کھیل

اسپنر یاسر شاہ ہیمسٹرنگ انجری کا شکار

سڈنی ٹیسٹ میں ایک طرف آسٹریلیانے پاکستان کے خلاف پہلی اننگز میں بڑا اسکور بنالیا ہےتو دوسری جانب مصباح الحق کے لئے مشکلات مزید بڑھنے لگیں۔لیگ اسپنر یاسر شاہ ہیم اسٹرنگ انجری کا شکار ہوگئے ۔

یاسر شاہ کو سڈنی ٹیسٹ کے پہلے دن 167 رنز کے عوض صرف ایک وکٹ ہی مل سکی۔

آج صبح جب وہ میچ سے قبل پریکٹس کے لئے آئے تو گھٹنے میں تکلیف محسوس کررہے تھے،جس وجہ سے وہ دوسرے دن بولنگ کے لئے بھی نہ آسکے۔ٹیم ڈائریکٹر کا کہنا ہے یاسر شاہ ہیم اسٹرنگ انجری کا شکار ہوگئے۔

واضح رہے کہ سڈنی ٹیسٹ میں پاکستان بولنگ پہلے ہی مشکلات سے دوچار ہے اب دوسری اننگز میں یاسر شاہ انجری مزید مشکلات کا باعث بن سکتی ہے۔

اظہرعلی آسٹریلوی سرزمین پرزیادہ رنز بنانے والے غیرملکی اوپنر بن گئے

سڈنی: پاکستانی کھلاڑی اظہرعلی آسٹریلوی سرزمین پرزیادہ رنز بنانے والے غیرملکی اوپنر بن گئے.

اظہرعلی آسٹریلوی سرزمین پرایک سیریزمیں سب سے زیادہ رنز بنانے والے غیرملکی اوپنر بن گئے ہیں، اس سے قبل یہ ریکارڈ 352 رنز بنانے والے بھارتی اوپنر سنیل گواسکر کے پاس تھا، اظہر نے 3 میچز کی 5 اننگز میں 382 رنز سکور کر رکھے ہیں، اس کے ساتھ ہی وہ آسٹریلیا میں ایک سیریز کے دوران زیادہ رنز بنانے والے دوسرے پاکستانی بیٹسمین بھی بن گئے ہیں۔

اس سے قبل سب سے زیادہ رنز کا ریکارڈ محسن خان کے پاس ہے جنہوں نے 5 میچز میں 390 رنز بنائے، اظہر علی سڈنی ٹیسٹ میں 58 رنز پر ناقابل شکست ہیں اور ان کو آسٹریلیا میں سب سے کامیاب پاکستانی بیٹسمین بننے کیلئے مزید 9 رنز درکارہیں۔

سڈنی ٹیسٹ: پاکستان نے 2 وکٹوں پر 126 رنز بنا لئے

سڈنی: تیسرے ٹیسٹ میں پاکستانی بیٹنگ لڑکھڑا کر سنبھل گئی اور دوسرے دن کھیل کے اختتام پر 2 وکٹوں کے نقصان پر پاکستان نے 2 وکٹوں پر 126 رنز بنا لئے۔

پاکستان نے اپنی اننگز کا آغاز کیا تو ڈیبیو کرنے والے شرجیل خان 4 رنز پر ہیزل ووڈ کا شکار بن گئے، 6 کے ہی مجموعی اسکور پر بابر اعظم بغیر کھاتہ کھولے ہیزل ووڈ کی گیند پر ایل بی ڈبلیو ہوئے، جس کے بعد اظہر علی اور یونس خان نے شاندار بیٹنگ کا مظاہرہ کیا اور حریف بولرز کے خلاف کھل کر شاٹس کھیلیں، اظہر علی 58 اور یونس خان 64 رنز پر ناٹ آؤٹ ہیںِ۔ جوش ہیزل ووڈ نے 2 کھلاڑیوں کو آؤٹ کیا۔ دوسرے روز کھیل کے اختتام پر پاکستان نے 2 وکٹوں کے نقصان پر 126 رنز بنا لئے تھے۔ دونوں وکٹیں جوش ہیزل ووڈ نے حاصل کیں۔

اس سے قبل جب دوسرے دن کھیل کا آغاز ہوا تو آسٹریلیا نے اپنی پہلی اننگز 365 رنز 3 کھلاڑی آؤٹ پر شروع کی تو اوپنر میٹ رینشا 167 اور پیٹر ہینڈز کومب 40 رنز پر بیٹنگ کر رہے تھے، رینشا کو 184 رنز پر عمران خان نے بولڈ کر دیا، ہلٹن کارٹ رائٹ (37)کی وکٹیں بھی عمران خان نے اڑائیں، پیٹر ہینڈز کومب نے سنچری اسکور کی اور 110 رنز پر وہاب ریاض کی گیند پر ہٹ وکٹ ہو گئے، میتھیو ویڈ 29 رنز بنا کر اظہر علی کا شکار بنے، بابر اعظم نے کیچ لیا، آخری آؤٹ ہونے والے بیٹسمین مچل اسٹارک (16) بھی اظہر کی وکٹ بنے۔

آسٹریلیا نے 538 رنز 8 کھلاڑی آؤٹ پر اپنی پہلی اننگز ڈیکلیئر کر دی۔ وہاب ریاض نے 3، عمران خان اور اظہر علی نے 2,2 جب کہ یاسر شاہ نے ایک وکٹ حاصل کی، محمد عامر کے حصے میں کوئی وکٹ نہ آئی جبکہ اسد شفیق نے بھی 2 اوورز کروائے اور 12 رنز دیکر وکٹ سے محروم رہے۔

ویمن کرکٹر نین عابدی شادی کے بندھن میں بندھ گئیں

پاکستان ویمنز کرکٹ ٹیم کی اوپنر نین عابدی شادی کے بندھن میں بندھ گئیں،ان کا نکاح کراچی میں مقیم اسد جعفری سے ہوا۔

نین عابدی کی مہندی کی تقریب میں ویمن ٹیم کی کپتان ثناء میر سمیت تمام کھلاڑیوں نے شرکت کی، رخصتی کی تقریب کل ہوگی۔

نین عابدی پاکستان ٹیم کی جانب سے 75ون ڈے اور 65ٹی ٹوئنٹی کھیل چکی ہیں، انہیں پاکستان کی جانب سے ون ڈے کرکٹ میں پہلی سنچری بنانے کا اعزاز حاصل ہے۔

پہلا ٹی20 نیوزی لینڈ نے بنگلہ دیش کو 6 وکٹوں سے شکست دیدی

نیپیئر : پہلے ٹی ٹوئینٹی میں نیوزی لینڈ نے بنگلہ دیش کو 6 وکٹوں سے شکست دے کر سیریز میں 1-0کی برتری حاصل کر لی ہے، کین ویلیمسن73 رنز بنا کر نمایاں رہے۔

Channel24-HD-New Zealand v Bangladesh - 1st T20

ذرائع کے مطابق نیپیئر میں کھیلے گئے پہلے ٹی ٹوئینٹی میچ میں بنگلہ دیش نے ٹاس جیت کر پہلے بیٹنگ کرنے کا فیصلہ کیا اور مقررہ 20اوورز میں 8 وکٹوں کے نقصان پر 141 رنز بنا سکے۔

Channel24-HD-CRICKET-NZL-BAN

بنگلہ دیش کی جانب سے تمیم اقبال 11 ، ایمرولکیس 0، شبیر رحمٰن 16 ، شکیب الحسن 14 ، سومیا سرکار 0 ، محموداللہ 52 ، مصدق حسین 20 ، مشرفی مرتضیٰ 1، نورالحسن 7، رونل حسین 2  رنز بنا سکے۔

Channel24-HD-CRICKET-NZL-BAN

کیوی باؤلرز کی جانب سے فریگیوسن نے 3 ، وہیلر نے 2 جبکہ میٹ ہینری ، گرینڈ ہوم ، سینٹنر نے 1 ، 1وکٹ حاصل کی۔

Channel24-HD-CRICKET-NZL-BAN

جواب میں نیوزی لینڈ نے ہدف 18ویں اوور میں 4 وکٹوں کے نقصان حاصل کر لیا،کیویز کی جانب سے نیل بروم 6 ، کین ویلیمسن 73 مینرو 0 ، اینڈرسن 13 ، ٹوم بروس ، 7 ، گرینڈہوم 411 رنز بنا کر نمایاں رہے۔

بنگلہ دیش کی جانب سے  شکیب الحسن ، روبل حسین ، مسفیضرالرحمان نے 1 ، 1 وکٹ حاصل کی۔

Channel24-HD-CRICKET-NZL-BAN-KANE

میچ کے بہترین کھلاڑی  کین ویلیمسن قرار پائے۔

سڈنی ٹیسٹ: پہلے روز کے اختتام پر آسٹریلیا 3 وکٹوں پر 365 رنز

سڈنی ٹیسٹ کے پہلے روز کینگروز کو قابو کرنے کی کوششیں ناکام ہوگئیں۔پاکستانی بولر پورے دن میں صرف 3ہی وکٹیں گراسکے۔

بیٹسمینوں کی شاندار کارکردگی کے باعث آسٹریلیا نے صرف3وکٹوں کے نقصان پر365رنز بنالئے،میٹ رنشا نے 167رنز پر ناٹ آؤٹ ہیں جبکہ وارنر نے دھواں دار 113رنز بنائے۔

سیریز کے تیسرے اور آخری ٹیسٹ میں آسٹریلوی کپتان اسٹیون اسمتھ نے ٹاس جیت کر بیٹنگ کا فیصلہ کیا، جو درست ثابت ہوا۔

اوپنر ڈیوڈ وارنر اور میٹ رنشا نے اننگز کا آغاز کیا۔ دونوں بیٹسمینوں نے 151رنز کا آغاز فراہم کیا جس میں ڈیوڈ وارنر کےتیزرفتار 113رنز شامل تھے، ٹیسٹ میچوں میں یہ ان کی 18ویں سنچری ہے۔

ڈیوڈ وارنر نےصرف 78گیندوں کی مدد سے کھانے کے وقفے سے قبل ہی سنچری بنا ڈالی۔

اس طرح وارنر دنیاکے پانچویں بیٹسمین بن گئے، جنہوں نے میچ کے پہلے ہی روز لنچ سے قبل سنچری بنائی۔ آسٹریلیا کے ڈان بریڈمین ، چارلس مک کارٹنی، وکٹر ٹرمپراور پاکستانی اوپننگ بیٹسمین ماجد خان یہ اعزاز حاصل کرچکے ہیں۔

عثمان خواجہ13 اور کپتان اسمتھ 24رنز بناکر پویلین لوٹ گئے،میٹ رنشا نے محتاط انداز میں بیٹنگ کرتے ہوئے ٹیسٹ کیریئر کی پہلی سنچری مکمل کی۔

پہلے روز کھیل کے اختتام پرکینگروزنے صرف تین وکٹوں کے نقصان پر 365رنز بنالئے تھے، میٹ رنشا 167اور ہینڈز کومب40رنز کے ساتھ کریز پر موجود تھے۔

پاکستان کی طرف سے وہاب ریاض نے دو جبکہ یاسر شاہ نے ایک کھلاڑی کو آؤٹ کیا۔

پی سی بی کی انٹرنیشنل کرکٹ بحالی کی کوششیں تیز

پی سی بی نے پاکستان میں انٹرنیشنل کرکٹ بحال کرنے کی کوششیں تیز کر دی ہیں۔

پاکستان اور ویسٹ انڈیز کرکٹ بورڈ کے درمیان 4ٹی ٹوئنٹی میچز پربات چیت جاری ہے،جس میں سے 2ٹی ٹوئنٹی پاکستان میں کھیلنے پر بات چیت ہورہی ہے۔

ویسٹ انڈین کرکٹ بورڈ کی رضامندی کے بعد ایک ٹی ٹوئنٹی امریکا میں، ایک ویسٹ انڈیز میں جبکہ 2لاہور میں کھیلے جانے کا امکان ہے۔

واضح رہے کہ گزشتہ روز چیئرمین پی سی بی ایگزیکٹو کميٹی نجم سیٹھی کا کہنا تھا کہ اگر ویسٹ انڈین کرکٹ بورڈ سیکیورٹی سے مطمئن ہوا تو ٹیم آئے گی۔

انٹرنیشنل کرکٹرز کو دورۂ پاکستان کیلئے راضی کرونگا: آفریدی

اسٹارکرکٹرشاہد آفریدی نے کہا ہے کہ انٹرنیشنل کرکٹرز کو پاکستان کا دورہ کرنے کے لیے راضی کرنے کی کوشش کروں گا۔

انہوں نے مزید کہا کہ مجھ سمیت ہر کرکٹر کی ذمے داری ہے کہ وہ دیگر ممالک کے کھلاڑیوں کو پاکستان آنے پر راضی کرے ۔

شاہد آفریدی کا کہنا تھا کہ ملک میں حالات بہتر ہوگئے ہیں، اب غیرملکی ٹیموں کو پاکستان آنا چاہیے۔

انہوں نے مزید کہا کہ 2011ء کا و رلڈ کپ نہ جیتنے پر افسوس ہے، جو ہم جیت سکتے تھے، فرسٹ کلاس کرکٹ میں وکٹوں کا معیار بہتر ہونا چاہیے، یونس اور مصباح کو اپنے مستقبل کا فیصلہ خود کرنا چاہیے۔

Google Analytics Alternative