کھیل

نو بال کو تھرڈ امپائر کے دائرہ اختیار میں دیا جائے، ڈیوڈ وارنر کی رائے

آسٹریلین اوپنر اور نائب کپتان ڈیوڈ وارنرنے نو بال کے مسئلے پر جاری بحث پر حل پیش کرتے ہوئے کہا ہے کہ مسائل سے بچنے کیلئے اسے تھرڈ امپائر کے دائرہ اختیار میں دیا جائے ۔وارنر نے اپنے خیالات کا اظہار کرتے ہوئے کہا کہ اگر تھر ڈ امپائرز نوبال دینا شروع کردیں تو یہ کافی مددگار ثابت ہو گا، حالیہ ایشز ٹیسٹ سیریز کے دوران کم از کم 30 سے 40 ممکنہ نوبال نہیں دی گئیں۔جارح مزاج اوپننگ بلے باز نے کہا کہ آج کے دور میں کیمرہ کافی مددگار ثابت ہو سکتا ہے، امپائرز کیلئے اس کا اندازہ لگانا کافی مشکل ہوتا ہے، ایسے میں تھرڈ امپائر سے مدد طلب کی جائے بے شک کچھ دیر ہی کیوں نہ ہو جائے لیکن ہمیں درست فیصلہ ضرور معلوم ہو جائے گا۔انہوں نے کہا کہ امپائر کو محض آدھے سیکنڈ میں فیصلہ کرنا ہوتا ہے جو کافی مشکل ہے لیکن تھرڈ اپائر سے معاونت کے نتیجے میں ہم درست فیصلوں پر پہنچ سکیں گے۔

واضح رہے کہ حالیہ دنوں سے نوبال کے مسئلے پر خاصی بحث جاری ہے جہاں امپائرز کی جانب سے متعدد مواقعوں پر نوبال نہیں دی گئی اور پھر تھرڈ امپائر سے رابطہ کرنے پر گیند نوبال قرار دی گئی۔انگلینڈ اور آسٹریلیا کے درمیان گزشتہ دنوں جاری ایشز سیریز میں یہ مسئلہ خاصی گمبھیر شکل اختیار کر گیا اور کئی مواقعوں پر فیلڈ امپائر نوبال نہ دے سکے۔اوول ٹیسٹ کے دوران اسٹیو سمتھ اور مارک ووڈ کو اس وقت نئی زندگی ملی جب تھرڈ امپائر نے سٹیون فن اور مچل مارش کی گیندوں کو نوبال قرار دیا۔

بھارت سےکھیلےبغیربھی پاکستان کرکٹ زندہ رہ سکتی ہے،پی سی بی

Shehreyar

چیئرمین پی سی بی نے واضح کردیا کہ بھارت کیخلاف سیریز کھیلے بغیر بھی پاکستان کرکٹ زندہ رہ سکتی ہے، شہریار خان کا کہنا تھا کہ پلان بی تیار کرلیا۔

پاکستان کرکٹ بورڈ کے چیئرمین شہریار خان کا کہنا ہے کہ موجودہ حالات پاک بھارت کرکٹ سیریز کیلئے سازگار نظر نہیں آرہے، بھارتی بورڈ نے اب تک سیریز سے باقاعدہ طور پر انکار نہیں کیا۔ موجودہ حالات میں پاکستان اور بھارت کے درمیان دوطرفہ سیریز کا انعقاد ممکن نظر نہیں آرہا، لیکن ہم طویل انتظار نہیں کرسکتے، ہمارے پاس اس سلسلے میں متبادل پلان موجود ہے اور پلان بی پر عمل کرنے سے پہلے ہم دو ماہ انتظار کریں گے۔

آئی سی سی نے نئی ون ڈے رینکنگ جاری کر دی، ابتدائی 20بیٹسمینوں میں کوئی پاکستانی موجود نہیں

انٹر نیشنل کر کٹ کو نسل (آئی سی سی ) نے نئی ون ڈے رینکنگ جاری کر دی۔ رینکنگ میں ابتدائی 20بیٹسمینوں میں کوئی پاکستانی موجود نہیں جبکہ ٹاپ 50 میں صرف تین کھلاڑی شامل ہیں، جنوبی افریقہ نے نیوزی لینڈ سے تیسری پوزیشن چھین لی‘ آسٹریلیا بدستور پہلے‘ بھارت دوسرے‘ ساؤتھ افریقہ تیسرے اور پاکستان آٹھویں نمبر پر براجمان ہے۔ بیٹسمینوں کی رینکنگ میں ساؤتھ افریقہ کے اے بی ڈویلیئرز پہلے‘ سری لنکا کے کمار سنگا کارا دوسرے اور ہاشم آملہ تیسرے نمبر پر براجمان ہے۔ باؤلروں کی رینکنگ میں آسٹریلیا کے مچل سٹارک پہلے‘ جنوبی افریقہ کے پاکستانی نژاد عمران طاہر دوسرے‘ ویسٹ انڈیز کے سنین نارائن تیسرے اور پاکستانی سعید اجمل آٹھویں نمبر پر براجمان ہیں۔ تفصیلات کے مطابق انٹرنیشنل کرکٹ کونسل کی جانب سے جاری ہونے والی ون ڈے پلیئرزرینکنگ پاکستان کیلیے لمحہ فکریہ ہے، ہیئر اسٹائل، شرٹس اورچشموں سے پڑوسی ملک کے سپر اسٹارز کی نقل کرنے والے پلیئرزکا کھیل کے میدان میں حریفوں سے کوئی مقابلہ نہیں لگتا۔ٹاپ 20 بیٹسمینوں میں کوئی بھی پاکستانی شامل نہیں ہے۔ سب سے ہائی رینکنڈ محمد حفیظ27 ویں نمبر پر فائز ہیں، احمد شہزاد کا 29 ویں نمبر ہے، ٹاپ 50 بیٹسمینوں میں شامل تیسرے پاکستانی کپتان اظہر علی41 ویں درجے پر براجمان ہیں۔ ویرات کوہلی 2 درجے ترقی پاکرچوتھے نمبر پرچلے گئے، ابراہم ڈی ویلیئرزٹاپ پر موجود ہیں، کمار سنگاکارا اگرچہ دوسری پوزیشن پر ہیں مگر چونکہ وہ ریٹائر ہوچکے اس لیے ان کا نام آخری مرتبہ رینکنگ کا حصہ بنا ہے۔نیوزی لینڈ کے مارٹن گپٹل چار درجے بہتری سے 15 ویں نمبر پر پہنچ گئے۔بولرز میں ٹاپ پر آسٹریلیا کے مچل اسٹارک موجود ہیں، نیوزی لینڈ کے خلاف بہتر بولنگ کی وجہ سے تین درجے بہتری نے جنوبی افریقی اسپنر عمران طاہر کو دوسرے نمبر پرپہنچا دیا۔ بولنگ ایکشن کی وجہ سے پابندی لگنے اور اس کے بعد ٹیم سے ڈراپ ہوئے کئی ماہ گزرنے کے باوجود سعید اجمل اپنی ماضی کی شاندار پرفارمنس کی بنیاد پر آٹھواں نمبر برقرار رکھے ہوئے ہیں۔ اگرچہ حفیظ 16 ویں پوزیشن پر ہیں مگر غیرقانونی ایکشن کی وجہ سے ایک برس کیلیے ان کی بولنگ پر پابندی عائد ہوچکی، محمد عرفان کا 17 واں نمبر ہے۔ٹیم رینکنگ میں جنوبی افریقہ نے نیوزی لینڈ کو 2-1 سے شکست دے کر تیسری پوزیشن بھی چھین لی، اب کیویز چوتھے نمبر پر پہنچ گئے ہیں۔ آسٹریلیا ٹاپ اور بھارت دوسرے درجے پر ہے، پاکستانی ٹیم 90 پوائنٹس کے ساتھ آٹھویں نمبر پر براجمان ہے،اس سے آگے موجود بنگلہ دیش کے 96 پوائنٹس ہیں۔

شاہدآفریدی کاجناح اسپتال کیلیے 20لاکھ روپے کاعطیہ

afridi

قومی ٹی ٹوئنٹی کرکٹ کپتان شاہد خان آفریدی نے جناح اسپتال کے دورے کے دوران اسپتال کی حالت زار پرگہرے دکھ کا اظہار کیا،انھوں نے جناح اسپتال کیلیے 20 لاکھ روپے کا عطیہ دیا۔

انھوں نے کہا کہ مریضوں کو بنیادی سہولت کی عدم فراہمی پر رنج ہوا،اس حوالے سے حکومتی کردار نہ ہونے کے برابر ہے،انھوں نے غیر سرکاری تنظیم کی دعوت پر جناح اسپتال میں زہرخورانی کے شکار مریضوں کے وارڈ کا دورہ کیا ۔

صحافیوں سے گفتگو کرتے ہوئے انھوں نے کہا کہ مجھے یہ دیکھ کر حیرانگی ہوئی کہ جناح اسپتال میں مناسب سہولتیں بھی نا پید ہیں، غریب اور نادار مریضوں کوبہتر علاج کی فراہمی انسانیت کی خدمت ہے، اسپتال میں زیرعلاج مریضوں کو درپیش مشکلات جان کر تکلیف ہوئی ہے،علاج کی سہولت ہر انسان کا حق ہے۔

باکسر عامر خان سے والدہ کا انوکھا مطالبہ

 

amir khan

پاکستانی نژاد برطانوی باکسر عامر خان کا کہنا ہے کہ ورلڈ چیمپئن بنتے ہی والدہ نے ریٹائر ہونے کا مطالبہ کر ڈالا۔

کراچی میں اسٹار کرکٹرز وسیم اکرم اور سعید انور کے ساتھ میڈیا سے گفتگو کے دوران برطانوی اسٹار باکسر عامر خان کا کہنا تھا کہ میری والدہ نے ورلڈ چیمپئن بننے کے بعد ریٹائرمنٹ لینے کا مطالبہ کیا ہے، میں کہتا ہوں کہ وہ تو میرے کیریئر کے عروج کا آغاز ہوگا۔

پاکستان سپر لیگ کے شیڈول کا اعلان

pakistan-super

پاکستان کرکٹ بورڈ نے سپر لیگ کے شیڈول کا اعلان کردیا،  سپر لیگ چار فروری سے چوبیس فروری تک قطر کے شہر دوحا میں ہوگی۔

پاکستان کرکٹ ٹیم (پی سی بی) کی گورننگ باڈی کے ممبر نجم سیٹھی کا کہنا ہے کہ پاکستان سپر لیگ چار فروری سے چوبیس فروری تک قطر کے شہر دوحا میں ہوگی، پاکستان سُپر لیگ میں ویسٹ انڈیز کے چار کھلاڑی شامل ہیں۔

نجم سیٹھی کا کہنا تھا کہ پاکستان سُپر لیگ اسی نام سے ہوگی، ایونٹ میں پانچ ٹیمیں کراچی، لاہور، پشاور، کوئٹہ اور اسلام آباد حصہ لیں گی، پانچ ٹیمیں چوبیس میچز کھیلیں گی، نجم سیٹھی کے مطابق لیگ میں پچیس غیر ملکی کھلاڑیوں کو بھی شامل کرنا ہے، لیگ میں چار کھلاڑی ویسٹ انڈیز کے، چار سری لنکا کے اور دو کھلاڑی بنگلہ دیش کے شامل ہوں گے، جب کہ بھارت سے سپر لیگ میں کوئی کھلاڑی شامل نہیں ہوگا۔

آصف، سلمان بٹ اور عامر کے حوالے سے سوچ سمجھ کر فیصلہ کرنا ہوگا: آفریدی

 

afridi

قومی ٹی ٹوئنٹی کرکٹ ٹیم کے کپتان شاہدآفریدی نے کہا ہے پاکستان کرکٹ بورڈ کو مشورہ دیتے ہوئے کہا کاہے کہ سپاٹ فکسنگ کے الزام میں سزا یافتہ کھلاڑی محمد آصف، سلمان بٹ اور محمد عامر کے حوالے سے بہت سوچ سمجھ کر فیصلہ کرنا ہوگا، ایسا نہ ہو کہ جلد بازی میں فیصلے کا خمیازہ آنے والی نسلوں کو بھگتنا پڑے۔
تفصیلات کے مطابق شاہد آفریدی کا کہناتھا کہ سپاٹ اور میچ فکسنگ جیسی لعنت نے کرکٹ کے حسن کو مسخ کیا ہے، ایسا کرنے والوں کو سزا بھی اسی انداز کی ملنی چاہیے، جہاں تک آصف ،سلمان اور عامر کا تعلق ہے میں سمجھتا ہوں کہ ان کی کرکٹ میں واپسی سے متعلق پی سی بی کو بہت سوچ سمجھ کر ایسی حکمت عملی بنانے کی ضرورت ہے جو مستقبل کے نوجوان کرکٹرز کیلئے معاون و مدد گار ہو

پاکستان سپر لیگ آئندہ برس قطر میں ہو گی

پاکستان کرکٹ بورڈ نے کہا ہے کہ پاکستان سپر لیگ آئندہ برس قطر کے دارلحکومت دوہا میں منعقد کروائی جائے گی۔ گورننگ بورڈ کے رکن نجم سیٹھی نے میڈیا سے بات چیت میں کہا کہ ٹی ٹونٹی لیگ کا انعقاد آئندہ برس 4سے 24 فروری کے دوران قطر میں ہو گا جس میں کم و بیش 25 غیر ملکی کھلاڑی شرکت کریں گے۔ان کا کہنا تھا کہ لیگ میں کوئی بھارتی کھلاڑی شامل نہیں ہو گا کیونکہ بھارتی حکومت کسی کھلاڑی کو غیر ملکی لیگ کھیلنے کی اجازت نہیں دیتی۔ انہوں نے مزید بتایا کہ  ہم اس ضمن میں 40 سے زائدغیر ملکی کھلاڑیوں سے رابطے میں ہیں اور ان میں سے کم از کم 25 کو لیگ میں شامل کئے جانے کی امید ہے۔ انہوں نے بتایا کہ ان میں 15 دنیا کے ورلڈ کلاس کھلاڑی ہوں گے۔نجم سیٹھی کا کہنا تھا کہ ان میں سے چار کھلاڑیوں کا تعلق ویسٹ انڈیز جبکہ دو کا سری لنکا، بنگلہ دیش، آسٹریلیا، نیوزی لینڈ، انگلینڈ اور جنوبی افریقہ سے تعلق ہے۔ایک سوال کے جواب میں ان کا کہنا تھا کہ لیگ کی انعامی رقم دس کروڑ پاکستانی روپے رکھی گئی ہے۔

Google Analytics Alternative