آصف زرداری پر الزامات پر عمران خان کو بھی سمن کیا جاسکتا ہے،وفاقی وزیر داخلہ

وفاقی وزیر داخلہ رانا ثناء اللہ نے کہا ہے کہ آصف زرداری پر ا لزامات کے معاملے پر عمران خان کو بھی سمن کیا جاسکتا ہے۔ایک نجی ٹی وی پروگرام میں گفتگو کرتے ہوئے رانا ثناء اللہ نے کہا کہ شیخ رشید کے ساتھ جو ہورہا ہے وہ ہرگز انتقامی سیاست نہیں،ریاست کو حق ہے کہ شیخ رشید سے پوچھے کہ آپ کے پاس کیا ثبوت ہیں۔شیخ رشید کا عدالت نے دو روزہ جسمانی ریمانڈ دیا ہے۔انہوں نے سمن کے خلاف عدالت سے رجوع کیا تھا۔عدالت نے سمن جاری کرنے سے متعلق حکم دیا تھا۔ رانا ثناء اللہ نے کہا کہ شیخ رشید کو ہم نے نہیں کہا تھا کہ آپ اتنا بڑا الزام لگائیں ا لیکشن کمیشن کو ہم نے نہیں کیا کہ فواد چوہدری کے خلاف مقدمہ کرے۔فواد چوہدری کے خلاف سیکرٹری الیکشن کمیٹی نے مقدمہ کروایا تھا۔فواد چوہدرچی کے منہ پر کپڑا ڈالنے کی انکوائری کروا رہے ہیں۔