بین الاقوامی

ترکی :ایلان کو دیکھ کر اپنا بیٹا یاد آیا, پولیس افسر

استنبول: گذشتہ ہفتے ترکی کے ساحل پر شامی بچے ایلان کردی کی لاش کو دیکھ کر جہاں ہر آنکھ اشک بار ہوئی، وہیں اس بچے کو گود میں اٹھانے والے ترکی کے پولیس افسر کو بھی اپنے بیٹے کا خیال آیا۔

خبر رساں ادارے اے ایف پی کے مطابق ترکی کی ڈوگن نیوز ایجنسی سے بات کرتے ہوئے محمد چپلق نے بتایا کہ جب انھوں نے اس بچے کی لاش ساحل پر دیکھی تو دعا کی کہ وہ زندہ ہو۔

“جب میں اس بچے تک پہنچا تو میں نے خود سے کہا، اے پروردگار! مجھے امید ہے یہ زندہ ہے، لیکن اُس (ایلان) میں زندگی کے کوئی آثار باقی نہیں تھے، مجھے بہت مایوسی ہوئی”۔

“میرا بھی ایک 6 سال کا بیٹا ہے، جب میں نے اس بچے کو دیکھا تو میرے ذہن میں اپنے بچے کا خیال آیا اور میں نے خود کو اُس بچے کے والد کی جگہ پر محسوس کیا، اس اداس اور المناک منظر کو لفظوں میں بیان نہیں کیا جاسکتا”۔

پولیس افسر کے مطابق انھیں اس تصویر کے بارے میں علم نہیں جو سوشل میڈیا کے ذریعے پوری دنیا میں پھیل گئی، “میں بس اپنی ڈیوٹی سرانجام دے رہا تھا”۔

 

ایلان کردی نامی بچہ اُن 12 شامی پناہ گزینوں میں سے ایک ہے جنھوں نے یونان پہنچنے اور وہاں ایک بہتر زندگی کے حصول کے لیے سمندر میں موت کا سفر کیا اور کشتی ڈوب جانے کے باعث جان کی بازی ہار گئے.

یہ تمام مسافر شامی کرد تھے جنھوں نے گذشتہ برس اسلامک اسٹیٹ (داعش) کے شدت پسندوں کی وجہ سے ترکی میں پناہ لی تھی.

3 سالہ ایلان، اس کے 4 سالہ بھائی غالب اور والدہ کی تدفین گذشتہ جمعے کو شام کے علاقے کوبانی میں کردی گئی۔

بچوں کے والد عبداللہ کردی حادثے میں محفوظ رہے اور انھوں نے شام میں اپنے آبائی علاقے کوبانی میں رہنے کا فیصلہ کیا ہے۔

گذشتہ چند ہفتوں کے دوران ترکی سے بذریعہ سمندر یونان جانے والے پناہ گزینوں کی تعداد میں اضافہ ہوا ہے اور کشتیاں ڈوبنے کے واقعات بھی میڈیا پر آتے رہتے ہیں، لیکن ایلان کردی کی المناک موت نے یورپی عوام کو ہلا کر رکھ دیا، جس کے بعد یورپی یورپین پر اس حوالے سے اقدامات کرنے پر دباؤ ڈالا گیا۔

شین واٹسن نے ٹیسٹ کرکٹ سے ریٹائرمنٹ کا اعلان کردیا

آسٹریلین آل راؤنڈر شین واٹسن نے پنڈلی کی انجری کے سبب ٹیسٹ کرکٹ سے ریٹائرمنٹ کا اعلان کردیا ہے۔

دورہ انگلینڈ میں ایک بار پھر انجری کا شکار ہونے والے شین وارن نے فوری طور پر ٹیسٹ کرکٹ سے ریٹائرمنٹ کا اعلان کردیا ہے۔

وہ ہفتے کو لارڈز میں انگلینڈ کے خلاف ہونے والے پانچ میچوں کی سیریز کے دوسرے میچ کے دوران انجری کا شکار ہوئے، اس میچ میں آسٹریلیا 64 رنز سے فتحیاب رہا۔

اپنے دس سالہ ٹیسٹ کیریئر میں وقتاً فوقتاً انجری کا شکار رہنے والے 34 سالہ آسٹریلین کھلاڑی نے آج صبح ہی اپنی ٹیم کے کھلاڑیوں کو اپنے اس فیصلے سے آگاہ کیا۔

انہوں نے کہا کہ یہ فیصلہ کرنا آسان نہیں تھا لیکن میں سمجھتا ہوں کہ یہ آگے بڑھنے کا صحیح وقت ہے تاہم میں ابھی ایک روزہ اور ٹی ٹوئنٹی کرکٹ کھیلنے کیلئے پرامید ہوں۔

واضح رہے کہ شین واٹسن کو گزشتہ کچھ عرصے سے اپنی انجری اور فارم کی وجہ سے آسٹریلین ٹیم میں جگہ برقرار رکھنے میں شدید دشواری کا سامنا تھا۔

انہوں نے 59 ٹیسٹ میچوں میں آسٹریلیا کی نمائندگی کرتے ہوئے تین ہزار 731 رنز بنائے جبکہ 75 کھلاڑیوں کو بھی ٹھکانے لگایا۔

انہوں نے اپنی شاندار کارکردگی سے آسٹریلیا کو 14-2013 ایشز سیریز جتوانے میں اہم کردار ادا کیا تھا جبکہ وہ 2011 میں سال کے بہترین ٹیسٹ کھلاڑی کا آئی سی سی کا ایوارڈ جیتنے کا اعزاز بھی رکھتے ہیں جبکہ اس کے علاوہ انہیں دو بار ایلن بارڈر میڈل جیتنے کا اعزاز بھی حاصل ہے۔

جنوری 2005 میں پاکستان کے خلاف پہلا یسٹ کھیلنے والے واٹسن نے 23 سال کی عمر میں اپنی پہلی اننگ میں 31 رنز اسکور کرنے کے ساتھ ساتھ یونس خان کو اپنے کیریئر کی پہلی وکٹ بنایا تھا۔

واٹسن نے کہا کہ میں اپنے ٹیسٹ کیریئر میں وہ سب حاصل نہ کر سکا جس کا میں نے خواب دیکھا تھا۔

ان کا کہنا تھا کہ بحیثیت آل راؤنڈ میرا خواب تھا کہ میں بلے سے 50 سے زائد کی اوسط اور گیند سے 20 کے ہندسے میں اپنا ایوریج رکھ سکوں اور میں اس کے قریب بھی کچھ نہ کر سکا۔

لیکن انہوں نے کہا کہ مجھے فخر ہے کہ میں نے جتنی بھی کرکٹ کھیلی، اس میں اپنی بہترین کارکردگی کا مظاہرہ کیا۔

یاد رہے کہ واٹسن ایک ماہ کے عرصے میں ریٹائر ہونے والے تیسرے آسٹریلین کھلاڑی ہیں جہاں اس سے قبل سابق کپتان مائیکل کلارک اور اوپنر کرس راجرز ایشز سیریز کے اختتام پر کرکٹ سے علیحدگی اختیار کر چکے ہیں۔

انتہا پسند یہودی آباد کاروں کے ہاتھوں جل کر ہلاک ہونے والے 18 ماہ کے مقتول بچے کی والدہ بھی ہلاک

نابلوس: فلسطین کے مغربی کنارے کے علاقے میں انتہا پسند یہودی آباد کاروں کے ہاتھوں جل کر ہلاک ہونے والے 18 ماہ کے بچے علی سعد دوابشا کے والد کے بعد اس کی والدہ بھی زخموں کی تاب نہ لاتے ہوئے ہلاک ہوگئیں۔

خبر رساں ادارے اے ایف پی کے مطابق فلسطینی حکام کا کہنا ہے کہ 31 جولائی کو انتہا پسند یہودی آباد کاروں نے فلسطین کے مغربی کنارے کے علاقے میں حملہ کرکے دو گھروں کو آگ لگا دی تھی، جس کے نتیجے میں 18 ماہ کا بچہ علی سعد دوابشا جل کر ہلاک ہوگیا تھا جبکہ اس کی والدہ ریحام، والد سعد دوابشا اور ایک بھائی احمد دوابشا جھلس کر زخمی ہوگئے تھے۔

زخمیوں کو مختلف ہسپتالوں میں طبی امداد کے لیے منتقل کیا گیا جہاں ان کی حالت تشویشناک بتائی گئی تھی۔

یاد رہے کہ انتہا پسند یہودی آباد کاروں کے حملے میں جل کر ہلاک ہونے والے 18 ماہ کے فلسطینی بچے علی دوابشا کے والد سعد دوابشا اپنے بیٹے کی موت کے 8 روز بعد زخموں کی تاب نہ لاتے ہوئے دوران علاج ہسپتال میں دم توڑ گئے تھے۔

تل ابیب کے ہسپتال کی ترجمان کے مطابق بچے کی والدہ ریحام بھی گزشتہ رات زخموں کی تاب نہ لاتے ہوئے ہلاک ہوگئیں.

واضح رہے کہ 26 سالہ ٹیچر ریحام کے جسم کا 80 فیصد حصہ جھلس گیا تھا اور وہ ہسپتال میں گزشتہ ماہ سے زیر علاج تھیں۔

دوابشا خاندان سے تعلق رکھنے والے انور دوابشا نے ریحام کی موت کی تصدیق کرتے ہوئے کہا ہے کہ ان کی تدفین پیر کے روز دوما میں کی جائے گی۔

خیال رہے کہ مقتول علی سعد کا 4 سالہ بھائی احمد اب بھی ہسپتال میں زیر علاج ہے۔

دو ماہ قبل فلسطین کے مغربی کنارے کے علاقے میں دوما گاؤں میں قائم متاثرہ خاندان کے گھر کو انتہا پسند یہودیوں نے جلادیا تھا اور اس کے قریب یہودیوں کے ڈیوڈ اسٹار کو پینٹ سے اسپرے کیا گیا تھا، جس کے ساتھ ’بدلہ‘ اور ’مسیحا زندہ آباد‘ کے نعرے درج تھے۔

یہ واقع اس وقت پیش آیا تھا جب مغربی کنارے کے علاقے میں یہودی آباد کاروں کی جانب سے بنائے جانے والے دو مکانات کو اسرائیلی ہائی کورٹ نے غیر قانونی قرار دے دیا تھا۔

ان مکانات کو بدھ کے روز گرایا گیا تاہم اسی روز اسرائیلی وزیراعظم نیتن یاہو نے مذکورہ علاقے میں فوری طور پر یہودی بستی کے لیے 300 مکانات کی تعمیر کی ہدایت کردی جس سے فلسطینوں میں تشویش کی لہر دور گئی۔

پاکستان گلوبل کلائمیٹ رسک انڈیکس میں دس انتہائی غیر محفوظ ممالک میں شامل

لاہور: عالمی سطح پر کام کرنے والے تھنک ٹینک جرمن واچ نے اپنے تازہ ترین گلوبل کلائمیٹ رسک انڈیکس میں پاکستان کو ماحولیاتی تبدیلیوں کے باعث دس انتہائی غیر محفوظ ملکوں میں شمار کیا ۔ایک رپورٹ میں ادارے نے کہا ہے کہ ماحولیاتی تبدیلیوں اور قدرتی آفات میں ایک مخصوص تعلق ہے۔ پائیدار ماحولیاتی مستقبل سے متعلق عالمی تحقیقی ادارے ورلڈ ریسورسز انسٹیٹیوٹ کے مطابق اگلے پندرہ برسوں میں پاکستان میں سیلاب سے متاثر ہونے والے شہریوں کی تعداد 27لاکھ تک پہنچ سکتی ہے۔ ماحولیات پر کام کرنے والے عالمی ادارے ڈبلیو ڈبلیو ایف پاکستان کے ڈائریکٹر جنرل حماد نقی خان کے مطابق پن دھارے یا واٹر شیڈز میں جنگلات کی کٹائی، دریاوں کے کناروں پر زراعت، آبادیوں اور دیگر مقاصد کے لیے کی گئی تجاوزات بارشوں اور سیلاب سے ہونے والی تباہ کاریوں کی بڑی وجوہات ہیں ۔ واضح رہے کہ 2010 میں تباہ کن بارشوں اور سیلاب سے تقریبا 1800 افراد جاں بحق ہوئے تھے جبکہ رواں برس 2015 میں سیلاب سے 169 کے قریب افراد جان کی بازی ہار گئے۔

 

2پاکستانی بھائی منشیات کی اسمگلنگ اور باغیوں کواسلحہ بیچنے کے الزام میں امریکا کے حوالے

اسپین نے ہیروئن کی اسمگلنگ اور جنوبی امریکا کے ملک کولمبیا میں باغیوں کو اسلحہ فروخت کرنے کے الزام میں 2 پاکستانی بھائیوں کو امریکا کے حوالے کردیا ہے۔ 49 سالہ وہاب چشتی عرف اینجل اور 47 سالہ حمید چشتی عرف بَینی پر منشیات سے جڑی دہشت گردی اور لاطینی امریکی ملک کولمبیا میں سرگرم باغی تنظیم فارک کو اسلحہ فراہم کرنے کا الزام ہے۔حمید اور وہاب کو اسپین نے گزشتہ برس اپریل میں امریکی حکومت کی درخواست پر گرفتار کیا تھا اور تاہم اب انہیں امریکی شہر نیویارک پہنچادیا گیا ہے جہاں ان کے خلاف عدالتی کارروائی کا آغاز کردیا گیا ہے۔دونوں بھائیوں کو نیویارک میں ایک عدالت کے سامنے پیش کیا گیا جہاں استغاثہ نے ان پر الزام عائد کیا ہے کہ انہوں نے اپریل 2014 میں نمونے کے طور پر ایک کلوگرام ہیروئن ہالینڈ میں ان افراد کے حوالے کی، جو اْن کے خیال میں فارک باغی تھے۔ پھر ان فرضی باغیوں نے جب یہ کہا کہ وہ کولمبیا میں اپنی منشیات کی تجارت کو تحفظ فراہم کرنے کی غرض سے روسی ساختہ زمین سے فضا میں مار کرنے والے میزائل خریدنا چاہتے ہیں تو یہ دونوں بھائی انہیں ہتھیار فروخت کرنے پر بھی تیار ہو گئے۔جب حمید چشتی نے میزائلوں کے بدلے پیسہ وصول کرنے کے لیے اپنے بینک اکاؤنٹ کی تفصیلات مبینہ خریداروں کے حوالے کیں تو جون 2014 میں ان دونوں بھائیوں کو اسپین میں گرفتار کر لیا گیا۔امریکی ماہرین قانون کا کہنا ہے کہ اگر ان دونوں بھائیوں کے خلاف لگائے گئے تمام الزامات ثابت ہو جاتے ہیں تو انہیں 25 سال سے لے کر عمر قید تک کی سزائیں ہو سکتی ہیں اور یوں انہیں باقی عمر امریکی جیلوں میں گزارنا پڑ سکتی ہے۔امریکی وکلائے استغاثہ اسپین سے 2 مزید ملزمان کی حوالگی کے منتظر ہیں تاہم اس میں تاخیر ہو رہی ہے کیونکہ انہوں نے وہاں سیاسی پناہ کی درخواست دے رکھی ہے، جس کے فیصلے کے بعد ہی ان کی حوالگی کا فیصلہ ہوسکے گا۔

پاکستان کیخلاف امریکہ اور عرب امارات کو اپنے ساتھ ملا لیا،بھارت

اسلام آباد(نیوز ڈیسک)بھارتی وزیر داخلہ راجناتھ سنگھ نے کہا ہے کہ انہوں نے امریکہ اور متحدہ عرب امارات کو اپنے ساتھ ملا لیا ہے۔دونوں ممالک بھی اب پاکستان سے مطالبہ کرر ہے ہیں کہ وہ دہشتگردوں کے ٹھکانے ختم کرے۔بھارتی وزیر داخلہ نے کہا کہ ان کیلئے داعش سے نمٹنا کوئی مشکل کام نہیں۔داعش کا مکمل قلع قمع کر دینگے۔راجناتھ سنگھ نے الزام لگایاکہ پاکستان بھارت کیساتھ خوشگوار تعلقات نہیں چاہتا اس لئے اس نے لائن آف کنٹرول پر سیز فائر کی خلاف ورزیاں کر رہاہے۔

عید کی آمد، سرکاری ملازمین کو تنخواہیں 21ستمبر کو ادا کرنے کی منظوری دے دی گئی

اسلام آباد (نیوزڈیسک)وفاقی وزیر خزانہ اسحاق ڈار نے سرکاری ملازمین کو عیدالاضحی منانے میں سہولت دینے کے لیے انہیں ستمبر کی تنخواہیں 21تاریخ کو ادا کرنے کی ہدایات جاری کردی ہیں۔وزارت کے جاری کردہ بیان کے مطابق وزیر خزانہ نے اس فیصلہ کی باقاعدہ منظوری دے دی ہے تاکہ تمام سرکاری ملازمین اطمینان سے قربانی کر سکیں اور عید مناسکیں۔

کولمبیا : چھ بنک لوٹنے کے بعد سائیکل پر فرار ہونے والاشخص آخر کار پکڑا گیا۔

کولمبیا: سالہ میسوری شخص 6 بنک  لوٹنے کے بعد سائیکل پر فرار ہونے میں کامیاب ہوامیسوری کی مغربی تحصیل  کے یو ایس اٹارنی آفیسر   نے کہا کہ کسٹوفر بیکر نے اعتراف جُرم کرتے ہوئے بتایا کہ اس نے  نومبر2014 سے جنوری  2015 تک کولمبیا میں  چھ بنک لُوٹے ہیں۔ اعتراف جُرم کے دوران ملزم نے مزید بتایا کہ ہر مرتبہ راہ فرار کے لیے اس نے اپنی سائیکل کا سہارا لیا۔ پولیس حکام نے مذکورہ شخص کو اس وقت گرفتار ککیا جب وہ  بنک میں اپنی ٓخری ڈکیتی کے بعد فرار ہوتے ہوئے سائیکل سے گر گیا اور پیدل بھاگنے لگا۔ پراسیکیوٹر کے مطابق ملزم بیکر نے اپنا ہیروئن کا نشہ پورا کرنے کی خاطر بنکوں  کو لوٹنے کے جرم کا اعتراف کیا ہے۔ جس کے تحت اسے بیس سال قید اور 2لاکھ50 ہزار پاؤنڈ جرمانے کی سزا سنائی گئی ہے۔

Google Analytics Alternative