کھیل

محمد عامر کیلئے بڑی خوشخبری آ گئی

لاہور: قومی کرکٹ ٹیم کے کھلاڑی محمد عامر کیلئے بڑی خوشخبری آ گئی ہے۔نجی ٹی وی چینل کے مطابق پاکستان کرکٹ بورڈ نے دورہ رنیوزی لینڈ میں شاندار کارکردگی کا مظاہر کر نے پر محمد عامر کو سینٹرل کنٹریکٹ میں شامل کرنے کافیصلہ کر لیاہے۔محمد عامر کو ابتدائی طور پرسینٹرل کنٹریکٹ کی سی کٹیگری میں شامل کیا جائے گا جس کے تحت محمد عامر کو تمام مراعات سمیت پی سی بی ماہانہ ایک لاکھ 75ہزار روپے دے گا۔واضح رہے محمد عامر سپاٹ فکسنگ کیس میں سزا پانے کے بعد دوبارہ قومی ٹیم میں شامل ہوئے ہیں تاہم ابتدائی مراحل میں انہیں کئی مشکلات کا سامنا کرنا پڑا تھا لیکن ٹیم کے باقی کھلاڑیوں نے محمد عامر کی اچھی حوصلہ افزائی کی جس کی بنیاد پر محمد عامر نے نیوزی لینڈ کیخلاف اچھی کارکردگی کا مظاہر کیا

ویسٹ انڈیز نے ورلڈ ٹی ٹوئنٹی کے لیے باقاعدہ اسکواڈ کا اعلان کردیا

انٹیگا: ویسٹ انڈیز نے ورلڈ ٹی ٹوئنٹی کے لیے باقاعدہ اسکواڈ کا اعلان کردیا ، ڈیرن سیمی ٹیم کی قیادت کریں گے جبکہ باؤلنگ پر پابندی کے شکار سنیل نرائن کو بھی 15 رکنی اسکواڈ میں شامل کیا گیا ہے۔ہندوستان جانے والی دنیا کی نمبر ایک ٹی ٹوئنٹی ٹیم میں شامل 11 کھلاڑی ایسے ہیں جو چار سال قبل سری لنکا میں ورلڈ ٹی ٹوئنٹی جیتنے والی ٹیم کا حصہ تھے۔ویسٹ انڈیز کرکٹ بورڈ نے سنیل نرائن کو پابندی کے باوجود ٹیم میں شامل کرکے حیران کن فیصلہ کیا ہے۔27 سالہ سنیل نرائن کو گزشتہ برس نومبر میں سری لنکا کے خلاف ون ڈے سیریز میں مشکوک باؤلنگ ایکشن کی نشاندہی پر آئی سی سی نے بین الاقوامی مقابلوں میں باؤلنگ سے معطل کردیا تھا۔سنیل نرائن کو گزشتہ سال ون ڈے ورلڈکپ کے لیے بھی ابتدائی طورپر ٹیم میں شامل کیا گیا تھا تاہم انھیں ایکشن کی درستی کی خاطر ٹیم سے ان کا نام واپس لیا گیا تھا۔ویسٹ انڈیز کا ورلڈ ٹی ٹوئنٹی اسکواڈ 22 فروری سے 6 مارچ تک تربیتی کیمپ کے لیے متحدہ عرب امارات میں جمع ہوگا جہاں سے 7 مارچ کو ہندوستان روانہ ہوگا۔ورلڈ ٹی ٹوئنٹی کے پہلے گروپ میں ویسٹ انڈیز کے ساتھ انگلینڈ، جنوبی افریقہ، سری لنکا اور ایک کوالیفائر ٹیم شامل ہوگی۔اسکواڈ میں شامل کھلاڑیوں کے نام یہ ہیں۔ڈیرن سیمی(کپتان)، سیموئیل بدری، کرس گیل، سلیمان بین، ڈیرن براوو، ڈیون براوو، آندرے فلیچر، جیسن ہولڈر، سنیل نرائن، کیرون پولارڈ، دنیشن رام دین، آندرے رسل، مارلن سیموئلز، لینڈل سمنز اور جیروم ٹیلرورلڈ ٹی ٹوئنٹی 8 مارچ سے 3 اپریل تک ہندوستان میں کھیلا جائے گا.

چھو ٹے اکمل کی جگہ بڑے اکمل کو کھلائے جانے کا امکان

کراچی:  ٹی ٹوئنٹی ورلڈ کپ2016 کے قومی ٹیم کے سکواڈ میں عمر اکمل کو ٹیم سے باہر اور کامران اکمل کو کھلائے جانے کا امکان ہے۔نجی ٹی وی چینل نے ذرائع کے حوالے سے دعویٰ کیا ہے کہ ٹیم مینجمنٹ مڈل آرڈر بلے باز عمر اکمل کے رویے سے کافی نالاں ہے اور انہیں ورلڈ کپ سکواڈ سے ڈراپ کرنا چاہتی ہے جبکہ ان کی جگہ انہی کے بڑے بھائی کامران اکمل جو کہ کافی عرصے سے ٹیم سے باہر ہیں کو ٹیم میں شامل کیے جانے کا امکان ہے۔ کامران اکمل کی شمولیت کے حوالے سے قومی ٹی 20 ٹیم کے کپتان شاہد آفریدی نے بھی رضامندی ظاہر کردی ہے

مصر اور لیبیا کے درمیان دوستانہ فٹ بال میچ 15 ویں منٹ میں روکنا پڑا

قاہرہ: مصر اور لیبیا کے فٹ بال ٹیموں کے درمیان دوستانہ میچ میں آنسو گیس کے پھیلنے سے کھلاڑی اور ریفری میدان چھوڑ کر باہر آگئے۔

2017 کے افریقن نیشنز کپ کوالیفائر کی تیاریوں کے سلسلے میں کھیلے گئے دوستانہ میچ کو 15 ویں منٹ میں روکنا پڑا جب میدان سے باہر تماشائیوں کو منتشر کرنے کے لیے مصر کے سیکیورٹی اہلکاروں کی جانب سے آنسو گیس کا استعمال کیا گیاجس کے اثرات میدان میں بھی ہوئے۔

آنسو گیس کے اثرات سے کھلاڑیوں کے آنسو نکل آئے اور وہ کھیل برقرار نہیں رکھ سکے اور میدان سے باہر آگئے جبکہ میدان میں موجود تماشائی بھی اس محفوظ نہیں رہ سکے۔

تاہم میچ کو آدھے گھنٹے کے وقفے کے بعد دوبارہ شروع کردیا گیا۔

میچ کو روکنے سے قبل لیبیا کی ٹیم گول کرنے کے بہت قریب پہنچنے کے بعد ناکام ہوئی تھی لیکن کھیل کے دوبارہ آغاز کے بعد میزبان مصر نے اچھے کھیل کا مظاہرہ کیا اور دوستانہ میچ کو 0-2 سے جیت لیا۔

شاہدآفریدی کی شہباز شریف سے ملاقات

لاہور:  وزیراعلیٰ پنجاب محمد شہباز شریف سے قومی ٹی ٹونٹی کرکٹ ٹیم کے کپتان شاہد آفریدی نے ملاقات کی جس میں کرکٹ کے کھیل کے فروغ کے حوالے سے بات چیت ہوئی۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ کرکٹ پاکستان کا بے حدمقبول کھیل ہے اور پاکستان میں کرکٹ کا بے پناہ ٹیلنٹ موجود ہے۔ انہوں نے کہا کہ پاکستان کے کرکٹرز نے کئی مواقع پر عالمی سطح پر ملک وقوم کانام روشن کیا ہے۔کھلاڑی پاکستان کے عظیم سفیر ہیں ۔وزیراعلیٰ نے کہاکہ کھیل کو صرف کھیل کے طو رپر ہی لینا چاہیے۔ کھیل کی اصل روح سپورٹس مین سپرٹ ہے ۔صحت مند معاشرے کی تشکیل میں کھیلوں کافروغ نہایت ضروری ہے،یہی وجہ ہے کہ پنجاب حکومت نے صوبے میں سپورٹس کی سرگرمیوں کے فروغ کیلئے موثر اقدامات کیے ہیں۔انہوں نے کہا کہ کھیلوں کا فروغ انتہا پسندی کے رجحانات کے خاتمے اورصحتمندانہ سرگرمیوں میں اضافے میں ممدومعاون ثابت ہورہا ہے ،اسی لئے پنجاب حکومت صوبے میں کھیلوں کی سرگرمیوں کو فروغ دے رہی ہے ۔کھیل کسی ملک کاسافٹ امیج اجاگر کرنے میں بھی نمایاں کردارادا کرتے ہیں ۔اس لئے صوبے میں کھیل اوردیگر صحتمندانہ سرگرمیوں کے فروغ کیلئے خطیر وسائل فراہم کیے جارہے ہیں ۔ انہوں نے کہا کہ کرکٹ ،ہاکی سمیت دیگر کھیلوں کے میدان صوبے بھر میں آباد کیے گئے ہیں۔ انہوں نے کہا کہ آئندہ بھی کرکٹ سمیت دیگر کھیلوں کے فروغ کے لئے ہر ممکن سہولتیں فراہم کرینگے۔

کرس گیل پی ایس ایل میں شرکت کے لیے 2 فروری کو دبئی پہنچ رہے ہیں

لاہور: پاکستان سپر لیگ (پی ایس ایل) کے متحدہ عرب امارات میں انعقاد کے لیے صرف 6 دن رہ گئے ہیں لیکن حکام کے سامنے درجنوں مسائل ہیں اور میچوں کے لیے ریفریز اور امپائرز کا فیصلہ کرنا ہے، تاہم پی سی بی کے حکام یہ تاثر دینے کی کوشش کررہے ہیں کہ پی ایس ایل وسیع پیمانے اور باآسانی شروع ہونے جارہی ہے جو حقیقت سے دور ہے۔

لاہور میں پی ایس ایل کے میچوں کے لیے پی سی بی کے ایلیٹ امپائروں اور ریفریز کی تعینانی کے حوالے سے بڑی تشویش پائی جاتی ہے۔

ایلیٹ پینل کے ایک ریفری نے میڈیا سے گفتگو میں کہا کہ ہمیں امید ہے کہ پی سی بی کے ایلیٹ پینل کے امپائر اور ریفریز کو بین الاقوامی امپائروں کے ساتھ میچ کا انتظام سنبھالنے کے لے تعینات کیا جائے گا لیکن ہمیں تشویش ہے جیسا کہ خبر ہے کہ ہماری کوئی جگہ نہیں ہے”۔

دوسرے امپائر نے تشویش کا اظہار کرتے ہوئے کہا کہ مقامی امپائروں کو ملک میں گزشتہ 6 سالوں کے دوران بین الاقوامی میچوں کی غیر موجودگی میں پی ایس ایل سے بڑی امیدیں وابستہ ہیں لیکن تصویر ان کے لیے کچھ زیادہ واضح نہیں ہے۔

انھوں نے انکشاف کیا کہ پی ایس ایل کی جانب سے آنے والی خبریں حوصلہ افزا نہیں ہیں صرف کچھ امپائروں اور ریفریز کو ممکنہ طور پر موقع دیا جائے گا۔

دلچسپ بات یہ ہے کہ پی ایس ایل کے حکام نے لیگ کی افتتاحی تقریب کے حوالے سے تمام تفصیلات جاری کی ہیں لیکن کرکٹ کے حوالے سے اور بالخصوص ریفریز اور امپائروں کے حوالے سے کچھ نہیں آیا۔

دوسری جانب یہ بھی دیکھا گیا ہے کہ ویسٹ انڈیز کے جارح مزاج بلے باز کرس گیل سمیت تین مشہور غیر ملکی کھلاڑیوں کی جانب سے ابھی تک پی ایس ایل میں شرکت کے حوالے سے تصدیق کرنا باقی ہے، وجوہات کیا ہیں وہ خود بہتر جانتے ہیں تاہم پی سی بی کے اہم رکن کا دعویٰ ہے کہ کرس گیل پی ایس ایل میں شرکت کے لیے 2 فروری کو دبئی پہنچ رہے ہیں۔

تحریک انصاف کرکٹ کے میدان میں بھی اتر آئی

لاہور : تحریک انصاف کرکٹ کے میدان میں بھی اتر آئی ، پی ٹی آئی پی سی بی کی پریشانی کو دور کرنے کے لیے بہترین فاسٹ باوٗلر تلاش کرے گی جو مستقبل میں پاکستان کرکٹ کی نمائندگی کرے گا عمران خان کی ہدایت پر لاہور سے فاسٹ باوٗلرز ٹیلنٹ ہنٹ پروگرام کا آغاز کر دیا۔پہلے ٹیلنٹ ہنٹ پروگرام کا آغاز لاہور سے ہو گا اور پھر یہ سلسلہ دوسرے شہریوں تک پھیلایا جائے گا جس میں 16 سے 25 سال تک کی عمر کے نوجوان اپنی صلاحیتوں کا کھل کر اظہار کریں گے۔ٹیلنٹ ہنٹ پروگرام سے سامنے آنے والے پانچ بہترین باوٗلرز کو سلیکٹ کر کے پی سی بی کو ریفر کیا جائے گا جنہیں سٹیٹ بینک کی جانب سے روزگار بھی ملے گا۔ اس سلسلے کا پہلا کیمپ 20 اور 21 فروری کو لاہور کے ایل سیِ سی اے گراوٗنڈ میں لگے گا

استعفیٰ دینے کا کوئی ارادہ نہیں”وقار یونس”

پاکستان کے کرکٹ ہیڈ کوچ وقار یونس نے اپنے استعفے سے متعلق میڈیا پر چلنے والی خبروں کو افسوس ناک قرار دیا ہے۔

وقار نے مقامی میڈیا پر چلنے والی ان خبروں کو مسترد کیا جن میں دعویٰ کیا گیا تھا کہ وہ مایوس کن نیوزی لینڈ دورے کے بعد استعفیٰ دینے کو تیار ہیں۔

نیوزی لینڈ میں پاکستان کی اب تک کی کارکردگی انتہائی مایوس کن رہی ہے۔ گرین شرٹس پہلے ٹی ٹوئنٹی میچ میں کامیابی حاصل کرنے کے بعد باقی دو میچوں میں یک طرفہ مقابلے کے بعد شکست سے دوچار ہوئے۔

اسی طرح ون ڈے سیریز کا پہلا میچ بھی کیویز کے نام رہا جبکہ دوسرا میچ بارش کی نذر ہوگیا۔

میڈیا رپورٹس کے مطابق پاکستانی کوچ نے کھلاڑیوں اور ٹیم مینجمنٹ کے درمیان ’اعتماد کے فقدان‘ پر استعفیٰ دینے کی دھمکی دی تھی۔

تاہم 44 سالہ سابق تیز باؤلر نے ان خبروں کی تردید کرتے ہوئے کہا کہ ان خبروں سے انہیں تکلیف پہنچی۔’ایشیا کپ اور ورلڈ ٹی ٹوئنٹی سے قبل اس طرح کی رپورٹس افسوس ناک ہیں‘۔

’میرا استعفیٰ دینے کا کوئی ارادہ نہیں۔ جب ٹیم اچھی کارکردگی کا مظاہرہ نہیں کررہی ہوتی تو ایسی خبریں چلانا میڈیا کی عادت ہوتی ہے۔‘

وقار نے تسلیم کیا کہ دورہِ نیوزی لینڈ میں خاطر خواہ نتائج حاصل نہیں ہو سکے۔

وقار کا کہنا تھا کہ میچوں میں اچھی پوزیشن بنانے کے باوجود ٹیم کامیابیاں حاصل نہیں کر پا رہی۔

اس سے قبل بیٹنگ کوچ گرانٹ فلاور نے بھی کھلاڑیوں کو تنقید کا نشانہ بناتے ہوئے کہا تھا کہ نیوزی لینڈ کے خلاف ٹیم کو ’اپنے دماغ کا استعمال‘ کرنا پڑے گا۔

پہلے میچ میں شکست کے بعد بیٹنگ کوچ کا کہنا تھا کہ ‘سچ بات یہ ہے کہ جس طرح کا آغاز ہمیں ملا تھا اس کے بعد ہمیں انہیں 200 کے قریب اسکور تک محدود کرنا چاہیے تھا۔’

فلاور کا مزید کہنا تھا کہ کھلاڑی اپنی غلطیوں سے نہیں سیکھ رہے اور یہ سب سے افسوس ناک پہلو ہے۔

Google Analytics Alternative