے۔

قبل ازیں چوتھے روز کا کھیل بارش کے باعث تاخیر سے شروع ہوا تو پوری مہمان ٹیم پہلی اننگز میں 315 رنز پر ڈھیر ہو گئی، پاکستان نے اپنی پہلی نامکمل اننگز 8وکٹ پر 271 رنز سے شروع کی تو یونس خان 136اور یاسر شاہ 5 رنز کے ساتھ کریز پر آئے،اس وقت بھی فالو آن سے بچنے کیلیے 67 رنز درکار تھے، سینئر بیٹسمین میزبان بولرز کا آخر تک ڈٹ کر مقابلہ کرتے رہے اور 175 رنز بنا کر ناٹ آؤٹ رہے لیکن ٹیل اینڈرز ساتھ چھوڑ گئے، جوش ہیزل ووڈ نے دونوں کو چلتا کردیا، یاسر شاہ 10 رنز بنا کر سلپ میں سٹیون سمتھ کو کیچ دے بیٹھے اور اسی اوور میں عمران خان بھی بولڈ ہو گئے۔ آسٹریلیا کی جانب سے ہیزل ووڈ 4، ناتھن لیون3، مچل سٹارک اور سٹیو اوکیف ایک ایک وکٹ لے اڑے۔ یاد رہے کہ کینگروز نے اپنی پہلی اننگز 8 وکٹ پر 538 رنز بناکر اپنی اننگز ڈیکلیئر کردی تھی۔

یونس خان ٹیسٹ کرکٹ کے تمام میزبان ملکوں میں سنچریز بنانے والے واحد بیٹسمین بن گئے

سڈنی: یونس خان ٹیسٹ کرکٹ کی میزبانی کرنے والے تمام ملکوں میں سنچریز بنانے والے واحد بیٹسمین بن گئے۔

یونس خان نے یہ سنگ میل سڈنی ٹیسٹ کے تیسرے روز عبور کیا، سینئر بیٹسمین ٹیسٹ کھیلنے والے تمام ملکوں پاکستان، انگلینڈ، آسٹریلیا، نیوزی لینڈ، بھارت، ویسٹ انڈیز، جنوبی افریقا، بنگلا دیش اور زمبابوے کے ساتھ نیوٹرل وینیو متحدہ عرب امارات میں بھی تھری فیگر اننگز کھیل چکے ہیں۔

اس سے قبل بھارتی راہول ڈریوڈ کو ٹیسٹ کرکٹ کھیلنے والے تمام ملکوں میں سنچری بنانے کا ریکارڈ حاصل تھا لیکن وہ یواے ای میں نہیں کھیلے۔

سڈنی ٹیسٹ کے تیسرے روزپاکستان کی بیٹنگ

سڈنی ٹیسٹ میں آسٹریلیا کےپہلی اننگز کے اسکور 538 رنز کے جواب میں پاکستان کی بیٹنگ جاری ہے، بارش کے باعث تیسرے روز کاکھیل چار گھنٹے کے بعد شروع ہوا۔سڈنی ٹیسٹ کے تیسرے روز کو پنک ڈے کے نام سے منسوب کیا گیا ہے۔

سڈنی ٹیسٹ میں جب دوسرے دن کے کھیل ختم ہواتوپاکستا ن نے اپنی پہلی اننگ میں2 وکٹوں کے نقصان پر 126 ر نز بنائےتھے،یونس خان64جبکہ اظہر علی58رنز کے ساتھ کریز پر موجود تھے۔

اس سے قبل آسٹریلیا نےاپنی پہلی اننگ 538 رنز 8وکٹوں کے نقصان پرختم کرنے کا اعلان کیا تھا۔

واضح رہے کہ آسٹریلیا کے محکمہ موسمیات نے تین روز قبل ہی سڈنی میںبارش کی پیش گوئی کر دی تھی۔ سڈنی ٹیسٹ میںتیسرےروزکےکھیل سےپہلےتیزبارش شروع ہوئی جو وقفے وقفے سے جاری ہےجس کے باعث تیسرے دن کا کھیل تاخیر کا شکار ہوا۔

سڈنی ٹیسٹ کے تیسرے دن کو ’’پنک ڈے‘‘ کے نام سے منسوب کیا گیا ہے، شائقین کرکٹ نے گلابی رنگ کو ترجیح دی جس کے باعث اسٹیڈیم میں ہرطرف گلابی رنگ نظر آرہا ہے

اسپنر یاسر شاہ ہیمسٹرنگ انجری کا شکار

سڈنی ٹیسٹ میں ایک طرف آسٹریلیانے پاکستان کے خلاف پہلی اننگز میں بڑا اسکور بنالیا ہےتو دوسری جانب مصباح الحق کے لئے مشکلات مزید بڑھنے لگیں۔لیگ اسپنر یاسر شاہ ہیم اسٹرنگ انجری کا شکار ہوگئے ۔

یاسر شاہ کو سڈنی ٹیسٹ کے پہلے دن 167 رنز کے عوض صرف ایک وکٹ ہی مل سکی۔

آج صبح جب وہ میچ سے قبل پریکٹس کے لئے آئے تو گھٹنے میں تکلیف محسوس کررہے تھے،جس وجہ سے وہ دوسرے دن بولنگ کے لئے بھی نہ آسکے۔ٹیم ڈائریکٹر کا کہنا ہے یاسر شاہ ہیم اسٹرنگ انجری کا شکار ہوگئے۔

واضح رہے کہ سڈنی ٹیسٹ میں پاکستان بولنگ پہلے ہی مشکلات سے دوچار ہے اب دوسری اننگز میں یاسر شاہ انجری مزید مشکلات کا باعث بن سکتی ہے۔

Google Analytics Alternative