کھیل

ممنوعہ ادویات کا استعمال، یاسر شاہ بڑی مصیبت میں مبتلا

آئی سی سی نے یاسر شاہ کا ڈوپ ٹیسٹ مثبت آنے پر انہیں معطل کر دیاہے ۔ ذرائع کے مطابق انگلینڈ کے خلاف ون ڈے میچ میں 13 نومبر کو یاسر شاہ کا ڈوپ ٹیسٹ لیا گیا تھا۔ جس میں یہ سامنے آئی ہے کہ یاسر شاہ نے کورتھیلیڈون نامی ایک دوا کا استعال کیا جو کہ واڈا قوانین کے تحت ممنوع ہے۔پاکستان کے مایہ ناز لیگ اسپنر یاسر شاہ کو پاکستان کی جانب سے ٹیسٹ کرکٹ میں تیز ترین 50 وکٹیں لینے کا اعزاز حاصل ہے۔یاسر شاہ نے اپنے ٹیسٹ کیرئر کا آغاز 22 اکتوبر 2014 کو کیا وہ اپنے ٹیسٹ کیرئر میں ابھی تک چھہتر وکٹیں حاصل کر چکے ہیں ، کھلاڑی آئی سی سی رینکنگ میں چوتھے نمبر پر موجود ہیں۔یاسر شاہ پہلے لیگ اسپنر ہیں جنہیں پہلے دس ٹیسٹ میچز میں سب سے زیادہ وکٹیں لینے کا اعزاز حاصل ہوا ، گرین شرٹس کے اسٹار اسپن باو¿لر نے اپنے ایک روزہ کیرئر کا آغاز ستمبر 2011 میں کیا تھا ، یاسر شاہ قومی ٹیم کو بہت سی فتوحات دلوا چکے ہیں اور اپنی شاندار کارکردگی کی وجہ سے پوری دنیا میں نام کما چکے ہیں۔واضح رہے کہ یاسر کے ڈوپ ٹیسٹ کا دوسرا نمونہ مثبت آنے کی صورت میں ان کو آئی سی سی کی طرف سے لمبی پابندی کا بھی سامنا کرنا پڑ سکتا ہے۔ تاہم آئی سی سی کی طرف سے ابھی تک باقاعدہ سزا کا اعلان نہیں کیا گیا۔کرکٹ مبصرین نے یاسر شاہ کی معطلی کو پاکستان کی کرکٹ کے لیے انتہائی افسوسناک خبر قرار دیا ہے۔

اظہرعلی اور محمدحفیظ کی محمدعامر سے ملاقات

محمدعامر سے ملاقات میں اظہرعلی اورمحمدحفیظ نے کیا کہا؟ اندر کی کہانی باہرآگئی،پاکستان کی ون ڈے کرکٹ ٹیم کے کپتان اظہر علی اور اسٹارآل راﺅنڈر محمد حفیظ کی فاسٹ بولر محمد عامر سے ملاقات ہوئی ہے۔نیشنل کرکٹ اکیڈمی میں ہونے والی ملاقات میں معافی تلافی ہوگئی۔اظہرعلی اور محمدحفیظ نے محمد عامر سے بات چیت کرتے ہوئے کہا کہ ان سے کسی قسم کا ذاتی اختلاف نہیں۔ٹیم مینجمنٹ اور کھلاڑیوں سے ملاقات کے بعد محمد حفیظ فاسٹ بولر محمد عامر کے ساتھ کھیلنے پر نیم رضامند ہوگئے ہیں جبکہ چیئرمین پی سی بی شہریار خان کا بھی کہنا ہے کہ دونوں کھلاڑیوں سے معاملات طے پا گئے ہیں۔.پی سی بی چیئرمین شہریار خان کا کہنا ہے کہ محمد عامر کے معاملے پر ڈیڈ لاک ختم ہوگیا ہے اور اظہر علی اور محمد حفیظ سے معاملات طے پا گئے ہیں۔ذرائع کا کہنا ہے کہ محمد حفیظ کی ٹیم مینجمنٹ اور دیگر کھلاڑیوں سے میٹنگ ہوئی ہے جس میں محمد حفیظ نے فاسٹ بولر محمد عامر کے ساتھ کھیلنے پر نیم رضامندی ظاہر کردی ہے، اس میٹنگ کے دوران محمد حفیظ رو پڑے، حفیظ کا کہنا تھا کہ ان کی عامر سے کوئی لڑائی نہیں ہے، وہ صرف ملکی وقار کی خاطر عامر کے ساتھ نہیں کھیلنا چاہتے۔

فٹنس کیمپ میں عامر کی موجود گی،حفیظ کا شرکت سے انکار

قومی کرکٹ ٹیم کے سینئر کھلاڑی محمد حفیظ نے سپاٹ فکسنگ کیس میں سزا یافتہ فاسٹ باولر محمد عامر کی موجود گی میں فٹنس کیمپ میں شرکت سے انکا ر کر دیا ہے۔ ذرائع کے مطابق 35سالہ محمد حفیظ قائد اعظم ٹرافی میں سوئی سدرن گیس کمپنی کی نمائندگی کرنے کے بعد آج صبح قومی ٹیم کے فٹنس کیمپ میں شرکت کے لیے نیشنل کرکٹ اکیڈمی پہنچے تھے ،ذرائع کا کہنا ہے حفیظ نے فاسٹ باولر محمد عامر کی موجودگی کے باعث کیمپ میں شرکت سے انکار کر تے ہوئے ٹیم مینجمنٹ کو اپنے فیصلے سے آگا ہ کر دیا ،اس فیصلے میں قومی ون ڈے ٹیم کے کپتان اظہر علی نے بھی اس معاملے پر محمد حفیظ کا ساتھ دیا جب کہ ٹیسٹ کپتان مصباح الحق بھی محمد عامر کی ٹیم میں شمولیت کے معاملے پر اپنے خدشات کا اظہار کرچکے ہیں۔قومی ٹیم کے ہیڈ کوچ وقار یونس نے محمد حفیظ سے ملاقات کر کے عامر کے معاملے پر ان سے بات چیت کی تاہم وہ بھی انہیں منانے میں ناکام رہے ، اوپننگ بلے باز نے نوجوان فاسٹ باو¿لر سے ملنے بھی انکار کیا۔ یاد رہے کہ پاکستان کرکٹ بورڈ فاسٹ باو¿لر محمد عامر کو جلد از جلد قومی ٹیم میں واپس لانے کی کوششیں کر رہاہے تاہم ٹیم کے کئی کھلاڑی سزایافتہ فاسٹ باولر کے بارے میں اپنے تحفظات کا اظہار کر چکے ہیں۔

پاکستان ہاکی چمپیئن شپ میں جدید ٹیکنالوجی متعارف کروانے کا اعلان

کراچی: پاکستان ہاکی فیڈریشن (پی ایچ ایف) نے 62 ویں قومی ہاکی چمپیئن شپ میں تھرڈ امپائر ویڈیو ریفریل سسٹم متعارف کروانے کا اعلان کردیا.سابق اولمپیئن قمر ابراہیم نے چمپیئن شپ کی تفصیلات سے آگا ہ کرتے ہوئے کہا کہ “اس سسٹم کو شروع کرنے کا مقصد یہ ہے کہ اگر میچوں کے دوران کوئی خامی ہوتواس کو کم سے کم کیا جائے”۔انھوں نے کہا کہ سسٹم کے باوجود دوامپائرمیچ کا انتظام سنبھالیں گے جو ٹیموں کو منصفانہ فائدہ پہنچانے کے لیے امپائر منیجر کے ساتھ ویڈیو سے منسلک ہوں گے۔سابق اولمپیئن نے کہا کہ چمپیئن شپ میں اسلام آباد، چاروں صوبوں اور 15 اداروں کی 25 ٹیمیں حصہ لے رہی ہیں جبکہ ٹورنامنٹ کا آغاز 10 جنوری سے کراچی میں ہوگا۔انھوں نے کہا کہ ٹیموں کو چار پول میں تقسیم کیا گیا جہاں لیگ میچوں کے بعد ہر پول سے دو دو ٹیمیں کوارٹر فائنل میں جائیں گی.کوارٹر فائنل سے فائنل تک تمام میچ فلڈ لائٹ میں کھیلے جائیں گے اور ٹی وی پر براہ راست نشر بھی کئے جائیں گے۔قمر نے کہا کہ ٹورنامنٹ کی انتظامیہ میں ڈسپلنری کمیٹی جس میں ٹیکنیکل اور امپائر منیجر، چیف سلیکٹر اور ٹورنامنٹ کے چیف کوآرڈینیٹر کو شامل کیا گیا ہے، دلاور بھٹی کو امپائر کا منیجر مقرر کیا گیا ہے۔انھوں نے کہا کہ گولڈ، سلوراور برونز میڈل جیتنے والی ٹیموں کو بھاری انعامات کے علاوہ چمپیئن شپ کا بہترین کھلاڑی، سب سے زیادہ گول کرنے والے اور بہترین گول کیپر کے انعامات بھی دیے جائیں گے تاہم انھوں نے بجٹ کے حوالے سے کچھ کہنے سے انکار کیا۔قمر کا کہنا تھا کہ پی ایچ ایف نے تمام سابق اولمپیئنز اور بین الاقوامی کھلاڑیوں کو دعوت دی ہے کہ وہ ٹورنامنٹ میں آئیں اور ملک میں کھیل کے فروغ کے لیے اپنے خیالات سے نوازیں۔انھوں نے سندھ گورنرز الیون اور سندھ وزیراعلیٰ الیون کے درمیان نمائشی میچ منعقد کروانے کا بھی اعلان کیا جس میں سابق مشہور کھلاڑی حصہ لیں گے۔کراچی میں ہونے والی 62 ویں قومی ہاکی چمپیئن شپ کے ابتدائی دومیچ اصلاح الدین-ڈاکٹرایم اے شاہ اکیڈمی میں کھیلے جائیں گے۔سندھ ہاکی ایسوسی ایشن کے صدر اور سابق گول کیپر اولمپیئن شاہد علی خان نے چمپیئن شپ کا لوگو”پاکستان ہاکی کی واپسی” بھی متعارف کروایا۔اس موقع پر آرگنائزنگ سیکرٹری محمد فاروق خان، چیف کوآرڈینیٹر کامران اشرف، حال ہی میں تعینات ہونے والے پی ایچ ایف کیمپ آفس کے ڈائرکٹر ایڈمنسٹریشن واثق احمد اور افتخار سید بھی موجود تھے۔

جیمز اینڈرسن زخمی ہوکر ڈربن ٹیسٹ سے باہر ہوگئے

محمدعامر کی واپسی ،پی سی بی کا اہم اعتراف

لاہور:پاکستان کرکٹ بورڈ نے آخر کار تسلیم کر لیا ہے کہ کچھ کھلاڑی ٹیم میں محمد عامر کی واپسی کےخلاف ہیں۔ پاکستان کرکٹ بورڈ کےچیئرمین شہریار خان نے اسپاٹ فکسنگ کیس کے سزا یافتہ محمد عامر کو تلقین کی ہے کہ وہ عاجزی اور اپنے رویئے میں ڈسپلن کا مظاہرہ کریں۔کھلاڑیوں، میڈیا اورکمنٹیٹرز کی جانب سے محمد عامر کے لئے قومی ٹیم کی راہیں ہموار کرنے پر تنقیدکے بعد پاکستان کرکٹ بورڈ نے وضاحت کی ہے کہ عامر کو کیوں منتخب کیا جا رہا ہے۔اپنے اعلامئے میں پی سی بی نے کہا کہ محمد عامر نے بحالی کا پروگرام مکمل کیا ہے ، انہوں نے اپنی غلطی تسلیم کرتے ہوئے معافی مانگی ، عامر سے جب جرم سرزد ہوا ان کی عمر 19 برس جبکہ بیک گراﺅنڈ پسماندہ تھا۔ پی سی بی کے اعلامئے کے مطابق آئی سی سی نے محمد عامر کو پابندی ختم ہونے سے چھ ماہ پہلے ہی کھیلنے کی اجازت دی ، محمد عامر نے ڈومیسٹک کرکٹ اور بی پی ایل میں اچھا پرفارم کیا، چیئرمین پی سی بی نے محمد عامر سے ملاقات میں ان کو مثالی رویہ اپنانے کی تلقین کی ہے جس کی محمد عامر نے یقین دہانی کرائی ہے

امپائر کے فیصلے پر خراب رویہ، فواد عالم پر جرمانہ عائد

سٹیون سمتھ، آئی سی سی پلیئر آف دی ائیر قرار

دبئی:آئی سی سی نے 2015 کے ایوارڈ پانے والے کرکٹ سے وابستہ افراد کے ناموں کا اعلان کردیا ، آسٹریلوی بیٹسمین سٹیون سمتھ کو آئی سی سی پلیئر آف دی ائیر 2015 قرار ددیدیا گیا۔تفصیلات کے مطابق آئی سی سی پلیئر آف دی ایئر ایوارڈ کی تقریب دبئی میں ہوئی جس میں سٹیون سمتھ کو آئی سی سی پلیئر آف دی ائیر 2015 قرار ددیدیا گیا اس کے علاوہ ٹیسٹ کرکٹر آف دی ایئر کا ایوارڈ بھی سٹیون سمتھ کے نام رہا۔ ون ڈے پلیئر آف دی ایئر 2015 کا اعزازجنوبی افریقہ کے اے بی ڈی ویلیئرزکے نا م رہا جبکہ ٹی 20 کے پرفارمر کا ایوارڈ بھی جنوبی افریقہ کے ہی نام رہا اورجنوبی افریقہ کے فاف ڈوپلیسی ٹی 20 پرفارمرآف دی ایئر قرار پائے۔ڈو پلیسی نے ویسٹ انڈیز کے خلاف 56 گیندوں پر 119 رنز بنائے تھے۔ سپرٹ آف دی کرکٹ ایوارڈ کا اعزاز نیوزی لینڈ کے کپتان میک کولم کے نام رہا جبکہ ایمرجنگ پلیئر آف دی ایئر کا ایوارڈ آسٹریلیا کے جوش ہیزل ووڈ کے نام رہا۔ویمنز پلیئر آف ٹی 20 کا ایوارڈ ویسٹ انڈیز کی اسٹیفنی ٹیلر نے جیتا جبکہ سال 2015 کے بہترین امپائر کاایوارڈ انگلینڈ کے رچرڈ کیٹل برو نے جیت

Google Analytics Alternative