کھیل

قومی بلائینڈ کرکٹ کی کامیابیاں جاری ، سری لنکا کو بھی شکست دے دی

نئی دہلی : قومی بلائنڈ کرکٹ سب کے قابو سے باہر ، آج کھیلے گئے میچ میں سری لنکا کو بھی پچھاڑ دیا ،ناقابل شکست شاہین کل نیپال سے ٹکرائیں گے۔ 

ذرائع کے مطابق بلائنڈ ٹی ٹونٹی ورلڈ کپ پاکستان کی کامیابیوں کا سلسلہ ہے جاری انگلینڈ ، نیوزی لینڈ اور بھارت کے بعد اس بار لنکن حریفوں کو بھی ڈھیر  کر دیا۔

Channel24-HD-Blind-Cricket-Team

،  سری لنکا نے پہلے بیٹنگ کرتے ہوئے مقررہ اوورز میں 7وکٹوں کے نقصان پر 164رنز بنائے ، پاکستان نے مطلوبہ ہدف 17.2اوور میں حاصل کرلیا پاکستان کی جانب سے بدر منیر نے 49رنز بنائے۔

قومی بلائنڈ کرکٹ ٹیم اب نیپال سے مد مقابل ہوگی،ٹیم کی حوصلہ افزائی کے لئے جمعرات کو دہلی میں پاکستانی ہائی کمشنر کی جانب سے کھلاڑیوں اور مینجمنٹ کے اعزا میں عشایہ دیا جائے گا جبکے وزیر اعلی پنجاب شہباز شریف کی جانب سے بھی ٹیم کی حوصلہ افزائی کی گئی ہے انہوں نے ریوائتی حریف بھارت کو شکست دینے پر ٹیم کو مبارک باد بھی پیش کی۔

پی سی بی جسے بہتر سمجھے کپتان بنا دے،مصباح الحق

اقبال اسٹیڈیم، فیصل آباد کے باہر میڈیا سے گفتگوکرتے ہوئے مصباح الحق کا کہنا تھا کہ کپتانی کےلیے میں کسی کا نام نہیں لوں گا، کل سب واپس آنے کا کہہ رہے تھے، آج پوچھتے ہیں میں رٹائرمنٹ کب لوں گا۔

انہوں نے کہا کہ شکست پر طعنے دئیے جائیں گے تو پھر کوئی کپتان کارکردگی نہیں دکھا سکتا۔

ایک سوال کے جواب میں مصباح الحق کا کہنا تھا کہ کپتانی کے لیے کسی کا نام نہیں لوں گا، اگر میں کارکردگی نہیں دکھا سکا تو میرے مشورے کا فائدہ نہیں۔

ٹیسٹ کپتان نے کہا کہ ٹیم پر پریشر کچھ کم ہوگا تو کارکردگی میں بہتری آئے گی، ملک سے باہر ہر ٹیم کو محنت کرنا پڑتی ہے، بھارت اپنے ہی ملک میں جیت کر نمبر ون بناہے۔

مصباح الحق نے کہا کہ قوم کی سوچ میں مستقل مزاجی ہو تو ٹیم میں بھی آجائے گی، مسائل کے حل تک ہر کپتان پریشان رہے گا۔

آسٹریلیا میں میری کارکردگی مایوس کن رہی،کرکٹرمحمدرضوان

پشاور میںکرکٹر محمد رضوان نے ایک نجی اسکول کا دورہ کیا۔اس موقع پر انہوں نے میڈیا سے گفتگو میں کہا کہ آسٹریلیا میں وکٹ کیپنگ میں میری کارکردگی اچھی رہی۔ بیٹنگ میں بہتری لانے کے لیے بھی کوشش کروں گا۔

انہوں نے بچوں کے لیے پیغام میں کہا کہ بچےمحنت کریں ،مستقبل میں ان ہی میں سے بڑے کرکٹر نکلیں گے۔

کیویز نے آسٹریلوی ٹیم کو پہلے ون ڈے میں ہی جکڑلیا

آکلینڈ : آسٹریلیا کے ہیرونیوزی لینڈ میں زیرو ،پاکستانی شاہینوں کے پر کاٹنے والے کینگروز کا تکبر نیوزی لینڈ میں جاتے ہی خاک میں مل گیا ، کیویز نے آسٹریلوی ٹیم کو پہلے ون ڈے میں ہی جکڑلیا۔ چھ رنز سے شکست دے دی۔ مارکس سٹونس کی سینچری بھی کام نہ آئی۔

Channel24-HD-New Zealand v Australia - 1st ODI

تفصیلات کے مطابق پاکستان کوٹیسٹ اور ون ڈے سیریز میں چاروں شانے چت کرنے والی آسٹریلوی ٹیم کاکیویز نے دھواں دارسواگت کیا۔آکلینڈ میں کھیلے جانے والے پہلے ون ڈے میں مقررہ پچاس اوورمیں 9وکٹوں کےنقصان پر 286 رنز بنائے۔گپٹل نے 61 اور بروم نے 73 رنز کی اننگز کھیلی۔پاکستانی باؤلرز کی پٹائی کرنے والے وارنر کا بلا گھومانہ اسمتھ،میکس ویل کے چوکے لگے۔

Channel24-HD-New Zealand v Australia - 1st ODI

کینگروز کو جیت کےلئے 287 رنز بنانےتھے لیکن پوری ٹیم 47ویں اوورمیں 280 پر جام ہوگئی۔سٹار بلےباز مارکس سٹونس 146 رنز بناکر ناٹ آؤٹ رہے لیکن ان کی سینچری بھی ٹیم کے کسی کام نہ آسکی۔کینگروز چھ رنز سے میچ ہارگئے۔

Channel24-HD-NZ-vs-AUs

مارکس سٹونس کے146 رنز بھی ٹیم کو جتا نہ سکے،سٹونس نے جارحانہ اننگز کھیلی جس میں11 چھکے اور 9 چوکے شامل تھے  ،بہترین اننگز کھیلنے پرمارکس سٹونس کو مین آف دی میچ قرار دیا گیا۔

 

بھارت ایک بار پھر پاکستان کے ساتھ ہاکی سیریز کھیلنے سے مکرگیا

لاہور: بھارت نے پاکستان پر ویزوں کے لئے دیر سے درخواست دینے کا الزام عائد کرتے ہوئے ایک بار پھر ہاکی سیریز کھیلنے سے انکار کردیا ہے۔

بھارت نے پاکستان کے ساتھ ہاکی سیریز کھیلنے سے انکار کر دیا ہے، ہاکی انڈیا نے چیمپئنز ٹرافی 2014 سیمی فائنل میں بھارت کی شکست کے بعد پاکستانی کھلاڑیوں کے جشن منانے کے معاملہ پر ایک بار پھر معافی کا مطالبہ کیا ہے اور تحریری معافی نامہ نہ ملنے تک دو طرفہ سیریز کھیلنے کے امکان کو بھی رد کر دیا۔

پاکستان ہاکی فیڈریشن کی جانب سے جونیئر ہاکی ورلڈ کپ کیلئے پاکستان ٹیم کو بروقت درخواست دینے کے باوجود بھارت کی جانب سے ویزے جاری نہ کرنے کا معاملہ اٹھایا گیا تو بھارت سٹپٹا گیا اور الٹا پاکستان پر ویزوں کیلئے لیٹ اپلائی کرنے کا الزام عائد کرتے ہوئے ایک بار پھر گڑھے مردے اکھاڑنے کی کوشش کر ڈالی۔

انڈین ہاکی کے عہدیدیدار آر پی سنگھ نے چیمپئنز ٹرافی سیمی فائنل میں بھارت کو ہرانے کے بعد پاکستانی کھلاڑیوں کے شرٹ اتار کر جشن منانے کے معاملہ کو ایک بار پھر اٹھایا ہے حالانکہ انٹرنیشنل ہاکی فیڈریشن نے بھارت کی ایماء پر فورا 2 پاکستانی پلیئرز پر ایک میچ کی پابندی عائد کر دی تھی جس کی وجہ سے توثیق احمد اور امجد جرمنی کے خلاف فائنل میں شریک نہیں ہو سکے تھے۔

 

لاہور قلندرز کے رائزنگ اسٹارز پروگرام سے کئی ستارے چمکے

لاہور قلندرز کے رائزنگ اسٹارز پروگرام سے کئی ستارے سامنے آئے، ان میں ایک نام فاسٹ بائولر محمد عرفان کا بھی ہے۔

پنجاب کے ایک چھوٹے شہر ننکانہ کے غریب گھرانے سے تعلق رکھنے والے محمد عرفان پاکستان سپر لیگ میں دھاک بٹھانا چاہتے ہیں ، بائیں ہاتھ کے دراز قد فاسٹ بائولر محمد عرفان پنجاب بھر میں ہونے والے لاہور قلندرز کے ٹیلنٹ ہنٹ پروگرام رائزنگ اسٹارز کی دریافت ہیں۔

محمد عرفان کا تعلق ننکانہ صاحب کے محنت مزدوری کرنے والے گھرانے سے ہے لیکن کرکٹ محمد عرفان کا جنون ہے اور وہ اسی میں نام کمانا چاہتے ہیں۔ محمد عرفان کا کہنا ہے کہ کیون پیٹرسن ہوں یا کرس گیل، کوئی فرق نہیں پڑتا، ان کے نشانے پر سب ہوں گے۔

لاہور قلندرز کے ڈائریکٹر عاقب جاوید نے محمد عرفان کی نشاندہی کی، عاقب جاوید کہتے ہیں کہ محمد عرفان کا ایکشن ہی منفرد نہیں مہارت بھی خوب ہے ۔ سابق فاسٹ بائولر وقار یونس محمد عرفان کے آئیڈیل فاسٹ بائولر ہیں، محمد عرفان کہتے ہیں کہ وہ پی ایس ایل میں لاہور قلندرز کے پلیٹ فارم کو مایوس نہیں کریں گے۔

شاہد آفریدی نے سرفراز احمد کو تینوں فارمیٹ کیلئے بہترین کپتان قرار دیدیا

کراچی :قومی کرکٹ ٹیم کے سابق کپتان بوم بوم شاہد آفریدی (shahid afridi)نے سرفراز احمد کو تینوں فارمیٹ کے لئے بہترین کپتان قرار دے دیا،، کہتے ہیں جتنی کرکٹ کھیلنی تھی کھیل لی اب توجہ لیگ کے طرف ہوگی

مایہ ناز آل راؤنڈر اور قومی کرکٹ ٹیم کے سابق کپتان شاہد آفریدی پہنچے کراچی یونیورسٹی جہاں پر شاہد آفریدی فاؤنڈیشن کی جانب سے منعقد تقریب میں شرکت کی۔

اس موقع پر میڈیا سے بات چیت کرتے ہوئے بوم بوم آفریدی نے سرفراز احمد کو کرکٹ کی تینوں فارمیٹ کے لئے بہترین کپتان قرار دے دیا۔

بوم بوم آفریدی نے خود کو کرکٹ کے لئے فٹ تو قرار دیا پر یہ بھی بتا دیا کہ جتنی کرکٹ کھیلنی تھی کھیل لی ، اب ساری توجہ لیگ پر ہی ہوگی۔

شہرہ آفاق آل راؤنڈر اور سابق کپتان بوم بوم آفریدی نے ملک میں انٹرنیشنل کرکٹ کی جلد بحالی کی امید ظاہر کی اور امن امان کے لئے سیکیورٹی اداروں کی خدمات کو قابل تحسین قرار دیا۔

نیشنل باسکٹ بال چیمپئن شپ آخری مرحلے میں داخل

نیشنل باسکٹ بال چیمپئن شپ آخری مرحلے میں داخل ہو گئی ہے ، پشاور، کوئٹہ،کوہاٹ، اسلام آباد، فاٹا، راولپنڈی، کراچی اور بنوں کی ٹیموں نے کوارٹر فائنل کیلئے کوالیفائی کرلیا۔

پشاورکےقیوم اسپورٹس کمپلیکس میں آل پاکستان نیشنل باسکٹ بال چیمپئن شپ کے لیگ میچز میں پشاور نے ڈی آئی خان ڈویژن کو 77-20سے شکست دی۔

راولپنڈی نے میر پور خاص کو 29 کے مقابلے 58 پوائنٹس سے شکست دیکر کوارٹر فائنل راؤنڈ کیلئے کوالیفائی کرلیا۔

پول اے سے پشاور اور کوئٹہ ، پول بی سے کراچی اور بنوں ، پول سی سے راولپنڈی اور فاٹا جبکہ پول ڈی سے اسلام آباد اور کوہاٹ کی ٹیموں نے کولیفائی کرلیا، کوارٹر فائنل راؤنڈ آج کھیلے جائیں گے۔

Google Analytics Alternative