بین الاقوامی

پاکستان اور بھارت قابل احترام شراکت دارہیں،امریکا

پاکستان ہمارا ایک اہم سیکیورٹی پارٹنر ہے، ہمارے بہت سے مسائل ہیں جن میں سے ایک انسداد دہشت گردی ہے ہم اس حوالے سے پاکستانیوں کے ساتھ کام کر رہے ہیں،وہ دن گئے جب ہم بھارت کو پاکستانی سکے کے دوسرے رخ یا پاکستان کو بھارتی سکے کے دوسرے رخ کے طور پر دیکھا کرتے تھے
امریکی وزیر دفاع ایشٹن کارٹر کا دورہ بھارت کے دوران کونسل آف فارن ریلیشنز میں اظہارِ خیال
نیویارک امریکہ نے کہا ہے کہ پاکستان اور بھارت امریکا کے دوست اور شراکت دار ہیں ہماری نظر میں دونوں ملکوںمیں کوئی تفریق نہیں ہے۔غیر ملکی میڈیاکے مطابق امریکی وزیر دفاع ایشٹن کارٹر نے بھارت کے 3روزہ دورے کے دوران کونسل آف فارن ریلیشنز میں اظہارِ خیال کرتے ہوئے کہا کہ امریکا کے پاس تمام مسائل کے حوالے سے بھارت کے لیے ایک مکمل عالمی ایجنڈا’موجود ہے جبکہ پاکستان کے ساتھ تعلقات دہشت گردی اور افغانستان کے مسائل سے متعلق ہیں۔انھوں نے اس بات کا اعادہ کیا کہ امریکی پالیسی کے نقطہ نظر سے پہلی اہم چیز یہ ہے کہ یہ دونوں (پاکستان اوربھارت )قابل احترام شراکت دار اور دوست ہیں، دونوں کے حالات نہایت مختلف ہیں وہ دن گئے جب ہم بھارت کو پاکستانی سکے کے دوسرے رخ یا پاکستان کو بھارتی سکے کے دوسرے رخ کے طور پر دیکھا کرتے تھے۔انھوںنے کہاکہ میں جانتا ہوں کہ ابھی بھی بھارت اور پاکستان میں ایسے لوگ موجود ہیں جو یہ سوچ رکھتے ہیں لیکن امریکا کافی عرصہ قبل اس سوچ کو پیچھے چھوڑ چکا ہے۔ان کا مزید کہنا تھا کہ پاکستان ہمارا ایک اہم سیکیورٹی پارٹنر ہے، ہمارے بہت سے مسائل ہیں جن میں سے ایک انسداد دہشت گردی ہے اور ہم اس حوالے سے پاکستانیوں کے ساتھ کام کر رہے ہیں۔اس سے قبل امریکی وزیرِ دفاع ایش کارٹر تین روزہ دورے پر بھارت پہنچ گئے جہاں وہ بھارتی حکام کے ساتھ دونوں ملکوں کے درمیان دفاعی تعاون اور اسلحے کی تجارت سے متعلق امور پر مذاکرات کریں گے۔کارٹر بھارت کے ساحلی سیاحتی مقام گوا پہنچے جو بھارتی وزیرِ دفاع منوہر پاریکر کی آبائی ریاست بھی ہے۔گوا پہنچنے کے بعد صحافیوں سے گفتگو کرتے ہوئے امریکی وزیرِ دفاع کا کہنا تھا کہ وہ اپنے بھارتی ہم منصب کے ساتھ دفاعی ٹیکنالوجی سے متعلق منصوبوں اور مشترکہ فوجی مشقوں کےعلاوہ کئی اہم امور پر گفتگو کریں گے۔

سعودی عرب کا رمضان سے قبل خوشخبری دینے کا علان

حرام (حرم شریف) میں عارضی مطاف کو ہٹانے کا 7 فیصد کام مکمل کرلیا گیا ہے۔ منصوبے کے کانٹریکٹر اور مذکورہ پْل (مطاف) تیار کرنے والی کمپنی کے مطابق 20 شعبان تک اس کام کو مکمل کرلیا جائے گا۔میڈیارپورٹس کے مطابق مطاف کی گنجائش میں اضافے کے منصوبے سے متعلق تکنیکی کمیٹی کے میڈیا ترجمان ڈاکٹر وائل حلبی کا کہنا تھا کہ کمیٹی کے پاس 150 انجینئر ہیں جن میں 94 فیصدسعودی اور اعلی ترین پیشہ ورانہ قابلیت کے حامل ہیں۔ مسجد حرام میں کمیٹی کے صدر دفتر میں منعقدہ پریس کانفرنس میں الحلبی نے بتایا کہ اس وقت 80 انجینئر 4 شفٹوں میں اپنی ذمہ داریاں سر انجام دے رہے ہیں تاکہ توسیع کے عمل کے دوران حفاظتی اقدامات کو یقینی بنایا جاسکے۔ یہ پورا عمل 8 مرحلوں پر مشتمل ہے جب کہ ہر مرحلہ 8 روز میں مکمل کیا جائے گا۔ڈاکٹر حلبی کے مطابق عارضی مطاف کو ہٹانے کے لیے 4 کرینیں مختص کی گئی ہیں۔انہوں نے واضح کیا کہ مطاف کو ہٹانے کی منصوبہ بندی اس کمیٹی کی جانب سے کی گئی ہے جو سعودی ولی عہد، وزیر داخلہ اور حج سپریم کمیٹی کے سربراہ شہزادہ محمد بن نایف کی ہدایات پر تشکیل دی گئی تھی۔ڈاکٹر حلبی نے بتایا کہ عارضی مطاف کے ہٹا دیے جانے کے بعد مطاف کے صحن میں ایک گھنٹے کے اندر تقریبا 30 ہزار افراد طواف کرسکیں گے۔ ان کے مطابق تمام تر کارروائیوں کی منصوبہ بندی پر نظرثانی کے لیے 20 روز تک کثیر ملاقاتوں اور اجلاسوں کا سلسلہ جاری رہا۔ تمام منصوبوں کو مشاورتی کمیٹی کے سامنے پیش کیا گیا تاکہ طواف کرنے والوں اور کام کرنے والوں کی حفاظت اور سلامتی کو یقینی بنایا جاسکے

3 خود کش دھماکے ہلا کتو ں کا خدشہ

غیر ملکی خبر رساں ایجنسی کے مطابق روس میں 3 خود کش دھماکے ہلا کتو ں کا خدشہ ۔ روس کے شہر اسٹیوروپول میں تین خود کش دھماکے کیے گئے۔ غیر ملکی خبر رساں ایجنسی کے مطابق روس کے جنوبی علاقہ میں پولیس اسٹیشن پر حملہ کیا گیا۔ روس کے شہر اسٹیوروپول میں یکے بعد دیگرے تین خود کش حملے ہوئے ہیں جن میں ہلاکتوں کا خدشہ ظاہر کیاجارہاہے ۔ غیرملکی خبررساں ایجنسی کے مطابق تینوں خود کش حملے مغربی علاقے میں پولیس سٹیشن پر کیے گئے ہیں تاہم مزید تفصیلات موصول ہورہی ہیں ۔ یادرہے کہ اس سے قبل برسلز اور پیرس میں بھی حملے ہوچکے ہیں جن میں درجنوں افراد مارے گئے اور داعش نے حملوں کی ذمہ داری قبول کی جبکہ روس بھی شام میں داعش کے خلاف کارروائیاں کرتارہا

سرفراز احمد کو ٹی ٹونٹی کے لئے کپتان بنانے پر بھارت میں مٹھائی بانٹی گئی

سرفراز احمد کو ٹی ٹونٹی کے لئے کپتان بنانے پر بھارت میں ان کے رشتہ داروں نے مٹھائی بانٹی
لکھنﺅ ۔ 11 اپریل (اے پی پی) پاکستانی کرکٹ ٹیم میں وکٹ کیپر سرفراز احمد کو ٹی ٹونٹی کے لئے کپتان بنانے پر بھارت میں مٹھائیاں بٹ گئی،ذرائع کے مطابق سرفراز احمد کو ٹی ٹونٹی کے لئے کپتان بنانے پر بھارت کی ریاست اتر پردیش کے ضلع اٹاوہ میں ان کے رشتہ داروں نے محلہ میں مٹھائی بانٹی اور خوب خوشی منائی ہے،اٹاوہ میں رہنے والے محبوب حسن صدیقی سرفراز کے سگے ماموں ہیں جن کے مطابق ان کو اور ان کے خاندان کو سرفراز کو اتنی اہم ذمہ داری سونپے جانے کی امید نہ تھی اور ایسا ہونے پر ان کو یقین نہیں آرہا تھا۔انھوں نے کہا کہ سرفراز کے کپتان بننے پر ان کو بے حد خوشی ہے اور مارے خوشی کے ان کی آنکھوں میں آنسو آ گئے تھے۔محبوب حسن اٹاوہ کے ایک انجینئیرینگ کالج میں سینئر کلرک ہیں ان کو سرفراز کے کپتان بننے کی اطلاع بہن عقیلہ نے ٹیلی فون پر دی تھی۔انھوں نے کہا کہ وہ گذشتہ سال مئی میں سرفراز کی شادی پر پاکستان گئے تھے۔

برونڈی ، مسافر بس کے حادثے میں 18افراد ہلاک

بوجمبورا ۔ برونڈی میں مسافر بس کے حادثے میں 18افراد ہلاک اور 55زخمی ہوگئے۔ مقامی حکام کے مطابق حادثہ دارالحکومت بوجمبورا سے 18کلو میٹر مشرق کی طرف واقع بینگا صوبے کے دیہی علاقے میں پیش آیا۔بس کے مسافروں میں بڑی تعداد تعمیراتی مزدوروں پر مشتمل تھی جو مزدوری کیلئے دارالحکومت جا رہے تھے ۔بس برونڈی کی سرکاری ٹرانسپورٹ کمپنی اوٹریکو کی ملکیت تھی ۔

شام میں چار سال سے زیر حراست امریکی شہری رہا

دمشق ۔ شامی حکومت نے چار برس قبل شام میں داخل ہونے والے ایک امریکی شہری کو رہا کر دیا ہے۔ امریکی دفتر خارجہ کے ترجمان نے بھی اس خبر کی تصدیق کر دی ہے۔ امریکی حکام کے مطابق 33 سالہ کیون پیٹرک ڈاوس ایک فری لانس فوٹو گرافر ہے اور اسے 2012 میں حراست میں لیا گیا تھا۔ اس امریکی شہری کو شام میں بلا اجازت داخلے اور دیگر الزامات کی بنیاد پر گرفتار کیا گیا تھا۔ روسی وزارت خارجہ کے مطابق ڈاوس کو یکم اپریل کو رہا کیا گیا تھا اور پھر اسے روسی دارالحکومت ماسکو لے جایا گیا، جہاں اسے امریکی سفارت خانے کے حوالے کر دیا گیا۔

سپین میں پولیس چھاپے کی تصاویر بغیر اجازت سوشل میڈیا پر جاری کرنے کے جرم میں صحافی پر 601یورو کا جرمانہ عائد

میڈرڈ ۔ سپین میں ایک میگزین کے صحافی کی جانب سے پولیس چھاپے کی تصاویر بغیر اجازت سوشل میڈیا پر جاری کرنے کے جرم میں 601 یورو کا جرمانہ عائد کردیا گیا۔ فرانسیسی خبر رساں ایجنسی کے مطابق باسک میگزین سے وابستہ صحافی ایگزیئر لوپیز نے پولیس چھاپے کی تصاویر سماجی میل جول کی ویب سائٹ ٹوئیٹر پر بغیر اجازت کے شائع کئے تھے۔ بتایا جاتا ہے کہ انہیں متنازعہ گاگ قانون کے تحت یہ سزا دی گئی ہے۔ حکام کے مطابق جو تصاویر جاری کی گئی ہیں ان میں دکھائے گئے پولیس اہلکاروں کو پہنچانا جاتا ہے۔ واضح رہے کہ جولائی 2015ءمیں سپین کی حکومت نے ایک قانون کی منظوری دی تھی جس کے تحت غیر قانونی مظاہروں پر چھ لاکھ یورو تک جرمانہ عائد کیا جاسکتا ہے۔

کینسر مخالف مرکبات کی ایک چینی پودے میں دریافت

نیویارک ۔ پروفیسر کیتھی مارٹن کی قیادت میں ایک نئی تحقیق سے پتہ چلا ہے کہ روایتی چینی طب میں استعمال ہونے والے ایک پودے کے مرکبات سے کس طرح کینسر اور جگر کی بیماریوں کے علاج میں مدد مل سکتی ہے۔چینی اسکل کیپ جسے چینی ادویات میں کون ھانگ کے نام سے جانا جاتا ہے روایتی طور پر بخار، جگر اور پھیپھڑوں کی شکایات میں علاج کے لئے استعمال کیا جاتا ہے۔لیباریٹری میں سابقہ تحقیق میں پتہ چلا تھا کہ اس پودے کی جڑ میں کچھ مرکبات ہیں جن کے اندر صرف اینٹی وائرل اور اوکسیڈنت مخالف خصوصیات ہی نہیں بلکہ ایسی صفات بھی ہیں کہ وہ صحتمند خلیوں کو نقصان پہنچائے بغیر انسانی کینسر کو ختم کر سکتے ہیں۔

Google Analytics Alternative