کھیل

انٹرنیشنل چیمپئنز لیگ ، پی ایس جی نے ریال میڈرڈ کو ہرا دیا –

پیرس سینٹ جرمن کی ٹیم نے میچ میں تین گول سکور کئے ، ریال میڈرڈ کی جانب سے میچ میں صرف ایک گول سکور کیا جا سکا

لندن : برطانیہ میں جاری انٹرنیشنل چیمپئنز فٹبال کپ کے میچ میں پی ایس جی نے ریال میڈرڈ کو ایک کے مقابلے میں تین گولز سے ہرا دیا ہے ۔ انٹرنیشنل چیمپئنز کپ کے میچ میں پیرس سینٹ جرمین اور ریال میڈرڈ کی ٹیموں میں جوڑ پڑا ۔ پی ایس جی نے میچ کے آغاز سے ہی بہترین کھیل پیش کیا اور دوسرے منٹ میں پہلا گول سکور کر کے حریف ٹیم کو دباؤ کا شکار کر دیا ۔ اس کے بعد انہوں نے 35 ویں اور چالیسویں منٹ میں دو مزید شاندار گول داغ کر اپنی برتری تین صفر کر لی ۔ حریف ٹیم سخت محنت کے بعد دوسرے ہاف میں پنلٹی کک پر صرف ایک گول کرنے میں کامیاب ہو پائی ۔ فاتح ٹیم کی جانب سے تھامس دو گولز کیساتھ نمایاں رہے ۔

 

روجرز کپ:جینی بوچارڈ نے سلوواکیا کی ڈومینیکا کو ہرا دیا –

کینیڈین سٹار نے یکطرفہ مقابلے کے بعد حریف کھلاڑی کو مات دے کر اگلے مرحلے کیلئے کوالیفائی کیا

کینیڈا : روجرز ٹینس ٹورنامنٹ میں کھیلے گئے خواتین کے میچ میں کینیڈا کی جینی بوچارڈ نے سلوواکیا کی ڈومینیکا کو شکست دے کر اگلے مرحلے کیلئے کوالیفائی کر لیا ہے ۔ روجرز ٹینس ٹورنامنٹ کے دوسرے مرحلے میں کینیڈا کی جینی بوچارڈ کا مقابلہ سلوواکیا کی ڈومینیکا کیساتھ ہوا ۔ کینیڈین ٹینس سٹار نے شاندار پرفارمنس کا مظاہرہ کرتے ہوئے حریف کھلاڑی کر جم کر کھیلنے کا موقع نہ دیا ۔ انہوں نے میچ میں یکطرفہ مقابلے کے بعد سٹریٹ سیٹس میں چھ دو اور چھ صفر سے کامیابی حاصل کی ۔ اس جیت کے بعد وہ ایونٹ کے راؤنڈ آف سِکسٹین (16) میں پہنچ گئی ہیں ۔

 

پاکستان ٹیم کے کھلاڑیوں کا مانچسٹر یونائٹیڈ کے ہوم گراؤنڈ کا دورہ

مانچسٹر: اولڈ ٹریفورڈ ٹیسٹ میں ناقص کارگردگی کے بعد قومی کرکٹ ٹیم کے کھلاڑی مانچسٹر یونائیٹڈ فٹ بال کلب کے ہوم گراؤنڈ پہنچے، کرکٹرز کی فیملیز بھی ان کے ہمراہ تھیں۔

تفصیلات کے مطابق قومی ٹیم جمعے سے شروع ہونے والے ووسٹر شائر کے خلاف کاؤنٹی میچ سے پہلے مانچسٹر یونئٹڈ فٹ بال کلب کی انتظامیہ نے پاکستانی ٹیم کو اپنے ہوم گراؤنڈ پرآنے کی دعوت دی، پاکستانی کھلاڑیوں نے اس یادگار موقع پر خوب سیلفیاں بنوائیں، کھلاڑیوں نے کلب کے میوزیم میں جیتی ہوئی ٹرافیز بھی دیکھیں ۔

24-news-HD-wahab

پروفیسر حفیظ، ایک روزہ ٹیم کے کپتان اظہر علی اور فاسٹ باؤلر وہاب ریاض نے ہر چیز کا خوب معائنہ کیا، ۔ٹیسٹ کپتان مصباح الحق بھی ان کے ساتھ تھے، کوچ مکی آرتھر، مینجر انتخاب عالم ، بیٹنگ کوچ گرانٹ فلاور، ٹرینر گرانٹ لوڈن اور فزیو شان ہاویز نے بھی کھلاڑیوں کے ہمراہ تھے ۔

24-news-HD-azhar

واضح رہے کہ مانچسٹریونائیٹڈ کلب کا دورہ قومی کرکٹرز کے لیے تفریح کے ساتھ یاددہانی بھی کہ اسے آئندہ ٹیسٹ میں انگلینڈ کے خلاف اچھی کارکردگی دکھا کرایک بارپھراپنی حیثیت منوانا ہوگی

آئی سی سی ٹیسٹ رینکنگ ، یاسرشاہ کی پانچویں پوزیشن

آئی سی سی نے نئی ٹیسٹ ریکنگ جاری کردی، پاکستان کے یاسر شاہ پہلی سے پانچویں پوزیشن پرآ گئے ہیں، بیٹنگ میں بھی یونس خان کی رینکنگ گر گئی ہے ۔

اولڈٹریفرڈ میں پاکستانی کھلاڑی نے سوائے نقصان کے کچھ نہ اٹھایا،میچ گنوایا،وکٹیں گنوادیں،اب رینکنگ بھی گرالی۔

ٹیسٹ رینکنگ میں پہلے نمبر پر موجود یاسر شاہ سیدھا پانچویں پوزیشن پر پہنچ گئے،انہوں نے دوسرے ٹیسٹ میں 63اوور میں 266رنز دیئے اور صرف ایک ہی وکٹ لے پائے ، اس خراب کارکردگی کے بعد ان کی رینکنگ میں چار درجے تنزلی آگئی۔

ویسٹ انڈیز کے خلاف سات وکٹیں لینے والے بھارت کے روی چندر اشون پہلے نمبر پر پہنچ گئے، بولنگ رینکنگ میں جیمز اینڈرسن دوسرے اسٹیورٹ براڈ تیسرے اور ڈیل اسٹین چوتھے نمبر پر آگئے۔

صرف بولنگ ہی نہیں بیٹنگ رینکنگ میں بھی پاکستان کے یونس خان ساتویں سے دسویں نمبر پر پہنچ گئے ہیں ، جبکہ مصباح الحق آٹھویں نمبر پر موجود ہیں ، اس فہرست میں آسٹریلیا کے اسٹیو اسمتھ بدستور پہلے نمبر پر ہیں

دنیا کی طویل ترین ریس کا فاصلہ جان کر دنگ رہ جائینگے

روس سے چین تک شاہراہ ریشم کار ریلی اس وقت مینگولیا کے سلک وے کار ریلی کوبی ریگستان سے گزر رہی ہے ،قدیم شاہراہ قراقرم (سلک وے) ریلی کا آغاز 2009 میں ہوا تھا اور یہ ریس روس کے شہر قازان سے ترکمانستان کے شہر اشک آباد تک تھی۔ تاہم 2010 سے 2013 تک یہ کار ریلی صرف روس کی حد تک محدود رہی۔ 2016 میں اس ریس کا آغاز ماسکو سے ہوا اور اس کا اختتام بیجنگ میں ہو گا۔2009 سے 2011 تک یہ ریلی ڈاکار ریلی کا حصہ تھی۔سلک وے ریلی ڈاکار ریلی سے طویل ہے۔ 9 جولائی سے شروع ہونے والی اس ریس میں ڈرائیورز 10734 کلومیٹر طویل روٹ پر ریس کریں گے جس میں روس کے جنگلات ہیں تو قزاقستان کے دشت بھی ہیں اور چین کے ٹیلے بھی ہیں۔ یہ ریلی 24 جولائی کو بیجنگ میں اختتام پذیر ہوگی<br/> ۔اس ریس کے بارے میں کہا جاتا ہے کہ ’یہ ریس وہ نہیں جیتتے جو تیز چلاتے ہیں بلکہ وہ جیتتے ہیں جن کی گاڑی خراب نہیں ہوتی۔‘سلک وے ریلی کے ڈائریکٹر ویلادیمیر چاگن کا کہنا ہے ’یہ ایک نہایت دشوار کھیل ہے جو دو ہفتے جاری رہتا ہے۔‘اس قسم کی جدید کار ریسنگ کا آغاز 1979 میں پیرس سے ڈاکار ریلی سے ہوا جو صحرائے صحارا سے گزرتی ہے۔ یہ ریلی دشوار ہونے کے باعث کافی مشہور ہوئی جس میں کئی ڈرائیور اپنی جان کھو بیٹھے۔ لیکن اس ریلی کی شہرت اس وقت کم ہوئی جب ریلی کو 2009 میں جنوبی امریکہ منتقل کر دیا گیا۔2016 کی سلک وے ریلی میں 40 ممالک سے ڈرائیور حصہ لے رہے ہیں۔ اس ریلی کے روٹ پر زیادہ لوگوں کو تجربہ نہیں ہے اور اس میں حصہ لینے کی فیس پانچ ہزار پاؤنڈ ہیں جو کہ ڈاکار ریلی کی فیس سے آدھی ہے۔ابھی تک سلک وے ریلی کا روٹ اتنا دشوار گزار نہیں رہا جتنا ڈاکار ریلی کا ہوتا تھا لیکن کہا جا رہا ہے کہ ڈرائیوروں کا صحیح امتحان اس وقت ہو گا جب وہ چین میں داخل ہوں گے۔

وزیراعلیٰ بلوچستان کا باکسر وسیم کوپانچ لاکھ انعام

کوئٹہ : وزیر اعلیٰ بلوچستان نواب ثناء اللہ زہری نے باکسرمحمد وسیم کوپانچ لاکھ روپے کاچیک دےدیا،اور باکسر کو ذاتی گھر لےکر دینے کی یقین دہانی بھی کروائی ہے.

تفصیلات کے مطابق باکسر محمد وسیم نے وزیر اعلیٰ نواب ثناء اللہ زہری سے ملاقات کی،اس موقع پر صوبائی وزراء بھی موجود تھے،وزیر اعلی ٰ بلوچستان نے محمد وسیم کو صوبائی حکومت کی جانب سے پانچ لاکھ روپے کا چیک حوالے کیا،جبکہ محمد وسیم کو ذاتی گھر دینے کی بھی یقین دہانی کرائی ہے.

وزیر اعلیٰ بلعچستان نواب ثنا ء اللہ زہری کا کہنا تھا کہ محمد وسیم نے اپنی محنت سے صوبے اور ملک کا نام روشن کیا ہے.

یاد رہے کہ محمد وسیم نے گزشتہ ہفتے سیئول میں فلپائن کے جیتھر الیوا کو شکست دے کر ورلڈ باکسنگ کونسل کا سلور فلائی ویٹ ٹائٹل جیت لیا.

وسیم پہلے پاکستانی باکسر ہیں جنہوں نے پروفیشنل ٹائٹل حاصل کیا ہے،انہوں نے گزشتہ برس پرفیشنل باکسنگ میں قدم رکھا تھا اور اس کی باقاعدہ تربیت امریکا اور جاپان سے حاصل کی.

واضح رہے کہ محمد وسیم کو سلور فلائی ویٹ ٹائٹل میں فتح کے بعد وزیر اعلیٰ پنجاب شہباز شریف سمیت دیگر اہم شخصیات نے مبارک باد دی تھی اور شہباز شریف نے ان کے لیے 5 لاکھ روپے انعام دینے کا اعلان کیا تھا.

ویرات کوہلی کی ٹیسٹ کرکٹ میں ڈبل سنچری

اینٹیگا: بھارتی ٹیسٹ ٹیم کے کپتان ویرات کوہلی نے ویسٹ انڈیز کے خلاف سیریز کے پہلے ٹیسٹ میں ڈبل سنچری بنا کر بھارت کے پہلےٹیسٹ کپتان بن گئے جنہوں نے بیرون ملک ڈبل سنچری بنانے کا اعزاز حاصل کیا.

تفصیلات کے مطابق بھارتی کرکٹر ویرات کوہلی ٹیسٹ کرکٹ میں بیرون ملک ڈبل سنچری بنانے والے ہندوستان ٹیم کے پہلے کپتان ہیں،جنہوں نے یہ اعزاز اپنے نام کیا ہے.

ویسٹ انڈیز کے شہر اینٹیگا میں جاری ٹیسٹ میچ میں بھارت نے کوہلی کی ڈبل سنچری کی بدولت کھانے کےوقفے تک 4 وکٹوں پر 404 رنز بنا کر اپنی گرفت مضبوط کرلی تھی جبکہ ان کا ساتھ ایشون دے رہے تھے جو 64 رنز بنا کر کھیل رہے تھے.

اس سے قبل کوہلی نے ایشون کے ساتھ دوسرے روز کے کھیل کا آغاز کیا تو ہندوستان کا اسکور 4 وکٹوں پر 302 رنز تھا اور 29 اوورز میں 102 کا اضافہ کیا جبکہ مجموعی شراکت 168 رنز کی تھی.

واضح رہے کہ بھارت کی عمدہ بیٹنگ اور روی چندرن ایشوین کی سنچری کی بدولت سیریز کے پہلے ٹیسٹ کے دوسرے روز بھارتی ٹیم نے چائے کے وقفے کے بعد اپنی پہلی اننگز آٹھ وکٹوں پر 566 رنز بنا کر ختم کر دی.

پی سی بی کی ملالہ یوسف زئی کو تیسرا ٹیسٹ دیکھنے کی دعوت

لندن : ملالہ نے دنیا بھر میں پاکستان کا نام روشن کیا ، ہمیں خوشی ہوگی وہ کسی بھی دن مہمان خصوصی کی حیثیت سے تشریف لائیں :چیئرمین پی سی بی . پاکستان کرکٹ بورڈ نے نوبل انعام یافتہ ملالہ یوسف زئی کو تیسرا ٹیسٹ میچ دیکھنے کی دعوت دے دی ۔ پاکستان کرکٹ بور ڈ کے چیئرمین شہریار خان نے کہا ہے کہ ملالہ یوسف زئی نے دنیا بھر میں پاکستان کا نام روشن کیا ہے اور وہ حوصلہ مندی کی علامت ہیں ، انھیں خوشی ہوگی کہ ملالہ ٹیسٹ میچ کے کسی بھی دن مہمان خصوصی کی حیثیت سے آئیں ۔ پی سی بی نے ملالہ یوسف زئی کو پاکستان اور انگلینڈ کے درمیان برمنگھم میں ہونے والے تیسرے ٹیسٹ میچ میں آنے کی دعوت دی ۔ تیسرا ٹیسٹ میچ 3 اگست سے شروع ہوگا

Google Analytics Alternative