بین الاقوامی

شمالی کوریا کا چوتھا میزائل تجربہ ناکام ہو گیا، جنوبی کوریا

سیﺅل جنوبی کوریا کا کہنا ہے کہ شمالی کوریا کا میزائل تجربہ ناکام ہو گیا ہے۔جنوبی کوریا کے جوائنٹ چیفس آف سٹاف (جے سی ایس)کا کہنا ہے کہ شمالی کوریاکے مشرقی شہر ونسان میں پیونگ یانگ حکومت کی جانب سے مقامی وقت کے مطابق صبح5 بجکر 20منٹ پر بیلسٹک میزائل کا تجربہ کیا گیا جو کہ ناکام رہا۔
ذرائع  کے مطابق اس حوالہ سے جے سی ایس کے پبلک افیئرز کے سربراہ جیون ہاگیو کا کہنا ہے کہ ہم اپنی طرف سے ممکنہ طور پر کسی بھی اقدام کے لئے تیار تھے۔تاہم مزید تفصیلات فراہم نہیں کی گئیں۔
دوسری جانب جنوبی کوریا کے خبر رساں ادارے یونہاپ کے مطابق چوتھا ناکام ہونے والا تجربہ بھی مسندن میزائل کا تھا۔ذرائع کے مطابق پابندیوں اور عالمی تحفظات کے باوجودیہ شمالی کوریا کی جانب سے میزائل تجربے کی تازہ ترین کوشش ہے جبکہ پابندیوں کی زیادہ ذمہ داری شمالی کوریا کے اتحادی چین پر پڑ رہی ہے۔

ناگپور کے فوجی اسلحہ ڈپو میں آگ بھڑک اٹھی 20 فوجی ہلاک اور 19 زخمی

نئی دہلی ناگپور کے فوجی اسلحہ ڈپو میں آگ بھڑک اٹھی جس کی زد میں آکر دو افسروں سمیت 20فوجی ہلاک اور 19زخمی ہو گئے ۔
بھارتی میڈیا کے مطابق ریاست مہاراشٹر کے شہر ناگپور کے فوجی اسلحہ کے ڈپو میں اچانک الگ لگ گئی جس کے نتیجے میں 20فوجی ہلاک ہو گئے ۔ناگپور ڈپو کئی ایکڑ پر محیط ہے جوبھارت میں فوجی اسلحہ کا سب سے بڑا جبکہ ایشیا میں دوسرا بڑا ڈپو ہے ۔

آگ گزشتہ رات ڈپو میں دھماکہ ہونے کے باعث لگی ا ور دیکھتے ہی دیکھتے پوری عمارت کو اپنی لپیٹ میں لے لیا جس کے بعد آگ پر قابو پانے کیلئے امدادی سرگرمیاں جاری تھیں او ر ڈپو کے قریب رہائش پزیر کم و بیش 1ہزار شہریوں کو فوری طور پر محفوظ مقامات پر منتقل کر دیا گیا تھا ۔
وزیر دفاع منوہر پرکار آج ممکنہ طور پر جائے حادثہ کا دورہ بھی کریں گے ۔

بھارت: کم عمر لڑکی کے گینگ ریپ اور قتل میں ملوث مبینہ دو ملزمان گرفتار

کھنؤ: ہندوستانی پولیس نے کم عمر لڑکی کے گینگ ریپ اور قتل میں ملوث مبینہ دو ملزمان کو گرفتار کرلیا ہے۔ذرائع  کے مطابق ہندوستان کی شمالی ریاست اُتر پردیش میں گذشتہ ہفتے ہندوؤں کی نچلی ذات سے تعلق رکھنے والی 15 سالہ لڑکی کو مبینہ طور پر 3 افراد نے اس کے گاؤں کے باہر گلادبا کر قتل کردیا تھا۔

سپریٹنڈنٹ پولیس (ایس پی) سالک رام ورما کا کہنا تھا کہ لڑکی کی لاش دوسرے روز ضلع بہرائچ میں اس کے گھر سے کچھ دور ایک درخت کے ساتھ لٹکی ہوئی ملی تھی۔

ان کا کہنا تھا کہ واقعے میں ملوث دو افراد کو گرفتار کرلیا گیا ہے، تاہم تیسرا شخص فرار ہوگیا۔

لڑکی نے مبینہ طور پر ایک شخص سے ملاقات کیلئے رات کو اپنے گھروالوں کو بغیر بتائے گئی تھی تاہم ملاقات کے وقت اس پر دو دیگر افراد نے حملہ کردیا۔

پولیس عہدیدار کا کہنا تھا کہ ‘جب لڑکی نے کچھ مزاہمت کی تو اسے ریپ کا نشانہ بنانے کے بعد گلا دبا کر قتل کردیا گیا، اور واقعے کو خودکشی کا رنگ دینے کیلئے انھوں نے لڑکی کی لاش کو درخت سے لٹکایا اور وہاں سے فرار ہوگئے۔

سالک رام ورما کا کہنا تھا کہ ‘میں نے 4 پولیس اہلکاروں کو غفلت کا مظاہرہ کرنے پر معطل کردیا ہے اور ساتھ ہی متعلقہ انسپکٹر کو ہدایات جاری کیں ہیں کہ تیسرے ملزم کو جلد از جلد گرفتار کیا جائے۔

انھوں نے بتایا کہ میڈیکل رپورٹ میں لڑکی کے ساتھ ریپ اور گلا دبا کر ہلاک کرنے کی تصدیق ہوئی ہے۔

یاد رہے کہ دو سال قبل بھی ہندوستان کی شمالی ریاست اتر پردیش کے ایک گاؤں میں دو لڑکیوں کی لاشیں درخت سے لٹکی ہوئی ملی تھی، ان کے رشتہ داروں کا دعویٰ تھا کہ لڑکیوں کو گینگ ریپ کا نشانہ بنانے کے بعد ان کی لاشوں کو جلا دیا گیا تھا

تاہم سرکاری تحقیقاتی رپورٹ میں واقعے کو خود کشی قرار دیتے ہوئے کہا گیا تھا کہ ان کے ساتھ ریپ نہیں ہوا اور نہ ہی انھیں قتل کیا گیا ہے۔

واضح رہے کہ گذشتہ کچھ سالوں میں ہندوستان میں خواتین کے ساتھ زیادتی کے واقعات میں اضافہ دیکھنے میں آیا ہے، تاہم 2012 میں دہلی میں بس میں ایک طالبہ کے ساتھ گینگ ریپ کے واقعے کے بعد ملک بھر میں احتجاجی مظاہروں کا سلسلہ شروع ہوگیا تھا۔

مظاہرین نے ایسے واقعات میں ملوث ملزمان کو سخت سے سخت سزا دینے اور حکومت سے قانون سازی کا مطالبہ کیا تھا۔

امریکا سے قبل افغانستان کا دورہ کرونگا،نرندر مودی

نئی دہلی: ہندوستانی وزیراعظم نریندر مودی دورہ امریکا سے قبل رواں ہفتے افغانستان کا دورہ کریں گے۔

واضح رہے کہ نریندر مودی نے اگلے ماہ 8 جون کو امریکا میں کانگریس کے مشترکہ اجلاس سے خطاب کرنا ہے۔ ذرائع کے حوالے سے بتایا گیا ہے کہ وزیراعظم مودی 4 جون کو پہلے افغانستان جائیں گے، جہاں وہ ہرات میں سلما ڈیم کا افتتاح کریں گے جس کے لیے فنڈز ہندستان نے فراہم کیے ہیں۔

این ڈی ٹی وی کے مطابق بعدازاں وزیراعظم مودی 5 جون کو قطر روانہ ہوں گے، جہاں وہ امیر قطر شیخ تمیم بن حماد التھانی سے تجارتی روابط، خصوصاً ہائیڈرو کاربن سیکٹر کے حوالے سے مذاکرات کریں گے۔

واشنگٹن میں امریکی صدر براک اوباما سے ملاقات سے قبل نریندر مودی 6 جون کو سوئٹزرلینڈ میں بھی رکیں گے، جہاں وہ سوئس حکام کے ساتھ بلیک منی کا معاملہ اٹھائیں گے۔

امریکا میں نریندر مودی 7 اور 8 جون کو دو طرفہ ملاقاتیں کریں گے، جبکہ 8 جون کو وہ امریکی کانگریس کے ایک مشترکہ اجلاس سے بھی خطاب کریں گے۔

کشتی ڈوبنے سے 700 افراد جاں بحق ہوگئے, کئی درجن بچے بھی شامل

بحیرہ روم میں تارکین وطن کی کشتی ڈوبنے سے 700 افراد جاں بحق ہوگئے،مرنے والوں میں کئی درجن بچے بھی شامل ہیں ۔ غیر ملکی خبررساں ادارے کے مطابق اقوام متحدہ کے پناہ گزینوں کے ادارے یو این ایچ سی آر اور سیو دی چلڈرن نے کہا ہے کہ کشتی میں لگ بھگ 11 سو سے زائد افراد سوار تھے یہ کشتی لیبیا سے روانہ ہوئی تھی ،انہوں نے مزید بتایا کہ مرنے والوں شناخت تاحال نہیں ہو سکی ہے.

افغان حکومت سے مذاکرات نہیں کریں گے،ہیبت اللہ اخونزادہ

کابل فغان طالبان کے نومنتخب امیر مولانا ہیبت اللہ اخونزادہ نے امن مذاکرات کو دھوکہ قرار دیتے ہوئے اتحادی افواج پر حملوں میں تیزی لانے کا حکم دے دیا۔ذرائع  کے مطابق نومنتخب افغان طالبان امیر مولانا ہیبت اللہ اخونزادہ نے اپنے ایک بیان میں کہا ہے کہ افغان حکومت سے مذاکرات نہیں کریں گے کیونکہ مذاکرات کے نام پر دھوکہ کیا جاتا ہے اور افغانستان میں اتحادی افواج کی موجودگی تک مذاکرات کا لفظ بھی نہیں سنیں گے ۔ انہوںنے طالبان جنگجوؤں کو حکم دیا کہ افغانستان میں موجود اتحادی افواج پر حملے تیز کیے جائیں۔
واضح رہے کہ افغان طالبان کے ساتھ جب بھی مذاکرات کی کوشش کی جاتی ہے تو کوئی نہ کوئی ایسا کام کر دیا جاتا ہے جس سے مذاکرات پس پشت چلے جاتے ہیں۔ گزشتہ سال جس سے مذاکرات رک گئے ۔ ملا عمر کے بعد ملا اختر منصور افغان طالبان کے دوسرے امیر منتخب ہوئے جس کے بعد افغانستان میں قیام امن کیلئے مختلف فورمز پر مذاکرات جاری تھے تاہم 21 مئی کو امریکہ نے پاکستانی مذاکرات کی آڑ میں 2 امیروں کی جان گنوانے کے بعد طالبان کے تیسرے امیر نے مذاکرات کے امکانات کو یکسر مسترد کردیا ہے اور حملوں میں تیزی لانے کا حکم دے دیا ہے۔

ترک فوج کی شام میں بمباری داعش کے 28جنگجو ہلاک

نقرہ ، دمشق ترک فوج کی شام میں بمباری سے 28جنگجو ہلاک ہو گئے ہیں۔  ذرائع کے مطابق ترک فوج کی جانب سے جاری بیان میں بتایا گیا ہے کہ شام کے شمالی شہر حلب میں کی گئی تازہ بمباری میں داعش کے 28 جنگجو مارے گئے ہیں۔ ترک فوج نے اپنی اس تازہ کارروائی میں انتہا پسند تنظیم داعش کے58 ٹھکانوں کو نشانہ بنایا۔ اس کارروائی میں بھاری توپخانے اور راکٹ لانچرز کا استعمال کیا گیا۔ انقرہ کا کہنا ہے کہ ان جہادیوں سے ترکی کی سا لمیت کو خطرہ لاحق ہو چکا ہے۔دوسری جانب العربیہ کے مطابق ترکی کا کہنا ہے کہ اس نے واشنگٹن کو شام میں کردوں کے بغیر دہشت گردوں کے خلاف خصوصی مشترکہ آپریشن کی پیش کش کی ہے ۔ ترکی کرد فورسز کودہشت گرد سمجھتا ہے جبکہ واشنگٹن انہیں سپورٹ کر رہا ہے۔
ترکی کے وزیر خارجہ جاوش اوگلو کے مطابق ” ہمیں ایک نیا محاذ کھولنا چاہیے مگر اس میں ڈیموکریٹک یونین پارٹی شریک نہ ہو”۔ ان کا اشارہ کرد مسلح فورس “پیپلز پروٹیکشن یونٹس” کے عسکری ونگ کی جانب تھا جس کو شام میں امریکا کی معاونت حاصل ہے۔
جاوش کا یہ بھی کہنا تھا کہ شامی اپوزیشن کے مسلح عرب جن کو ترکی اور امریکہ کی سپیشل فورسز کے علاوہ دیگر حلیف ممالک مثلا جرمنی اور فرانس کی سپورٹ بھی حاصل ہے، یہ جنگجو بآسانی شمالی شہر الرقہ کی جانب پیش قدمی کرسکتے ہیں جس پر داعش نے قبضہ کر رکھا ہے۔

بھارت میں نسل پرستی عروج پر ایک گھنٹے میں چھے واقعات

نئی دہلی بھارت میں ایک گھنٹے کے دوران6 افریقی باشندوں کو حملے کرکے زخمی کردیا گیا ۔تفصیل کے مطابق جنوبی بھارت میں مختلف حملوں کے دوران 6 افریقی باشندوں کو زخمی کردیا گیا جس پر جنوبی افریقی سفیر نے بھارتی حکومت سے شدید احتجاج کیا ہے۔ان کا کہنا تھا کہ بھارت میں افریقی شہریوں پر حملہ نسل پرستی ہے ۔بھارتی وزیر داخلہ نے ہدایت کی کہ حملوں میں ملوث افراد کو گرفتار کیا جائے جس پر پولیس نے کارروائی کرتے ہوئے پانچ افراد کو گرفتار کر لیا ۔بھارتی پولیس حکام کا کہنا ہے کہ افریقی باشندوں پر حملو ں کی وجہ نسل پرستی نہیں بلکہ یہ ذاتی نوعیت کے جھگڑے ہیں ۔

Google Analytics Alternative