کھیل

اٹلی نے یورو کپ 2016 کیلئے اپنے ابتدائی اسکواڈ کا اعلان کر دیا

اٹلی نے یورو کپ 2016 کیلئے اپنے ابتدائی اسکواڈ کا اعلان کرتے ہوئے آندرے پرلو اور ماریو بالوٹیلی کو اسکواڈ سے باہر کردیا ہے۔

اٹلی نے ستمبر میں بلغاریہ کے خلاف کوالیفائنگ میچ میں فتح کے بعد سے یویارک سٹی کی نمائندگی کرنے والے 37 سالہ پرلو کو ٹیم کا حصہ نہیں بنایا۔

ادھر 25 سالہ بالوٹیلی بھی کیریئر کی بدترین فارم کا شکار ہیں اور اب تک پورے سیزن میں اے سی میلان کیلئے صرف ایک گول کر سکے ہیں۔

ایونٹ کیلئے اعلان کردہ 30 رکنی اسکواڈ میں اینجلو اوگ بونا، میٹیو درمیان اور گرازیانو پیلے کو بھی شامل کیا گیا ہے۔

یاد رہے کہ یوونٹس کی نمائندگی کرنے والے 30 سالہ مڈفیلڈر کلاڈیو مرچیسیو پہلے ہی گھٹنے کی انجری کے سبب ایونٹ سے باہر ہو چکے ہیں۔

اٹلی کے کوچ انٹونیو کونٹے 31 مئی کو ٹیم کے 23 رکنی حتمی اسکواڈ کا اعلان کریں گے۔

1968 کی یورپیئن چیمپیئن یورو کپ کے گروپ ای میں سوئیڈن، بیلجیئم اور آئرلینڈ کے ساتھ موجود ہے۔

یورو کپ کا آغاز دس جون سے فرانس میں ہو گا جہاں 10 جولائی کو ہونے والے فائنل میں ایونٹ کے فاتح کا فیصلہ ہو گا۔

ایونٹ کیلئے اعلان کردہ اٹلی کا اسکواڈ ان کھلاڑیوں پر مشتمل ہے۔

گول کیپر: گیان لوگی بفون، فیڈے ریکو مرچیٹی، سلواٹور سری گو

دفاعی کھلاڑی: ڈیوڈ استوری، آنرے برزاگلی، جیورجیو چلینی، اینجلو اوگ بونا، ڈینیئل رگانی۔

وِنگر: فیڈریکو برناردیشی، انتونیو کینڈریوا، میٹیو درمیان، ماٹیا ڈی سگلیو، اسٹیفن ال شاراوے، ڈیوڈ زپاکوسٹا۔

مڈفیلڈرز: مارکو بناسی، گیاکومی، بوناوینٹورا، ڈینیئل ڈی روسی، الیزینڈرو فلورینزی، ایے نوئیل گیاچیرینی، جورگنہو، ریکارڈو مونتولیوو، تھیاگو موٹا، مارکو پرولو، اسٹیفنے اسٹارارو۔

فارورڈز: ایڈر، سیرو ام موبائیل، لورینزو انسگنی، گرازیانو پیلے، سیمون زازا۔

ویرات کو ہلی نے کر کٹ کے علاوہ یہ کام بھی کر سکتے تھے سب حیران رہ گئے

بنگلور بھارتی ٹیسٹ کپتان ویرات کوہلی نے ڈانسنگ اور گلوکاری کرنے کے بعد اب پینٹنگ کے میدان میں جوہر دکھانے شروع کردیئے ہیں۔ انڈین پریمیئر لیگ کی فرنچائز رائل چیلنجرز بنگلور نے ویرات کوہلی کی پینٹنگ کرتے ہوئے ایک ویڈیو جاری کی ہے جس میں وہ پہاڑ،ندی اور ہٹ بتاتے ہوئے نظر آرہے ہیں ،27سالہ کوہلی ا س وقت اپنے کیریئر کی بہترین فارم میں ہیں اور رواں سیزن میں 14میچز کھیل کر 900سے زائد رنز سکور کرچکے ہیں۔

تعلیم کے حوالے سے ٹویٹ محمد حفیظ کو مہنگا پڑ گیا

لاہور (مانیٹرنگ ڈیسک) پاکستان کرکٹ بورڈ نے ٹیسٹ کرکٹر محمد حفیظ سے تعلیم کے حوالے سے ٹویٹ کرنے پر جواب طلب کرلیا ہے ۔
میڈیا رپورٹس کے مطابق چیئرمین پی سی بی شہریار خان نے گزشتہ دنوں کوئٹہ میں پریس کانفرنس کے دوران کہا تھا کہ قومی کرکٹ ٹیم کی تنزلی کی اہم وجہ تعلیم کی کمی ہے اور آئندہ پڑھے لکھے لڑکوں کو ٹیم میں شامل کریں گے ۔ چیئرمین پی سی بی کا بیان آنے کے بعد اتوار کو محمد حفیظ نے اپنے ٹوئٹر اکاو¿نٹ پر لکھا تھا کہ تعلیم زندگی کا اہم ترین حصہ ہے لیکن صرف ڈگری کا ہونا ہی کافی نہیں ہے ، مجھے اپنے ٹیسٹ کرکٹر ہونے پر فخر ہے اور یہی میری ڈگری ہے۔
محمد حفیظ کے ٹویٹ کرنے پر پی سی بی نے اس بات کا نوٹس لے کر ان سے جواب طلب کرلیا ۔ پی سی بی کا کہنا ہے کہ محمد حفیظ کے ٹویٹ سے یہ تاثر ملاہے کہ بادی النظر میں انہوں نے چیئرمین پی سی بی کے تعلیم کے بیان کو ہدف تنقید بنایا ہے۔
واضح رہے کہ محمد حفیظ نے 2 روز قبل اتوار کو سوشل میڈیا پر مداحوں کے ساتھ سوال جواب کیے تھے جس کے دوران ایک مداح نے ان سے سوال کیا کہ اگر آپ کو الہ دین کا چراغ دے دیا جائے تو آپ کیا خواہش کریں گے؟ جس پر محمد حفیظ کا کہنا تھا کہ پاکستان میں 100 فیصد شرح خواندگی کی خواہش رکھتا ہوں۔ ایک اور مداح کے سوال کے جواب میں محمد حفیظ کا کہنا تھا کہ میرا یقین ہے کہ ایک انسان کیلئے کرکٹ مکمل تعلیم ہے۔ ایک شائق نے محمد حفیظ سے سوال کیا کہ کیا آپ واقعی سمجھتے ہیں کہ تعلیم کی کمی قومی کرکٹ کیلئے سب سے اہم مسئلہ ہے جس پر محمد حفیظ نے جواب دیا کہ تعلیم زندگی کا اہم ترین حصہ ہے لیکن صرف ڈگری کا ہونا ہی کافی نہیں ہے ، مجھے اپنے ٹیسٹ کرکٹر ہونے پر فخر ہے اور یہی میری ڈگری ہے۔

مینجر لوئس وین گال کو فوری طور پر برطرف کیے جانے کی تصدیق ہو گئی

لندن: کئی دن سے جاری قیاس آرائیوں کے بعد بالآخر مانچسٹر یونائیٹڈ نے اپنے مینجر لوئس وین گال کو فوری طور پر برطرف کیے جانے کی تصدیق کردی ہے۔

ایف اے کپ میں مانچسٹر یونائیٹڈ کی فتح کے فوراً بعد لوئس وین گال کو عہدے سے برطرف کر کے ان کی جگہ مشہور منیجر ہوزے مورینیو کو ذمے داریاں سونپے جانے کی خبریں منظر عام پر آئی تھیں۔

2013 میں عہد ساز کوچ ایلکس فرگیوسن کے مستعفی ہونے کے بعد سے مانچسٹر یونائیٹڈ بہتر کوچ کی تلاش میں سرگرداں ہیں جہاں ڈیوڈ موئز کے بعد لوئس وین گال بھی ٹیم کو کامیابیوں کی راہ پر گامزن نہ کر سکے۔

یاد رہے کہ مانچسٹر یونائیٹڈ گزشتہ دونوں سیزن کے دوران اچھی کارکردگی کا مظاہرہ کرنے میں ناکام رہی اور اس سیزن میں وہ مزید تنزلی سے دوچار ہوئی جس کے سبب کلب کے مداحوں کی جانب سے مستقل منیجر کو ہٹانے کا مطالبہ کیا جا رہا ہے۔

ٹیم کی گرتی ہوئی کارکردگی خصوصاً چیمپیئنز لیگ کے لیے کوالیفائی کرنے میں ناکامی کو دیکھتے ہوئے کلب کے حکام نے فوری تبدیلی کا فیصلہ کرتے ہوئے اپریل کے آخری ہفتے میں ہوزے مورینیو سے رابطہ کیا جنہوں نے منیجر کا عہدہ قبول کرنے پر اتفاق کر لیا ہے۔

وین گال کو عہدے سے ہٹانے کی سب سے بڑی وجہ ممکنہ طور پر چیمپیئنز لیگ کیلئے کوالیفائی کرنے میں ناکامی تھی اور اسی وجہ سے حکام نے تبدیلی کو ناگزیر سمجھا۔

بارسلونا اور بایرن میونخ کے سابق منیجر کی جانب سے کھلاڑیوں پر تنقید اور ان کے کھلانے کے انداز سے مانچسٹر کے اسکواڈ کے اکثر کھلاڑی ناخوش تھے جبکہ کلب کی گرتی ہوئی کارکردگی کی وجہ سے شائقین کی جانب سے مستقل انہیں ہٹانے کا مطالبہ کیا جا رہا تھا۔

وین گال نے اپنے بیان میں کہا کہ میں اپنے معاہدے کے تین سال مکمل نہ ہونے پر بہت مایوس ہوں، اتنے بہترین کلب کا منیجر بننا بہت بڑا اعزاز تھا اور ایسا کر کے میں نے بہت بڑا خواب پورا کر لیا۔

انہوں نے کہا کہ مجھے یقین ہے کہ مستقبل میں کامیابیوں کیلئے کلب کی بنیادیں بہت مستحکم ہیں اور یہ بڑی کامیابیاں حاصل کرے گا۔

یونائیٹڈ کی جانب سے جاری بیان میں کہا گیا کہ کلب کے نئے منیجر کا اعلان جلد کردیا جائے گا جہاں چیلسی اور ریال میڈرڈ کے سابق منیجر ہوزے مورینیو کو اس کیلئے سب سے مضبوط امیدوار تصور کیا جا رہا ہے۔

پی سی بی نے پی ایس ایل میں دو بڑے نام شامل کر لیے ۔

اسلام آباد پی ایس ایل کے پہلے ایڈیشن کے کامیاب انعقاد کے بعد پی سی بی کا ایک اور اہم اقدام، پی ایس ایل کے دوسرے ایڈیشن کی تیاریوں کا آغاز، پی سی بی نے دوسرے ایڈیشن کیلئے کرکٹ کے دو بڑے ناموں برینڈن میکلم، مچل جانسن کو شامل کرنے کیلئے رابطہ کر لیا۔پاکستان سپر لیگ کے دوسرے ایڈیشن کی کامیابی کیلئے انتہائی اہم اقدامات اٹھائے جا رہے ہیں، واضح رہے کہ پی ایس ایل کا آئندہ ایڈیشن 9 فروری 2017 ء سے شروع ہونے جا رہا ہے

سرفراز کا آرمی کے بارے بیان

ایبٹ آباد  قومی ٹی 20 ٹیم کے کپتان سرفراز احمد نے کہا ہے کہ کاکول اکیڈمی میں آرمی سٹاف نے کھلاڑیوں کی فٹنس بہتربنانے میں اہم کردارادا کیا۔
کاکول اکیڈمی میں میڈیا سے گفتگو کرتے ہوئے قومی ٹی 20 ٹیم کے کپتان سرفراز احمد کا کہنا تھا کہ کاکول میں فٹنس کیمپ سے کھلاڑیوں کی فٹنس بہترہوئی ہے ۔ پاک فوج کے ٹرینرز نے کھلاڑیوں کو خوب محنت کرائی اور فٹنس بہتر بنانے میں بہت مدد کی ۔ کھلاڑیوں کو ٹریننگ کیمپ کے دوران شروع میں مشکل پیش آئی تاہم بعد میں کھلاڑیوں نے بہت  انجوائے کیا

یونس خان کی خواہش سن کر آپ بھی حیران رہ جائیں گے

قومی کرکٹ ٹیم کے سینئر کھلاڑی یونس خان نے انوکھی خواہش کا اظہار کر دیا، یونس خان نے ایک وڈیو بیان میںکہا کہ کاش وہ کسی آرمی سکول میں پڑھتے ہوتے تو ان کی فٹنس اور بھی زیادہ اچھی ہوتی‘ یونس خان نے آرمی کے ٹرینرز کی زیر نگرانی فٹنس کیمپ میں یپنی اس خواہش کا اظہار کیا ہے ۔ 

محمد عامر کے ویزے کیلئے انگلش کرکٹ بورڈ سر گرم

لندن  انگلینڈ کرکٹ بورڈ نے انگلینڈ کے دورے کیلئے پاکستانی فاسٹ باولر محمد عامر کے ویزے کیلئے مددکرینگے۔ ذرائع کے مطابق ترجمان انگلش کرکٹ بورڈ کا اس سلسلے میں کہنا ہے کہ اس سلسلے میں پی سی بی سے مکمل رابطے میں ہیں۔واضح رہے کہ میچ فکسنگ کے الزامات میں سزا پانے کے بعد محمد عامر کیلئے انگلینڈ کے ویزے میں مشکلات آگئی تھیں۔

Google Analytics Alternative