کھیل

سیعد اجمل کو پنجاب میں بڑا عہدہ دے دیا گیا

لاہور  پاکستان کے مایہ ناز سپنر سعید اجمل کو ڈائریکٹر ڈویلپمنٹ کرکٹ پنجاب کے عہدے پر تعینات کر دیا گیا ہے۔ سعید اجمل کا کہنا ہے کہ عہدے پر تقرری میرے لئے اعزاز کی بات ہے جس پر وزیراعلیٰ پنجاب اور سپورٹس بورڈ پنجاب کا شکر گزار ہوں۔ انہوں نے کہا کہ پنجاب میں باصلاحیت نوجوان کرکٹرز تلاش کروں گا جنہیں کرکٹرز کی اکیڈمیز میں تربیت دی جائے گی۔

محمد عامر کو ابھی تک ویزا نہیں ملا لیکن پر امید ہیں کہ مل جائے گا،شہر یار

لاہور پاکستان کرکٹ بورڈ کے چیئر مین شہریار خان نے کہا ہے کہ محمد عامر کو ابھی تک ویزا نہیں ملا لیکن پر امید ہیں کہ اس عمل میں کوئی رکاوٹ نہیں آئے گی ۔ان کا کہنا ہے کہ کھلاڑی بیٹنگ اور باولنگ ضرور کریں لیکن فیلڈنگ اور فٹنس پر خاص توجہ دیں ۔
میڈ یا سے گفتگو کرتے ہوئے انہوں نے کہامکی آرتھر کو ابھی تک پاکستان کا ویزا نہیں ملا ،بدھ یا جمعرات تک انہیں ویزا ملنے کی امید ہے ۔ان کا کہنا تھا کہ آج کا نوجوان کل میدانوں میں نظر آئے گا ،ماضی میں بھی تمام بڑے کھلاڑی یونیورسٹیوں سے آئے ،کوشش ہے یونیورسٹیوں کی چیمپین شپ کرائی جائے۔شہریار خان نے کہا کہ کاردار کپ میں ایک ہزار سے زائد سکول حصہ لے رہے ہیں،اس ٹورنامنٹ میں نجی اسکولوں کے طلبا بھی شامل ہوں گے ۔

پاکستان کرکٹ ٹیم کے ہیڈ کوچ مکی آرتھر کو پاسپورٹ مل گیا،

کراچی پاکستان کرکٹ ٹیم کے ہیڈ کوچ مکی آرتھر کو پاسپورٹ مل گیا ہے اور وہ چند روز میں پاکستان آ جائیں گے۔ مکی آرتھر کا پاسپورٹ آسٹریلین ایمبیسی میں جمع تھا جو ضروری کارروائی کے بعد انہیں واپس مل گیا ہے اور اب وہ چند روز میں پاکستان پہنچ کر قومی ٹیم کو جوائن کر لیں گے۔

آئی سی سی کی جانب سے قومی ٹیم کے کھلاڑیوں کے ڈوپ ٹیسٹ لے لیے گئے

لاہور قومی ٹیسٹ کرکٹ ٹیم کے کپتان مصباح الحق اور کھلاڑی اظہر ،جنید خان کے ڈوپ ٹیسٹ لے لیے گئے ۔
تفصیلات کے مطابق انٹرنیشنل کرکٹ کونسل کے ماہرین نے پاکستانی قومی کرکٹرز کے ڈوپ ٹیسٹ لینے کیلئے کیمپ پہنچے جہاں انہوں نے آئی سی سی کے قوانین کے مطابق رینڈم ڈوپ ٹیسٹ لیے جن میں مصباح الحق ،اظہر علی اور جنید خان شامل ہیں ۔

محمد حفیظ کے چاہنے والوں کے لیے بڑی خوشخبری

لاہور  قومی کرکٹ ٹیم کے بلے باز محمد حفیظ کی فٹنس میں بہتری آرہی ہے جس کے بعد انگلینڈ کے خلاف دورے میں ٹیسٹ سیریز کے لیے قومی ٹیم میں ان کی شمولیت کا امکان بڑھ گیا ہے ۔میڈ یا رپورٹس کے مطابق پی سی بی کے سکلز کیمپ میں آج محمد حفیظ نے شرکت کر کے بیٹنگ کی پریکٹس کی ۔محمد حفیظ کی فٹنس سے متعلق شین ہیز نے پی سی بی کو آگاہ کرتے ہوئے بتا یا کہ محمد حفیظ 2ہفتوں میں مکمل فٹ ہو جائیں گے ۔

تاریخ میں پہلی بار :پاکستان اور اسرائیل آمنے سامنے

نیویارک بہت جلد پاکستان او ر اسرائیل آمنے سامنے آئیں گے۔امریکہ میں ہونے والے بیس بال کے عالمی مقابلے میں پاکستان اور اسرائیل کیٹیمیں تاریخ میں پہلی بار آمنے سامنے آئیں گی۔عالمی سطح پر یہ ایسا پہلا مقابلہ ہو گا جس میں قومی ٹیم کے کھلاڑی صیہونی ریاست کے کھلاڑیوں سے پنجہ آزمائیں گے۔
دونوں ممالک کی ٹیمیں ایک دوسرے کو شکست دینے کیلئے بھرپور تیاریاں کررہی ہیں جبکہ پاکستانی ٹیم پرعزم ہے کہ اسرائیل مد مقابل آیا تو وہ اس تاریخی میچ میں مخالف ٹیم کو شکست کا خوب مزہ چکھائے گی۔
دونوں ٹیمیں 22ستمبر سے 25ستمبر کو بروکلینڈ ،امریکہ میں ہونے والے عالمی مقابلہ میں مدمقابل آئیں گی۔اس عالمی مقابلہ میں پاکستان اپنا پہلا میچ 22ستمبر کو برازیل کے خلاف کھیلے گا۔

دورہ انگلینڈ:فاسٹ باولر محمد عامر کا ویزہ نہ آسکا

لاہور دورہ انگلینڈ کیلئے پاکستانی کرکٹ ٹیم کے کھلاڑیوں کے ویزے آگئے ہیں جبکہ فاسٹ باولر محمد عامر کا ویزہ تاحال موصول نہیں ہوا۔ذرائع کے مطابق دورے پر جانے والے کھلاڑیوں اور آفیشلز کے ویزے آگئے ہیں ۔ ان ویزوں کی تعداد 24ہے ۔ فاسٹ باولر اور پاکستانی باولنگ میں ریڑھ کی ہڈی سمجھے جانے محمد عامر کا ویزہ تاحال بورڈ کو موصول نہیں ہوا۔اس بارے میں بورڈ کے ذرائع کا کہنا ہے کہ کچھ نامکمل کوائف کی وجہ سے ایسا ہوا لیکن امید ہے کہ عامر کا ویزہ تین چار دن میں آجائے گا اس میں پریشانی کی کوئی بات نہیں۔ واضح رہے کہ محمد عامر کو سلمان بٹ اور محمد آصف سمیت میچ فکسنگ پر انگلینڈ میں سزا ہو چکی ہے اور فاسٹ باولر پانچ سال کی پابندی کے بعد گزشتہ سال کے آخرمیں انٹرنیشنل کرکٹ میں واپس آئے تھے۔

ویسٹ انڈیز، آسٹریلیا اور جنوبی افریقہ تین جون کو آمنے سامنے ہونگے،

گیانا  دنیائے کرکٹ کی تین بڑی ٹیمیں ویسٹ انڈیز، آسٹریلیا اور جنوبی افریقہ کے درمیان سہ ملکی کرکٹ سیریز 3جون سے شروع ہوگی۔ اس سیریز کا میزبان ویسٹ انڈیز ہے۔ذرائع  کے مطابق اس سیریز میں فائنل سمیت دس میچز کھیلے جائینگے۔فائنل 26جون کو بارباڈوس میں کھیلا جائے گا۔تمام میچزڈے اینڈ نائٹ ہونگے جو پاکستان وقت کے مطابق رات دس بجے شروع ہوا کریں گے۔

Google Analytics Alternative